An Libro Ni Mormon (An Saro Pang Tipan Ni Jesucristo)

MORONI TSAPTER 10

2006-07-19T13:54:00.000+08:00

Sarong patotoo sa Libro ni Mormon mag-aabot sa paagi nin kapangyarihan nin Banal na Espiritu--- An mga regalo kan Espiritu pinagtatao sa mga paratubod--- An Espirituwal na mga regalo pirmeng ka-antabay nin pagtubod--- An mga tataramon ni Moroni nagsasaguysoy gikan sa alpog--- Magdulok kamo ki Cristo, magin perpekto sa saiya, asin pakabanala an saindong mga kalag.

*******

Ngonian ako, si Moroni, nagsusurat nin bagay na pighuhuna kong marhay; asin ako nagsusurat sa sakuyang mga katugangan, an mga Lamanita; asin ako nagmamawot na sinda dapat na makaaram na sobra na sa apat na gatos asin beynteng taon an naglipas na magpoon pa na an senyal pinagtao na manungod sa pag-abot ni Cristo.
2 Asin sakuyang pinagselyuhan ining mga rekord, pagkatapos na ako makapagsabi na nin kadikit na mga tataramon sa paagi nin pagpapagiromdom sa saindo.
3 Hilnga, ako magpapagiromdom saindo na sa panahon na magbabasa kamo kaining mga bagay, kun ini kadunungan nin Diyos na kamo magbabasa sainda, na tanganing saindong magigiromdoman kun gurano napano nin pagkaherak an Kagurangnan sa mga kaarakian nin mga tawo, magpoon pa sa paglalang ki Adan sagkod sa panahon na saindong maresibe an mga bagay na ini, asin paghorop-horopan ini sa saindong mga puso.
4 Asin sa panahon na maresibe nindo an mga bagay na ini, sakuyang ipagpagiromdom saindo na maghapot kamo sa Diyos, an Eternal na Ama, sa pangaran ni Cristo, kun an mga bagay na ini bakong totoo; asin kun kamo maghahapot na igwang sarong sinserong puso, na may tunay na katuyuhan, na igwang pagtubod ki Cristo, saiyang ipagpamate an katotohanan kaini sa saindo, sa paagi nin kapangyarihan kan Banal na Espiritu.
5 Asin sa paagi nin kapangyarihan kan Banal na Espiritu saindong magkakaararaman an katotoohan kan gabos na mga bagay.
6 Asin an anuman na bagay na marhay husto asin tunay; kun baya, mayong marhay na pinagsisikwal si Cristo, pero nagpapatunay na siya iyo nanggad.
7 Asin saindong maaaraman na siya iyo nanggad, sa paagi nin kapangyarihan kan Banal na Espiritu; kun baya ako magpapagiromdom saindo na dae nindo ipagsikwal an kapangyarihan nin Diyos; nin huli ta siya naggigibo na may kapangyarihan, na uyon sa pagtubod kan mga kaarakian nin mga tawo, pareho ngonian asin sa aga, asin sa daeng kasagkoran.
8 Asin giraray, ako nagpapagiromdom saindo, mga katugangan ko, na dae nindo ipagsikwal an mga regalo nin Diyos, nin huli ta sinda kadakulon; asin sinda naggigikan sa kaparehong Diyos. Asin igwa nin kadakul na mga paagi na ining mga regalo pinagpapamahala; pero ini iyo sa kaparehong Diyos na naggigibo sa gabos-gabos; asin sinda pinagtatao sa paagi nin pagpapamate kan Espiritu nin Diyos sa mga tawo, tanganing pakinabangan ninda.
9 Nin huli ta, sa saro ini pinagtatao sa paagi kan Espiritu nin Diyos, na tanganing siya puwedeng magtukdo sa tataramon nin kadunungan;
10 Asin sa iba, na tanganing siya puwedeng magtukdo sa tataramon nin kaaraman sa paagi nin kapareho man sanang Espiritu;
11 Asin sa iba man, grabeng gayo kadakulang pagtubod; asin sa iba pa, an mga regalo nin pagbubulong sa paagi nin kapareho man sanang Espiritu;
12 Asin giraray, sa iba, na tanganing siya makapaggibo nin darakulang mga milagro;
13 Asin giraray, sa iba, na tanganing siya makapagpropesiya mapanungod sa gabos na mga bagay;
14 Asin giraray, sa iba, an makahiling nin mga anghel asin pagmiministeryo nin mga espiritu;
15 Asin giraray, sa iba, gabos na klase nin mga lengguwahe;
16 Asin giraray, sa iba, an interpretasyon kan mga lengguwahe asin manlaen-laen na klaseng mga tataramon.
17 Asin an gabos na ining mga regalo naggikan sa Espiritu ni Cristo; asin sinda minaabot sa lambang manlaen-laen na mga tawo, na uyon sa saiyang kagustuhan.
18 Asin ako magpapagiromdom saindo, sakuyang namumutan na mga katugangan, na saindong paggigiromdomon na an lambang marhay na regalo naggigikan ki Cristo.
19 Asin ako magpapagiromdom saindo, sakuyang namumutan na mga katugangan, na saindong pagigiromdomon na siya pareho kasuodma, ngonian, asin sa daeng kasagkoran, asin an gabos na ining mga regalo na sakuyang pinagsasabi, na espirituwal, dae nanggad wawarao, magin sagkod na an kinaban magtitindog, laen lang kun uyon sa daeng pagtubod kan mga kaarakian nin mga tawo.
20 Kun baya, dapat na magkaigwa nin pagtubod; asin kun igwa talagang pagtubod dapat igwa man nin paglaom; asin kun igwa talagang paglaom igwa man nin pagkamoot sa kapwa tawo.
21 Asin laen lang na kamo igwang pagkamoot sa kapwa tawop kamo dae nanggad maliligtas sa kahadean nin Diyos; ni kamo maliligtas sa kahadean nin Diyos kun mayo kamong pagtubod; ni mangyari saindo kun kamo mayong paglaom.
22 Asin kun kamo mayong paglaom kamo talaga yaon sa kawaraan; asin an kawaraan nangyayari nin huli sa kadaendatahan.
23 Asin si Cristo tunay na nagsabi sa satuyang mga ama: Kun kamo igwa ning pagtubod saindong maggigibo an gabos na mga bagay na kapakipakinabang sa sakuya.
24 Asin ngonian ako magsasabi para sa gabos na katapusan nin kinaban--- na kun an aldaw mag-aabot na an kapangyarihan asin mga regalo nin Diyos hahaleon sa pag-iriba nindo, ini mangyayari nin huli sa mayong pagtubod.
25 Asin herak man sa mga kaarakian nin mga tawo kun iyo ini an mangyayari; nin huli ta mayo ni saro saindo an makakagibo nin marhay sa pag-iriba nindo, mayo ni saro. Nin huli ta kun igwang saro sa pag-iriba nindo na naggigibo nin marhay siya maggigibo sa paagi nin kapangyarihan asin mga regalo nin Diyos.
26 Asin herak man sa saiya na dae naggigibo kaining mga bagay asin magagadan, nin huli ta sinda nagadan sa saindang mga kasalan, asin sinda dae nanggad maliligtas sa kahadean nin Diyos; asin ako nagsasabi kaini uyon sa mga tataramon ni Cristo; asin ako dae nagpuputik.
27 Asin ako nagpapagiromdom saindo na tanganing magigiromdoman an mga bagay na ini; nin huli ta an panahon hidaling minaabot na kamo makakaaram na ako dae nagpuputik; nin huli ta saind akong mahihiling na yaon sa hukuman nin Diyos; asin an Kagurangnang Diyos iyo an magsasabi sa saindo: Bako daw na piangdeklara ko an sakuyang mga tataramon sa saindo, na pinagsurat kan tawong ini, na arog sa saro na nagkukurahaw gikan sa kagadanan, iyo, magin arog sa sarong nagsasaguysoy paluwas sa alpog.
28 Ako minadeklara kaining mga bagay sa kautuban kan mga propesiya. Asin hilnga, sinda magluluwas gikan sa nguso kan daeng katapusang Diyos; asin an saiyang mga tataramon padagos na magsasaguysoy gikan sa sarong henerasyon pasiring pa sa sarong henerasyon.
29 Asin an Diyos magpapahiling sa saindo, na ining sakuyang pinagsurat tunay nanggad.
30 Asin giraray ako magpapagiromdom sa saindo na kamo magdulok ki Cristo, asin mangaputan sa lambang marhay na regalo, asin dae magkapot sa mararaot na regalo, ni sa maationg bagay.
31 Asin magmata, asin magbuhat gikan sa alpog, O Jerusalem; oiyo, asin sul-uton baya an saimong madahumon na mga bado, O akeng babae ni Zion; asin pakusugon an saimong mga estaka asin palawiga an saimong mga kasagkoran sagkod pa man, na tanganing ika dae na nanggad malalawigaw, na an mga tipan kan Daeng Kasagkorang Ama na saiyang pinaghimo sa saimo, O harong nin Israel, lugod mautob.
32 Iyo, magdulok kamo ki Cristo, asin magin perpekto sa saiya, asin isikwal an saindong mga sadire sa gabos na bakong kabanalan; asin kun kamo magsisikwal kan saindong mga sadire kan gabos na bakong kabanalan, asin mamoot sa Diyos sa bilog nindong kapsugan, isip asin kusog, kaya an saiyang grasya maninigong tama sana para saindo, na sa paagi kan saiyang grasya kamo puwedeng magin perpekto ki Cristo; asin sa paagi kan grasya nin Diyos na kamo perpekto ki Cristo, kamo dae nanggad makapagsisikwal sa kapangyarihan nin Diyos.
33 Asin giraray, kun kamo sa paagi kan grasya nin Diyos nagin perpekto ki Cristo, asin dae magsisikwal kan saiyang kapangyarihan, kamo pakakabanalon ki Cristo sa paagi kan grasya nin Diyos, sa paagi kan pagpapabulos nin dugo ni Cristo, na yaon sa tipan kan Ama para sa kapatawaran kan saindong mga kasalan, na tanganing kamo magigin banal, na mayong dugta.
34 Asin ngonian ako magpapaaram na sa gabos, paaram. Ako sa di mahaloy magpapaduman na tanganing magpahingalo na sa paraiso nin Diyos, sagkod na an sakuyang espiritu asin hawak magkakasararo giraray, asin ako pagdadarahon na mapanggana sa kaitaasan nin paros, tanganing makipaghilingan saindo sa atubangan nin marahayon na hukuman kan dakulang Jehovah, an Daeng Kasagkorang Hukom kan mga buhay asin gadan. Amen.

(1:45 pm end of encoding)

MORONI TSAPTER 9

2006-07-19T13:53:00.000+08:00

An ikaduwang surat ni Mormon sa saiyang akeng lalake na si Moroni.

Parehong an mga Nephita asin mga Lamanita nagpakabuhong asin nagpakamaraot--- Sinda nagparasakitan asin naggagaradanan sa lambang saro--- Si Mormon nagpangadye na an grasya asin karahayan mag-abot ki Moroni sagkod pa man.

*******

Sakuyang namumutan na ake, ako nagsurat saimo giraray na tanganing maaraman mo na buhay pa man ako; pero ako nagsurat kan mga bagay na mas grabe kangana.
2 Nin huli ta hilnga, ako nagkaigwa nin matindihong pakikipaglabanan sa mga Lamanita, na kun saen kami dae nakagana; asin si Archeantus nagadan na sa paagi nin espada, asin man si Luram asin Emron; iyo, asin kami nawaraan nin sarong dakulang bilang kan satuyang piling mga tauhan.
3 Asin ngonian hilnga, ake ko, ako natatakot na baka an mga Lamanita iyo an magdedestroso kaining mga katawohan; nin huli ta sinda dae nagsosorolsol, asin si Satanas iyo an nag-estira sainda nin padagos na mag-anggot sa lambang saro.
4 Hilnga, ako naghihingoha na padagos na kaiba ninda; asin kun ako magtataram nin tataramon nin Diyos na may katadungan sinda pinagpanguykuyan asin nagka-aranggot kontra sakuya; asin kun ako dae naggagamit nin katadungan saindang pinapatagas an saindang mga puso kontra sainda; kun baya, ako natatakot na baka an Espiritu nin Kagurangnan mag-uuntok nang makipag-ibahan sainda.
5 Nin huli ta grabeng gayo an pinag-anggot na garo baga sakuya na sinda daeng katakutan sa kagadanan; asin sinda nawaraan na kan saindang pagkamoot, sa lambang saro; asin sinda napapaha na nin dugo asin padagos na nagbabalos.
6 Asin ngonian, sakuyang namumutan na ake, maski na ngani kan saindang katagasan, kita dapat na maghingoha na may kahigosan; nin huli ta kita igwang sarong trabaho na gigibohon habang yaon sa tabernakulo nin dalipay, na tanganing satuyang madaog an kaiwal kan gabos na katanosan, asin ipagpahingalo an satuyang kalag sa kahadean nin Diyos.
7 Asin ngonian ako nagsusurat kan mga bagay mapanungod sa mga kasakitan kaining mga katawohan. Nin huli ta uyon sa kaaraman na sakuyang naresibe gikan ki Amaron, hilnga, an mga Lamanita igwa nin kadakul na mga prisonero, na saindang nagkadarakop sa torre nin Sheirrizah; asin igwa nin mga lalake, mga babae, asin kaarakian.
8 Asin an mga agom na lalake asin mga ama kaidtong mga kababaehan asin kaarakian saindang pinaggaradan; asin saindang pinagpapakakan sa mga kababaehan an laman kan saindang mga agom na lalake, asin an mga kaarakian sa laman kan saindang mga ama; asin mayong tubig, laen lang sa kakadikiton, na saindang pinagtatao sa sainda.
9 Asin maski na ngani na arog kaini kadakulaon an karumputan kan mga Lamanita, ini dae pa makalampas sa satuyang mga katawohan na yaon sa Moriantum. Nin huli ta, hilnga, kadakul an mga kadaragahan kan mga Lamanita na saindang nagkadarakop bilang mga prisonera; asin pagkatapos na pinagbawian ninda kan bagay na mas mahalaga asin presyosa labaw pa sa gabos na mga bagay, na iyo an malinig na kapurihan asin birtud---
10 Asin pagkatapos na ginibo ninda ining bagay, saindang pinaggagaradan sinda sa sarong grabeng gayo kabangis na manera, pinagpasakitan an saindang mga hawak magin sagkod sa kagadanan; asin pagkatapos na saindang ginibo na ini, saindang pinagkakarakan an saindang laman sa arog bagay sa sarong layas na mga hayop, nin huli sa katagasan kan saindang mga puso; asin saindaing ginibo ini bilang sarong regalo nin kaisogan.
11 O sakuyang namumutan na ake, paano daw sa mga tawong arog kaini, na garo baga mayong sibilisasyon---
12 (Asin sarong kadikit na mga taon an naglipas na, asin sinda nagin sarong sibil asin sarong magagayong mga katawohan).
13 Pero O ake ko, paano daw an sarong katawohan na arog kaimi, na an kaogmahan yaon sa sobrang karumputan---
14 Paano kita makakaasa na pupugulan nin Diyos an saiyang kamot sa paghuhukom kontra satuya?
15 Hilnga, an sakuyang puso nagkukurahaw: Herak man kaining mga katawohan. Magluwas ka sa paghuhukom O Diyos, asin tagoa an saindang mga kasalan, asin karigsokan, asin mga karumputan gikan sa atubangan kan saimong lalawgon!
16 Asin giraray, ake ko, igwa pa nin kadalkul na mga balo asin an saindang mga kadaragahan na nagkatarada sa Sherrizah; asin idtong parte kan mga kakanon na an mga Lamanita dae pa pinagdara, hilnga, an armada ni Zenephi iyo an nag-aragaw kaini, asin pinabayaan sindas na magkparalakaw sa maski saeng lugar na sinda makakua nin kakanono, asin kadakul na gurang nang mga kababaehan na pinanluyahan habang naglalakaw asin nagkagaradan.
17 Asin an armada na kairiba ko maruluya na; asin an mga armada kan mga Lamanita yaon sa katahawan nin Sherrizah asin kami; asin habang kadakul an nagdurulag pasiring sa armada ni Aaron nagkagaradan bilang mga biktima kan saindang makangorongirhat na brutalidad.
18 O an kabuhungan kan sakuyang mga katawohan! Sinda mayong patakaran asin mayong pagkaherak. Hilnga, ako saro sanang tawo, asin ako igwa nin kusog nin saro sanang tawo, asin ako dae na makapagpasunod kan sakuyang mga kasugoan.
19 Asin sinda nagin makusugon sa saindang kabalikoan; asin sinda arog sa sarong mabangis, mayong patawad, ni sa gurang man o sa hoben; asin sinda nag-oogma sa lambang bagay laen lang kan bagay na marhay; asin an kasakitan kan satuyang mga kababaehan asin kan satuyang kaarakian sa bilog na lalawgon kaining kadagaan nagsobra pa sa lambang bagay; iyo, an dila dae makapagsabi, ni ini maisusurat.
20 Asin ngonian, ake ko, ako dae na makapag-eerok pa sa arog kaining mangirhat na eksena. Hilnga, saimong naaaramang gayo an karigsokan kaining mga katawohan; saimong naaaramang gayo na sinda mayo nin prinsipyo, asin mga manhid; asin an saindang karigsokan nagsobra pa kesa sa mga Lamanita.
21 Hilnga, ake ko, ako dae makapagrekomenda sainda sa Diyos na baka saiya akong paghahampakon.
22 Pero hilnga, ake ko, ako nagrekomenda saimo sa Diyos, asin ako nagtitiwala ki Cristo na ika maliligtas; asin ako nagpangadye sa Diyos na saiyang paliligtason an saimong buhay, na tanganing magtestigo sa pagbabalik kan saiyang mga katawohan sa saiya, o kan saindang bilog na kapahamakan; nin huli ta ako nakakaaram na sinda dapat na magkaparara laen lang kun sinda nagsorolsol asin nagbaralik sa saiya.
23 Asin kun sinda mapapara ini magigin arog na pangyayari sa mga Jaredita, nin huli sa sobrang mga kamawotan kan saindang mga puso, naghahanap nin dugo asin pagbabalos.
24 Asin kun sinda mangyayaring magkaparara, kita nakakaaram na kadakul kan satuyang mga katugangan na nagbaralyo pasiring sa mga Lamanita, asin kadakul pang gusto na magbalyo sa sainda; kun baya, magsurat ka nin kadikit pang mga bagay, asin kun ika maligtas asin ako mapapara na asin dae ka na mahihiling; pero ako nagtitiwala na mahihiling ta ka pa sa madaling panahon; nin huli ta igwa akong sagradong mga talaan na sakuyang itatao sa saimo.
25 Ake ko, magi kan pano nin pagtubod ki Cristo; asin lugod bako ining mga bagay na sakuyang pinagsusurat an makapagkulog saimo, na tanganing panluyahan ka sagkod sa kagadanan; pero lugod si Cristo iyo an magpapa-itaas saimo, asin lugod an saiyang mga kasakitan asin kagadanan, asin an pagpapahiling kan saiyang hawak sa satuyang mga ama, asin an saiyang pagkaherak asin halawig na pagtitios, asin an paglaom kan saiyang kamurawayan asin daeng kasagkorang buhay, magdanay lugod sa saimong isip sagkod pa man.
26 Asin lugod an grasya nin Diyos an Ama, na an saiyang trono yaon sa kaitaasan nin mga langit, asin an satuyang Kagurangnan na si JesuCristo, na nagtutukaw sa toong kamot kan saiyang kapangyarihan, sagkod na an gabos na bagay magin sakop na sa saiya, mangyari, asin mag-antabay lugod sa saimo sagkod pa man. Amen.

MORONI TSAPTER 8

2006-07-19T13:52:00.000+08:00

An pagbubunyag nin umboy sarong maraot na abominasyon--- An mga saradit na mga kaarakian buhay ki Cristo nin huli kan saiyang pagbabayad-sala--- Pagtubod, pagsosolsol, kabootan asin kapakumbabaan nin puso, nagreresibe kan Bana na Espiritu, asin an pagpakatatag sagkod sa katapusan magdadara sa kaligtasan.

*******

Sarong surat kan sakuyang ama na si Mormon, pinagsurat para sa sakuya, si Moronil; asin ini pinagsurat sa sakuya sa dae pa naghaloy pagkatapos na ako pinag-apudan sa ministeryo. Asin sa arog kaining paagi siya nagsurat sa sakuya, na nagsasabi:
2 Sakuyang namumutan na ake, Moroni, ako naogmang gayo na an saimong Kagurangnan na si JesuCristo nagin mapagmangno sa saimo, asin nag-apod saimo sa saiyang ministeryo, asin sa saiyang banal na gibo.
3 Ako nagin mapagmangno pirme saimo sa sakuyang mga pangadyeon, padagos na nagpapangadye sa Diyos an Ama sa pangaran kan saiyang Banal na Ake, si Jesus, na tanganing siya, sa paagi kan saiyang daeng kasagkoran na karahayan asin grasya, magbabantay saimo sa paagi nin katatagan nin pagtubod sa saiyang pangaran sagkod sa katapusan.
4 Asin ngonian, ake ko, ako nagtataram sa saimo mapanungod sa bagay na nakapagpamundo sakuya nin grabeng gayo; nin huli ta ini nagpapamundo sakuya na nagkaigwa nin mga pag-iiriwal-iwal na nangyayari sa pag-iriba nindo.
5 Nin huli ta, kun sakuyang naaraman an katotohanan, na nagkaigwa na nin mga pag-iiriwal-iwal sa pag-iriba nindo mapanungod sa pagpapabunyag kan saindong mga saradit na kaarakian.
6 Asin ngonian, ake ko, ako nagmamawot na ika magmaigot sa pagtrabaho, na ining dakulaon na kamalean dapat na mahale gikan sa pag-iriba nindo; nin huli ta, sa arog kaining katuyuhan ako nagsurat kaining surat.
7 Nin huli ta sa hidaling paagi pagkatapos na sakuyang nagka-araraman an mga bagay na ini gikan saindo ako naghapot sa Kagurangnan mapanungod kaining bagay. Asin an tataramon nin Kagurangnan nag-abot sakuya sa paagi nin kapangyarihan kan Banal na Espiritu, na nagsasabi:
8 Magdangog sa mga tataramon ni Cristo, an saindong Paratubos, an saindong Kagurangnan asin an saindong Diyos. Hilnga, ako nagpadigde sa kinaban bako na pag-aapudon ko an mga matatanos kundi an mga parakasala na magsorolsol; an marhay dae nangangaipo nin doktor, kundi sinda na igwang kasakitan; kun baya, an mga saradit na kaarakian bilog, nin huli ta sinda daeng kakayahan na makakakomiter nin kasalan; kun baya an sumpa ni Adan pinagkua gikan sainda sa sakuya, na ini mayong kapangyarihan na mangingibabaw sa sainda; asin an ley nin pagtuturi pinaghale na sa sakuya.
9 Asin sa arog kaining manera na an Banal na Espiritu nagpatotoo sa tataramon nin Diyos sa sakuya; kun baya, sakong namumutan na ake, ako nakakaaram na ini sarong banal na pagtutuya-tuya sa atubangan nin Diyos, na kamo dapat na magbubunyag nin saradit na mga kaarakian.
10 Hilnga ako nagsasabi sa saindo na an bagay na ini saindong ipagtukdo--- pagsosolsol asin pagbubunyag sa sainda na igwa na nin pananagutan asin kapable nang makagibo nin kasalan; iyo, tukdoan an mga magurang na sinda dapat na magsorolsol asin magpabunyag, asin magpakumbaba kan saindang mga sadire arog kan saindang mga saradit na kaarakian, asin sinda gabos magigin ligtas na kairiba an saindong saradit na kaarakian.
11 Asin an saindang saradit na kaarakian dae na nangangaipong magsolsol, ni mabunyagan. Hilnga, an magpabunyag iyo an pasiring sa pagsosolsol sa pag-utob kan mga kasugoan sagkod sa kapatawadan nin mga kasalan.
12 Pero an saradit na mga kaarakian buruhay ki Cristo, magin magpoon pa sa pundasyon kan kinaban; ta kun bako, an Diyos sarong Diyos na may pigkikilingan, asin man sarong nagbabagong Diyos; asin sarong may pinalabing mga tawo; nin huyli ta gurano kadakul an saradit na mga kaarakian an nagkagaradan na na mayong pagbubunyag!
13 Kun baya, kun an saradit na mga kaarakian dae maliligtas kun mayong pagbubunyag, an mga ini kuta napaduman na sa daeng katapusan na impiyerno.
14 Hilnga ako nagsasabi sa saimo, na siya na naghuhuna-huna na an saradit na mga kaarakian nangangaipong pabubunyagan yaon sa sukdulan nin kapaitan asin yaon sa pagkakagapos nin kadaendatahan; nin huli ta siya igwa nin arin na pagtubod, paglaom, asin pagkamoot sa kapwa; kun baya dapat ba siyang ipagsikwal na sa kaisipan, siya na dapat na magpasiring paibaba sa impiyerno.
15 Nin huli ta makangorongirhat an karigsokan na maghuhuna-huna na an Diyos nagliligtas nin sarong ake nin huli ta siya mayong pagbubunyag, asin an iba man dapat na mawara nin huli ta siya mayong pagbubunyag.
16 Herak man sinda na magsusuhay sa mga dalan nin Kagurangnan sa arog kaining manera, nin huli ta sinda mapapara laen lang kun sinda magsosolsol. Hilnga, ako nagtataram na may kakusgan, na igwang autoridad gikan sa Diyos; asin ako dae natatakot kun ano an magigibo nin tawo; nin huli ta an perpektong pagkamoot nagpapahale nin gabos na katakutan.
17 Asin ako pano nin pagkamoot sa kapwa, na iyo an daeng katapusan na pagkamoot; kun baya, an gabos na mga kaarakian siring sa sakuya; kun baya, ako namumuot sa saradit na mga kaarakian na igwa nin perpektong pagkamoot asin sinda gabos pare-pareho asin kaparte sa kaligtasan.
18 Nin huli ta ako nakakaaram na an Diyos bakong sarong Diyos na may kinikilingan, ni sarong may pagbabagong nilalang; kundi siya iyo an daeng pagbabago magpoon pa sa gabos na daeng kasagkoran hanggan sa gabos na daeng kasagkoran.
19 An saradit na mga kaarakian dae makakapagsosolsol; kun baya, ini sarong makangorongirhat na karigsokan na ipagsisikwal an tunay na mga pagkaherak nin Diyos sa sainda, nin huli ta gabos buhay sa saiya nin huli kan saiyang pagkaherak.
20 Asin siya na nagsasabi na an saradit na kaarakian kaipong mabunyagan nagsisikwal sa mga pagkaherak ni Cristo, asin pinagpamugtak sa mayo an pagbabayad-sala niya asin an kapangyarihan kan saiyang pagtutubos.
21 Herak man sa mga arog kaini, nin huli ta sinda napapamugtak sa kagadanan, impiyerno, asin sa sarong daeng katapusan na pagpapasakit. Ako nagtataram kaini na may kakusgan; an Diyos an nagsugo sakuya. Magdangog ka sainda asin magsunod, o sinda magtitindog kontra saimo sa tukawan nin paghuhukom ni Cristo.
22 Nin huli ta hilnga, an gabos na mga kaarakian buhay ki Crsito, asin man gabos sinda na namumuhay na mayong ley. Nin huli ta an kapangyarihan nin pagtutubos minaabot sa gabos ninda na mayong ley; kun baya, siya na bakong pinagkondensa, o siya na dae nasasakupan nin kondenasyon, dae makakapagsolsol; asin sa arog na pagpapabunyag mayong nakakamit---
23 Pero ini sarong katuyawan sa atubangan nin Diyos, paninikwal sa mga pagkaherak ni Cristo, asin sa kapangyarihan kan saiyang Espiritu Santo, asin pagpapamugtak nin tiwala sa mga gadan na gibo.
24 Hilnga, ake ko, an bagay na ini dae dapat na mangyari; nin huli ta an pagsosolsol para sainda na sakop sa kondenasyon asin sakop sa sumpa nin sarong paglapas sa ley.
25 Asin an enot na mga bunga nin pagsosolsol iyo an pagbubunyag; asin an pagpapabunyag minaabot sa paagi nin pagtubod sagkod sa pag-utob sa mga kasugoan; asin an pag-uutob sa mga kasugoan nagdadara sa kapatawaran nin mga kasalan.
26 Asin an kapatawaran kan mga kasalan nagdadara nin kabootan, asin kapakumbabaan nin puso; asin nin huli sa kabootan asin kapakumbabaan nin puso minaabot an pagdalaw kan Banal na Espiritu, na iyo an Tagaranga na nagpapano nin paglaom asin perpektong pagkamoot, na an pagkamoot na ini minatagal sa paagi nin pagmamaigot sa pagpapangadye, sagkod na an katapusan mag-aabot, sa panahon na an gabos na mga banal mag-eerok na kaiba an Diyos.
27 Hilnga, ake ko, ako magsusurat giraray saimo kun ako dae pa magpaduman sa dae mahaloy na panahon tanganing makilaban kontra sa mga Lamanita. Hilnga, an kapaabaw-abawan kaining nasyon, o an mga katawohan kan mga Nephita, iyo an nagpapatunay kan saindang kapahamakan laen lang kun sinda magsosolsol.
28 Magpangadye ka para sainda, ake ko, na tanganing an pagsosolsol mag-abot sa sainda. Pero hilnga, ako natatakot na baka an Espiritu mag-uuntok nang makiki-iba sa sainda; asin sa parteng ini nin kadagaan sinda man nagmamawot na ibagsak an gabos na kapangyarihan asin autoridad na maggigikan sa Diyos; asin saindang pinagsisikwal an Banal na Espiritu.
29 Asin pagkatapos kan paninikwal sa dakulaon na kaaraman, ake ko, sinda mapapara sa madaling panahon, sa pagkautob kan mga propesiya na pinagtaram na kan mga propeta, asin man an mga tataramon kan satuyang Paraligtas mismo.
30 Paaram, ake ko, hanggan sa ako makapagsurat pa, o saimo, o sa pagkahirilingan ta giraray. Amen.

MORONI TSAPTER 7

2006-07-18T09:46:00.000+08:00

Sarong imbitasyon na maglaog sa kapahingaloan nin Kagurangnan--- Magpangadye na igwang tunay na katuyuhan--- An Espiritu ni Cristo makapagtaguyod sa mga tawo na makakaaram nin marhay sa maraot--- Si Satanas naghihikayat sa mga tawo na isikwal si Cristo asin gumibo nin maraot--- An mga propeta nagpapatotoo sa pag-abot ni Cristo--- Sa paagi nin pagtubod an mga milagro nangyayari asin an mga anghel nagmiministro--- An mga tawo dapat na maglaon para sa daeng kasagkorang buhay asin magkadarayupot sa pagkamoot sa kapwa-tawo.

*******

Asin ngonian ako, si Moroni, nagsurat nin kadikit kan mga tataramon kan sakuyang ama na si Mormon, na saiyang pinagsasabi an mapanungod sa pagtubod, paglaom, asin pagkamoot sa kapwa-tawo; nin huli ta sa arog kaining manera siya nagtaram sa mga katawohan, habang siya nagtutukdo sainda sa laog nin sinagoga na saindang pinagtugdok para sa lugar nin pagsamba.
2 Asin ngonian ako, si Mormon, nagtataram sa saindo, sakuyang mga namumutan na mga katugangan; asin ini nin huli sa grasya nin Diyos an Ama, asin kan satuyang Kagurangnan na si JesuCristo, asin an saiyang banal na katugunan, nin huli sa regalo kan saiyang pangapudan sa sakuya, na tanganing ako pinagtaw-anan nin permiso na makapagtaram sa saindo sa oras na ini.
3 Kun baya, ako magtataram sa saindo na yaon sa laog nin simbahan, na iyo an matuninong na mga parasunod ni Cristo, asin na igwang nakamtan nin sarong tamang paglaom na kun saen kamo makakalaog sa kapahingaloan nin Kagurangnan, magpoon sa panahon na ini asin sa maarabot pa sagkod na kamo magpapahingalo na kaiba niya sa langit.
4 Asin ngonian mga katugangan ko, ako minahusga kan mga bagay na ini sa saindo nin huli kan saindong matuninong na paglalakaw kaiba an mga kaarakian nin mga tawo.
5 Nin huli ta ako nakagiromdom sa tataramon nin Diyos na nagsasabi na sa paagi kan saindong mga gibo kamo makakamidbid sainda; nin huli ta kun an saindang mga gibo magin marhayon, kaya sinda marahayon man.
6 Nin huli ta hilnga, an Diyos nagsasabi na an sarong tawo bilang sarong maraot dae makakagibo nin bagay na marahayon; nin huli ta kun siya nagdudulot nin sarong regalo, o nagpapangadye sa Diyos, laen lang kun siya naggigibo kaini na igwang tunay na katuyuhan ini mayong kamanungdanan saiya.
7 Nin huli ta hilna, ini daeng pinagbibilang sa saiya na sarong pagkamatanos.
8 Nin huli ta hilnga, kun an sarong tawong maraoton na nagtatao nin sarong regalo, saiyang pinagigibo ini na may kulog nin boot; kun baya ini pinagbibilang sa saiya na garo man sang yaon saiya an regalo; kun baya siya pinagbibilang na maraot sa atubangan nin Diyos.
9 Asin arog man kaini na pinagbilang daw na maraoton sa sarong tawo, na kun siya nagpapangadye asin mayo nin tunay na katuyuhan kan saiyang puso; iyo, asin ini daeng kapakinabangan sa saiya, nin huli ta an Diyos dae nag-aako kan bagay na ini.
10 Kun baya, an sarong tawong maraoton dae makakapaggibo kan bagay na marahayon; ni makakapagtao siya nin sarong marahayon na regalo.
11 Nin huli ta hilnga, an sarong mapaiton na burabod dae makakapagtao nin marahayon na tubig; ni an sarong marahayon na burabod makakapagtao nin mapaiton na tubig; kun baya, an sarong tawo bilang sarong surugoon kan diyablo dae makakasunod ki Cristo; asin kun siya magsusunod ki Cristo siya bakong sarong surugoon kan diyablo.
12 Kun baya, an gabos na bagay na marahayon naggigikan sa Diyos; asin an mga bagay na maraoton naggigikan sa diyablo; nin huli ta an diyablo sarong kalaban sa Diyos, asin padagos na nakikipaglaban kontra sa saiya, asin nag-iimbita asin naghihikayat na magkasala, asin padagos na gumibo nin bagay na mararaot.
13 Pero hilnga, ining bagay na gikan sa Diyos nag-iimbita asin naghihikayat na padagos na gumibo nin marhay; kun baya, an lambang bagay na nag-iimbita asin naghihikayat na gumibo nin marhay, asin magmomoot sa Diyos, asin magsirbe saiya, inspirado nin Diyos.
14 Kun baya, mag-ingat kamo, sakuyang mga namumutan na mga katugangan, na tanganing kamo dae makapaghusga na idtong bagay na mararaot naggikan sa Diyos, o ining bagay na marahayon asin idtong naggikan sa Diyos naggigikan man sa diyablo.
15 Nin huli ta hilnga, sakuyang mga katugangan, ini pinagtao sa saindo tanganing maghusga kamo, na tanganing kamo makakaaram nin marhay kesa maraot; asin an paagi nin paghuhusga siring sa kalantadan, na tanganing kamo makakaaram na igwang perpektong kaaraman, siring sa liwanag nin ka-aldawan gikan sa diklom nin banggi.
16 Nin huli ta hilnga, an Espiritu ni Cristo pinagtatao sa lambang tawo, na tanganing saiyang maaraman an marhay sa maraot; kun baya, ako magpapahiling sa saindo kan dalan nin paghuhusga; nin huli ta an lambang bagay na nag-iimbita na gumibo nin mrahya, asin maghikayat na magtubod ki Cristo, ipinadara sa paagi nin kapangyarihan asin regalo ni Cristo; kun baya saindong magkakaararaman na igwang perpektong kaaraman na naggigikan sa Diyos.
17 Pero an anuman na bagay na naghihikayat sa mga tawo na gumibo nin maraot, asin dae nagtutubod ki Cristo, asin pinagsisikwal siya, asin dae nagsisirbe sa Diyos, saka nindo magkakaararaman na igwang perpektong kaaraman na ini naggigikan sa diyablo; nin huli ta sa arog kaining manera an diyablo naggigibo, nin huli ta siya dae naghihikayat sa tawo na gumibo nin marhay, dae, mayo ni saro; ni an saiyang mga anghel; ni naggibo sindang magpasakop sa saiya.
18 Asin ngonian, sakong mga katugangan, saindong nahihiling na tanganing kamo makaaram sa liwanag na kamo puwedeng makapaghusga, na an liwanag iyo an liwanag ni Cristo, hilingon nindo na kamo dae makapaghusga nin kasalaan; nin huli ta sa kaparehong paghuhusga na saimong pinaghukom kamo man paghuhukuman.
19 Kun baya, ako nakiki-olay sa saindo, katugangan, na kamo maigot na maghanap sa liwanag ni Cristo na tanganing kamo makakaaram nin marhay sa maraot; asin kun kamo mangangaputan sa lambang marhay na bagay, asin dae nindo ini pagkokondenaron, kamo seguradong gayo na magigin sarong ake ni Cristo.
20 Asin ngonian, sakong mga katugangan, gurano daw ini kaposible na kamo puwedeng mangangaputan sa lambang marhay na bagay?
21 Asin ngonian ako nakaabot na sa pagtubod na iyan, na kun saen ako nagsasabi na sakuyang itataram; ako magsasabi sa saindo kan dalan kun saen kamo puwedeng mangangaputan sa lambang marhay na bagay.
22 Nin huli ta hilnga, an Diyos na nakakaaram kan gabos na mga bagay, bilang yaon sa daeng kasagkoran, hilnga, siya nagpadara nin mga anghel tanganing magministeryo sa kaarakian nin mga tawo, tanganing ipagpapaaram an mapanungod sa pag-abot ni Cristo; asin ki Cristo igwang minagikan nin lambang marhay na bagay.
23 Asin Diyos man nagdeklara sa mga propeta, sa paagi kan saiyang sadireng nguso, na si Cristo dapat na mag-abot.
24 Asin hilnga, nagkaigwa nin kadakuol na manlaen-laen na mga dalan na siya nagpahiling nin mga bagay sa mga kaarakian nin mga tawo, na mga marhay; asin an gabos na bagay na marhay naggigikan ki Cristo; ta kun dae an mga tawo nagkahurulog, asin dae magkakaigwa nin marhay na bagay na makaabot sa sainda.
25 Kun baya, sa paagi kan pagmiministeryo kan mga anghel, asin sa paagi kan lambang tataramon na nagluluwas sa nguso nin Diyos, an mga tawo nagpoon na mag-ehersisyo nin pagtubod ki Cristo; asin kaya sa paagi nin pagtubod, sinda nagkarapot sa lambang bagay na marahayon; asin kaya iyo ini sagkod sa pag-abot ni Cristo.
26 Asin pagkatapos na siya mag-abot an mga tawo man maliligtas sa paagi nin pagtubod sa saiyang pangaran; asin sa paagi nin pagtubod, sinda nagin mga akeng lalake nin Diyos. Asin habang segurado na si Cristo nabubuhay siya nagtaram kan mga tataramong ini sa satuyang mga ama, na nagsasabi: An anuman na bagay na saindong hahagadon sa Ama sa pangaran ko, na marhay, sa pagtubod naniniwala na saindong mareresibe, hilnga, ini mangyayari sa saindo.
27 Kun baya, sakuyang namumutan na mga katugangan, an mga milagro daw nag-untok na nin huli ta si Cristo nagsakat na sa langit, asin nagtutukaw na sa toong kamot nin Diyos, tanganing akoon sa Ama an saiyang mga karapatan nin pagkaherak na igwa siya para sa mga kaarakian nin mga tawo?
28 Nin huli ta saiyang pinagsimbag an mga katapusan nin ley, asin siya nag-aako sa gabos sainda na igwang pagtubod saiya; asin sinda na igwang pagtubod sa saiya mangangaputan sa lambang marahayon na bagay; kun baya saiyang pinagpanindugan an kausa kan mga kaarakian nin mga tawo; asin siya nag-eerok nin daeng kasagkoran sa mga kalangitan.
29 Asin nin huli ta saiyang ginibo ini, sakuyang namumutan na mga katugangan, an mga milagro daw nag-untok na? Hilnga ako nagsasabi sa saindo, Dae; ni an mga anghel nag-untok na sa pagmiministeryo sa kaarakian nin mga tawo.
30 Nin huli ta hilnga, sinda nagpasakop sa saiya, tanganing magmiministeryo na uyon sa tataramon kan saiyang kasugoan, nagpapahiling kan saindang mga sadire sa sainda na igwang makusog na pagtubod asin sarong pusog na isip sa lambang porma nin kabanalan.
31 Asin an opisina kan saindang ministeryo iyo an pag-apod sa mga tawo na magsorolsol, asin mag-uutob asin gibohon an trabaho kan mga tipan nin Ama, na saiyang pinaghimo sa mga kaarakian nin mga tawo, sa paagi kan pagdeklara kan tataramon ni Cristo paduman sa mga piniling kaaganan nin Kagurangnan, na tanganing sinda makapagpapatotoo sa saiya.
32 Asin sa paagi kan paggibo kaini, an Kagurangnang Diyos nagpreparar nin dalan na an katadaan nin mga tawo magkaigwa nin pagtubod ki Cristo, na an Banal na Espiritu magkaigwa nin kamumugtakan sa saindang mga puso, na uyon sa kapangyarihan kaini; asin sa arog kaining manera madadarang maglipas an Ama, an mga tipan na saiyang pinaghimo sa mga kaarakian nin mga tawo.
33 Asin si Cristo nagsabi: Kun kamo magkakaigwa nin pagtubod sakuya kamo magkakaigwa nin kapangyarihan na gibohon an anuman na bagay na kapakipakinabang sakuya.
34 Asin siya nagsabi: Magsolsol kamo gabos na mg katapusan nin kinaban, asin magdulok sa sako, asin magpabunyag sa sakuyang pangaran, asin magkaigwa nin pagtubod sakuya, na tanganing kamo magkariligtas.
35 Asin ngonian, sakuyang namumutan na mga katugangan, kun iyo ini an kaso na an mga bagay na ii totoo na sakuyang pinagsasabi sa saindo, asin Dios an magpapahiling sa saindo, na may kapangyarihan asin dakulaong kamurawayan sa huring aldaw, na sinda totoo, asin kun sinda totoo an aldaw kaya kan mga milagro nag-untok na?
36 O an mga anghel nag-untok na sa pagpapahiling sa mga kaarakian nin mga tawo? O saiya nang pinagbawi an kapangyarihan kan Banal na Espiritu gikan sainda? O baya siya, habang an panahon nagtatagal pa, o an kinaban kaya magtitindog, o magkakaigwa nin sarong tawo sa lalawgon kaini na ililigtas?
37 Hilnga ako nagsasabi sa saindo, Dae; nin huli ta ini sa paagi nin pagtubod na an mga milagro nagyayari pa; asin ini sa paagi nin pagtubod na an mga anghel nagpapahiling asin nagmiministeryo sa mga tawo; kun baya, kun an mga bagay na ini nagka-uruntok na herak man sa mga kaarakian nin mga tawo, nin huli ta iyo na ini an huli kan daeng pagtubod, asin an gabos daeng kamugtakan na.
38 Nin huli ta mayong tawo an puwedeng maliligtas, uyon sa mga tataramon ni Cristo, laen lang kun sinda magkakaigwa nin pagtubod sa saiyang pangaran; kun baya, kun an mga bagay na ini nagka-uruntok na, kaya an pagtubod daw nag-untok na man; asin makangorongirhat an kamugtakan nin tawo, nin huli ta sinda garo baga arog sa dae pa nagkaigwa nin pagtubos na ginibo.
39 Pero hilnga, sakuyang namumutan na mga katugangan, ako naghuhusga nin mga marahayon na mga bagay sa saindo, nin huli ta ako maghuhusga na tanganing kamo magkaigwa nin pagtubod ki Crsito nin huli kan saindong kabootan; nin huli ta kun kamo mayong pagtubod saiya kaya kamo dae maninigo na ipagbilang sa pag-iriba kan mga katawohan kan saiyang simbahan.
40 Asin giraray, sakuyang namumutan na mga katugangan, ako magsasabi sa saindo mapanungod sa paglaom. Paano daw kamo makapagkua nin pagtubod, laen lang kun kamo magkaigwa nin paglaom?
41 Asin ano baya ini na saindong pinaglalaoman? Hilnga ako nagsasabi sa saindo na kamo magkakaigwa nin paglaom sa paagi kan pagbabayad-sala ni Cristo asin an kapangyarihan kan saiyang pagkabuhay-liwat, tanganing buhayon-liwat sa buhay na daeng kasagkoran, asin ini iyo nin huli kan saindong pagtubod sa saiya na uyon sa promisa.
42 Kun baya, kun an sarong tawo igwang pagtubod siya dapat na magkakaigwa nin paglaom; nin huli ta kun mayong pagtubod dae magkakaigwa nin anuman na paglaom.
43 Asin giraray, hilnga ako nagsasabi sa saindo na siya dae magkakaigwa nin pagtubod asin paglaom, laen lang na siya mabooton, asin mapagpakumbaba sa puso.
44 Kun iyo ini, an saiyang pagtubod asin paglaom daeng kamugtakan, nin huli ta mayo ni saro kaini an pinagtatanggap sa atubangan nin Diyos, laen lang an mga maboboot asin mapagpakumbaba an mga puso; asin kun an sarong tawo nagin mabooton asin mapagpakumbaba an puso, asin nagkukumpisal sa paagi nin kapangyarihan nin Banal na Espiritu na si Jesus iyo an Cristo, siya dapat na magkaigwa nin pagkamoot sa kapwa-tawo, siya mayong kamugtakan; kun baya siya dapat na magkaigwa nin pagkamoot sa kapwa-tawo.
45 An pagkamoot sa kapwa-tawo nagtitios nin halawig, asin mabooton, asin dae naaara, asin bakong mapagpalangkaw, naghahanap bako para sa sadire niya sana, dae tulos-tulos nag-aanggot, dae nag-iisip nin maraot, asin dae nag-oogma sa kadaendatahan pero nag-oogma sa katotoohan, pinagdadara an gabos ng mga bagay, nagtutubod sa gabos na mga bagay, naglalaom sa gabos na mga bagay, nagtatagal sa gabos na mga bagay.
46 Kun baya, sakuyang namumutan na mga katugangan, kun kamo mayong pagkamoot sa kapwa-tawo, kamo mayong kamugtakan, nin huli ta an pagkamoot sa kapwa-tawo dae nagpapabaya. Kun baya, mamuhay na may pagkamoot sa kapwa-tawo, na iyo an pinakahalangkaw sa gabos, nin huli ta an gabos na mga bagay nagkukulang---
47 Pero an pagkamoot sa kapwa-tawo iyo an tunay na pagkamoot ni Cristo, asin ini nagtatagal sa daeng kasagkoran; asin an siisay man baya na managboan na nangangaputan kaini sa huring aldaw, ini magigin marahayon sa saiya.
48 Kun baya, sakuyang namumutan na mga katugangan, magpangadye sa Ama na igwang bilog na enerhiya kan puso, na tanganing kamo puwedeng mapano kaining pagkamoot, na saiyang pinagtao sa gabos na mga tunay na parasunod kan saiyang Ake, si JesuCristo; na tanganing kamo man magigin mga akeng lalake nin Diyos; asin sa panahon na siya magpapahiling kita magigin arog na gayo sa saiya; nin huli ta mahihiling ta siya bilang siya; na tanganing kita magkaigwa kaining paglaom; na tanganing kita puwedeng pakalinigon magin arog sa saiya na puro. Amen.

MORONI TSAPTER 6

2006-07-18T09:39:00.000+08:00

An nagsosolsol na tawo pagbubunyagan asin pakiki-ibahan--- An mga miyembro kan simbahan na nagsosolsol pinagpapatawad--- An mga pagtiripon pinaggigibo sa paagi nin kapangyarihan kan Banal na Espiritu.

*******

Asin ngonian ako magtataram mapanundog sa pagbubunyag: Hilnga, mga elder, mga kapadean, asin mga paratukdong pinagburunyagan na; asin sinda dae pinagburunyagan laen lang na sinda nagdara nin bungang nahihiling na tanganing sinda maninigo kaini.
2 Ni sinda nagresibe nin siisay man na magpabunyag laen lang na kun sinda magdudulok na igwang sarong nagmumundong puso asin sarong nagsosolsol na espiritu, asin magpatotoo sa simbahan na sinda tunay na nagsosolsol kan gabos nindang mga kasalanan.
3 Asin mayong pinagresibe sa bunyag laen lang na saindang darahon sa saindang mga sadire an pangaran ni Cristo, na igwang determinasyon na magsisirbe saiya sagkod sa katapusan.
4 Asin pagkatapos na sinda pinagresibe sa bunyag, asin sinda pinaghaya asin pinaglinigan sa kapangyarihan kan Banal na Espiritu, sinda nakabilang na sa pag-iriba nin mga katawohan na yaon sa simbahan ni Cristo; asin an saindang mga pangaran pinagkua, na tanganing sinda puwedeng makagiromdom asin pakamahalon sa paagi kan marhayon na tataramon nin Diyos, tanganing alagaan sinda sa tamang dalan, tanganing alagaan sinda sa padagos na pagbabantay sa pangadyeon, na naglalaom sana sa mga merito ni Cristo, na iyo an kaggibo asin kagtapos kan saindang pagtubod.
5 Asin an simbahan perming nagtitiripon-tipon, sa pag-aayuno asin pagpapangadye, asin nagtataram sa lambang saro manungod sa kapakanan kan saindang mga kalag.
6 Asin sinda nagkakahirilingan na magkasararo pirme tanganing makiparte sa tinapay asin arak, sa paggigiromdom sa Kagurangnang Jesus.
7 Asin sinda estrikto sa pag-oobserba na dae dapat na magkaigwa nin kadaendatahan sa pag-iriba ninda; asin an siisay man na maaaraman na nakagibo nin kadaendatahan, asin may tulong testigo kan simbahan na magkokondenar sainda sa atubangan kan mga elder, asin kun sinda dae nagsosolsol, asin habong magkukumpisal, an saindang mga pangaran pinagpapara, asin sinda dae na pinagbibilang na kairiba nin mga katawohan ni Cristo.
8 Pero habang sinda pirmeng nagsosolsol asin naghahagad nin kapatawadan, na may tunay na katuyuhan, sinda pinagpapatawad.
9 Asin an saindang mga pagtitiripon-tipon pinaggigibo kan simbahan na arog sa manera kan mga pinagpapagibo kan Espiritu, asin an paagi nin kapangyarihan kan Banal na Espiritu; nin huli ta habang an kapangyarihan nin Banal na Espiritu nag-aantabay sainda maski sa pagbabalangibog, o sa pagpapagiromdom, o sa pagpapangadye, o sa paghahagad, o sa pagkakanta, magin arog kaini an mga pinaggigibo.

MORONI TSAPTER 5

2006-07-18T09:24:00.000+08:00

An manera kan pagpapamahala kan pansakramentong arak pinagtugdas.

*******

An manera kan pagpapamahala nin arak--- Hilnga, saindang kinaputan an kopa, asin nagsabi:
2 O Diyos, an Eternal na Ama, kami naghahagad saimo, sa pangaran kan saimong Ake, na si JesuCristo, na bendisyunan asin pagkasagraduhon ining arak para sa mga kalag kan gabos ninda na mag-iinom kaini, na saindang gigibohon ini sa paggigiromdom kan dugo kan saimong Ake, na ipinagpabulos para sainda; na sinda magpapatotoo sa saimo, O Diyos, an Eternal na Ama, na sinda pirmeng makapaggiromdom saiya, na sainda perming yaon an saiyang Espiritu na makaiba ninda. Amen.

MORONI TSAPTER 4

2006-07-18T09:15:00.000+08:00

Paano an mga elder asin mga kapadean nagpapamahala kan pansakramentong tinapay.

*******

An manera kan saindang mga elder asin mga kapadean sa pagpapamahala kan laman asin dugo ni Cristo sa laog nin simbahan; asin sinda nagpamahala kaini uyon sa mga kasugoan ni Cristo; kun baya samuyang naaaraman an manerang ini na tunay; asin an alder o pade nagpamahala kaini---
2 Asin sinda nagruruluhod sa simbahan, asin nagpapangadye sa Ama sa pangaran ni Cristo, na nagsasabi:
3 O Diyos, an Eternal na Ama, kami naghahagad saimo sa pangaran kan saimong Ake, na si JesuCristo, na bendisyunan asin pakasagraduhon an tinapay na ini para sa mga kalag kan gabos ninda na makikiparte kaini; na sinda makapagkakan sa paggiromdom sa hawak kan saimong Ake, asin magpapatotoo saimo, O Diyos, an Eternal na Ama, na sinda magmamawot na darahon sa saindang mga sadire an pangaran kan saimong Ake, asin pirmeng gigiromdomon siya, asin pagsusunudon an saiyang mga kasugoan na saiyang pinagtao sainda, na sainda pirmeng yaon an saiyang Espiritu na makaiba ninda. Amen.

MORONI TSAPTER 3

2006-07-18T09:08:00.000+08:00

An mga elder nag-ordina nin mga kapadean asin mga paratukdo sa paagi nin pagpapatong nin mga kamot.

*******

An manera na an mga desipulos, na pinag-apod na mga elder kan simbahan, nag-ordina nin mga kapadean asin mga paratukdo---
2 Pagkatapos na sinda nagparangadye sa Ama sa pangaran ni Cristo, sinda nagpatong kan saindang mga kamot sa sainda, asin nagsabi:
3 Sa pangaran ni JesuCristo ako nag-ordina saimo bilnag sarong pade, (o, kun siya sarong paratukdo) ako nag-ordina saimo na magin sarong paratukdo, tanganing magbabalangibog nin pagsosolsol asin kapatawadan nin mga kasalan sa paagi ni JesuCristo, sa paagi nin pagpapakusog sa pagtubod sa saiyang pangaran sagkod sa katapusan. Amen.
4 Asin sa arog kaining manera sinda nagpara-ordina nin mga kapadean asin mga paratukdo, uyon sa mga regalo asin mga pangapudan nin Diyos sa mga tawo; asin sinda nag-ordina sainda sa kapangyarihan kan Banal na Espiritu, na yaon sa sainda.

MORONI TSAPTER 2

2006-07-18T08:08:00.000+08:00

Si Jesus nagtao sa mga apostoles na mga Nephita nin kapangyarihan na magtao nin regalo kan Banal na Espiritu.

*******

An mga tataramon ni Cristo, na saiyang pinagtaram sa saiyang mga desipulos, an dose na saiyang pinagpili, habang saiyang pinagpatong an saiyang mga kamot sa sainda---
2 Asin saiyang pinag-apod sinda sa pangaran, na nagsasabi: Kamo mag-aapod sa Ama sa sakuyang pangaran, sa mapusog na pangadyeon; asin pagkatapos na saindong maggibo ini kamo magkakaigwa nin kapangyarihan na para saiya na kamo magpapatong kan saindong mga kamot, saindong itatao an Banal na Espiritu; asin sa sakuyang pangaran saindong itatao ini, nin huli ta kaya kamo an maggigibo nin huli ta kamo an sakuyang mga apostoles.
3 Ngonian si Cristo nagtaram kaining mga tataramon sa sainda sa panahon kan saiyang enot na pagpapahiling; asin an kadaklan dae nakadangog kaini, pero an mga desipulos nakadangog kaini; asin habang kadakul na saindang pinagpatungan kan saindang mga kamot, nagpano ang Banal na Espiritu.

AN LIBRO NI MORONI

2006-07-18T08:00:00.000+08:00

TSAPTER 1

Si Moroni nagsurat para sa kapakanan kan mga Lamanita--- An mga Nephita na habong magsikwal ki Cristo pinaggaradan.

*******

Ngonian ako, si Moroni, pagkatapos na sakuyang pinaghimo an pantapos na pagpahalipot sa kasaysayan kan mga katawohan ni Jared, ako dae naghuhuna-huna na makapagsurat pa nin dakulon, pero ako dae pa magagadan; asin ako dae nagpabisto sa mga Lamanita na baka baga saindang pagdestrosohon ako.
2 Nin huli ta hilnga, an saindang mga giyera matindihon na maray sa pag-iriba kan saindang mga sadire; asin nin huli kan saindang kaanggutan saindang pinaggagaradan an lambang Nephita na habong magsikwal ki Cristo.
3 Asin ako, si Moroni, habong magsikwal ki Cristo; kun baya, ako naglagalag sa arin man na lugar na ako makaabot para sa kaligtasan kan sakuyang buhay.
4 Kun baya, ako nagsurat nin kadikiton pang mga bagay, na kontraryo sa bagay na sakuyang pinaghuhuna-huna; nin huli ta ako naghuhuna na ako dae na makapagsurat pa; pero ako nagsurat pa nin kadikiton pang mga bagay, na baka baga an mga ini may kumumugtakan pa para sa sakuyang mga katugangan, an mga Lamanita, sa maarabot na aldaw, na uyon sa kagustuhan nin Kagurangnan.

ETHER TSAPTER 15

2006-07-15T08:48:00.000+08:00

Milyones na mga Jaredita an nagkagaradan sa ralabanan--- Si Shiz asin Coriantumr pinagtiripon an bilog na mga katawohan para sa sarong mortal na pakipaglabanan--- An Espiritu nin Diyos dae na nag-eerok sa sainda--- An nasyon nin mga Jaredita dagos nang nadestroso--- Si Coriantumr sana an natada.

*******

Asin ini nangyaring naglipas na kan si Coriantumr narahay na kan saiyang mga lugad, siya nagpopoon na makagiromdom sa mga tataramon ni Ether na pinagtaram sa saiya.
2 Saiyang nahiling na igwa nang nagadan sa paagi nin espada na haros mag-abot na sa duwang milyon kan saiyang mga katawohan; asin siya nagpopoon na magmundo sa saiyang puso; iyo, nagkaigwa na nin duwang milyon na nagkagaradan na makukusog na mga tawo, asin man an saindang mga agom asin an saindang mga kaarakian.
3 Siya nagpopoon na magsorolso sa mga karaotan na saiyang nagkaginibohan; siya nagpoon na makagiromdom sa mga tataramon na pinagsabi na kan mga nguso kan gabos na mga propeta, asin siayang nasaksihan sinda na nagkaka-urutob nang gayo, sa lambang kurit; asin an saiyang kalag nagmundo asin habong magparangan.
4 Asin ini nangyaring naglipas na siya nagsurat nin sarong surat ki Shiz, na pinagmamawot niya na saiyang palibrehon an mga katawohan, asin saiyang itatao na an kahadean nin huli sana sa kapakanan kan mga buhay nin mga katawohan.
5 Asin ini nangyaring naglipas na kan si Shiz nagresibe kan saiyang surat siya nagsurat nin sarong surat ki Coriantumr, na kun siya magsuko kan saiyang sadire, na tanganing saiya siyang gadanon kan sadire niyang espada, saka na niya palilibrehon an mga buhay nin mga katawohan.
6 Asin ini nangyaring naglipas na an mga katawohan dae nagsorolsol kan saindang mga kadaendatahan; asin an mga katawohan ni Coriantumr pinag-estera na magka-aranggot kontra sa mga katawohan ni Coriantumr; kun baya, an mga katawohan ni Shiz nagtao nin pakipaglabanan sa mga katawohan ni Coriantumr.
7 Asin kan si Coriantumr nakasaksi na siya haros madadaog na siya nagdulag giraray sa atubangan kan mga katawohan ni Shiz.
8 Asin ini nangyaring naglipas na siya nakaabot sa katubigan kan Ripliancum, na, sa paagi nin interpretasyon, sarong dakulaon, o maglalampas kan gabos; kun baya, kan sinda nakaabot sa mga katubigang ini sinda nagturugdok kan saindang mga tolda; asin si Shiz man nagturugdok kan saiyang mga tolda na harani sainda; asin kun kaya sa kinamaagahon sinda nagsarabatan sa pakipaglabanan.
9 Asin ini nangyaring naglipas na sinda nagralabanan nin sarong grabeng gayo katinding labanan, na kun saen si Coriantumr nalugadan giraray, asin siya pinanluyahan sa kawaraan nin dugo.
10 Asin ini nangyaring naglipas na an armada ni Coriantumr nag-atake sa mga armada ni Shiz na tanganing madaog ninda sinda; na tanganing nagkausa sainda na magdurulag sa atubangan ninda; asin sinda nagdurulag pasiring sa timog na parte, asin nagturugdok kan saindang mga tolda sa lugar na pinag-aapod na Ogath.
11 Asin ini nangyaring naglipas na an armada ni Coriantumr nagtugdok kan saindang mga tolda sa harani kan burobukid na Ramah; asin ini idtong bukid kun saen an sakuyang ama na si Mormon pinagtago an mga rekord para sa Kagurangnan, na mga sagrado.
12 Asin ini nangyaring naglipas na sinda nagkatiripon-tipon na magkasararo an bilog na mga katawohan sa bilog na lalawgon nin kadagaan, na dae nagkagaradan, laen pa ki Ether.
13 Asin ini nangyaring naglipas na si Ether nasaksihan an gabos na mga kaggibohan kan mga katawohan; asin saiyang nahiling na an mga katawohan na gusto ki Coriantumr nagkatiripon-tipon na magkasararo sa armada ni Coriantumr; asin an mga katawohan na gusto ki Shiz nagkatiripon-tipon na magkasararo sa armada ni Shiz.
14 Kun baya, sinda nag-abot sa laog nin apat na taon sa pagtitiripon-tipon na magkasararo an mga katawohan, na tangani baya sinda makakakurua gabos na yaon sa lalawgon nin kadagaan, asin na sinda puwedeng makaresibe kan gabos na kusog na ini na posible na saindang puwedeng magkakakurua.
15 Asin ini nangyaring naglipas na kan panahon na sinda gabos nakapagtiripon-tipon nang magkasararo, an lambang saro sa armada na pinaggusto niya, kairiba an saindang mga agom asin an saindang mga kaarakian--- parehong mga lalake, mga babae asin mga kaarakian na pinag-armasan nin mga armas panggiyera, na may mga panangga, asin mga suknong sa daghan, asin panagang sa payo, asin pinagbadoan susog sa manera kan giyera--- sinda nagmartsa pa-abante an saro kontra sa saro sa pakikipaglaban; asin sinda nagralabanan sa bilog na aldaw na yan, asin daeng nakapanggana.
16 Asin ini nangyaring naglipas na kan banggi na sinda nagkaparagal na, asin nagbaralik na sa kanya-kanyang mga kampo; asin pagkatapos na sinda nakapagpahingalo na sa saindang mga kampo sinda nag-aragrangay nin sarong kinurahaw asin sarong boses nin kapaitan para sa kawaraan kan mga nagkagaradan na mga katawohan; asin grabeng gayo an saindang mga pag-aragrangay, an saindang mga kinurahaw asin boses nin kapaitan, na saindang haros baraakon an paros sa kabulingugan.
17 Asin ini nangyaring naglipas na sa kinaagahan sinda giraray nagduruman sa pakipaglabanan, asin dakula asin terible an aldaw na idto; daeng pagkukulang, sinda daeng nakapanggana, asin kan an banggi nag-abot giraray saindang pinagbabaak an paros kan saindang mga inagrangay, asin kan saindang mga kinurahaw, asin kan saindang mga pagmumurundo, nin huli sa kawaraan kan mga nagkagaradan nindang mga katawohan.
18 Asin ini nangyaring naglipas na si Coriantumr nagsurat giraray nin sarong surat ki Shiz, nagmamawot na dae na siya mag-atake giraray sa pakikipaglabanan, pero saiya nang kuahon an kahadean, asin palibrehon na an mga buhay nin mga katawohan.
19 Pero hilnga, an Espiritu nin Kagurangnan nag-untok na sa pakipag-iba sainda, asin si Satanas nagkaigwa nin bilog na kapangyarihan na mangingibabaw sa mga puso nin mga katawohan; nin huli ta sinda pinagpatunod na sa katagasan kan saindang mga puso, asin sa kabilugan kan saindang mga isip na tangani sinda puwedeng magkaderestroso; kun baya sinda nagpaduman na giraray sa pakikipaglabanan.
20 Asin ini nangyaring naglipas na sinda nagralaban sa bilog na aldaw na idto, asin kun banggi sinda nakakatururog kairiba an saindang mga espada.
21 Asin sa kinaagahan sinda nakikipaglabanan magin sagkod na an banggi mag-abot.
22 Asin kun an banggi mag-abot na sinda nagkakabururat sa kaanggutan, na magin arog sa sarong tawo na naburat sa arak; asin sinda nakatururog giraray kairiba kan saindang mga espada.
23 Asin sa kinaagahan sinda nakikipaglabanan giraray; asin kan an banggi nag-abot na sinda gabos nagkaturumba sa paagi nin espada laen lang sa singkuwenta asin duwang katawohan ni Coriantumr, asin saisenta asin siyam na mga katawohan ni Shiz.
24 Asin ini nangyaring naglipas na sinda natururog kairiba an saindang mga espada sa bangging idto, asin sa kinaagahan sinda nakikipaglabanan giraray, asin sinda nagralabanan sa saindang kusog kan saindang mga espada asin kan saindang mga panangga, sa bilog na aldaw na idto.
25 Asin kan an banggi nag-abot igwa na sanang trenta asin duwang mga katawohan si Shiz, asin beynte asin pitong mga katawohan si Coriantumr.
26 Asin ini nangyaring naglipas na sinda nagkarakan asin nagtururog, asin nag-aandam para sa kagadanan ninda sa kinaagahan. Asin sinda darakula asin makukusog na mga tawo arog sa kusog nin mga tawo.
27 Asin ini nangyaring naglipas na sinda nagralaban-laban sa laog nin tulong oras, asin sinda pinagpanruluyahan sa kawaraan nin dugo.
28 Asin ini nangyaring naglipas na kan an mga katawohan ni Coriantumr nakapagresibe nin awad-awad na kusog na tanganing sinda puwedeng makapaglakaw, sinda kuta na madurulag na para sa saindang mga buhay; pero hilnga, si Shiz nagtindog, asin man an saiyang mga tawo, asin siya nanumpa sa saiyang kaanggutan na saiyang gagadanon si Coriantumr o siya mapapara sa paagi nin espada.
29 Kun baya, saiyang pinagralamag sinda, asin sa kinaagahan saiyang nagka-arabutan sinda; asin sinda nagralabanan giraray sa paagi nin espada. Asin ini nangyaring naglipas na kan sinda gabos nagkaturumba na sa paagi nin espada, laen lang kina Coriantumr asin Shiz, hilnga si Shiz pinanluyahan na sa kawaraan nin dugo.
30 Asin ini nangyaring naglipas na kan si Coriantumr pinagbingat na an saiyang espada, na siya nagpahingalo nin kadikit, saiyang pinagtagpas an payo ni Shiz.
31 Asin ini nangyaring naglipas na pagkatapos na saiyang tagpason an payo ni Shiz, na si Shiz pinagtaas an saiyang kamot asin nagbagsak; asin pagkatapos kaini siya nagpirit na maghangos, siya nagadan.
32 Asin ini nangyaring naglipas na si Coriantumr natumba sa daga, asin nagin arog baga na siya mayo nang buhay.
33 Asin an Kagurangnan nagtaram ki Ether, asin nagsabi sa saiya: Lakaw. Asin siya naglakawm, asin nasaksihan na an mga tataramon nin Kagurangnan an gabos nagka-urutob na; asin siya nagtapos kan saiyang rekord; (asin an sarong mananggatuson na parte ako dae na nagsurat asin saiyang pinagtago na an mga ini na arog sa manera na an mga katawohan ni Limhi na nakanagbo kaini.
34 Ngonian an mga huring tataramon na pinagsurat ni Ether iyo an mga ini: Maski na an Kagurangnan nagmawot na ako magin translado, o na ako nagtugot sa kawamotan nin Kagurangnan sa laman, di bale na, kun ini iyo na ako makaligtas sa kahadean nin Diyos. Amen.

ETHER TSAPTER 14

2006-07-15T07:57:00.000+08:00

An kadaendatahan kan mga katawohan nagdara nin sarong sumpa sa kadagaan--- si Coriantumr nakipaggiyera kontra ki Gilead, sunod ki Lib, asin sunod ki Shiz--- Dugo asin kadestrosohon sa nagtabon sa kadagaan.

*******

Asin ngonian nagkaigwa nin pagpoon nin sarong dakulaon na sumpa sa bilog na kadagaan nin huli sa kadaendatahan kan mga katawohan, na kun saen, kun an sarong tawo magbugtak kan saiyang gamit o kan saiyang espada sa sukluban niya, o sa lugar na kun saen saiyang pinagtago ini, hilnga, sa kinaagahan, dae na niya ini mananagboan pa, kalat na gayo an sumpang ini sa kadagaan.
2 Kun baya an lambang tawo pinagdadara an bagay na sadire niya, sa paagi kan saiyang mga kamot, asin habong magsubli ni siya magpasubli; asin an lambang tawo pinagsusukbit an saiyang espada sa may toong kamot, para sa pagdepensa kan saiyang pagsadire asin kan saiyang sadireng buhay asin kan saiyang mga agom asin kaarakian.
3 Asin ngonian, pagkatapos sa laog nin duwang taon, asin pagkatapos sa pagkagadan ki Shared, hilnga, nag-alsa na man an tugang na lalake ni Shared asin siya nagtao nin pakipaglabanan ki Coriantumr, na kun saen si Coriantumr an nagdaog saiya asin pinaglamag siya sagkod sa kaparangan nin Akish.
4 Asin ini nangyaring naglipas na an tugang na lalake ni Shared nagtao nin pakikipaglabanan sa saiya sa kaparangan nin Akish; asin an ralabanan nagin grabeng gayo kainit, asin kadakul na rinibong tawo an nagkaturumba sa paagi nin espada.
5 Asin ini nangyaring naglipas na si Coriantumr naghanda nin pag-atake sa kaparangan; asin an tugang na lalake ni Shared nagmartsa paluwas sa kaparangan sa pagkabanggi, asin nanggadan nin sarong parte kan armada ni Coriantumr, habang sinda nagkabururat.
6 Asin siya nakaabot sa kadagaan nin Moron, asin ipinamugtak an saiyang sadire sa trono ni Coriantumr.
7 Asin ini nangyaring naglipas na si Coriantumr nag-eerok kairiba an saiyang armada sa kaparangan sa laog nin duwang taon, na kun saen siya nakaresibe nin dakulaong kusog kan saiyang armada.
8 Ngonian an tugang na lalake ni Shared, na an pangaran Gilead, nakaresibe man nin kakusugan kan saiyang armada, nin huli kan mga sikretong kumbinasyon.
9 Asin ini nangyaring naglipas na an saiyang pinakahalangkaw na pade iyo an naggadan saiya habang siya nakatukaw sa saiyang trono.
10 Asin ini nangyaring naglipas na an sarong sikretong kumbinasyon iyo an naggadan saiya sa sarong sikretong agihan, asin naagaw para sa sadire niya an kahadean; asin an saiyang pangaran iyo si Lib; asin si Lib sarong dakulang tawo, mas dakula pa kesa ibang tawo sa pag-iriba kan bilog na katawohan.
11 Asin ini nangyaring naglipas na sa enot na taon ni Lib, si Coriantumr nag-abot sa kadagaan nin Moron, asin nagtao nin pakipaglaban ki Lib.
12 Asin ini nangyaring naglipas na siya nakipaglaban ki Lib, na kun saen si Lib pinagtamaan an saiyang takyag na siya nalugadan, daeng pagkukulang, an armada ni Coriantumr nagpadagos sa pag-atake ki Lib, na tanganing mapadulag siya sa mga kasagkoran sa may baybayon nin dagat.
13 Asin ini nangyaring naglipas na si Coriantumr pinaglamag siya; asin si Lib nagtao nin pakipaglabanan saiya sa may baybayon nin dagat.
14 Asin ini nangyaring naglipas na pinaghampak ni Lib an armada ni Coriantumr, na tanganing sinda magdurulag giraray pasiring sa kaparangan nin Akish.
15 Asin ini nangyaring naglipas na si Lib naglamag saiya sagkod na siya makaabot sa kapatagan nin Agosh. Asin si Coriantumr pinag-iriba an bilog na katawohan saiya habang padulag sa atubangan ni Lib sa kuwartong parte nin kadagaan na kun saen siya napadulag.
16 Asin kan siya nakaabot na sa mga kapatagan nin Agosh siya nagtao nin pakipaglabanan ki Lib, asin saiyang pinaghampak siya sagkod na siya magadan; daeng pagkukulang, an tugang na lalake ni Lib nag-abot kontra ki Coriantumr bilang karibay asin an ralabanan nagin grabeng gayo kainit, na kun saen si Coriantumr nakadulag giraray sa atubangan nin armada kan tugang na lalake ni Lib.
17 Ngonian an pangaran kan tugang na lalake ni Lib na pinag-apod na Shiz. Asin ini nangyaring naglipas na si Shiz an naglamag ki Coriantumr, asin siya nakapag-agaw nin kadakul na mga siyudad, asin saiyang pinagsurulo an mga siyudad.
18 Asin nagkaigwa nin sarong katakutan ki Shiz sa palibot kan bilog na kadagaan; iyo, sarong kinurahaw an nakaabot sa palibot nin kadagaan--- Siisay an makakatindog sa atubangan kan armada ni Shiz? Hilnga, saiyang pinagsisighid an daga sa atubangan niya!
19 Asin ini nangyaring naglipas na an mga katawohan nagpopoon na magkakatiripon-tipon na magkasararo bilang armada, sa palibot kan bilog na lalawgon nin kadagaan.
20 Asin sinda nagkabaranga-banga; asin an sarong parte sainda nagdurulag pasiring sa armada ni Shiz, asin an sarong parte nagdurulag pasiring sa armada ni Coriantumr.
21 Asin grabeng gayo katindi asin panhaluyan an nangyaring giyera, asin grabe kahaloy an eksena nin pagpapabulos nin dugo asin kadestrosohan, na tanganing an bilog na lalawgon nin kadagaan natabunan nin mga hawak nin mga gadan.
22 Asin nagin madalion asin mabilison an giyera na dae nagkaigwa nin natada tanganing iyo an maglubong nin mga gadan, pero sinda nagmartsa pasulong para sa pagpapabulos nin dugo hanggan sagkod sa pagpapabulos pa nin dugo, pinagbabayaanan pareho an mga hawak nin mga lalake, mga babae, asin mga kaarakian na nagkaburulagta sa lalawgon nin kadagaan, na tanganing magin sarong paon para sa mga ulod nin laman.
23 Asin an parong kaini nagkalat sa lalawgon nin kadagaan, magin sagkod sa bilog na lalawgon nin kadagaan; kun baya an mga katawohan nagin marinsalon sa aldaw asin banggi, nin huli kan parong kaini.
24 Daeng pagkukulang, si Shiz dae nag-uuntok sa paglamag ki Coriantumr; nin huli ta siya may sinumpaan na makabalos siya ki Coriantumr sa dugo kan saiyang tugang na lalake, na ginadan, asin an tataramon nin Kagurangnan nag-abot ki Ether na si Coriantumr dae dapat na mahulog sa paagi kan espada.
25 Asin kaya satuyang mahihiling na an Kagurangnan nagdalaw sainda sa kapanoan kan saiyang kaanggutan, asin an saindang karigsokan asin mga karumputan iyo an nakapag-andam nin sarong dalan para sa saindang daeng kasagkorang kapahamakan.
26 Asin ini nangyaring naglipas na si Shiz an naglalamag ki Coriantumr sa pasirangang parte, magin sagkod sa mga kasagkoran sa may baybayon nin dagat, asin duman siya nagtao nin pakipaglabanan ki Shiz sa laog nin tulong aldaw.
27 Asin grabe ka-terible an kapahamakan sa pag-iriba kan armada ni Shiz na tanganing an mga tawo nagpopoon na magkatarakot, asin nagpopoon na magdurulag sa atubangan kan armada ni Coriantumr; asin sinda nadurulag pasiring sa kadagaan nin Corihor, asin pinaggaradan an mga namamanwaan sa atubangan ninda, gabos sinda na habong makibale sainda.
28 Asin sinda nagturugdok kan saindang mga tolda sa may lambak nin Corihor; asin si Coriantumr nagturugdok kan saiyang mga tolda sa may lambak nin Shurr. Ngonian an lambak nin Shurr haranihon sa burobukid nin Comnor; kun baya, sa may burobukid nin Comnor, asin nagpatanog nin sarong trumpeta sa armada ni Shiz tanganing imbitaron sinda sa pakipaglaban.
29 Asin ini nangyaring naglipas na sinda nag-atake, pero napa-atras giraray; asin sinda nag-atake sa ikaduwang pagkakaton, asin sinda napa-atras giraray sa ikaduwang pagkakataon. Asin ini nangyaring naglipas na sinda nag-atake giraray sa ikatulong pagkakataon, asin an ralabanan nagin grabeng gayo katindi.
30 Asin ini nangyaring naglipas na si Shiz an nagtaga ki Coriantumr na tanganing siya nakapagtao nin kadakul na mga lugad; asin si Coriantumr, na pinagbulusan nin dugo, pinagluyahan, asin pinagdara paharayo na garo baga siya gadan na.
31 Ngonian an pagkawara nin mga lalake, mga babae asin mga kaarakian sa magkaparehong lado grabeng gayo na tanganing si Shiz nagsugo sa saiyang mga katawohan na dae na ninda pagralamagon an armada ni Coriantumr; kun baya, sinda nagbaralik na sa saindang kampo.

ETHER TSAPTER 13

2006-07-14T08:18:00.000+08:00

Si Ether nagtataram nin sarong Bagong Jerusalem na itutugdok sa Amerika sa paagi kan banhi ni Joseph--- Siya nagpopropesiya, pinagsisikwal, nagsusurat nin kasaysayan kan mga Jaredita, asin pinaghula an kapahamakan kan mga Jaredita--- An giyera nagkalat sa bilog na kadagaan.

*******

Asin ngonian ako, si Moroni, nagpapadagos sa pagtapos kan sakuyang talaan manungod sa kapahamakan nin mga katawohan na sainda ako padagos na nagsusurat.
2 Nin huli ta hilnga, saindang pinagsisikwal an gabos na mga tataramon ni Ether; nin huli ta siya tunay na nagtataram sainda kan gabos na mga bagay, magpoon pa sa kapinunan nin tawo; asin na pagkatapos na an tubig naghupa na gikan sa lalawgon kaining kadagaan ini nagin piling kadagaan na labaw pa sa iba pang kadagaan, sarong piniling kadagaan nin Kagurangnan; kun baya an Kagurangnan nagmamawot na an gabos na mga tawo dapat na magsirbe saiya na tanganing iyo an mag-eerok sa lalawgon kaini;
3 Asin ta iyo ini an bagong lugar kan Bagong Jerusalem, na nagbababa paluwas sa langit, asin iyo an banal na sanktuwaryo nin Kagurangnan.
4 Hilnga, si Ether nakahiling kan mga aldaw ni Cristo, asin siya nagtaram mapanungod sa sarong Bagong Jerusalem kaining kadagaan.
5 Asin siya man nagtataram mapanungod sa harong nin Israel, asin sa Jerusalem kun saen si Lehi naggikan--- pagkatapos na ini pagdestrosohon ini patitindugon giraray, sarong banal na siyudad para sa Kagurangnan; kun baya, ini dae bakong gayo an bakong gayo an bagong Jerusalem nin huli ta ini iyo an nasa panahong luma; pero ini dapat na pagpatindugon giraray, asin magin sarong banal na siyudad nin Kagurangnan; asin ini itutugdok para sa harong nin Israel---
6 Asin ta sarong Bagong Jerusalem dapat na itutugdok kaining kadagaan, para sa katadaan kan banhi ni Joseph, nin huli sa mga bagay na ini nagkaigwa nin sarong tipo.
7 Nin huli ta si Joseph an nagdara kan saiyang ama duman sa kadagaan nin Ehipto, magin sagkod na siya nagadan duman; kun baya, an Kagurangnan nagdara nin sarong katadaaan kan banhi ni Joseph paluwas sa kadagaan nin Jerusalem, na tanganing siya magin pano nin pagkaherak sa banhi ni Joseph na tanganing sinda dae mapara, magin arog na siya pano nin pagkaherak sa ama ni Joseph na tanganing siya dae dapat na mapara.
8 Kun baya, an katadaan kan harong ni Joseph itutugdok sa kadagaan na ini; asin ini magigin sarong kadagaan na saindang kamanahan; asin sinda magtutugdok nin sarong banal na siyudad para sa Kagurangnan, na arog kaidtong Jerusalem sa luma; asin sinda dae na nanggad mariribongan, sagkod na an katapusan mag-abot sa panahon na an kinaban maglipas na.
9 Asin magkakaigwa nin bagong langitnon asin sarong bagong kinaban; asin sinda magigin arog kaidto sa luma lane lang ta an luma naglipas na, asin an gabos na mga bagay nagin bago na.
10 Asin pagkasunod maabot an Bagong Jerusalem; asin paladan sinda na nag-eerok dyan, nin huli ta sinda iyo an mga tawo na an mga bado mapuputi sa paagi kan dugo nin Kordero; asin sinda iyo an kabilang sa pag-iriba nin katadaan kan banhi ni Joseph, na yaon sa harong nin Israel.
11 Asin pagkasunod uya man maabot an Jerusalem kan luma; asin an mga namamanwaan kaini, paladan sinda, nin huli ta sinda pinaghugasan na nin dugo kan Kordero; asin sinda iyo an mga pinagkaralat asin pinagtipong magkasararo gikan sa apat na kuwarto nin kinaban, asin gikan sa mga norteng banwaan, asin mga kaparte sa kautuban kan tipan na an Diyos iyo an naghimo sa saindang ama, Si Abraham.
12 Asin sa panahon na an mga bagay na ini mag-abot, ini nagdadara na mangyari an kasuratan na nagsasabi, yan sinda na iyo an nagka-erenot, iyo sinda an magkahururi; asin yan sinda na nagkahururi, iyo an magigin enot.
13 Asin ako magsusurat pa kuta na nin kadakul, pero ako pinagbawalan; pero dakula asin makangangalas an mga propesiya ni Ether; pero sinda naghuhuna saiya na mayong kamugtakan, asin siya pinagsisikwal paluwas; asin siya nagtatago kan saiyang sadire sa kuweba nin sarong gapo kun aldaw, asin sa pagkabanggi siya nagluluwas asin pinaghihiling an mga bagay na mag-aabot sa mga katawohan.
14 Asin habang siya nag-eerok sa kuweba nin sarong gapo siya naghimo sa katadaan pa kaining rekord, habang pinaghihiling an mga kapahamakan na nag-aabot sa mga katawohan, sa pagkabanggi.
15 Asin ini nangyaring naglipas na sa kaparehong taon na siya pinagsirikwal paluwas gikan sa pag-iriba nin mga katawohan nagkaigwa nin pagpopoon nin sarong dakulang giyera sa pag-iriba nin mga katawohan, nin huli ta nagkaigwa nin kadakul na nag-aralsa, na mga darakulang tawo, asin nagmamawot na destrosohon si Coriantumr sa paagi kan saindang sikretong mga plano nin karigsokan, na kun saen ini pinagtaram na.
16 Asin ngonian si Coriantumr, na nag-adal, kan saiyang sadire, kan gabos na mga arte nin pakikigiyera asin kan gabos na mga padaya nin kinaban, kun baya siya nagtao nin pakigiyera sa sainda na nagmamawot na destrosohon siya.
17 Pero siya dae nagsosolsol, ni an saiyang mga magagayon na akeng lalake ni an mga akeng babae; ni an magagayon na akeng lalake asin mga babae ni Cohor; ni an mga magagayon na akeng lalake asin mga babae ni Corihor; asin sa kapinunan, mayong magagayon na mga akeng lalake asin mga babae na yaon sa lalawgon kaining bilog na kinaban na nagsosolsol kan saindang mga kasalanan.
18 Kun baya, ini nangyaring naglipas na sa enot na taon na si Ether nag-eerok sa kuweba nin sarong gapo, nagkaigwa nin kadakul na mga katawohan an nagkagaradan na sa paagi nin espada nin mga tawong may sikretong kumbinasyon, nakipaglaban kontra ki Coriantumr na tanganing sainda ng maagaw an kahadean.
19 Asin ini nangyaring naglipas na an mga akeng lalake ni Coriatumr nakipaglaban na gayo asin nagkaduruguan na gayo.
20 Asin sa ikaduwang taon an tataramon nin Kagurangnan nag-abot ki Ether, na siya dapat na magduman asin magpropesiya ki Coriantumr na, kun siya magsosolsol, asin an bilog niyang pagharongon, an Kagurangnan iyo an magtatao sa saiya kan saiyang kahadean asin ililigtas an mga katawohan---
21 Ta kun dae sinda madedestroso, asin an bilog niyang pagharongon laen lang sa saiya. Asin siya dapat na mabubuhay sana tanganing mahiling an kautuban kan mga propesiya na pinagtaram na mapanungod sa ibang mga katawoha na magreresibe sa kadagaan bilang saindang kamanahan; asin si Coriantumr makapagresibe nin sarong lubong sa paagi ninda; asin an lambang kalag madedestroso laen lang ki Coriantumr.
22 Asin ini nangyaring naglipas na si Coriantumr dae nagsosolsol, ni an saiyang pagharongon, ni an mga katawohan; asin an mga giyera dae nag-uuntok; asin sinda nagmawot na gadanon ni Ether, pero siya nagdulag gikan sa atubangan ninda asin nakapagtago giraray sa kuweba kan gapo.
23 Asin ini nangyaring naglipas na nagrebelde si Shared, asin siya man nakipaggiyera ki Coriantumr; asin saiyang nadaog siya, na tangani baya na sa ikatulong taon saiya siyang pinagdara sa pagkasakop.
24 Asin an mga akeng lalake ni Coriantumr, sa ikaapat na taon, pinagdaog si Shared, asin nabawi giraray an kahadean para sa saindang ama.
25 Ngonian nagkaigwa nin pagpopoon nin sarong giyera sa bilog na lalawgon nin kinaban, an lambang tawo kairiba an saiyang pangkat nakikipaglaban sa kiisay man na ginugusto niya.
26 Asin nagkaigwa nin mga tulisan, asin sa kapinuhan, an gabos na manera nin karigsokan sa bilog na lalawgon nin kadagaan.
27 Asin ini nangyaring naglipas na si Coriantumr grabeng gayo an kaanggutan ki Shared, asin siya nag-atake saiya kairiba an saiyang armada sa pakikipaglaban; asin sinda nagkahirilingan na may mapung-ot na kaanggutan, asin sinda naglabanan sa lambak nin Gilgal; asin an giyera nagin grabeng gayo kainit.
28 Asin ini nangyaring naglipas na si Shared nakipaglaban kontra saiya sa laog nin tulong aldaw. Asin ini nangyaring naglipas na si Coriantumr an nagdaog saiya, asin pinaglamag siya sagkod na makaabot sa mga kapatagan nin Heshlon.
29 Asin ini nangyaring naglipas na si Shared nagtao giraray saiya nin pakipaglaban sa may kapatagan; asin hilnga, saiyang pinagdaog si Coriantumr, asin napa-atras siya pabalik giraray sa lambak nin Gilgal.
30 Asin si Coriantumr nagtao ki Shared nin pakipaglaban giraray sa may lambak nin Gilgal, na kun saen saiyang dinaog si Shared asin ginadan niya.
31 Asin si Shared pinaglugadan si Coriantumr sa saiyang hita, na tanganing siya dae na naka-iba tanganing makilaban giraray sa laog nin duwang taon, na sa panahon na ini an gabos na mga katawohan sa lalawgon nin kadagaan nagparapabulos nin dugo, asin mayo ni sarong makapagpugol sainda.

ETHER TSAPTER 12

2006-07-13T09:55:00.000+08:00

Si Propetang Ether nagparapagiromdom sa mga katawohan na magtubod sa Diyos--- Si Moroni pinagduonang gayo an mga makakangalas asin marbelosong kaggibohan nin pagtubod--- An pagtubod nakapaghimo na an tugang na lalake ni Jared nahiling si Cristo--- An Kagurangna nagtatao sa mga tawo nin mga kaluyahan na tanganing sinda magpapakumbaba--- An tugang na lalake ni Jared pinaghiro an Bukid Zerin sa paagi nin pagtubod--- Pagtubod, paglaom, asin pagkamoot iyo an esensiyal pasiring sa kaligtasan--- Si Moroni nahiling si Jesus lalawgon sa lalawgon.

*******

Asin ini nangyaring naglipas na an mga aldaw ni Ether yaon sa aldaw ni Coriantumr; asin si Coriantumr iyo an hade sa bilog na kadagaan.
2 Asin si Ether sarong propeta nin Kagurangnan; kun baya si Ether nag-abot sa mga aldaw ni Coriantumr, asin nagpopoon na magpropesiya sa mga katawohan, nin huli ta siya dae mapupugulan nin huli sa Espiritu nin Kagurangnan na yaon saiya.
3 Nin huli ta siya nagkukurahaw magpoon sa pagkaaga, magin sagkod sa pagbaba nin saldang, pinagpapagiromdom sa mga katawohan na magtubod sa Diyos pasiring sa pagsosolsol ta kun dae baka sinda pagdedestrosohon, na nagsasabi sa sainda na sa paagi nin pagtubod an gabos na mga bagay magkaka-urutob.
4 Kun baya, an siisay na magtutubod sa Diyos puwedeng igwa nin kaseguruhan nin paglaom para sa sarong marhay na kinaban, iyo, maski sarong lugar na yaon sa toong kamot nin Diyos, na an paglaom na ini mag-aabot sa paagi nin pagtubod, naghihimo nin sarong patugkadan kan mga kalag nin mga tawo, na iyo an maghihimo sainda nin kaseguruhan asin kapusugan, pirmeng napapano nin marhayon na mga gibo, na iyo an matutulak tanganing ipagpamuraway an Diyos.
5 Asin ini nangyaring naglipas na si Ether nagpropesiya nin kadakul asin makangangalason na mga bagay sa mga katawohan, na dae ninda pinagtutubudan, nin huli ta dae ninda nahihiling.
6 Asin ngonian, ako, si Moroni, magtataram nin anuman manungod kaining mga bagay; ako magpapahiling sa kinaban na an pagtubod iyo an mga bagay na iyo an pinaglalaom asin dae nahihiling; kun baya, dae kamo maki-iwal nin huli ta dae nindo ini nahihiling, nin huli ta dae kamo makakaresibe nin patotoo sagkod na matapos na an pagsubok kan saindong pagtubod.
7 Nin huli ta sa paagi nin pagtubod si Cristo nagpahiling kan saiyang sadire sa satuyang mga ama; pagkatapos na siya nabuhay-liwat sa pagkagadan; asin siya dae nagpahiling kan saiyang sadire sa sainda sagkod na matapos na sinda nagkaigwa nin pagtubod sa saiya; kun baya, ini kinakaipuhan na an iba magkaigwa nin pagtubod saiya, nin huli ta siya dae makapagpahiling kan saiyang sadire sa kinaban.
8 Pero nin huli sa pagtubod nin mga tawo siya nakapagpahiling kan saiyang sadire sa kinaban, asin nagpamuraway sa pangaran nin Ama, asin nag-andam nin sarong dalan na tanganing an iba man magigin kaparte kan langitnon na regalo, na sinda puwedeng maglaom kaidtong mga bagay na dae pa ninda nahihiling.
9 Kun baya, kamo man magkaigwa nin paglaom, asin magin kaparte kan regalo, kun kamo magkakaigwa lang baya nin pagtubod.
10 Hilnga sa paagi nin pagtubod sinda sa lumang panahon pinag-apod na susog sa banal na orden nin Diyos.
11 Kun baya, sa paagi nin pagtubod an ley ni Moises pinagtao. Pero sa regalo kan saiyang Ake na an Diyos nag-andam nin sarong mas halangkawon na dalan; asin ini nangyari sa paagi nin pagtubod na iyo kaini an nakapagpautob.
12 Nin huli ta kan mayo nin pagtubod sa pag-iriba kan mga kaarakian nin mga tawo an Diyos dae makakapaggibo nin milagro sa pag-iriba ninda; kun baya, siya dae makapagpahiling kan saiyang sadire sagkod na magkaigwa sindang pagtubod.
13 Hilnga, an pagtubod ni Alma asin Amulek iyo an nagkausa sa prisohan na magrugmok sa daga.
14 Hilnga, an pagtubod ni Nephi asin Lehi na iyo an nakapagtao nin pagbabago sa mga Lamanita, na tanganing sinda magkakaburunyagan nin kalayo asin nin Banal na Espiritu.
15 Hilnga, an pagtubod ni Ammon asin kan saiyang mga katugangan na iyo an nakapagtao nin sarong dakulaong milagro sa pag-iriba kan mga Lamanita.
16 Iyo, asin maski na ngani sinda gabos na nakagibo nin mga milagro nakapaggibo sainda sa paagi nin pagtubod, maski na idtong mga tawo bago pa si Cristo asin man sainda pagkatapos niya.
17 Asin ini sa paagi nin pagtubod na an tulong desipulos nagkamit nin sarong promisa na sinda dae makakanamit nin kagadanan; asin sinda dae nagkamit kan promisa sagkod na nagkaigwa sinda nin pagtubod.
18 Asin maski sa anong panahon dae nangyari an anuman na milagro sagkod na sinda nagkaigwa nin pagtubod; kun baya sinda enot ngunang magtubod sa Ake nin Diyos.
19 Asin nagkaigwa nin kadakul na an saindang pagtubod grabeng gayo kakusog, magin bago pa man si Cristo mag-abot, sinda na dae puwedeng pabayaan sa likod kan belo, pero tunay na nakasaksi kan saindang mga mata nin mga bagay na saindang nahiling sa paagi nin mata nin pagtubod, asin sinda nagka-orogma.
20 Asin hilnga, samuyang nahiling na yaon sa talaan na ini na saro sa tawong ini iyo an tugang na lalake ni Jared; nin huli ta grabeng gayo kadakula an saiyang pagtubod sa Diyos, na kan an Diyos pinagdut-anan kan saiyang muro dae niya maitago ini gikan sa paghilingon kan tugang na lalake ni Jared, nin huli kan saiyang tataramon na saiyang pinagtaram sa saiya, na an tataramon saiyang nakamtan sa paagi nin pagtubod.
21 Asin pagkatapos na an tugang na lalake ni Jared nahiling an muro nin Kagurangnan, nin huli kan promisa na an tugang na lalake ni Jared nakakamit sa paagi nin pagtubod, an Kagurangnan dae makapagtago nin anumang bagay gikan sa saiyang panghilingon; kun baya saiyang ipinahiling saiya an gabos na mga bagay, nin huli ta siya dae na puwedeng yaon sana sa luwas nin belo.
22 Asin ini sa paagi nin pagtubod na an sakuyang mga ama nagkamit nin promisa na an mga bagay na ini dapat na mag-abot sa saindang mga katugangan sa paagi kan mga Hentil; kun kaya an Kagurangnan nagsugo sakuya, iyo, magin si JesuCristo.
23 Asin akjo nagsabi sa saiya: Kagurangnan, an mga Hentil magtutuya-tuya kaining mga bagay; nin huli kan samuyang kaluyahan sa pagsusurat; nin huli ta saimong pinaghimo an gabos na ining mga katawohan na sinda makapagtaram nin grabe, nin huli kan Banal na Espiritu na saimong pinagtao sainda;
24 Asin saimo kaiming pinaggibo na kami makakapagsurat nin kadikit, nin huli sa kabalikukuan kan samuyang mga kamot. Hilnga, dae mo kami pinaghimong matibayon sa pagsusurat arog sa tugang na lalake ni Jared, nin huli ta saimo siyang pinaghimo na an mga bagay na saiyang pinagsurat makukusog na arog sa saimo magin sagkod sa pagka-agyat nin tawo tanganing pagbasahon an mga ini.
25 Saimo man pinaggibo na an samuyang mga tataramon pano nin kakusugan asin kadakulon, na haros dae mi ngani maisusurat an mga ini; kun baya, sa panahon na kami magsusurat samuyang nahihiling an samuyang kaluyahan, asin napapasala nin huli kan pagpapamugtak kan samuyang mga tataramon; asin ako natatakot na baka baga an mga Hentil magtutuya-tuya kan samuyang mga tataramon.
26 Asin kan ako nakapagtaram na kaini, an Kagurangnan nagtaram sa sakuya, na nagsasabi: An mga hangal magtutuya-tuya, pero sinda magmumundo; asin an sakuyang grasya tama sana para sa mga mabooton, na tanganing sinda dae makapagbentahe kan saindang kaluyahan;
27 Asin kun an mga tawo magdudulok sa sakuya Ako an magpapahiling sa sainda kan saindang mga kaluyahan. Ako nagtao sa mga tawo nin kaluyahan na tangani baya sinda magin mapagpakumbaba; asin an sakuyang grasyaa tama sana para sa gabos na mga tawong nagpapakumbaba kan saindang mga sadire sa atubangan ko; nin huli ta kun sinda magpapakumbaba kan saindang mga sadire sa atubangan ko, asin igwa nin pagtubod sakuya, baya Ako maghihimo na an maluluyang bagay magigin makusugon sa sainda.
28 Hilnga, Ako an magpapahiling sa mga Hentil kan saindang kaluyahan, asin Ako an magpapahiling sa sainda na an pagtubod, paglaom asin pagkamoot iyo an nagdadara sa sakuya--- an burabod kan gabos na katanosan.
29 Asin ako, si Moroni, pagkatapos na madangog an mga tataramon na ini, pinagranga asin nakapagsabi: O Kagurangnan, an saimong pagkamatanos mangyayari, nin huli ta ako nakakaaram na ika nagparagibo sa kaarakian nin mga tawo na uyon sa saindang pagtubod;
30 Nin huli ta an tugang an lalake ni Jared nagsabi sa bukid Zerin, Mahale ka--- asin ini nahale. Asin kun siya mayo nin pagtubod dae kuta na ini nahale; kun baya ika naggigibo pagkatapos na an mga tawo nagkaigwa nin pagtubod.
31 Nin huli kaini kaya ika nagpahiling sa saimong mga desipulos; nin huli ta pagkatapos na sinda nagkaigwa nin pagtubod, asin nagtaram sa saimong pangaran, ika nagpahiling kan saimong sadire sa sainda sa kadakulaong kapangyarihan.
32 Asin ako man nakapaggiromdom na ika nagsabi na ika nag-andam nin sarong harong para sa tawo, iyo, na pag-iriba kan mga mansiyon kan saimong Ama, na kun saen an tawo magkakaigwa nin sarong mas pang makusugon na paglaom; kun baya an tawo kaipong maglaom, o siya dae makakaresibe nin sarong kamanahan sa lugar kun saen ika iyo an nag-andam.
33 Asin giraray, ako nakapaggiromdom na ika nagsabi na saimong namumutan an kinaban, magin sagkod na ihahaya mo an saimong buhay para sa kinaban, na tanganing saimo man sanang mabawi ini giraray tanganing prepararon an sarong lugar para sa mga kaarakian nin mga tawo.
34 Asin ngonian ako nakakaaram na ining pagkamoot na igwa ka para sa mga kaarakian nin mga tawo iyo an pagkamoot sa kapwa; kun baya, laen lang kun an mga tawo magkakaigwa nin pagkamoot sa kapwa sinda dae makakamana nin lugar na saimong pinag-andam sa mga mansiyon kan saimong Ama.
35 Kun baya, ako nakakaaram sa paagi kan bagay na ining saimong pinagsabi, na kun an mga Hentil mayong pagkamoot sa kapwa, nin huli kan samuyang kaluyahan, na saimong pagpoprobaran sinda, asin haleon an saindang mga talento, iyo, magin idtong saindang naresibe na, asin itatao sa sainda na magkakaigwa pa nin pag-abunda.
36 Asin ini nangyaring naglipas na ako nagpangadye sa Kagurangnan na saiyang pagtaw-anan an mga Hentil nin grasya, na tanganing sinda puwedeng magkakaigwa nin pagkamoot sa kapwa.
37 Asin ini nangyaring naglipas na an Kagurangnan nagsabi sa sakuya: Kun sinda mayo nin pagkamoot sa kapwa ini mayong kamanongdanan sa saimo, ika nagin pano nin pagtubod; kun baya, an saimong bado mahihimong malinig. Asin nin huli ta saimong nahiling an saimong kaluyahan ika hihimoong makusugon, magin sagkod na magtukaw ka sa lugar na sakuyang pinag-andam sa mga mansiyon kan sakuyang Ama.
38 Asin ngonian ako, si Moroni, nagpapaaram na sa mga Hentil, iyo, asin man sa sakuyang mga katugangan na sakuyang namumutan, sagkod na kita magkakahirilingan sa atubangan kan tukawan nin paghuhukom ni Cristo, na kun saen an gabos na mga tawo makakaaram na an sakuyang bado dae nadugtaan kan saindong dugo.
39 Asin saka kamo makakaaram na nahiling ko si Jesus, asin na siya nakipag-olay sakuya lalawgon sa lalawgon, asin siya nagtaram sakuya sa mahuyong kapakumbabaan, magin arog sa sarong tawo na nagtataram sa saro sa sakuyang sadireng lengguwahe, mapanungod kaining mga bagay;
40 Asin kadikit sana an sakong nasurat, nin huli sa sakuyang kaluyahan sa pagsusurat.
41 Asin ngonian, ako magtitiwala saindo na kamo maghahanap kaining Jesus na an mga propeta asin an mga apostoles nakapagsurat, na an grasya nin Diyos an Ama, asin man an Kagurangnang JesuCristo, asin an Banal na Espiritu, na iyo an nagpapatotoo sainda, puwedeng mag-antabay saindo nin daeng kasagkoran. Amen.

ETHER TSAPTER 11

2006-07-12T10:40:00.000+08:00

Mga giyera, pag-iiriwal-iwal, asin karigsokan iyo an nagdominar sa buhay kan mga Jaredita--- An saindang mga propeta naghula nin sagad na kapahamakan nin mga Jaredita laen lang kun sinda magsosolsol--- An mga katawohan nagsikwal sa mga tataramon kan mga propeta.

*******

Asin nagkaigwa man sa panahon ni Com nin mga propeta, asin nagparapropesiya nin kapahamakan kan dakulaon na mga katawohan laen lang kun sinda magsosolsol, asin magbalik sas Kagurangnan, asin bayaan an saindang mga panggagadan asin karigsokan.
2 Asin ini nangyaring naglipas na an mga propeta pinagsisikwal nin mga katawohan, asin sinda nagdurulag pasiring ki Com para sa proteksiyon, nin huli ta an mga katawohan nagmawot na destrosohon sinda.
3 Asin sinda nagpropesiya ki Com nin kadakul na mga bagay; asin siya pinagbendisyunan sa bilog na katadaan kan saiyang mga aldaw.
4 Asin siya namuhay sa marhay na pagkagurang sa edad, asin nagkaigwang ake na si Shiblom; asin si Shiblom naghade bilang saiyang karibay. Asin an tugang na lalake ni Shiblom nagrebelde kontra saiya, asin nagpopoon na magkaigwa nin sarong grabe na gayong giyera sa bilog na kadagaan.
5 Asin ini nangyaring naglipas na an tugang na lalake ni Shiblom nagkausa na an gabos na propeta na nagpropesiya nin kapahamakan sa mga katawohan dapat na paggaradanon;
6 Asin nagkaigwa nin dakulang kalamidad sa bilog na kadagaan, nin huli ta sinda nagpatotoo na sarong dakulang sumpa an maabot sa kadagaan, asin man sa mga katawohan, na magkakaigwa nin sarong dakulaon na kapahamakan sa pag-iriba ninda, ini sarong pangyayari na dae pa nangyari sa lalawgon nin kinaban, asin an saindang mga tulang magigin arog sa mga tambak nin daga sa lalawgon nin kadagaan lane lang kun sinda magsosolsol kan saindsang karigsokan.
7 Asin sinda dae nagdarangog sa boses nin Kagurangnan, nin huli kan saindang maririgsok na mga kumbinasyon; kun baya, nagkaigwa nin pagpopoon nin mga giyera asin pagralaban-laban sa bilog na kadagaan, asin man nin kadakul na taggutom asin mga peste, na tangani baya nagkaigwa nin sarong dakulang kapahamakan, ini sarong pangyayari na dae pa nabantog sa lalawgon nin kinaban; asin an gabos na ini nangyaring naglipas sa mga aldaw nin Shiblom.
8 Asin an mga katawohan nagpoon na magsosolsol kan saindang mga kadaendatahan; asin habang ginigibo ninda ini an Kagurangnan nagkaigwa nin pagkaherak sainda.
9 Asin ini nangyaring naglipas na si Shiblom ginadan, asin si Seth pinadara sa pagkasakop, asin nag-erok sa pagkasakop sa bilog niyang mga aldaw.
10 Asin ini nangyaring naglipas na si Ahah, an saiyang akeng lalake, nabawi an kahadean; asin siya naghade sa mga katawohan sa bilog niyang mga aldaw. Asin siya nakagibo nin gabos na manera nin kadaendatahan sa saiyang mga aldaw, na sa paaging ini siya nagkausang nakapagpabulos nin grabeng dugo; asin naghalipot an saiyang mga aldaw.
11 Asin si Ethem, bilang sarong kamako-apoan ni Ahah, iyo an nagkapot nin kahadean, asin siya man guminibo nin bagay na maririgsok sa saiyang mga aldaw.
12 Asin ini nangyaring naglipas na sa mga aldaw ni Ethem nagkaigwa nin kadakul na mga propeta, asin nagpropesiya giraray sa mga katawohan; iyo, sinda nagpropesiya na an Kagurangnan iyong gayo an magdedestroso sainda gikan sa lalawgon kan kinaban laen lang kun sinda magsosolsol kan saindang mga kadaendatahan.
13 Asin ini nangyaring naglipas na an mga katawohan pinagpatagas an saindang mga puso, asin habong magdarangog kan saindang mga tataramon; asin an mga propeta nagmurundo asin nagrayo gikan sa pag-iriba nin mga katawohan.
14 Asin ini nangyaring naglipas na si Ethem naggigibo nin paghuhukom sa karigsokan sa bilog niyang mga aldaw; asin siya nagkaigwang ake na si Moron. Asin ini nangyaring naglipas na si Moron naghade bilang saiyang karibay; asin si Moron naggibo nin bagay na maririgsok sa atubangan nin Kagurangnan.
15 Asin ini nangyaring naglipas na nagkaigwa nin sarong rebelyon sa pag-iriba nin mga katawohan, nin huli sa sikretong mga kumbinasyon na pinagpakusog tanganing makakapot nin kapangyarihan asin kaganahan; asin nagkaigwa nin sarong makusog na tawo sa pag-iriba ninda na yaon sa kadaendatahan, asin nakipaggiyera ki Moron, na sa paaging ini saiyang naagaw an kabangaan nin kahadean; asin saiyang pinagmantine an kabangaan kan kahadean sa kadakul na mga taon.
16 Asin ini nangyaring naglipas na si Moron an nakadaog saiya, asin naagaw an kahadean giraray.
17 Asin ini nangyaring naglipas na nagkaigwa nin saro pang makusog na tawo; asin siya sarong kamako-apoan kan tugang na lalake ni Jared.
18 Asin ini nangyaring naglipas na saiyang nadaog si Moron asin naagaw an kahadean; kun baya, si Moron namuhay sa laog nin pagkasakop sa bilog na katadaan kan saiyang mga aldaw; asin siya nagkaigwa nin ake na si Coriantor.
19 Asin ini nangyaring naglipas na si Coriantor namuhay sa laog nin pagkasakop sa bilog niyang mga aldaw.
20 Asin sa mga aldaw ni Coriantor nagkaigwa man nin kadakul na mga propeta, asin nagpropesiya nin kadakul asin makangalason na mga bagay, asin nag-agyat nin pagsosolsol sa mga katawohan, asin laen lang na sinda magsorolsol an Kagurangnang Diyos maggigibo nin paghuhukom kontra sainda pasiring sa saindang dagos na kapahamakan;
21 Asin na an Kagurangnang Diyos magpapadara o magdadara nin ibang mga katawohan tanganing pagsadirehon an kadagaan, sa paagi kan saiyang kapangyarihan, na arog sa manera na saiyang pinagdara an saindang mga ama.
22 Asin sinda nanikwal kan gabos na mga t ataramon nin mga propeta, nin huli kan saindang sikretong sosyedad asin maririgsok na karumputan.
23 Asin ini nangyaring naglipas na si Coriantor nagkaigwa nin ake na si Ehter, asin siya nagadan, nakapamuhay sa laog nin pagkasakop sa bilog niyang mga aldaw.

ETHER TSAPTER 10

2006-07-12T09:32:00.000+08:00

Sarong hade nagpamahala kasunod kan kada saro--- An ibang mga hade matatanos; an iba man mararaot--- Kan an pagkamatanos iyo an naghahade, an mga katawohan bendisyunado asin nag-arasenso sa paagi nin Kagurangnan.

*******

Asin ini nangyaring naglipas na si Shez, na sarong mako-apo ni Heth--- nin huli ta si Hetth napara na kan taggutom, asin an bilog niyang pagharongon laen lang ki Shez--- kun baya, si Shez iyo an nagpoon giraray na bilugon an sarong nagkapururak na mga katawohan.
2 Asin ini nangyaring naglipas na si Shez nakagiromdom sa kapahamakan kan saiyang mga ama, asin siya nagbilog nin sarong matanos na kahadean; nin huli ta saiyang nagiromdoman kun ano an ginibo nin Kagurangnan sa pagdara ki Jared asin an saiyang tugang na lalake sa pagbalyo sa katubigan; asin siya naglakaw sa mga dalan nin Kagurangnan; asin siya nagkaigwa nin mga akeng lalake asin babae.
3 Asin an saiyang pinakamatuang lalake, na an pangaran iyo si Shez, nagrebelde kontra saiya; daeng pagkukulang, si Shez hinampak sa paagi nin kamot kan tulisan, nin huli sa saiyang sobrang kayamanan, na nagdara nin katuninongan giraray sa saiyang ama.
4 Asin ini nangyaring naglipas na an saiyang ama nagturugdok nin kadakul na mga siyudad sa lalawgon nin kadagaan, asin an mga katawohan nagpopoon giraray na magkakalat sa bilog na lalawgon nin kadagaan. Asin si Shez nabuhay nin sobra kahaloy sa kagurangan nin edad; asin siya nagka-ake pa ki Riplakish. Asin siya nagadan, asin si Riplakish naghade bilang saiyang karibay.
5 Asin ini nangyaring naglipas na si Riplakish dae naggibo nin bagay na tama sa paghiling nin Kagurangnan, nin huli ta siya may kadakul na mga agom asin mga kabit, asin nag-atang sa mga abaga nin mga tawo nin magabat na pagsusunudon; iyo, saiya sindang pinagbuwisan nin magabaton na buwis; asin sa paagi kan mga buwis siya nagpatugdok nin kadakul na haluwagon na mga pagharongon.
6 Asin siya nagtugdok para saiya nin sarong grabe kagayon na trono; asin siya nagpatugdok nin kadakul na mga prisohan, asin an siisay man na dae nagsusunod sa pagbuwis saiyang pinagkukunkon palaog sa prisohan; asin an siisay man na dae nagbabayad nin buwis saiyang pinagkukunkon palaog sa prisohan; asin siya nagkausa na sinda padagos na magtatrabaho para sa saindang mga pangangaipo; asin an siisay man na habong magtrabaho saiyang pinagkausang paggagaradanon.
7 Kun baya siya nagkaigwa kan gabos niya magagayon na trabaho, iyo, maski na ngani an saiyang mapipinong bulawan saiyang pinagkausang bilugon sa laog nin prisohan. Asin ini nangyaring naglipas na saiyang pinasakitan an mga katawohan kan saiyang mga kalaswaan asin mga abominasyon.
8 Asin kan siya naghade sa laog nin kuwarenta asin duwang taon an mga katawohan napukaw na magrebelde kontra saiya; asin nagkaigwa nin giyera giraray sa kadagaan, na tanganing si Riplakish nagadan, asin an saiyang mga lahi pinagpaharale paluwas sa kadagaan.
9 Asin ini nangyaring naglipas pagkatapos nin kadakul na mga taon, si Morianton (siya bilang sarong kamako-apoan ni Riplakish) nagtipon na magkasararo nin sarong armada nin mga sinirikwal, asin nag-atake asin nagtao nin pakigiyera sa mga katawohan; asin siya nakapanggana nin kapangyarihan na mangingibabaw sa kadakul na mga siyudad; asin an giyera naging grabeng gayo kalala, asin naghaloy sa laog nin kadakul na mga taon; asin siya nakagana nin kapangyarihan na mangingibabaw sa bilog na kadagaan, asin pinagpamugtak an saiyang sadire bilang hade kan bilog na kadagaan.
10 Asin pagkatapos na saiyang maipamugtak an saiyang sadire bilang hade pinagpapundo na niya an pagabat sa mga katawohan, na sa arog na paagi siya nakagana nin pabor sa mga mata kan mga katawohan, asin saindang pinagnombraran siya na magin an saindang hade.
11 Asin saiyang ginibo an hustisya sa mga katawohan, pero bako sa saiyang sadire nin huli kan saiyang kadakul na mga kalaswaan; kun baya siya pinagputol gikan sa presensiya nin Kagurangnan.
12 Asin ini nangyaring naglipas na si Morianton nagturugdok nin kadakul na mga siyudad, asin an mga katawohan nagin sobra an kayamanan sa irarom kan saiyang pamamahala, pareho sa mga pagharongon, asin sa bulawan asin plata, asin sa pagtatanom nin mga butil, asin sa mga karnero, asin mga kabakahan, asin iba pang mga bagay na pinagbalik sa sainda.
13 Asin si Morianton nabuhay sa grabe kasobrang edad, asin siya nagkaigwa nin ake na si Kim; asin si Kim naghade bilang karibay kan saiyang ama; asin siya naghade nin walong taon, asin an saiyang ama nagadan. Asin ini nangyaring naglipas na si Kim dae naghade sa katanosan, kun baya siya dae pinagpaboran nin Kagurangnan.
14 Asin an saiyang tugang na lalake nag-alsa sa pagrebelde kontra sa saiya, sa paaging ini saiyang pinagdara siya pasiring sa pagkasakop; asin sa saiyang pagkagurang siya nagkaigwang ake na si Levi; asin siya nagadan.
15 Asin ini nangyaring naglipas na si Levi nagsirbe sa laog nin pagkasakop pagkatapos kan pagkagadan kan saiyang ama, sa laog nin kuwarenta asin duwang taon. Asin siya nakigiyera laban sa hade nin kadagaan, sa paaging ini saiyang naagaw sa sadire niya an kahadean.
16 Asin pagkatapos na siya nakakua sa sadire nya nin kahadean siya naggibo kan bagay na tama sa paghiling nin Kagurangnan; asin an mga katawohan nag-asenso sa kadagaan; asin siya nabuhay sa sarong marhay na pagkagurang, asin nagkaigwa nin mga akeng lalake asin mga babae, asin siya man nagkaigwa nin akeng si Corom, na iyo an saiyang pinagngaranan na hade bilang saiyang karibay.
17 Asin ini nangyaring naglipas na si Corom naggibo nin bagay na marhay sa paghiling nin Kagurangnan sa bilog niyang mga aldaw; asin siya nagkaigwa nin mga akeng lalake asin mga babae; asin pagkatapos na siya nakahiling nin kadakul na mga aldaw siya nagadan, nagin arog sa kamugtakan kan iba sa kinaban; asin si Kish naghade bilang saiyang karibay.
18 Asin ini nangyaring naglipas na si Kish nagadan man, asin si Lib naghade bilang saiyang karibay.
19 Asin ini nangyaring naglipas na si Lib man naggibo nin bagay na marhay sa paghiling nin Kagurangnan. Asin sa mga aldaw ni Lib an mga makamandag na mga halas nagkaderestroso. Kun baya sinda nagpaduman sa kadagaan sa timog na parte, sa paghanap nin pagkakan para sa mga katawohan nin kadagaan, nin huli ta an kadagaan nakukunupan nin mga hayop sa mga kagubatan. Asin si Lib mismo nagin sarong matibayon na parahanap-pagkakan.
20 Asin sinda nagtugdok nin sarong dakulaon na siyudad sa may hayakpit na liog nin kadagaan, sa may lugar kun saen an dagat yaon sa tahaw nin kadagaan.
21 Asin saindang pinagpreserba an kadagaan sa may timog na parte para magin sarong kadawagan, tanganing makakua nin pagkakan. Asin an bilog na lalawgon nin kadagaan sa may norteng parte napano nin mga namamanwaan.
22 Asin sinda grabeng gayo kahigos, asin sinda nagbabakal asin nagpapabakal asin nagtatawadan sa lambang saro sa saro, na tangani sinda puwedeng makakua nin ganada.
23 Asin sinda naggigibo nin gabos na manera nin lansang, asin sinda naghihimo nin mga bulawan, asin plata, asin bakal, asin bronse, asin gabos na manera nin mga metal; asin saindang pinagkakalot ini gikan sa daga; kun baya, sinda nagkakalot paitaas nin darakulang umbok nin daga tanganing makakua nin lansang, nin bulawan, asin kan plata, asin kan bakal, asin nin bronse. Asin sinda naggibo nin gabos na manera nin pinong trabaho.
24 Asin sinda igwa nin mga sida, asin pinong tingtingon nin lino; asin sinda naggigibo nin gabos na manera nin yamit, na tanganing mabadoan an saindang mga sadire gikan sa saindang kahubaan.
25 Asin naggigibo nin gabos na manera nin pambungkal nin daga, pareho sa pagbungkal asin sa pagsabwag, sa pag-ani asin sa pagkalot, asin man sa paggiginik.
26 Asin sinda naggigibo nin gabos na manera nin kagamitan na saindang ginagamit para sa saindang mga hayupan.
27 Asin sinda naggigibo nin gabos na manera nin armas panggiyera. Asin sinda naggigibo nin gabos na manera nin trabaho na may grabeng gayo kakuryusong kaggibohan.
28 Asin dae pa nagkaigwa nin sarong mga katawohan na mas kapaladan kesa sainda, asin mas pang pinag-asenso sa paagi nin kamot nin Kagurangnan. Asin sinda yaon sa kadagaan na pinili labaw pa sa gabos na mga kadagaan, nin huli ta an Kagurangnan iyo an nagtaram kaini.
29 Asin ini nangyaring naglipas na si Lib nabuhay nin kadakul na mga taon, asin nagkaigwang mga akeng lalake asin mga babae; siya nagkaigwang akeng si Hearthom.
30 Asin ini nangyaring naglipas na si Hearthom naghade bilang karibay kan saiyang ama. Asin kan si Hearthom naghade nin beynte asin apat na taon, hilnga, an kahadean pinag-agaw sa saiya. Asin sya nagsirbe nin kadakul na mga taon sa pagkasakop, iyo, magin sagkod sa bilog na katadaan kan saiyang mga aldaw.
31 Asin siya nagkaigwang ake na si Heth, asin si Heth namuhay sa pagkasakop sa bilog niyang mga aldaw. Asin si Heth nagkaigwa nin akeng si Aaron, asin si Aaron namuhay sa pagkasakop sa bilog niyang mga aldaw; asin siya nagkaigwa nin ake na si Amnigaddah, asin si Amnigaddah man nag-eerok sa pagkasakop sa bilog niyang mga aldaw; asin siya nagkaigwa nin akeng si Coriantum, asin si Coriantum naki-erok sa pagkasakop sa bilog niyang mga aldaw; asin siya nagkaigwang ake na si Com.
32 Asin ini nangyaring naglipas na si Com nakapag-agyat paharayo nin kabangaan kan kahadean. Asin siya naghade sa kabangaan kan kahadean nin kuwarenta asin duwang taon; asin siya nakipaggiyera kontra sa hade, Amgid, asin sinda nagralaban sa laog nin kadakul na mga taon, na sa panahon na idto si Com an nanggana nin kapangyarihan na nangingibabaw ki Amgid, asin naagaw an kapangyarihan na nangingibabaw sa katadaan pa nin kahadean.
33 Asin sa mga aldaw nin Com nagpopoon na man na magkaigwa nin mga tulisan sa kadagaan; asin pinag-adaptar an lumang mga plano kaidto, asin nagpamahala nin panunumpa sa manera kan mga panahon, asin nagmawot na destrosohon giraray an kahadean.
34 Ngonian si Com nakipaglaban na gayo kontra sainda; daeng pagkukulang, siya dae nakatagal laban sainda.

ETHER TSAPTER 9

2006-07-11T09:48:00.000+08:00

An kahadean naglipas gikan sa saro pasiring sa saro sa paagi nin kamako-apoan asin intriga asin panggagadan--- Si Emer nahiling an Ake nin katanosan--- Kadakul na mga propeta nagkukurahaw nin pagsosolsol--- Sarong taggutom asin makamandag na mga halas iyo an nagin salot sa mga katawohan.

*******
Asin ngonian ako, si Moroni, nagpadagos sa sakuyang pagrekord. Kun kaya, hilnga, ini nangyaring naglipas na nin huli sa mga sikretong kumbinasyon ni Akish asin kan saiyang mga amigo, hilnga, saindang naagaw an kahadean ni Omer.
2 Daeng pagkukulang, na an Kagurangnan nagin maheherakong gayo ki Omer, asin man sa saiyang mga akeng lalake asin sa saiyang mga kadaragahan na dae naghangad kan saiyang kapahamakan.
3 Asin an Kagurangnan nagpatanid ki Omer sa pangiturugan na dapat siyang maghale sa kadagaan; kun baya si Omer naghale paluwas sa kadagaan kairiba an saiyang pamilya, asin naglakbay nin kadakul na mga aldaw, asin nakaabot asin nag-agi sa burobukid nin Shim, asin nakaabot sa lugar kun saen an mga Nephita nagkaderestroso, asin magpoon duman pasirangan, asin nakaabot sa sarong lugar na pinag-apud na Ablom, sa may baybayon, asin duman nagtugdok siya kan saiyang tolda, asin man an saiyang mga akeng lalake asin an saiyang mga akeng babae, asin an bilog niyang pagharongon, laen lang kina Jared asin an saiyang pamilya.
4 Asin ini nangyaring naglipas na si Jared pinagngaranan na magin hade na mangingibabaw sa mga katawohan sa paagi kan mga kamot nin karigsokan; asin saiyang itinao ki Akish an saiyang daragang ake na agomon.
5 Asin ini nangyaring naglipas na si Akish nagmawot na bawian nin buhay an saiyang panugangan na lalake; asin siya nagdulok sa mga tawo na saiyang pinagpasumpa sa paagi nin panunumpa kan mga panahon, asin saindang nakua an payo kan saiyang panugangan na lalake, habang siya nakatukaw sa saiyang trono, na naki-atubang sa saiyang mga katawohan.
6 Nin huli ta grabeng gayo an pagkakalat kaining marigsokon asin sikretong sosyedad na ini pinagkoraptu an mga puso kan gabos na mga katawohan; kun kaya si Jared pinaggadan habang yaon sa saiyang trono, asin si Akish an naghade bilang saiyang karibay.
7 Asin ini nangyaring naglipas na si Akish nagpoon na magselos sa saiyang akeng lalake, kun kaya saiya siyang pinakulong sa prisohan, asin pinagkulong siya na may kadikit o mayong pagkakan sagkod na siya nagsapo nin kagadanan.
8 Asin ngonian an tugang na lalake niya na nagsapo nin kagadanan, (asin an saiyang pangaran Nimrah) naanggot sa saiyang ama nin huli kan bagay na an saiyang ama iyo an naggibo sa saiyang tugang na lalake.
9 Asin ini nangyaring naglipas na si Nimrah nagtipon na magkasararo an sarong sadit na bilang nin mga tawo, asin nagdurulag paluwas sa kadagaan, asin nakaabot asin naki-erok kina Omer.
10 Asin ini nangyaring naglipas na si Akish nagkaigwa nin ibang mga akeng lalake, asin saindang ginana an mga puso nin mga katawohan, na maski na ngani na sinda nanumpa na man sa saiya na gumibo kan gabos na manera nin kadaendatahan na uyon sa saiyang pinagmamawot.
11 Ngonian an mga katawohan ni Akish nagmamawot nin gana, magin si Akish nagmamawot nin kapangyarihan; kun baya, an mga akeng lalake ni Akish nagtao sainda nin kuwarta, na sa paaging ini saindang madara paharayo an kadakul na parte nin mga katawohan na magsunod sainda.
12 Asin nagkaigwa nin pagpopoon nin sarong giyera sa tahaw kan mga akeng lalake ni Akish asin Akish, na nagtagal sa laog nin kadakul na mga taon, iyo, sagkod sa kapahamakan nin haros gabos na mga katawohan kan kahadean, iyo, haros gabos, laen lang sa treyntang mga kalag, asin sinda na nagdurulag na yaon sa harong ni Omer.
13 Kun baya, si Omer naibalik man giraray sa kadagaan kan saiyang kamanahan.
14 Asin ini nangyaring naglipas na si Omer nagpoon nang maggurang; daeng pagkukulang, sa saiyang pagkagurang siya nagkaigwa pa nin akeng lalake na si Emer; asin saiyang pinagngaranan si Emer na iyo an magigin hade na maghahade bilang saiyang karibay.
15 Asin pagkatapos niyang pagngaranan si Emer na iyo an magigin hade saiyang nahiling an katalingkasan sa kadagaan sa laog nin duwang taon, asin siya nagadan na, na nakahiling nin grabe na gayong mga aldaw, na pano-pano nin kamondoan. Asin ini nangyaring naglipas na si Emer naghade bilang karibay niya, asin nagsunod sa mga pinagtutungtungan kan saiyang ama.
16 Asin an Kagurangnan nagpoon giraray na haleon an sumpa sa kadagaan, asin an harong ni Emer nagpoon na mag-asensong gayo sa irarom kan paghahade ni Emer; asin sa laog nin saisiyenta asin duwang taon sinda nagin grabeng gayo kakusugon, na tangani baya sinda nagin mayamanong marhay---
17 Habang igwa nin gabos na manera kan prutas, asin nin mga butil, asin ning mga sutla, asin nin mga pinong lino, asin nin bulawan, asin nin plata, asin mga presyosong mga bagay;
18 Asin man gabos na manera nin mga kabakahan, arog kan lalakeng mga baka, asin palahian na mga baka, asin karnero, asin mga orig, asin mga kanding, asin man nin kadakul na iba pang mga klaseng mga hayop na makikinabangan para sa pagkakan nin tawo.
19 Asin sinda man igwa nin mga kabayo, asin mga asno, asin nagkaigwa nin mga elepante asin mga kurilum asin mga kumom; ini gabos may kapakinabangan sa tawo, asin lalo na an mga elepante asin mga kurilum asin mga kumom.
20 Asin kaya an Kagurangnan nagpabulos nin mga biyaya sa kadagaan na ini, na piniling labaw pa sa gabos na ibang kadagaan; asin siya nagsugo na an siisay man an magsasadire sa kadagaan dapat na pagsadirehon ini para sa Kagurangnan, o sinda dapat na pagdestrosohon sa panahon na sinda hinog na sa kadaendatahan; nin huli ta sa arog kaini, nagsasabi an Kagurangnan: Ako magpapabulos nin kapanoan kan sakuyang kaanggutan.
21 Asin si Emer nagpasunod nin paghuhukom sa katanosan sa bilog niyang mga aldaw, asin siya nagkaigwa nin kadakul na mga akeng lalake asin mga babae; asin siya nagkaigwang ake na si Coriantum, asin saiyang pinagngaranan si Coriantum na maghade bilang saiyang karibay.
22 Asin pagkatapos na saiyang pinagngaranan si Coriantum na maghahade bilang saiyang karibay siya namuhay pa nin apat na taon, asin siya nakahiling nin katuninongan sa kadagaan; iyo, asin saiyang nahiling an Ake nin Katanosan, asin nag-ogma asin nagpamuraway sa saiyang aldaw; asin siya nagadan sa katuninongan.
23 Asin ini nangyaring naglipas na si Coriantum naglakaw sa mga lakad kan saiyang ama, asin nagtugdok nin kadakul na darakulang mga siyudad, asin nagpapamahala kan bagay na marahayon sa saiyang mga katawohan sa gabos niyang mga aldaw. Asin ini nangyaring naglipas na dae siya nagka-ake maski sagkod na siya gurangon nang marhay.
24 Asin ini nangyaring naglipas na an saiyang agom nagadan, na nag-abot sa sarong gatos asin duwang taon an edad. Asin ini nangyaring naglipas na si Coriantum nagkua nin agom, sa saiyang pagkagurang, nin sarong daraga, asin nagkaigwa nin mga akeng lalake asin bagae; kun baya siya nabuhay sagkod na siya sarong gatos asin kuwarenta asin duwang taon na an edad.
25 Asin ini nangyaring naglipas na nagkaigwa siya ake na si Com, asin si Com naghade bilang karibay niya; asin siya naghade nin kuwarenta asin siyam na taon, asin nagkaigwa siya nin ake na si Heth; asin siya man nagkaigwa nin iba pang mga akeng lalake asin babae.
26 Asin an mga katawohan nagkaralat giraray sa bilog na lalawgon nin kadagaan, asin nagkaigwa giraray nin sobra kadakulaon na karigsokan sa lalawgon nin kadagaan, asin si Heth nagpoon na magkugos sa sikretong mga plano giraray kan luma, tanganing destrosohon an saiyang ama.
27 Asin ini nangyaring naglipas na saiyang nakua an trono kan saiyang ama, nin huli ta saiya siyang ginadan kan saiyang espada; asin siya naghade bilang saiyang karibay.
28 Asin nagkaigwa nin mga propeta sa kadagaan giraray, nagkukurahaw nin pagsosolsol sa sainda--- na saindang pag-andamon an dalan nin Kagurangnan o magkakaigwa nin sarong sumpa sa lalawgon nin kadagaan; iyo, na magkakaigwa nin sarong dakulaon na taggutom, na puwede sindang madestroso kun sinda dae magsosolsol.
29 Pero an mga katawohan dae nanggad nagtutubod sa mga tataramon kan mga propeta, kundi pinagtapok sinda paluwas asin an iba sainda pinaghulog ninda sa bangin asin pinabayaan sinda magkakaparara. Asin ini nangyaring naglipas na saindang pinaggigibo an gabos na ining mga bagay na uyon sa kasugoan nin hade, si Heth.
30 Asin ini nangyaring naglipas na nagkaigwa nin sarong dakulaon na tag-init sa lalawgon nin kinaban, asin an mga namamanwaan nagpopoon na magkaderestrosong hidali nin huli sa tag-init, nin huli ta dae kaidto nagkaigwa nin uran sa lalawgon kaining kinaban.
31 Asin nagkaigwa nin mga makamandag na mga halas man sa lalawgon nin kinaban, asin nakahilo nin kadakul na mga katawohan. Asin ini nangyaring naglipas na an saindang mga alagang hayop nagpopoon na magdurulag sa atubangan nin mga makamandag na mga halas, pasiring duman sa timog na parte nin kadagaan, na pinag-apod kan mga Nephita na Zarahemla.
32 Asin ini nangyaring naglipas na kadakulon sa sainda na nagkaparara habang yaon sa dalan; daeng pagkukulang, igwang ibang nakadulag pasiring sa timog na parte nin kadagaan/
33 Asin nangyaring naglipas na an Kagurangnan nagkausa sa mga rimoranon na dae na ninda pagralamagon sinda, kundi na sinda dapat na mag-abang sa dalan na tanganing an mga katawohan dae makakaagi, na an siisay man na magprobar na mag-agi sinda mahuhulog sa mga makamandag na mga halas.
34 Asin ini nangyaring naglipas na an mga katawohan nagsurunod sa dalan kan mga hayop, asin nagkakakan sa mga gadan na hawak ninda na nagkagaradan sa may dalan, sagkod na saindang nagkakarakan sinda gabos. Ngonian kan an mga katawohan nahihiling na sinda mapapara sinda nagpoon na magsosorolsol kan saindang mga kadaendatahan asin nag-aragrangay sa Kagurangnan.
35 Asin ini nangyaring naglipas na kan sinda nagpakubabang tama sa atubangan nin Kagurangnan siya nagpadara nin uran sa lalawgon nin kinaban; asin an mga tawo nagpopoon na magkakabarawian nin boot giraray, asin nagkaigwa nin pagpopoon nin pagburungan sa may norteng parte nin kabayanan, asin sa gabos na mga kabayanan sa palibot. Asin an Kagurangnan nagpahiling kan saiyang kapangyarihan sa sainda sa pagpreserba sainda gikan sa taggutom.

ETHER TSAPTER 8

2006-07-08T10:43:00.000+08:00

ETHER TSAPTER 8

Nagkaigwa nin iriwal-iwal asin ralabanan sa kahadean--- Si Akish nagporma nin sarong obligadong-panunumpa na sikretong kumbinasyon tanganing gadanon an hade--- An sikretong kumbinasyon naggikan sa diyablo asin nagresulta sa kapahamakan nin mga nasyon--- An Modernong mga Hentil pinagpatanidan kontra sa sikretong kumbinasyon na nagmamawot na agawon an pagigin libre kan bilog na mga kadagaan, mga nasyon, asin mga kabayanan.

*******

Asin ini nangyaring naglipas na siya nakapag-ake ki Omer, asin si Omer naghale karibay niya. Asin si Omer nakapag-ake ki Jared; asin si Jared nakapag-ake nin mga lalake asin babae.
2 Asin si Jared nagrebelde kontra sa saiyang ama, asin nakaabot asin naki-erok sa kadagaan nin Heth. Asin ini nangyaring naglipas na siya nakapag-akit nin kadakul na mga katawohan, nin huli sa saiyang pasaluib na mga tataramon, sagkod sa saiyang naganahan an kabanga kan kahadean.
3 Asin kan saiya nang nakua an kabangaan kan kahadean siya nakipaglaban sa saiyang ama, asin saiyang dinakop an saiyang ama pasiring sa pagkasakop, asin pinaghimo nyang magsirbe ini habang yaon sa pagkasakop;
4 Asin ngonian, sa mga aldaw kan paghahade ni Omer siya yaon sa pagkasakop sa kabangaan kan saiyang mga aldaw. Asin ini nangyari naglipas na siya nakapag-ake nin mga lalake asin mga babae, asin sa pag-iriba kan mga ini iyo sinda Esrom asin Coriantumr;
5 Asin sinda grabeng gayo an kaanggutan nin huli sa mga kaggibohan ni Jared na saindang tugang, na tangani baya sinda nagtipon nin armada asin nakipaglaban ki Jared. Asin ini nangyaring naglipas na sinda nakipaglaban sa saiya kun banggi.
6 Asin ini nangyaring naglipas na kan nagkagaradan na ninda an armada ni Jared sinda kuta na mapoon na sa paggadan saiya man; asin siya nagdulag sa sainda na tanganing dae siya ninda magagadan, asin saiyang pinagtao an kahadean sa saiyang ama. Asin ini nangyaring naglipas na saindang pinagtugutan siyang mabuhay.
7 Asin ngonian si Jared nagin mamondoon na gayo nin huli sa pagkadaog kan kahadean, nin huli ta saiyang pinagtoon an saiyang puso sa kahadean asin sa mga kamurawayan kan kinaban.
8 Ngonian an sarong akeng babae ni Jared na grabeng gayo ka-eksperto, asin nahihiling an kamondoan kan saiyang ama nag-isip na gumibo nin sarong plano na kun saen saiyang mabawi an kahadean para sa saiyang ama.
9 Ngonian an daragang ake ni Jared grabeng gayo kagayon. Asin ini nangyaring naglipas na siya nakipag-olay sa saiyang ama, asin nagsabi sa saiya. Ano baya ta an sakong ama grabe an kamondoan? Dae daw niya nabasa an rekord na an satuyang mga ama pinagdarang makabalyo gikan sa dakulaon na kararoman? Hilnga, dae daw nagkaigwa nin sarong estorya manungod sainda kaidto pa, na sinda sa paagi kan saindang mga sikretong mga plano nakakua nin mga kahadean asin dakulang kamurawayan?
10 Asin ngonian, kun kaya, tuguti na an sakuyang ama ipadara si Akish, an akeng lalake ni Kimnor, asin hilnga, ako baya magayonon, asin ako magsasayaw sa atubangan niya, asin sakuya pagpa-ogmahon siya, na tanganing saiya akong pagmawoton na magin agom; kun baya kun saiyang pagmmamawoton saimo na saimong itatao sa saiya ako na magin agom, kaya ika magsasabi: Sakuya siyang itatao kun saimong dadarahon sa sakuya an payo kan sakuyang ama, an hade.
11 Asin ngonian si Omer sarong amigo ni Akish; kun baya, kan si Jared nagpadara para ki Akish, an akeng daraga ni Jared nagsayaw sa atubangan niya na tanganing mapa-ogma siya, na tanganing siya nagmawot saiya na agomon. Asin ini nangyaring naglipas na siya nagsabi ki Jared: Itao mo siya sakuya bilang agom.
12 Asin si Jared nagsabi sa saiya: Itatao ko siya saimo, kun saimong madadara sa sakuya an payo kan sakuyang ama, an hade.
13 Asin ini nangyaring naglipas na si Akish pinagtiripon sa harong ni Jared an gabos niyang mga kaparyentehan, asin nagsabi sa sainda: Manunumpa daw kamo sa sakuya na kamo magigin matinubod-tubod sa sakuya sa bagay na sakuyang pinagmamawot sa saindo?
14 Asin ini nangyaring naglipas na sinda gabos nanumpa sa saiya, sa paagi nin Diyos sa langit, asin man sa mga kalangitan, asin man sa kinaban, asin sa paagi kan saindang mga pamayo, na an siisay man na magbari gikan sa asistensiya na si Akish an namamawot mawawaraan kan saindang payo; asin an siisay man na magbabalangibog kan anuman na bagay na si Akish iyo an nagpaaram sa sainda, siya man hahalean kan saiyang buhay.
15 Asin ini nangyaring naglipas na kaya sinda nag-uyon ki Akish. Asin si Akish iyo an nagpasumpa sa sainda kan mga panunumpa na pinagtao ninda kaidto para sa kiisay man na nagmamawot nin kapangyarihan, na ipinagpamana gikan pa ki Cain, na sarong paragadan magpoon pa sa kapinunan.
16 Asin sinda pinagtago sa paagi nin kapangyarihan kan diyablo na gibohon ining mga panunumpa sa mga katawohan, na itago sinda sa kadikloman, na magtabang arog kan maghagad nin kapangyarihan tanganing man-agaw nin kapangyarihan, asin manggadanan, asin manghabon, asin mangputik, asin gumibo nin gabos na manera nin karigsokan asin mga pagbenta nin laman.
17 Asin an akeng daraga ni Jared iyo an nagpamugtak kaini sa saiyang puso na tanganing hanapon an mga lumang bagay na ini kaidto; asin si Jared iyo an nagpamugtak kaini sa puso ni Akish; kun baya, si Akish an naggibo kaini sa saiyang mga kalahi asin mga amigo, pinangenotan sinda sa paagi nin magagayon na mga promisa na gumibo kan anuman na bagay na saiyang pinagmamawot.
18 Asin ini nangyaring naglipas na sinda nagporma nin sarong sikretong kumbinasyon, na arog kan luma kaidto; na an kumbinasyon sarong mas pang ka-abominableng gayo asin marigsokon sobra pa sa gabos, sa pahiling nin Diyos;
19 Nin huli ta an Kagurangnan dae naggigibo sa sikretong mga kumbinasyon, ni magusto siya na an tawo dapat na magpabulos nin dugo, pero sa gabos na mga bagay pinagbabawal ini, magpoon pa kaidtong kapinunan nin tawo.
20 Asin ngonian, ako, si Moroni, dae nagsurat sa manera kan saindang mga panunumpa asin kumbinasyon, nin huli ta ini ipinagpaaram sa sakuya na sinda yaon nang kapot sa pag-iriba kan gabos na mga katawohan, asin sinda pinagkakaputan sa pag-iriba kan mga Lamanita.
21 Asin sinda an nagkausa sa kapahamakan kaining mga katawohan na iyo an sakuyang ngoniang pinagsasabi, asin man an kapahamakan kan mga katawohan ni Nephi.
22 Asin an siisay man na nasyon na gumigibo kaining sikretong kumbinasyon, tanganing makakua nin kapangyarihan asin gana, sagkod na sinda magkaralat na sa nasyon, hilnga, sinda pagdedestrosohon; nin huli ta an Kagurangnan dae nanggad matugot na an dugo kan saiyang mga banal, na iyo an pabubuluson ninda, pirme sanang mag-aagrangay sa saiya gikan sa daga para ipagbalos laban sainda asin alagad dae niya sinda binabalos.
23 Kun baya, O kamong mga Hentil, ini sarong kadunungan nin Diyos na an mga bagay na ini ipinapahiling sa saindo, na tangani baya kamo magsorolsol kan saindong mga kasalan, asin dae kamo magtutugot na ining mapanggadan na mga kumbinasyon iyo an mangangaputan sa saindo, na pinaggibo tanganing makakua nin kapangyarihan asin gana--- asin an trabaho, iyo, magin an gibo nin kapahamakan magdudulok sa saindo, iyo, magin an espada nin hustisya kan Eternal na Diyos maghahampak sa saindo, tangani kamo agawan asin mapahamak kun kamo magtutugot kan mga bagay na ining mangyayari.
24 Kun kaya, an Kagurangnan nagsusugo sa saindo, kun saindong mahihiling an mga bagay magdudulok sa pag-iriba nindo na kamo magimata sa kamugtakan kan saindong makangorongirhat na sitwasyon, nin huli kaining sikretong kumbinasyon na magigin yaon sa pag-iriba nindo; O herak man sa saindo, nin huli sa dugo ninda na iyong pinaggaradan; nin huli ta sinda nag-aagrangay gikan sa alpog para ipagbalos kaini, asin man sa sainda na iyo an nagmuntar kaini.
25 Nin huli ta ini nangyayaring naglipas na an siisay na naggibo kaini sa pagmawot na man-agaw nin libertad sa gabos na mga kadagaan, mga nasyon, asin mga kabayanan; asin ini an nagdadara nin kapahamakan kan gabos na mga katawohan, nin huli ta ini pinagtugdok sa paagi kan diyablo, na iyo an ama kan gabos na kaputikan; magin siya iyo man sanang gayo na paraputik na iyo an nagdaya kan enot tang mga magurang, iyo, magin siya iyo man sanang gayo na paraputik na iyo an nagkausa na tanganing an tawo maggibo nin panggagadanan magpoon pa sa kapinunan; na iyo an nagpatagas kan mga puso nin mga tawo na sinda iyo an nanggagadan nin mga propeta, asin pinaggapo sinda, asin iyo an nagpalayas sainda magpoon pa sa kapinunan.
26 Kun kaya, ako, si Moroni, pinagsugo na suraton an mga bagay na ini na tanganing an karaotan puwedeng malikayan, asin ta an panahon maabot na si Satanas mawaraan na nin kapangyarihan sa mga puso kan mga kaakian nin mga tawo, pero sinda puwedeng mahikayat na gumibo nin padagos na karahayan, na sinda puwedeng makadulok sa burabod kan gabos na katanosan asin magin ligtas.

ETHER TSAPTER 7

2006-07-07T10:56:00.000+08:00

Si Orihah naghade sa katanosan--- sa tahaw nin pakipag-agawan asin pakipag-iwal an karibal na mga kahadean nin Shule asin Cohor pinagtugdok--- An mga propeta pinagkondena an karigsokan asin idolatriya kan mga katawohan, na katapos-tapusi nagsorolsol.

*******

Asin ini nangyaring naglipas na si Orihah nagpasunod nin paghuhukom sa kadagaan na may katanosan sa bilog niyang mga aldaw, na an mga aldaw na ini grabeng gayo kadakul.
2 Asin siya nagkaigwa nin mga akeng lalake asin babae; iyo, siya nangake nin treynta asin saro, asin sa mga iyan beynte asin tulo mga akeng lalake.
3 Asin ini nangyaring naglipas na siya man nakapag-ake pa ki kib sa saiyang pagkagurang. Asin ini nangyaring naglipas na si Kib naghade bilang karibay niya; asin si Kib nakapag-ake ki Corihor.
4 Asin kan si Corihor nag-edad nin treynta asin duwang taon siya nagrebelde kontra sa saiyang ama, asin naglayas asin nag-erok sa kadagaan nin Nehor; asin siya nagkaigwa nin mga akeng lalake asin babae, asin sinda nagin grabeng gayo kamagagayon; kun baya si Corihor nakapag-agyat nin kadakul na mga katawohan na kairiba niya.
5 Asin kan siya nakapagtiripon na nin nagkasararong armada siya nag-atake sa kadagaan nin Moron kun saen an hade nag-eerok, asin pinagsakop niya siya, na iyo an nagdara na maglipas an pinagsasabi kan tugang na lalake ni Jared na sinda pagdadarahon pasiring sa pagkasakop.
6 Ngonian an kadagaan nin Moron, kun saen an hade nag-eerok, haranihon sa kadagaan na pinag-aapod na Kalipungawan kan mga Nephita.
7 Asin ini nangyaring naglipas na si Kib nag-eerok sa pagkasakop, asin an saiyang mga katawohan sa irarom ni Corihor na saiyang akeng lalake, sagkod na siya nagin gurangon nang marhay; daeng pagkukulang si Kib nagka-ake ki Shule sa saiyang edad nin pagkagurang, habang yaon siya sa pagkasakop.
8 Asin ini nangyaring naglipas na si Shule naanggot sa saiyang tugang na lalake, asin si Shule baskugon na marhay, asin nagin makusugon na arog sa sarong mabaskog na tawo; asin siya man matanos sa paghuhukom.
9 Kun baya, siya nagduman sa burobukid nin Ephraim, asin siya nagtunaw nin bakal gikan sa burobukid, asin naggibo nin mga espada para sa sainda na saiyang nagka-aragyat na magrayo kaiba niya; asin pagkatapos na saiya sindang pinag-armasan nin mga espada siya nagbalik sa siyudad nin Nehor, asin nakipaglaban kontra sa saiyang tugang na lalakeng si Corihor, na sa paaging ini sayang nabawi an kahadean asin pinagbalik ini sa saiyang ama na si Kib.
10 Asin ngonian nin huli sa bagay na ginibo ni Shule, pinagtao sa saiya ang kahadean; kun kaya siya naghade bilang karibay kan saiyang ama.
11 Asin ini nangyaring naglipas na siya naggibo nin paghuhukom sa katanosan; asin saiyang pinadakula an sayang kahadean sa bilog na lalawgon nin kadagaan, nin huli ta an mga katawohan nagin kadakula na marhay an bilang.
12 Asin ini nangyaring naglipas na si Shule nagkaigwa nin kadakul na mga akeng lalake asin babae.
13 Asin si Corihor nagsolsol sa kadakul nyang mga karaotang nagkaginibohan; kun kaya si Shule nagtao saiya nin kapangyarihan sa saiyang kahadean.
14 Asin ini nangyaring naglipas na si Corihor nagkaigwa nin kadakulon na mga akeng lalake asin babae. Asin sa pag-iriba kan mga akeng lalake si Corihor igwa nin saro na an pangaran Noah.
15 Asin ini nangyaring naglipas na si Noah nagrebelde kontra ki Shule, an hade, asin sa saiyang ama na si Corihor, asin kaiba sa paghale si Cohar na saiyang tugang na lalake, asin man an gabos nyang mga katugangan asin kadakul na mga katawohan.
16 Asin siya nakipaglaban kontra ki Shule, an hade, na kun saen saiyang nakua an kadagaan kan enot nindang kamanahan; asin siya nagin hade na nangingibabaw sa parteng idto nin kadagaan.
17 Asin ini nangyaring naglipas na siya nakipaggiyera giraray ki Shule, an hade, asin saiyang nadakop si Shule, an hade, asin pinagdarang dakop paharayo pasiring sa Moron.
18 Asin ini nangyaring naglipas habang saiya na kuta nang ipapataw saiya an kagadanan, an mga akeng lalake ni Shule nagkanap palaog sa harong ni Noah sa pagkabanggi asin ginadan siya, asin pinagpabagsak an pintuan kan prisohan asin pinagdara paluwas an saindang ama, asin pinagpamugtak siya sa saiyang trono sa saiyang sadireng kahadean.
19 Kun kaya, an akeng lalake ni Noah iyo an nagpadakula kan saiyang kahadean bilang karibay niya; daeng pagkuklang na sinda dae nang gayo nakagana nin kapangyarihan na mangibabaw kesa ki Shule, an hade, asin an mga katawohan na yaon sa irarom kan paghahade ni Shule an hade nagin ma-asensohong gayo asin nagdakul.
20 Asin an nasyon nabanga; asin nagkaigwa nin duwang kahadean, an kahadean nin Shule, asin an kahadean nin Cohor, na akeng lalake ni Noah.
21 Asin si Cohor, an akeng lalake ni Noah, nagkausa na an saiyang mga katawohan dapat na makilaban ki Shule, na kun saen si Shule an nakadaog sainda asin nakagadan ki Cohor.
22 Asin ngonian si Cohor igwang sarong akeng lalake na pinag-apod na si Nimrod; asin si Nimrod pinagtao an kahadean ni Cohor ki Shule, asin siya nakagana nin pabor sa mga mata ni Shule; kun baya si Shule nagpataw nin dakulaon na mga pabor sa saiya, asin siya nagduman sa kahadean ni Shule na uyon sa saiyang mga pagmamawot.
23 Asin man sa paghahade ni Shule nagkaigwa nin mga propeta na kairiba nin mga katawohan, na mga ipinadara gikan sa Kagurangnan, na nagpopropesiya na an karigsokan asin idolatriya kan mga katawohan iyo an nagdadara nin sarong sumpa sa kadagaan, asin sinda dapat na destrosohon kun sinda dae magsosorolsol.
24 Asin ini nangyaring naglipas na an mga katawohan nagka-aranggot kontra sa mga propeta, asin pinagtutuya-tuya sinda. Asin ini nangyaring naglipas na si hadeng Shule naggibo nin paghuhukom kontra sa gabos ninda na nagka-aranggot kontra sa mga propeta.
25 Asin siya nagpasunod nin sarong ley sa gabos na kabilugan nin kadagaan na nagtatao nin kapangyarihan sa mga propeta na sinda makapagduman maski sa arin mang lugar na padumanan ninda; asin ssa paaging ini iyo an nagkausa na an mga katawohan pinagdara pasiring sa pagsosolsol.
26 Asin nin huli ta an mga katawohan nagsorolsol kan saindang mga kadaendatahan asin mga idolatriya an Kagurangnan pinagpatawad sinda, asin sinda nagpopoon na mag-arasenso giraray sa kadagaan. Asin ini nangyaring naglipas na si Shule nagkaigwa nin mga akeng lalake asin mga babae sa saiyang pagkagurang na edad.
27 Asin dae na nagkaigwa nin mga giyera sa mga aldaw ni Shule; asin siya nakagiromdom sa mga darakulang bagay na an Kagurangnan iyo an naggibo para sa saiyang mga ama sa pagdara sainda sa pagbalyo sa dakulaon na kararoman pasiring sa pinagpromisang kadagaan; kun kaya siya nagpasunod nin paghuhukom sa katanusan sa bilog nyang mga aldaw.

ETHER TSAPTER 6

2006-07-06T18:22:00.000+08:00

An mga sakayan kan mga Jaredita pinaghuyop nin mga paros pasiringon sa pinagpromisang kadagaan--- An mga katawohan nag-omaw sa Diyos nin huli sa saiyang pagkamarahayon--- Si Orihah pinagngaranan na hade ninda--- Si Jared asin an saiyang tugang naglipas sa kagadanan.

*******

Asin ngonian ako, si Moroni, nagpapadagos na magtatao nin rekord ni Jared asin kan siyang tugang an lalake.
2 Nin huli ta ini nangyaring naglipas pagkatapos na an Kagurangnan an nag-andam kan mga gapo na an tugang na lalake ni Jared an nagdara sa itaas kan bukid, an tugang na lalake ni Jared nagbaba sa itaas kan bukid, asin saiyang pinagkaag an mga gapo sa laog kan mga sakayan na pinag-andam, saro sa lambang puro kaini; asin hilnga, sinda nanggad nakapagtao nin liwanag sa laog nin mga sakayan.
3 Asin kaya an Kagurangnan nagkausa sa mga gapo na magsirang sa kadikloman, tanganing magtatao nin liwanag sa mga tawo, mga babae, asin mga kaakian, na tanganing sinda dae magbalyo sa dakulaon na mga tubig sa kadikloman.
4 Asin ini nangyaring naglipas na kan sinda nakapag-andam na kan gabos na manera nin pagkakan, na tangani baya sinda makatagal sa ibabaw nin tubig, asin man pagkakan para sa saindang mga karnero asin kabakahan, asin sa anuman na mga hayop o alaga o gamgam na saindang dara-dara kaiba ninda--- asin ini nangyaring naglipas na kan sainda nang naggibo an gabos na mga bagay na ini sinda nagsarakay na sa saindang mga sakayan o barko, asin naglayag na pasiringon sa dagat, pinagtiwala an saindang mga sadire sa Kagurangnan na saindaing Diyos.
5 Asin ini nangyaring naglipas na an Kagurangnang Diyos nagkausa na dapat magkakaigwa nin sarong makusugon na huyop nin paros sa lalawgon nin mga katubigan, pasiring sa pinagpromisang kadagaan; asin kaya sinda pinagtulak sa ibabaw kan mga balud nin dagat sa paagi nin paros.
6 Asin ini nangyaring naglipas na sinda kadakul na beses pinaglubog sa mga kairaroman nin dagat, nin huli sa gabukid na mga balud na naghahampak sainda, asin man sa darakula asin teribleng mga pagbagyo na pinagkausa sa paagi nin kakusugan kan paros.
7 Asin ini nangyaring naglipas na kan sinda nagkarulubong na sa kairaroman dae nagkaigwa nin tubig tanganing makakapakulog sainda, an saindang mga sakayan na pulido arog kan sarong daod, asin man sinda pulido na arog sa arko ni Noah; kun kaya sa panahon na sinda pinaghahampak kan kadakul na mga tubig sinda nangapudan sa Kagurangnan, asin saiya sindang pinagpalataw sa ibabaw kan katubigan.
8 Asin ini nangyaring naglipas na an paros dae nanggad nag-uuntok sa paghuyop pasiring sa pinagpromisang kadagaan habang sinda yaon sa ibabaw nin mga katubigan; asin kaya sinda pinagpadpad kan paros.
9 Asin sinda nagkaranta nin mga pag-omaw sa Kagurangnan; iyo, an tugang na lalake ni Jared nagkanta nin mga pag-omaw sa Kagurangnan, asin siya nagpasalamat asin nag-omaw sa Kagurangnan sa bilog na lawig nin aldaw; asin kan an banggi nag-abot na, sinda dae nag-uuntok sa pag-omaw sa Kagurangnan.
10 Asin kaya sinda pinagpadpad; asin mayong halimaw nin dagat na makapagbaak sainda, ni balyena na makapagkulog sainda; asin sinda nagkaigwa nin padagos na liwanag, maski na ini yaon sa ibabaw na nin tubig o irarom kan tubig.
11 Asin kaya sinda pinagpadpad, tulong gatos asin kuwarenta asin apat na aldaw sa ibabaw nin tubig.
12 Asin sinda nakapagduong sa baybayon kan pinagpromisang kadagaan. Asin kan saindang pinagtungtong an saindang mga bitis sa mga baybayon kan pinagpromisang kadagaan sinda naduruko kan saindang mga sadire sa lalawgon nin kadagaan; asin nagpakumbaba kan saindang mga sadire sa atubangan nin Kagurangnan, asin nagpaturo kan mga luha nin kaogmahan sa atubangan nin Kagurangnan, nin huli sa kadakulan kan saiyang mapagbantay na mga pagkaherak sa sainda.
13 Asin ini nangyaring naglipas na sinda nagralakaw sa lalawgon nin kadagaan, asin nagpoon na magbungkal nin daga.
14 Asin si Jared nagkaigwa nin apat na lalakeng ake; asin sinda pinag-apod na Jacom, asin Gilgah, asin Mahah, asin Orihah.
15 Asin an tugang na lalake ni Jared nagkaigwa man nin mga akeng lalake asin mga babae.
16 Asin an mga amigo ni Jared asinkan saiyang tugang nagbilang nin beynte asin duwang kalag; asin sinda man nangarake nin mga akeng lalake asin mga babae bago pa man sinda nakaabot sa pinagpromisang kadagaan; asin kun kaya sinda nagpoon nang magdakul.
17 Asin sinda pinagtukdoan na maglakaw sa kapakumbabaan sa atubangan nin Kagurangnan; asin sinda man pinagtutukdoan gikan sa itaas.
18 Asin ini nangyaring naglipas na sinda nagpoon na sa pagkaralat sa lalawgon nin kadagaan, asin magpakadakul asin magbungkal nin daga; asin sinda nagin makukusog sa kadagaan.
19 Asin an tugang na lalake ni Jared nagpoon sa paggurang, asin nahihiling na siya harani nang magpaduman pababa sa lubungan; kun baya siya nagsabi ki Jared: Tiriponon tang magkasararo an satuyang mga katawohan na tanganing satuyang mabilang sinda, na tanganing satuyang maaaraman gikan sainda kun ano baya an saindang mga kamawotan sa satuya bago pa man kita mapasiring pababa sa satuyang mga lubungan.
20 Asin tulos-tulos an mga katawohan nagkatiripong nagkasararo. Ngonian an numero kan mga akeng lalake asin babae kan tugang na lalake ni Jared iyo na beynte asin apat na kalag; asin an numero kan mga akeng lalake asin babae ni Jared dose, siya na igwang apat na mga akeng lalake.
21 Asin ini nangyaring naglipas na saindang pinagbilang an saindang mga katawohan; asin pagkatapos na saindang pinagbilang sinda, sinda naghagad sainda nin mga bagay na gusto ninda na boot nindang gibohon sainda bago pa man magpasiring pababa sa saindang mga lubungan.
22 Asin ini nangyaring naglipas na an mga katawohan naghagad sainda na sinda magngaran nin saro sa saindang mga akeng lalake na magigin hade na mangingibabaw sainda.
23 Asin ngonian hilnga, ini magigin pagabat sa sainda. Asin an tugang ni Jared nagsabi sa sainda: Segurado ako na ining bagay na ini magdadara pasiring sa pagkasakop.
24 Pero si Jared nagsabi sa saiyang tugang na lalake: Tuguti na sinda na sinda magkakaigwa nin sarong hade. Asin kun kaya siya nagsabi sa sainda: Magpili kamo gikan sa pag-iriba kan satuyang mga akeng lalake nin sarong hade, maski siisay na saindong ginugusto.
25 Asin ini nangyaring naglipas na sinda nagpili ngani sa panganay na ake kan tugang na lalake ni Jared; asin an saiyang pangaran iyo si Pagag. Asin ini nangyaring naglipas na siya dae nagtugot asin habo na magigin saindang hade. Asin an mga katawohan nagmawot na an saiyang ama iyo an magpirit saiya, pero an saiyang ama habo; asin siya nagsugo sainda na sinda dae nanggad magpirit sa kiisay na tawo na magigin saindang hade.
26 Asin ini nangyaring naglipas na sinda nagpili sa gabos na mga tugang na lalake ni Pagag, asin sinda naghabo man.
27 Asin ini nangyaring naglipas na maski ngani an mga akeng lalake ni Jared, magin an gabos laen lang sa saro; asin si Onihah iyo an pigngaranan na magigin hade na mangingibabaw sa mga katawohan.
28 Asin siya nagpoon na maghade, asin an mga katawohan nagpoon na mag-arasenso; asin sinda nangagin sobrang gayo na mayayaman.
29 Asin ini nangyaring naglipas na si Jared nagadan na, asin an saiyang tugang man.
30 Asin ini nangyaring naglipas na si Orihah naglakaw sa kapakumbabaan sa atubangan nin Kagurangnan, asin nakagiromdom kun gurano kadakulang mga bagay na an Kagurangnan naggibo para sa saiyang ama, asin man nagtukdo sa saiyang mga katawohan kun gurano kadakulang mga bagay na an Kagurangnan an naggibo para sa saindang mga ama.

ETHER TSAPTER 5

2006-07-06T17:39:00.000+08:00

Tulong mga testigo asin an gibo kaini makakapagtindog bilang sarong testimonya nin pagkatotoo kan Libro ni Mormon.

*******

Asin ngonian ako, si Moroni, nakapagsurat na kan mga memorya; asin ako nakapagsabi na saindo kan mga bagay na sakuya nang naselyuhan; kun kaya dae mo sinda pagdut-an na tangani baya saimong maisalin; nin huli ta an bagay na iyan pinagbabawal saimo, laen lang kun sa paagi asin paagi sanang ini magigin kadunungan nin Diyos.
2 Asin hilnga, ika magkakaigwa nin pribilihiyo na tanganing saimong maipahiling an mga lamina sa sainda na makakatabang tanganing darahon paluwas an gibong ini;
3 Asin sa tulo ipapahiling an mga ini sa paagi nin kapangyarihan nin Diyos; kun kaya saindang maaaraman na may kasegurohan na an mga bagay na ini totoo.
4 Asin sa nguso nin tulong testigo an mga bagay na ini ma-eestablisa; asin an testimonya kan tulo, asin an gibong ini, kun saen maipapahiling na gayo an kapangyarihan nin Diyos asin man an saiyang tataramon, na an Ama mismo, asin an Ake, asin an Banal na Espiritu iyo an magpapatotoo--- asin an gabos na ini magtitindog bilang sarong testimonya kontra sa kinaban sa huring aldaw.
5 Asin kun mangyayari ini na sinda magsosolsol asin magdudulok sa Ama sa pangaran ni Jesus, sinda tatanggapon pasiring sa kahadean nin Diyos.
6 Asin ngonian, kun ako mayong autoridad para sa mga bagay na ini, maghukom kamo; nin huli ta saindong maaaraman na ako igwang autoridad sa panahon na saindong mahihiling ako, asin kita magtitindog sa atubangan nin Diyos sa huring aldaw. Amen.

ETHER TSAPTER 4

2006-07-06T17:33:00.000+08:00

Si Moroni pinagsugo na selyuhan an mga sinurat kan tugang na lalake ni Jared--- Sinda dae ipapahayag sagkod na an mga tawo magkaigwa nin pagtubod na arog kan tugang na lalake ni Jared--- Si Cristo nagsusugo sa mga tawo na magtubod kan saiyang mga tataramon asin kan saiyang mga desipulos--- An mga tawo pinagsusugo na magsorolsol asin magtubod sa ebanghelyo asin magin ligtas.

*******

Asin an Kagurangnan pinagsugo an tugang na lalake ni Jared na magbaba na sa bukid gikan sa presensiya nin kagurangnan, asin suraton an mga bagay na saiyang nahiling; asin sinda pinagbawal na makaabot sa mga kaarakian nin mga tawo sagkod na matapos siyang maipag-iitaas sa krus; asin nin huli sa kausang ini ginibo ni hadeng Mosiah na itago sinda, na sinda dae dapat na maaraman kan kinaban sagkod na matapos ni Cristo dapat na nakapagpahiling na kan saiyang sadire sa saiyang mga katawohan.
2 Asin pagkatapos na si Cristo tunay nanggad na nakapagpahiling na kan saiyang sadire sa saiyang mga katawohan siya nagsugo na sinda dapat nang mahimong maipagpahiling.
3 Asin ngonian, pagkatapos kaiyan, sinda gabos dikit-dikit na mawaraan nin pagtubod; asin mayo nang iba laen lang na kun ini an mga Lamanita, asin saindang pinagsikwal an ebanghelyo ni Cristo; kun kaya ako pinagsugo na sakuya sindang tagoon giraray sa daga.
4 Hilnga, ako nagsurat sa mga laminang ini kan iyong gayong mga bagay na an tugang na lalake ni Jared an nakahiling; asin mayo pang mga darakulang bagay na ipinagpahiling kesa kaidtong mga hinimong maipagpahiling sa tugang na lalake ni Jared.
5 Kun baga an Kagurangnan nagsugo sakuya na suraton sinda. Asin siya nagsugo sakuya na ako dapat na iyo an magselyo sainda; asin siya man nagsugo na ako an dapat na magseselyo kan interpretasyon kaini; kaya baga ako an nagselyo kan mga interpretador, na uyon sa kasugoan nin Kagurangnan.
6 Nin huli ta an Kagurangnan an nagsabi sa sakuya: Sinda dae dapat na mapaduman sa mga Hentil sagkod sa aldaw na sinda magsorolsol kan saindang mga kadaendatahan, asin magin malinigon sa atubangan nin Kagurangnan.
7 Asin sa aldaw na iyan na sinda maggigibo kan saindang pagtubod sakuya, an sabi nin Kagurangnan, na arog sa ginibo kan tugang na lalake ni Jared, na tanganing sinda magin sanktipikado sa sakuya, saka na ako magpapahiling sa sainda kan mga bagay na an tugang na lalake ni Jared an nakahiling, magin sagkod sa pagbiklad sa sainda kan gabos kong mga kapahayagan, sabi ni JesuCristo, an Ake nin Diyos, an Ama nin mga kalangitan asin kan kinaban, asin kan gabos na bagay na yaraon sa sainda.
8 Asin siya na makipagtagasan kontra sa tataramon nin Kagurangnan, tuguti siyang pagkokondenaron; asin siya na maninikwal kaining mga bagay, tuguti siyang pagkokondenaron; nin huli ta sa sainda Ako magpapahiling nin mayong dakulang mga bagay, sabi ni JesuCristo; nin huli ta siya iyo Ako na nagtataram.
9 Asin sa sakuyang pagsugo an mga kalangitan pagbubuksan asin pagseseraduhan; asin sa sakuyang tataramon an kinaban magtatanyog; asin sa sakuyang pagsugo an mga nag-eerok kaini maglilipas, na magin arog baga sa sarong kalayo.
10 Asin siya na dae magtutubod kan sakuyang mga tataramon dae man magtutubod kan sakuyang mga desipulos; asin kun ini mangyayari na ako dae makapagtaram, maghukom ka; nin huli ta kamo makakaaram na ini iyo Ako na nagtataram, sa huring aldaw na iyan.
11 Pero siya na magtutubod kaining mga bagay na sakuyang pinagtaram na, siya sakuyang pagbibisitahon na maipagpamate an sakuyang Espiritu, asin siya makakaaram asin tunay na magpapatotoo. Nin huli ta sa paagi kan sakuyang Espiritu siya makakaaram na an mga bagay na ini totoo; nin huli ta ini makapag-agda sa mga tawo na gumibo nin marahay.
12 Asin an anuman na bagay na puwedeng makapag-agda sa mga tawo gumibo nin marhay siya yaon sakuya; nin huli ta an marhay dae minagikan sa kun saen kundi sa sakuya sana. Ako iyo an kapareho man sana na nangengenotan sa mga tawo sa gabos na marhay; siya na habong magtubod sa sakuyang mga tataramon dae nanggad nagtutubod sakuya--- na ini iyo Ako; asin siya na habong magtutubod sakuya dae man nagtutubod sa Ama na iyo an nagpadara sakuya. Nin huli ta hilnga, Ako an Ama, Ako an liwanag, asin an buhay, asin an katotoohanan kan kinaban.
13 Magdulok kamo sakuya, O kamong mga Hentil, asin Ako magpapahiling sa saindo nin mga darakulang bagay, an kaaraman na pinagtago nin huli kan daeng pagtubod.
14 Magdulok kamo sakuya, O kamong yaon sa harong nin Israel, asin ini ipagpapahiling sa saindo kun gurano kadakula an mga bagay na an Ama iyo an naglatag para saindo, magpoon pa sa pundasyon kan kinaban; asin ini dae nakaabot sa saindo, nin huli kan daeng pagtubod.
15 Hilnga, sa panahon na saindong gision an belo nin daeng pagtubod na iyo nanggad an nagkausa na kamo yaon man giraray sa makangorongirhat na kamugtakan nin karigsokan, asin katagasan nin puso, asin pagkabulag nin kaisipan, kaya an mga darakula asin makangangalas na mga bagay na pinagtago saindo magpoon pa sa pundasyon kan kinaban--- iyo, sa panahon na ika mag-aapod sa Ama sa sakuyang pangaran, na igwa nin sarong nagmumundong puso asin sarong nagsosolsol na espiritu, sa paaging yan kamo makakanuod na an Ama nakagiromdom sa tipan na saiyang hinimo sa saindong mga ama, O harong nin Israel.
16 Asin pagkatapos an sakuyang mga kapahayagan na sakuyang pinagkausang ipasurat sa sakuyang surugoon na si John mabubuksan sa mga mata nin gabos na mga katawohan. Giromdoma baya, na kan ika makahiling kaining mga bagay, saimong maaraman na an panahon harani na sinda mangyayari nang gayo.
17 Kun kaya, sa panahon na mareresibe mo an rekord na ini saimong puwedeng maaaraman na an gibo kan Ama nagpoon na sa bilog na lalawgon kan kadagaan.
18 Kun kaya, magsorolsol na kamong bilog na katapusan nin kinaban, asin magdulok sa sakuya, asin magtubod sa sakuyang ebanghelyo, asin magpabunyag sa sakuyang pangaran; nin huli ta siya na nagtutubod asin nabunyagan maliligtas; pero siya na dae nagtutubod pagkokondenaron; asin mga senyales an magsusunod sa sainda na nagtutubod sa sakuyang pangaran.
19 Asin paladan siya na managboang pano nin pagtubod sa sakuyang pangaran sa huring aldaw, nin huli ta siya ipapa-itaas na tanganing mag-eerok sa kahadean na pinag-andam para saiya magpoon pa sa pundasyon kan mundo. Asin hilnga Ako iyo ining nagtataram kaini. Amen.

ETHER TSAPTER 3

2006-07-06T14:13:00.000+08:00

An tugang na lalake ni Jared nahiling an muro nin Kagurangnan habang saiyang pinagdudut-an an desi-sais na mga gapo--- Si Cristo nagpahiling kan saiyang espiritung hawak sa tugang na lalake ni Jared--- Sinda na igwang perpektong kaaraman dae puwedeng itago sa likod kan belo--- Mga interpretador pinagtao tanganing darahon an talaan kan mga Jaredita sa kaliwanagan.

*******

Asin ini nangyaring naglipas na an tugang ni Jared, (ngonian an numero nin mga sakayan na pinag-andam walo) nagpaduman sa may bukid, na saindang pinag-apod na bukid Shelem, nin huli kan saiyang grabe na gayong kalangkawan, asin nagtunaw gikan sa sarong gapo nin desi-sais na saraditon na mga gapo; asin sinda mapuputi asin masilagon, na baga arog nin silag na salamin; asin saiyang pinagdara sinda sa saiyang mga kamot pasiring sa itaas nin bukid; asin nagngangayo-ngayo giraray sa Kagurangnan, na nagsasabi:
2 O Kagurangnan, ika an nagsabi na kami kaipong magin enkompasado sa mga baha. Ngonian hilnga, O Kagurangnan, asin dae ka baya mag-anggot sa saimong surugoon nin huli kan saiyang kaluyahan sa atubangan mo; nin huli ta samuyang naaaraman na ika nanggad banal asin nag-eerok sa mga kalangitan, asin na kami bakong kaangay-angay sa saimong atubangan; nin huli sa pagkahulog an samuyang mga natura nagin danay na maraoton; daeng pagkukulang, O Kagurangnan, ika nagtao samuya nin sarong kasugoan na kami kaipong mag-aapod sa saimo, na kaya gikan saimo kami puwedeng makapagresibe na uyon sa samuyang mga pagmamawot.
3 Hilnga, O Kagurangnan, saimong pinaghampak kami nin huli kan samuyang kadaendatahan, asin pinagpaharale mo kami, asin nin huli kaining kadakul na mga taon kami yaon sa kaparangan, daeng pagkukulang, ika nagin mapanoon nin pagkaherak sa samuya. O Kagurangnan, hilnga baya ako nin may pagdanay, asin ipagrayo an saimong kaanggutan gikan sa saimong mga katawohan, asin dae baya pagtuguti na sinda magpaduman sa paglakbay kaining nagraragusong kairaroman sa kadikloman; pero hilnga ining mga bagay na sakuyang pinagbilog na gikan sa gapo.
4 Asin ako nakakaaram, O Kagurangnan, na ika igwa nin bilog na kapangyarihan, asin makakagibo nin anuman na saimong ginugusto para sa karahayan nin tawo; kun kaya dut-an mo ining mga gapo, O Kagurangnan, kan saimong muro, asin ipag-andam sinda na magsirang na gapo sa diklom; asin sinda magsisirang na gayo sa samuya sa laog nin mga sakayan na samuyang pinag-andam, na tanganing kami magkakaigwa nin liwanag habang pinaglalakbay nyamo an kadagatan.
5 Hilnga, O Kagurangnan, ika lang an makakagibo kaini. Kami nakakaaram na ika lang an makakapagpahiling nin labi-labing kapangyarihan, na nahihiling na sadit sa pagkakasabot nin mga tawo.
6 Asin ini nangyaring naglipas na kan an tugang na lalake ni Jared nakapagsabi na kaining mga tataramon, hilnga, an Kagurangnan pinag-unat an saiyang kamot asin pinagdut-anan an mga gapo saro-saro sa paagi kan saiyang muro. Asin an belo pinaghale gikan sa mga mata kan tugang ni Jared, asin saiyang nahiling an muro nin Kagurangnan; asin idto arog sa muro nin sarong tawo, na arog sa laman asin dugo; asin an tugang ni Jared buminulagta sa atubangan nin Kagurangnan, nin huli ta siya inabot nin pagkatakot.
7 Asin an Kagurangnan nahiling na an tugang ni Jared nagbulagta sa daga; asin an Kagurangnan nagsabi sa saiya: Magbuhat ka, tadaw baya ta natumba ka?
8 Asin siya nagsabi sa Kagurangnan: Ako nakahiling sa muro nin Kagurangnan, aisn ako natakot na baka hampakon niya ako; nin huli ta ako daeng pagkaaram na an Kagurangnan igwa nin laman asin dugo.
9 Asin an kagurangnan nagsabi sa saiya: Nin huli sa saimong pagtubod saimong nahiling na ako igwa sa sadire ko nin laman asin dugo; asin mayo pang tawo na nagdulok sa atubangan ko na igwang makusugon na pagtubod na siring saimo; nin huli ta kun bako man dae mo kuta na nahiling an sakuyang muro. Nakapaghiling ka na nin sobra kaini?
10 Asin an Kagurangnan nagsabi sa saiya: Nagtutubod ka sa mga tataramon na sakuyang sasabihon?
12 Asin siya nagsimbag: Iyo po, Kagurangnan, ako nakakaaram na ika po nagtataram nin katotoohan, nin huli ta ika sarong Diyos nin katotoohan, asin dae makakapagputik.
13 Asin kay siya nakapagsabi kaining mga tataramon, hilnga, an Kagurangnan nagpahiling kan saiyang sadire sa saiya, asin nagsabi: Nin huli ta ika nakakaaram kaining mga bagay ika pinagtubos na gikan sa pagkahulog; kun kaya ika pinagdara pabalik sa sakuyang presensiya; kun kaya Ako magpahiling kan sakuyang sadire sa saimo.
14 Hilnga, ini Ako na pinag-andam poon pa sa pundasyon kan kinaban na magtutubos kan sakuyang mga katawohan. Hilnga, Ako si JesuCristo. Ako an Ama asin an Ake. Sa sakuya an bilog na kalahian nin tawo magkakaigwa nin buhay, asin sa daeng kasagkoran, magin sinda na magtutubod sa sakuyang pangaran; asin sinda magigin mga ake kong lalake asin mga ake kong babae.
15 Asin dae pa Ako nakapagpahiling kan sakuyang sadire sa tawo na sakuyang pinaglalang, nin huli ta mayo pang tawo na igwang pagtutubod sakuya na arog mo. Nihiling mo nang ika pinaglalang na siring sa sakuyang sadireng imahe? Iyo, magin an gabos na mga tawo pinaglalang sa kapinunan na siring sa sakuyang imahe.
16 Hilnga, ining hawak, na saimo ngoniang nahihiling, iyo an hawak kan sakuyang espiritu; asin tawo sakuyang pinaglalang na siring sa hawak kan sakuyang espiritu; asin arog kan sakuyang pagpahiling sa saimo na siring sa espiritu Ako magpapahiling sa sakuyang mga katawohan sa laman.
17 Asin ngonian, arog sako, si Moroni, masabi na Ako dae makagibo nin kabilugang estorya kaining mga bagay na nakasurat, kun kaya tama na sako na magsasabi na si Jesus nagpahiling kan saiyang sadire sa tawong ini sa espiritu, magin arog sa manera asin sa kaparehong kamugtakan kan parehong hawak na saiyang ipinahiling kan sadire niya kaidto sa mga Nephita.
18 Asin siya nagministro sa saiya arog kan siya nagministeryo sa mga Nephita; asin an gabos na ini, na tanganing an tawong ini makaaram na siya sarong Diyos, nin huli sa kadakul na darakulang mga kaggibohan na an Kagurangnan iyo an nagpahiling sa saiya.
19 Asin nin huli sa kaaraman kaining mga tawo dae siya puwedeng maitago na makapaghiling sa laog nin belo; asin saiyang nahiling an muro ni Jesus, na, kan mahiling niya, siya natumba sa pagkatakot; nin huli ta saiyang naaraman na iyo idto an muro nin Kagurangnan; asin siya nin bako sanang halawig na pagtubod, nin huli ta naaraman niya, nin mayong pagdududa.
20 Kun kaya, sa pagkakaigwa kaining perpektong kaaraman nin Diyos, siya dae puwedeng pababayaan na yaon sa laog nin belo;l kun kaya saiyang nahiling si Jesus; asin siya nagministro sa saiya.
21 Asin ini nangyaring naglipas na an Kagurangnan nagsabi sa tugang na lalake ni Jared: Hilnga, dae mo pagtugutan ining mga bagay na saimong nahiling asin nadangog na maibalangibog sa kinaban, sagkod na an panahon mag-abot na Ako magpapamuraway kan sakuyang pangaran sa laman; kun kaya, saimong pagyamanon an mga bagay na saimong nahiling asin nadangog, asin dae mo ipagsabi ini sa ibang tawo.
22 Asin hilnga, sa panahon na ika magdudulok sa sakuya, saimong pagsusuraton an mga ini asin pagseselyuhan sinda, na tanganing mayo nin siisay man an makapag-interpretar kaini; nin huli ta saimo sindang pagsusuraton sa sarong lengguwahe na sinda dae mababasa.
23 Asin hilnga, ining duwang gapo na sakuyang itatao sa saimo, asin saimo man sindang pagseselyuhan kan mga bagay na saimong pagsusuraton.
24 Nin huli ta hilnga, an lengguwahe kan saimong pagsusuraton iyo an sakuyang pinagbaranga; kun kaya Ako magkakausa sa sakuyang sadireng panahon na an mga gapong ini iyo an magbubukas kan mga mata nin mga tawo kan mga bagay na ining saimong pinagsusurat.
25 Asin kan an Kagurangnan nakapagsabi na kaining mga tataramon, saiyang ipinahiling sa tugang na lalake ni Jared an gabos na mga para-erok kan kinaban kaidto pa, asin man an gabos na maarabot; asin dae niya ini ipinaghilom sa saiyang panhiling, magin sagkod sa mga katapusan nin mundo.
26 Nin huli ta sinabi niya sa saiya sa mga panahon pa kaidto, na kun siya magtutubod saiya na saiyang maipapahiling sa saiya an gabos na bagay--- ini dapat na ipapahiling sa saiya; kun kaya an Kagurangnan dae makapaghilom nin anuman na bagay saiya, nin huli ta siya nakakaaram na an Kagurangnan makakapagpahiling saiya nin gabos na mga bagay.
27 Asin an Kagurangnan nagsabi sa saiya: Suraton mo an mga bagay na ini asin selyuhan mo sinda; asin Ako an magpapahiling sa sakuyang sadireng panahon sa mga kaarakian nin mga tawo.
28 Asin ini nangyaring naglipas na an Kagurangnan nagsugo saiya na saiyang dapat na pagseselyuhan an duwang mga gapo na saiyang naresibe, asin dae sinda ipagpahiling, sagkod na an Kagurangnan iyo an magpapahiling sainda sa mga kaarakian nin mga tawo.

ETHER TSAPTER 2

2006-07-06T12:37:00.000+08:00

An mga Jaredita nag-andam para sa saindang paglakbay pasiring sa sarong pinagpromisang kadagaan--- Ini sarong piniling kadagaan kun saen an mga tawo kaipong magsirbe ki Cristo o mapadpad na matunaw--- An Kagurangnan naki-olay sa tugang na lalake ni Jared sa laog nin tulong oras--- Sinda naggibo nin mga sakayan--- An Kagurangnan naghapot sa tugang na lalake ni Jared na magsuhestiyon kun paano an mga sakayan pagpapa-ilawan.

*******

Asin ini nangyaring naglipas na si Jared asin an saiyang tugang na lalake, asin an saindang mga pamilya, asin man an mga amigo ni Jared asin an saindang mga tugang na lalake asin an saindang mga pamilya, nagduruman pababa pasiring sa lambak nayaon sa may norteng parte, (asin an pangaran kan lambak iyo an Nimrod, na pinag-apod hango sa makusog na mangangaso) kairiba an saindang mga kahayupan na saindang pinagtiripon na magkasararo, lalake asin babae, sa lambang klase.
2 Asin sinda naggbio nin mga lit-ag asin nandako[ nin mga gamgam nin kalangitan; asin sinda nag-andam man nin sarong sakayan, na kun saen sinda nakakapagdakop nin mga sira nin tubig.
3 Asin sinda man nagdara nin deseret, na, sa paagi nin interpretasyon, sarong pukyutan; asin kaya sinda nagdara kaiba ninda an grupo nin mga pukyutan, asin gabos na manera kan mga bagay na yaon sa lalawgon nin daga, mga banhi nin lambang klase.
4 Asin ini nangyaring naglipas na kan sinda nakaabot na sa lambak kan Nimrod an Kagurangnan nagbaba asin nakipag-olay sa tugang na lalake ni Jared; asin siya yaon sa sarong panginoron, asin an tugang ni Jared dae siya nahihiling.
5 Asin ini nangyaring naglipas na an Kagurangnan nagsugo sainda na sinda magpaduman pasiring sa kaparangan, iyo, pasiring duman sa parte na dae naaabutan pa nin tawo. Asin ini nangyaring naglipas na an Kagurangnan nagduman sa pangenotan ninda, asin nakipag-olay sainda habang siya nakatindog sa sarong panginoron, asin nagtao nin mga direksiyon kun saen baya sinda puwedeng maglakbay.
6 Asin ini nangyaring naglipas na sinda naglakbay pasiring sa kaparangan, asin naggibo nin mga sakayan, habang pinagdireksiyunan padagos sa paagi nin kamot nin Kagurangnan.
7 Asin an Kagurangnan habong magtugot na sinda dapat na mag-untok lampas sa dagat nin kaparangan, pero siya nagtugot na sinda magpaduman magin sagkod sa kadagaan nin promisa, na piniling kadagaan na labaw pa sa ibang mga kadagaan, na an Kagurangnang Diyos iyo an nagpreserba para sa sarong matatanos na mga katawohan.
8 Asin siya nagsumpa sa saiyang kaanggutan sa tugang na lalake ni Jared, na an siirisay man an magsasadire kaining kadagaan nin promisa, magpoon sa panahon na idto asin sa daeng kasagkoran, dapat na magsirbe saiya, an tunay asin solong Diyos, o sinda dapat na paraon sa panahon nin kabilugan kan saiyang kaanggutan na mag-abot sa sainda.
9 Asin ngonian, satuyang mamamansayan an mga dekreto nin Diyos manungod kaining kadagaan, asin iyo ini an kadagaan nin promisa; asin an siisay man na nasyon an magsasadire kaini dapat na magsirbe sa Diyos, o sinda pagpaparaon sa panahon nin kabilugan kan saiyang kaanggutan na mag-aabot sa sainda. Asin am kabilugan kan saiyang kaanggutan mag-aabot sa sainda sa panahon na sinda hinog na sa kadaendatahan.
10 Nin huli ta hilnga, iyo ini an kadagaang pinili labaw pa sa gabos na ibang mga kadagaan; kun kaya baya siya na iyo an magsasadire kaini magsisirbe sa Diyos o dapat na pagparaon; nin huli ta iyo ini an daeng katapusang dekreto nin Diyos. Asin ini dae mangyayari sagkod na an kabilugan kan saindang kadaendatahan sa pag-iriba kan mga kaarakian nin kadagaan, na sinda pagpaparaon na.
11 Asin ini maabot sa saindo, O kamong mga Hentil, na tanganing saindong magkaararaman an mga dekreto nin Diyos--- na tanganing kamo magsosolsol, asin dae magpapadagos sa saindong mga kadaendatahan sagkod na an kapanoan mag-abot na, na kamo dae magdadara kan kabilugan nin kaanggutan nin Diyos sa saindo bilang mga nag-eerok sa kadagaan na arog kaining nangyari.
12 Hilnga, ini sarong piniling kadagaan, asin an anuman na nasyon na magsasadire kaini magigin libre sa pagkasakop, asin gikan sa kadakopan, asin gikan sa gabos na ibang nasyon na yaon sa irarom nin langit, kun sinda magmamawot na magsirbe sa Dios nin kadagaan, na iyo si JesuCristo, na iyo an pinapanungdan kan mga bagay na samuyang pinagsusurat.
13 Asin ngonian ako magpapadagos kan sakuyang talaan; nin huli ta hilnga, ini nangyaring naglipas na an Kagurangnan iyo an nagdara ki Jared asin an saiyang mga katugangan duman magin sa dakulaong dagat na idto na iyo an nagbabanga nin mga kadagaan. Asin habang sinda nag-abot sa may kadagatan sinda nagtugdok kan saindang mga tolda; asin saindang pinag-apod nin pangaran an lugar na Moriancumer; asin sinda nag-erok sa mga tolda, asin nag-estar sa mga tolda na yaon sa baybayon nin kadagatan sa laog nin apat na taon.
14 Asin ini nangyaring naglipas na sa pagtapos kan apat na taon, na an Kagurangnan nagdalaw giraray sa tugang na lalake ni Jared, asin nakatindog sa sarong panginoron asin nakipag-olay sa saiya. Asin sa laog nin tulong oras an Kagurangnan nakipag-olay sa tugang na lalake ni Jared, asin inanggutan siya nin huli ta dae siya nakapaggiromdom na mag-apod sa pangaran nin Kagurangnan.
15 Asin an tugang ni Jared nagsolsol sa karaotan na saiyang nagkaginibohan, asin nag-apod sa pangaran nin Kagurangnan para sa saiyang mga katugangan na pag-iriba niya. Asin an Kagurangnan nagsabi sa saiya: Ako magpapatawad saimo asin sa saimong mga katugangan kan saindang mga kasalan; pero dae ka na magkasala giraray, nin huli ta saimong magigiromdoman na an sakuyang Espiritu dae nanggad nagpipirme sa tawo; kun kaya, kun ika nagkakasala sagkod na ika magin mahinogon na ika mapuputol gikan sa presensiya nin Kagurangnan. Asin iyo ini an sakuyang mga kaisipan sa kadagaan na sakuyang itatao sa saimo para sa saimong kamanahan; nin huli ta ini magigin sarong kadagaan na piniling labaw sa ibang mga kadagaan.
16 Asin an Kagurangnan nagsabi: Lakaw magtrabaho asin gumibo ka, sa mga manera nin mga sakayan na saimong paggigibohon magpoon ngonian. Asin ini nangyaring naglipas na an tugang na lalake ni Jared huminale sa pagtrabaho, asin man an saiyang mga katugangan, asin naggiribo nin mga sakayan sa manera na saindang pinaggigibo na, uyon sa mga instruksiyon nin Kagurangnan. Asin sinda mga saraditon, asin sinda madalahay sa ibabaw nin tubig, magin arog sa kagi-anan nin sarong gamgam sa ibabaw nin tubig.
17 Asin sinda pinagtugdok siring sa sarong manera na sinda grabeng gayo kapulido, na sinda nakakapot sa tubig na siring sa sarong daod; asin an irarom kaini pulido siring sa sarong daod; asin an mga gilid kaini pulido arog sa sarong daod; asin an mga puro kaining pinagpatadong; asin an ibabaw kaini pulido siring sa sarong daod; asin an kahalabaan kaini siring sa kahalabaan nin sarong kahoy; asin an pintuan kaini, kun ini serado, pulido arog kan sarong daod.
18 Asin ini nangyaring naglipas na an tugang na lalake ni Jared nagngangayo-ngayo sa Kagurangnan, na nagsasabi: O Kagurangnan, ako nakapaggibo na kan trabaho na saimong pinagsugo sakuya, asin ako nakagibo na nin mga sakayan uyon sa saimong pagtukdo sako.
19 Asin hilnga, O Kagurangnan, sa irarom kaini mayong liwanag; saen man baya kami magtitimon? Asin man kami magagadan, nin huli ta sa laog kan mga ini dae kami makakaginhawa, laen lang sa paros na yaon sa laog ninda; kun kaya kami magagadan.
20 Asin an Kagurangnan nagsabi sa tugang na lalake ni Jared: Hilnga, ika maggibo nin sarong labot sa ibabaw, asin man sa irarom; asin sa panahon na kamo nangangaipo nin paros saindong pagbubuksan an labot asin magreresibe nin paros. Asin kun ini mangyayari na an tubig maglalaog saindo, hilnga, saindong saraduhan an labot, na tanganing kamo dae magkakagaradan sa baha.
21 Asin ini nangyaring naglipas na an tugang na lalake ni Jared pinaggibo ini, uyon sa pinagsugo nin Kagurangnan.
22 Asin siya nagngangayo-ngayo giraray sa Kagurangnan na nagsasabi: O Kagurangnan, hilnga naggibo ko na an uyon sa saimong pinagsugo sakuya; asin sakuyang pinag-andam na an mga sakayan para sa sakuyang mga katawohan, asin hilnga, mayong liwanag sa laog kan mga ini. Hilnga, O Kagurangnan, itutugot mo daw na samuyang lalakbayon ining dakulaong tubig sa kadikloman?
23 Asin an Kagurangnan nagsabi sa tugang na lalake ni Jared: Ano pa baya an saimong gusto na sakuya pang gigibohon tanganing kamo magkakaigwa nin liwanag sa laog kan saindong mga sakayan? Nin huli ta hilnga, dae kamo puwedeng magkabentana, nin huli ta sinda dadagusoon na magkakaperedaso; ni magdadara kamo nin kalayo, nin huli ta kamo dae makapaglakbay sa paagi nin liwanag nin kalayo.
24 Nin huli ta hilnga, kamo magigin arog sa sarong balyena sa katahawan nin dagat; nin huli ta an bukid nin mga balud magdadaguso sa saindo. Daeng pagkukulang, Ako an magdadara saindo giraray na maglataw paluwas sa mga kairaroman kan dagat; nin huli ta an mga paros maluwas gikan sa sakuyang nguso, asin man an mga uran asin an mga baha Ako an nagpadara.
25 Asin hilnga, Ako an nag-andam saindo kontra sa mga bagay na ini; nin huli ta dae kamo makakalakbay kaining dakulang kairaroman laen lang na Ako mismo an mag-andam saindo laban sa mga balud nin dagat, asin sa mga paros na nakabuhi na, asin sa mga baha na mag-aabot. Kun kaya ano baya an gusto mo na sakuyang aandamon para saindo na tanganing kamo magkakaigwa nin liwanag sa panahon na kamo paghahalonon sa mga kairaroman nin dagat?

AN LIBRO NI ETHER

2006-07-04T15:22:00.000+08:00

An talaan kan mga Jaredita, pinaghango gikan sa beynte-kuwatrong mga lamina na nanagboan kan mga katawohan ni Limhi sa mga aldaw ni hadeng Mosiah.

TSAPTER 1

Si Moroni an nagpahalipot sa mga kasuratan ni Ether--- an talaan kan tala-anakan ni Ether pinaghimo--- An lengguwahe kan mga Jaredita dae pinaglawigaw sa Torre kan Babel--- An Kagurangnan nagpromisa na mangenotan sa sainda pasiring sa piling kadagaan asin gibohon sindang sarong dakulaong nasyon.

*******

Asin ngonian ako, si Moroni, nagpadagos sa pagtao nin kasaysayan ninda na mga lumang namamanwaan na pinagdestroso sa paagi kan kamot nin Kagurangnan sa lalawgon kaining norteng nasyon.
2 Asin sakuyang kinua an kasaysayan gikan sa beynte-kuwatrong lamina na nanagboan kan mga katawohan ni Limhi, na pinag-apud na Libro ni Ether.
3 Asin ako naghuna na an enot na parte kaining talaan, na nagsasabi mapanungod sa paglalang kan kinaban, asin man ki Adan, asin sarong kasaysayan gikan sa panahon na idto sagkod sa dakulaong torre, asin an anumang bagay na nangyari sa pag-iriba kan mga kaarakian nin mga tawo sagkod sa panahon na idto, na arog man an nangyari sa pag-iriba kan mga Judio---
4 Kun kaya ako dae na masurat kaidtong mga bagay na nangyari gikan sa mga aldaw ni Adan sagkod sa panahon na idto; pero sinda nasurat sa mga lamina; asin an siisay man an makakabasa sainda, parehong magkakaigwa nin kapangyarihan na tanganing saiyang makua an bilog na kasaysayan.
5 Pero hilnga, ako dae nagtao kan bilog na kasaysayan, kundi an sarong parte kan kasaysayan an sakuyang itinao, magpoon sa torre sagkod na sinda magkaderestroso/
6 Asin sa kadunungang ini ako matao nin kasaysayan. Siya na nagsurat kaining talaan iyo si Ether, asin siya saro sa kamako-apoan ni Coriantor.
7 Si Coriantor akeng lalake ni Moron.
8 Asin si Moron akeng lalake ni Ethem.
9 Asin si Ethem akeng lalake ni Ahah.
10 Asin si Ahah akeng lalake ni Seth.
11 Asin si Seth akeng lalake ni Shiblon.
12 Asin si Shiblon akeng lalake ni Com.
13 Asin si Com akeng lalake ni Coriantum.
14 Asin si Coriantum akeng lalake ni Amnigaddah.
15 Asin si Amnigaddah akeng lalake ni Aaron.
16 Asin si Aaron sarong kamaku-apoan ni Heth, na akeng lalake ni Hearthom.
17 Asin si Hearthom akeng lalake ni Lib.
18 Asin si Lib akeng lalake ni Kish.
19 Asin si Kish akeng lalake ni Corom.
20 Asin si Corom akeng lalake ni Levi.
21 Asin si Levi akeng lalake ni Kim.
22 Asin si Kim akeng lalake ni Morianton.
23 Asin si Morianton sarong kamaku-apoan ni Riplakish.
24 Asin si Riplakish akeng lalake ni Shez.
25 Asin si Shez akeng lalake ni Heth.
26 Asin si Heth akeng lalake ni Com.
27 Asin si Com akeng lalake ni Coriantum.
28 Asin si Coriantum akeng lalake ni Emer.
29 Asin si Emer akeng lalake ni Omer.
30 Asin si Omer akeng lalake ni Shule.
31 Asin si Shule akeng lalake ni Kib.
32 Asin si Kib akeng lalake ni Orihah, na akeng lalake ni Jared;
33 Na an Jared na ini nagluwas kairiba an saiyang tugang na lalake asin an saindang mga pamilya, kairiba an iba man asin an saindang mga pamilya, gikan sa dakulang torre, sa panahon na an Kagurangnan pinaglawigaw an lengguwahe kan mga katawohan, asin nagsumpa sa saiyang kaanggutan na sinda magkawararak sa bilog na lalawgon; asin uyon sa tataramon nin Kagurangnan an mga katawohan nagkawararak.
34 Asin an tugang na lalake ni Jared na sarong dakulaon asin makusugong tawo, asin sarong tawo na halangkawong pinapaurog nin Kagurangnan, si Jared, an saiyang tugang na lalake, nagsabi sa saiya: Mag-apod ka sa Kagurangnan, na dae niya kita pagpalawigawon na tanganing dae kita magkasarabatan kan satuyang mga tataramon.
35 Asin ini nangyaring naglipas na an tugang na lalake ni Jared nag-apod sa Kagurangnan, asin an Kagurangnan igwang pagkaherak ki Jared; kun kaya dae niya pinaglawigaw an lengguwahe ni Jared; asin si Jared asin an saiyang tugang na lalake dae pinaglawigaw.
36 Pagkatapos si Jared nagsabi sa saiyang tugang na lalake: Mag-apud ka giraray sa Kagurangnan, asin baka baga na saiyang haleon an saiyang kaanggutan sa sainda na satuyang mga amigo, na tanganing dae niya pagpalawigawon an saindang lengguwahe.
37 Asin ini nangyaring naglipas na an tugang na lalake ni Jared nag-apud sa Kagurangnan, asin an Kagurangnan igwa nin pagkaherak sa saindang mga amigo asin sa saindang mga pamilya man, na tanganing sinda dae pinaglawigaw.
38 Asin ini nangyaring naglipas na si Jared nakiolay giraray sa saiyang tugang na lalake, na nagsasabi: Lakaw asin hapoton mo an Kagurangnan kun saiya kitang pinapahale paluwas sa kadagaan, asin kun saiya kitang pinapahale paluwas sa kadagaan, maghapot ka saiya kun kita maharale na. Asin siisay pa baya an nakakaaram kundi an Kagurangnan na iyo an magdadara satuya pasiring duman sa sarong kadagaan na piniling labaw pa sa bilog nin kinaban? Asin kun iyo man nanggad ini, dapat kitang mapano nin pagtubod sa Kagurangnan, na tanganing satuyang makamtan ini para sa satuyang kamanahan.
39 Asin ini nangyaring naglipas na an tugang na lalake ni Jared nag-apud sa Kagurangnan na uyon duman sa sinabi kan nguso ni Jared.
40 Asin ini nangyaring naglipas na an Kagurangnan nagdangog sa tugang na lalake ni Jared, asin naherak sa saiya, asin nagsabi sa saiya:
41 Lakaw asin tiriponong magkasararo an saimong mga hayupan, parehong lalake asin babae, sa lambang klase; asin man nin banhi kan kinaban sa lambang klase; asin an saimong mga pamilya; asin man si Jared na saimong tugang asin an saiyang pamilya; asin man an saimong mga amigo asin an saindang mga pamilya, asin an mga amigo ni Jared asin an saindang mga pamilya.
42 Asin sa panahon na saimo nang naggibo ini ika an mapaduman sa pamayuhan ninda pasiring duman sa lambak na pasiring sa norteng parte. Asin duman ta ka halaton, asin magduduman enot sa saimo pasiring sa sarong kadagaan na piniling labaw sa gabos na mga kadagaan nin kinaban.
43 Asin duman ta ka bebendisyunan asin an saimong banhi, asin padadakulaon mo para sa sakuya an saimong banhi, asin an banhi kan saimong tugang na lalake, asin sinda na mag-iriba saimo, na magin sarong dakulaon na nasyon. Asin dae magkakaigwa pa nin mas halangkaw pang nasyon na sakuyang aalagaan para sa sakuya na saimong banhi, sa bilog na lalawgon nin kinaban. Asin kaya ako maggigibo kaini saimo nin huli sa halawig na panahon na ika nag-aapud sa sakuya.

MORMON TSAPTER 9

2006-07-04T14:11:00.000+08:00

Si Moroni nangangapudan sa sainda na dae nagtutubod ki Cristo na magsosolsol--- Siya nagproklama nin sarong Diyos nin mga milagro, na nagtatao nin mga kapahayagan asin nagpapabulos nin mga regalo asin mga senyales sa mga paratubod--- An mga milagro napundo nin huli sa daeng pagtubod--- Mga senyalesd magsusunod sainda na nagtutubod--- An mga tawo pinagpagiromdom na magin madunong asin magsunod sa mga kasugoan.

*******

Asin ngonian, ako nagtataram man manungod sa sainda na dae nagtutubod ki Cristo.
2 Hilnga, kamo daw magtutubod sa aldaw kan saindong kadalawan--- hilnga, sa panahon na an Kagurangnan mag-aabot, iyo, magin sa dakulang aldaw kun noarin an kinaban paglulukuton na magkakasararo bilang sarong eskrolyo, asin an mga elemento magtutunaw na may makuniot na pag-init, iyo, sa dakulang aldaw na iyan kun noarin kamo pagdadarahon na magtitindog sa atubangan nin Kordero nin Diyos--- saka kamo magsasabi na mayong Diyos?:
3 Saka kamo magsisikwal sa Cristo, o kamo daw makahiling sa Kordero nin Diyos? Kamo daw naghuhuna-huna na kamo makakapag-erok kaiba siya habang yaon kamo sa pagkamangno kan saindong kasalan? Kamo daw naghuhuna-huna na kamo puwedeng magin maogma na makipag-erok kaiba an banal na Nilalang, kun noarin an saindong mga kalag pinagdudokdok nin sarong kamangnuhan nin kasalan na kamo nag-abuso kan saiyang mga leyes?
4 Hilnga, ako nagsasabi sa saindo na kamo mas pang magin miserable na makipag-erok sa sarong banal asin hustong Diyos, habang yaon sa sarong kamangnuhan kan saindong kaatian sa atubangan niya, kesa sa kamo magtutugot na makipag-erok kairiba an mga kondenadong kalag sa impiyerno.
5 Nin huli ta hilnga, sa panahon na kamo pagdadarahon na tanganing saindong magkahiriling an saindong kahubaan sa atubangan nin Diyos, asin man sa kamurawayan nin Diyos, asin an kabanalan ni JesuCristo, ini iyo an magsisindi nin sarong kalayo nin daeng katapusang kalayo sa saindo.
6 O ngonian baya kamo na daeng mga pagtubod, magbaralik kamo sa Kagurangnan; magkurahaw nin makusog sa Ama sa pangaran ni Jesus, na tangani baya kamo managboan na daeng mantsa, puro, malinig, asin maputi, na pinaglinigan sa paagi kan dugo nin Kordero, sa dakula asin huring dalaw na iyan.
7 Asin giraray magtataram sa saindo sa sainda na nagsisikwal sa mga kapahayagan nin Diyos, asin magtataram na sinda nakalipas na, na dae magkaigwa nin mga kapahayagan, ni mga propesiya, ni mga regalo, ni pagbubulong, ni magtataram sa dila, asin an interpretasyon kan dila;
8 Hilnga ako nagsasabi sa saindo, siya na nagsisikwal kaining mga bagay dae nakakaaram sa ebanghelyo ni Cristo; iyo, siya dae nakapagbasa nin mga kasuratan; kun iyo man, siya daeng pagkasabot sainda.
9 Nin huli ta bako daw na nabasa ta na an Diyos pareho kasuodma, ngonian, asin sagkod pa man, asin sa saiya dae magkakaigwa nin palaen-laen ni anino nin pagbabago?
10 Asin ngonian, kun saindong napaghunahunaan sa saindong mga sadire an sarong diyos na nagbabago, asin sa saiya igwa nin anino nin pagbabago, pagkatapos napaghorop-horopan daw nindo sa saindong mga sadire an sarong diyos na bakong sarong Diyos nin mga milagro.
11 Pero hilnga, ako makapagpapahiling sa saindo nin sarong Diyos nin mga milagro, magin iyo an Diyos ni Abraham, asin an Diyos ni Isaac, asin an Diyos ni Jacob; asin iyo man sana an kaparehong Diyos na iyo an nagmundar kan mga langit asin kan daga, asin an gabos na mga bagay na sainda man sana.
12 Hilnga, siya an naglalang ki Adan, sa paagi ki Adan nag-abot an pagkahulog nin tawo. Asin nin huli sa pagkahulog nin tawo nag-abot si JesuCristo, magin an Ama asin an Ake; asin nin huli ki JesuCristo nag-abot an pagtubos nin tawo.
13 Asin nin huli sa pagtubos nin tawo, na naggikan ki JesuCristo, sinda pinagdara pabalik pasiring sa presensiya nin Kagurangnan; iyo, iyo ini kun saen an gabos na mga tawo nagkaturubos, nin huli ta an kagadanan ni Cristo iyo an nagdara na mangyari an pagkabuhay-liwat, na iyo an nagdara na mangyari an sarong pagtubos gikan sa daeng katapusan na pagturog, na gikan sa pagturog na iyan an gabos na mga tawo mapupukawan sa paagi nin kapangyarihan nin Diyos sa panahon na an trumpeta magtanog; asin sinda mag-aabot, parehong sadit asin dakula, asin an gabos magtitindog sa atubangan kan saiyang paghukom, bilang pinagtubos asin pinagbuhian gikan kaining daeng katapusan na pagkagapos nin kagadanan, na an kagadanan na ini iyo an temporal na kagadanan.
14 Asin masunod na maabot an paghuhukom kan Solong Banal sa sainda; asin masunod an panahon na siya na maation magigin maation sana; asin siya na matanos magigin matanuson sana; siya na maogmahon magigin maogmahon sana; asin siya na bakong maogmahon magigin bakong maogmahon sana.
15 Asin ngonian, O gabos kamo na naghuhuna-huna sa saindong mga sadire nin sarong diyos na dae nakakagibo nin mga milagro, ako maghahapot sa saindo, an gabos daw na mga bagay na ini nangyari na, na iyo ngani an sakuyang pinagsabi na? Nangyari na daw an katapusan? Hilnga ako nagsasabi sa saindo, Dae pa; asin an Diyos dae nanggad nag-untok na magigin sarong Diyos nin mga milagro.
16 Hilnga, bako daw na an mga bagay na an Diyos an nagpangyari na makangangalas sa satuyang mga panhilingon? Iyo, asin siisay baya an makakasabot sa makangangalas na mga gibo nin Diyos?
17 Siisay baya an makakasabi na bako idtong milagro na sa paagi kan saiyang tataramon an langit asin an daga nagin iyo baya; asin sa paagi nin kapangyarihan kan saiyang tataramon an tawo piglalang gikan sa alpog nin daga; asin sa paagi nin kapangyarihan kan saiyang tataramon an mga milagro pigpangyari?
18 Asin siisay baya an makapagsabi na si JesuCristo bao an naggibo nin kadakul na darakulang mga milagro? Asin nagkaigwa nin kadakul na mga milagro an pigpangyari sa paagi nin mga kamot kan mga apostoles.
19 Asin kun nagkaigwa nin mga milagro na pigpangyari kaidto, tadaw baya ta an Diyos nag-uuntok na magigin sarong Diyos nin mga milagro asin alagad magigin sarong daeng pagbabagong Nilalang? Asin hilnga, ako an nagsasabi sa saindo na siya dae nagbabago; ta kun iyo siya an mag-uuntok na magin Diyos, asin ta siya sarong Diyos nin mga Milagro.
20 An rason kun tadaw ta siya nag-untok na maggibo nin mga milagro sa pag-iriba kan mga kaarakian nin mga tawo nin huli ta sinda nagdidikit sa daeng pagtutubod, asin nagharale sa tamang dalan, asin dae nakakaaram sa Diyos kun saen sinda dapat na magtitiwala.
21 Hilnga, ako an nagsasabi sa saindo na an siisay man an nagtutubod ki Cristo, na mayong pagdududa, an anuman na saiyang paghahagadon sa Ama sa pangaran ni Cristo ini ipagtatao sa saiya; asin an promisang ini yaon para sa gabos, magin sagkod sa mga kasagkoran nin kinaban.
22 Nin huli ta hilnga, baya sinabi ni JesuCristo, an Ake nin Diyos, sa saiyang mga desipulos na magkakawaralat, iyo, asin man sa gabos na sayang mga desipulos, na nagdadarangog sa kadaklan: Lakaw kamo sa bilog na kinaban, asin ipagbalangibog an ebanghelyo sa lambang nilalang;
23 Asin siya na nagtutubod asin pinagbunyagan maliligtas, pero siya na dae nagtutubod pagkokondenaron;
24 Asin an mga senyales na ini magsusunod sa sainda na nagtuturubod--- sa sakuyang pangaran sinda paluwas na magsasagwi nin mga diyablo; sinda magtataram nin bag-ong mga dila; sinda magpupurot nin mga halas; asin kun sinda mag-iinom nin anuman na mabagsikon na bagay ini dae makakapakulog sa sainda; sinda magpapatong kan saindang mga kamot sa may mga kamatean asin sinda mapaparahay;
25 Asin an siisay man an magtutubod sa sakuyang pangaran, na mayong pagdududa, sa saiya ako magkukumpirma kan gabos kong mga tataramon, magin sagkod sa mga katapusan nin kinaban.
26 Asin ngonian, hilnga, siisay baya an makakatindog kontra sa mga gibo nin Kagurangnan? Siisay baya an magsikwal kan saiyang mga sinasabi? Siisay baya an mag-aalsa kontra sa makusugong kapangyarihan nin Kagurangnan? Siisay baya an magpapabaya sa mga gibo nin Kagurangnan? Siisay baya an magpapabaya sa mga kaarakian ni Cristo? Hilnga, gabos kamo na mga parapabaya sa mga gibo nin Kagurangnan, nin huli ta kamo magngangaralas asin magkakaparara.
27 O kaya dae kamo magpabaya, asin dae magparangalas, pero magdarangog sa mga tataramon nin Kagurangnan, asin maghapot sa Ama sa pangaran ni Jesus sa anuman na mga bagay na saindo na gayong kinakaipo. Dae ka magduda, pero magin matinubod-tubod, asin magpoon arog sa mga panahong luma, asin magdulok sa Kagurangnan sa bilog nindong puso, asin magtrabaho para sa saindong sadireng kaligtasan na igwang pagkatakot asin pagkatakig sa atubangan niya.
28 Magin kamong madudunong sa mga aldaw kan saindong pagsubok; hubadi an saindong mga sadire kan gabos na kaatian; dae ka maghagad, na saindo ining paggamiton sa saindong pangangaipo sa laman, pero maghagad na igwa ning kakusugan na dae natatanyog, na kamo dae mahuhulog sa tentasyon, pero kamo magsisirbe sa tunay asin buhay na Diyos.
29 Paghilingon nindo na kamo dae pinagbunyagan na bakong maninigo; paghilingon nindo na kamo dae magkukua nin sakramento ni Cristo na bakong maninigo; pero hingohaon nindo na kamo maggigibo nin gabos na mga bagay na maninigo, asin giboha ini sa pangaran ni JesuCristo, an Ake nin buhay na Diyos; asin kun saindo ining gigibohon, asin magin pusog hanggan sa katapusan, kamo dae ipagtatapok paluwas.
30 Hilnga, ako nagtataram sa saindo na garo baga ako nagtataram gikan sa mga gadan; nin huli ta aram ko na kamo magkakaigwa kan sakuyang mga tataramon.
31 Dae nindo ako pagkondenaron nin huli kan sakuyang kakulangan, ni an sakuyang ama, nin huli kan saiyang kakulangan, ni sinda na nagsururat enot saiya; pero baya magpasalamat sa Diyos na saiyang pinagpahiling sa saindo an samuyang mga kakulangan, na tanganing kamo makanuod pa na magin mas madudunong kesa samuya kaidto.
32 Asin ngonian, hilnga, samuyang pinagsurat ining mga talaan na uyon sa samuyang kaaraman, na mga letra na pinag-aapud nyamong repormadong surat nin Ehipsiyano, na pinagpamana asin pinagbarag-o nyamo, na uyon sa samuyang manera nin pagtataram.
33 Asin kun an samuyang mga lamina nagin dakulaon sanang gayo kami kuta na nakapagsurat sa Hebreo; pero an Hebreo pinagbag-o man nyamo; asn kun nakapagsurat kuta na kami sa Hebreo, hilnga, dae kuta na kamo nagkaigwa nin kakulangan sa samuyang mga talaan.
34 Pero an Kagurangnan nakakaaram sa mga bagay na samuyang pinagsurat, asin man mayo nin ibang mga katawohan na nakakaaram sa samuyang lengguwahe; asin nin huli ta mayong ibang katawohan an nakakaaram sa samuyaang lengguwahe, kun kaya siya nag-andam nin mga paagi para sa interpretasyon kaini.
35 Asin an mga bagay na ini pinagsurat na tanganing samuyang mapaglinigan an samuyang mga bado nin dugo kan samuyang mga katugangan, na nagkawarara sa daeng pagtubod.
36 Asin hilnga, an mga bagay na ini na samuyang pinagmamawot manungod sa samuyang mga katugangan, iyo, magin an saindang pagbabalik sa pagkanuod ki Cristo, na uyon sa mga pangadyeon kan gabos na mga banal na nag-eerok sa kadagaan.
37 Asin lugod an Kagurangnang JesuCristo magtutugot na an saindang mga pangadyeon magkakasirimbagan na uyon sa saindaang pagtubod; asin lugod an Diyos Ama makagiromdom sa tipan na saiyang pinaghimo sa harong nin Israel; asin lugod saiyang bendisyunan sinda sagkod pa man, sa paagi nin pagtubod sa pangaran ni JesuCristo. Amen.

MORMON TSAPTER 8

2006-07-04T11:51:00.000+08:00

An mga Lamanita pinaghanap asin pinagdestroso an mga Nephita--- An Libro ni Mormon magluluwas sa paagi nin kapangyarihan nin Diyos--- Kasakitan pinaghaya sa sainda na maghangos nin karaotan asin pakikiiwal laban sa gibo nin Kagurangnan--- An rekord kan Nephita magluluwas sa aldaw nin karigsokan, kaluyahan, asin apostasya.

*******

Hilnga, ako, si Moroni, naghimong tapuson an talaan kan sakuyang ama, si Mormon. Hilnga, ako igwang kadikit na bagay na susuraton, na an mga bagay ako pinagsugo kan sakuyang ama.
2 Asin ngonian ini nangyaring naglipas na pagkatapos kan sakula asin nin grabeng labanan sa Cumorah, hilnga, an mga Nephita na naka-eskapo pasiring sa banwaan patimog pinagralamag kan mga Lamanita, sagkod na sinda gabos nagkaderestroso.
3 Asin an sakuyang ama pinaggadan man ninda, ako ngani an nawalat sa solo tanganing suraton an mapungawon na kasaysayan nin kapahamakan kan sakuyang mga katawohan. Pero hilnga, sinda napara na, asin ako nag-utob sa kasugoan kan sakuyang ama. Asin kun baga sainda akong gagadanon, ako dae nakaaram.
4 Kun kaya ako magsusurat asin itatago an mga talaan sa daga; asin kun napasaen man ako mapaduman bako nang mahalaga.
5 Hilnga, an sakuyang ama an naghimo kaining rekord, asin saiyang pinagsurat an intensiyon kaini. Asin hilnga, ako magsusurat man kaini kan ako nagkaigwa pang lugar sa mga lamina, pero dae ko naggibo; asin ako mayo nin inang-bakal, nin huli ta ako sana. An sakuyang ama naggadan na sa pakikipaglaban, asin an gabos kong mga kadugo, asin ako mayong mga amigo o padumanan; asin kun gurano kahaloy na an Kagurangnan magtutugot na ako mabubuhay pa ako dae nakakaaram.
6 Hilnga, apat na gatos na taon an nakalipas na magpoon pa kaidtong pag-abot kan satuyang Kagurangnan asin Paraligtas.
7 Asin hilnga, an mga Lamanita pinagharanap an sakuyang mga katawohan, an mga Nephita, gikan sa sarong siyudad sagkod sa saro pang siyudad asin gikan sa sarong lugar sagkod sa saro pang lugar, magin sagkod na sinda magka-urubos na; asin grabeng gayo an saindang pagkahulog; iyo, grabe asin marbeloso an pagkapahamak kan sakuyang mga katawohan, an mga Nephita.
8 Asin hilnga, an kamot nin Kagurangnan iyo an naggibo kaini. Asin hilnga man, an mga Lamanita yaon man sa pakikigiyera sa saro kontra sa iba; asin an bilog na lalawgon kaining kadagaan iyo na sarong padagos na ikot nin panggagadanan asin pagpapabulos nin dugo; asin mayo ni saro an nakakaaram sa katapusan nin pakikigiyera.
9 Asin ngonian, hilnga, ako dae nang masasabi manungod sainda, nin huli ta mayo nang iba laen lang sa mga Lamanita asin mga tulisan an nabubuhay sa lalawgon nin Kadagaan.
10 Asin mayo nang nakakaaram sa tunay na Diyos laen lang kaining mga desipulos ni Jesus, na namumuhay sa kadagaan sagkod na an karigsokan nin mga katawohan nagin grabeng gayo na an Kagurangnan habong magtugot na sinda makiki-erok pa kaiba nin mga katawohan; asin kun sinda yaon pa sa lalawgon kaining kadagaan mayong tawo an nakakaaram.
11 Pero hilnga, an sakuyang ama asin ako an nakahiling sainda, asin sinda an nagtukdo sa samuya.
12 Asin an siisay man an nakaresibe kaining talaan, asin dae pagkokondenaron ini nin huli ta bakong perpekto an nakapalaman kaini, iyo man sana siya an nakakaaram kan mga darakulang bagay mas pa kan mga ini. Hilnga, ako si Moroni, asin kun ini posible, ako maghihimo na an gabos na ining mga bagay maipapaaram sa saindo.
13 Hilnga, ako maghihimong tapuson na sa pagsasabi manungod kaining mga katawohan. Ako an akeng lalake ni Mormon, asin an sakuyang ama kamako-apoan ni Nephi.
14 Asin ako iyo mismo an nagtago kaining talaan para sa Kagurangnan; an mga lamina nanggad mayong kantidad, nin huli sa kasugoan nin kagurangnan. Nin huli ta siya tunay na nagsabi na mayo ni saro an makakakua sa sainda tanganing makakakua nin ganada; pero an mga nakatala mismo kaini iyo an igwang dakulang halaga; asin an siisay man an makapagdara kaini sa kaliwanagan, siya pagbebendisyunan nin Kagurangnan.
15 Nin huli ta mayong magkakaigwa nin kapangyarihan na pagdadarahon ini pasiring sa kaliwanagan laen lang kun ini pinagtao saiya nin Diyos; nin huli ta an Diyos nagboboot na ini mangyayari lang kun igwa nin tunay na katuyuhan pasiring sa saiyang kamurawayan, o an karahayan kan mga ninuno asin haloy nang magkawararak na pinagtipanang mga katawohan nin Kagurangnan.
16 Asin an bendisyon mapasaiya na iyo an magdadara kaining bagay pasiring sa liwanag; nin huli ta ini pagdadarahon paluwas sa kadikloman pasiring sa kaliwanagan, na uyon sa tataramon nin Diyos; iyo, ini pagdadarahon paluwas sa daga, asin ini magsisirang paluwas sa kadikloman, asin maabot sa kaaraman nin mga katawohan; asin ini mangyayari sa paagi nin kapangyarihan nin Diyos.
17 Asin kun igwa man nin mga kakulangan sinda magigin mga kakulangan nin sarong tawo. Pero hilnga, kami nakakaaram na mayong kakulangan; daeng pagkukulang na an Diyos an nakakaaram sa gabos na mga bagay; kun kaya, siya na nagkokondena, tugutan siyang makamangno nin huli ta baka siya mapahamak sa kalayo nin impiyerno.
18 Asin siya na nagsasabi: Ipahiling mo sa sakuya, o kamo paghahampakon--- tugutan siya makamuklat nin huli ta baka siya makapagsugo kan bagay na pinagbabawal nin Kagurangnan.
19 Nin huli ta hilnga, siya na hidaling maghuhusga paghuhusgaran nin hidali giraray; nin huli ta uyon sa saiyang mga kaggibohan iyo man an saiyang mga balos; kun kaya, siya na mangkukulog pagkukulgan giraray, nin Kagurangnan.
20 Hilnga kun ano an pinagsasabi nin kasuratan--- an tawo dae mangkukulog, ni siya manghuhusga; nin huli ta an paghuhusga yaon sakuya, sabi nin Kagurangnan, asin an pagbalos yaon sa sakuya man, asin ako an magbabayad.
21 Asin siya na maghahangos nin karaotan asin pakikilaban kontra sa gibo nin Kagurangnan, asin laban sa pinagtipanang mga katawohan nin Kagurangnan na iyo an harong nin Israel, asin magsasabi: Samuyang pagdedestrosohon an gibo nin Kagurangnan, asin an Kagurangnan dae makakagiromdom kan saiyang tipan na saiyang pinaghimo sa harong nin Israel--- iyo man sana an yaon sa kapahamakan na isusobsob pababa asin ipag-apon pasiring sa kalayo;
22 Nin huli ta an daeng katapusang katuyuhan nin Kagurangnan magpapadagos, sagkod na an saiyang mga promisa magkaka-urutob.
23 Saliksika an mga propesiya ni Isaias. Hilnga, ako dae makakasurat sainda. Iyo, hilnga ako nagsasabi sa saindo, na idtong mga banal na nagka-erenot bago ako, na iyo an nagsasadire kaining kadagaan, magkukurahaw, iyo, maski gikan pa sa alpog sin magkukurahaw sa Kagurangnan; asin habang an Kagurangnan nabubuhay siya makakagiromdom sa tipan na saiyang pinaghimo sa kaibahan ninda.
24 Asin siya nakakaaram kan saindang mga pangadyeon, na sinda yaon sa ngaran kan saindang mga katugangan. Asin siya nakakaaram kan saindang pagtubod, nin huli ta sa saiyang pangaran sinda nakakapagpahale nin mga kabukidan; asin sa saiyang pangaran sinda nakakapagkausa na an daga magtatanyog; asin sa paagi nin kapangyarihan kan saiyang tataramon sinda nagkausa na an mga prisohan magkakahurugmok sa daga; iyo, magin an nag-aagabaab na ini dae makakapagpakulog sainda, ni an mga layas na mga hayop ni an mga makamandag na mga halas, nin huli sa kapangyarihan kan saiyang tataramon.
25 Asin hilnga, an saindang mga pangadyeon iyo man sa pangaran niya na an Kagurangnan magtutugot na darahon ining mga bagay na mangyari.
26 Asin mayo na makapagsabi na sinda dae mag-aabot, nin huli ta sinda seguradong iyo, nin huli ta an Kagurangnan an nagtaram kaini; nin huli ta gikan sa daga sinda magluluwas, sa paagi nin kamot nin Kagurangnan, asin mayong makakapagpugol kaini; asin ini mangyayari sa aldaw kun noarin na ini pinagsasabi na an mga milagro pinagwara na; asin ini mangyayari magin garo baga sa saro na magtataram gikan sa mga gadan.
27 Asin ini mangyayari sa sarong aldaw kun noarin an dugo kan mga banal magkukurahaw sa Kagurangnan, nin huli sa sikretong kumbinasyon asin kan mga gibo nin kadikloman.
28 Iyo, ini mangyayari sa sarong aldaw kun noarin an kapangyarihan nin Diyos pagsisikwalon, asin an mga simbahan nagin maation asin makakapagpa-itaas sa kapaabaw-abawan kan saindang mga puso; iyo, magin sa sarong aldaw kun noarin an mga lider kan simbahan asin an mga paratukdo magsisirang sa kapaabaw-abawan kan saindang mga puso, magin ngani mag-uuri sainda na kabale sa saindang mga simbahan.
29 Iyo, ini mangyayari na sarong aldaw kun noarin magkakaigwa nin pandangog nin mga kalayo asin mga bagyo, asin mga singaw kan aso sa banyagang mga kadagaan;
30 Asin magkakaigwa man nin dangog kan mga giyera, mga huring-huding nin mga giyera, asin mga linog sa manlaenlaen na mga lugar.
31 Iyo, ini mag-aabot sa sarong aldaw kun noarin magkakaigwa nin dakulaong polusyon sa lalawgon nin kinaban; magkakaigwa nin mga panggagadan, asin pananalakat, asin pamumutik, asin mga pandadaya, asin mga pagbebenta nin laman, asin gabos na manera nin mga abominasyon; kun noarin may kadakul na magsasabi, Giboha ini, o giboha iyan, asin ini daeng kamugtakan, nin huli ta an Kagurangnan magtutugot kan mga iyan sa huring aldaw. Pero herak man sa mga arog kaini, nin huli ta yaraon sinda sa bingit nin kapaitan asin sa mga gapos nin kadaendatahan.
32 Iyo, ini mangyayaring maglipas na sarong aldaw kun noarin magkakaigwa nin mga simbahan na pinagtugdok na magsasabi: Magdulok kamo sakuya, asin nin huli kan saindong kuwarta kamo patatawadon kan saindong mga kasalan.
33 O kamong mga marurumpot asin balinsot asin matiso an mga liog na mga katawohan, tadaw baya ta kamo nagtuturugdok nin mga simbahan sa saindong mga sadire tanganing makakaganar? Tadaw baya ta saindong binarag-o an banal na tataramon nin Diyos, na tangani baya kamo puwedeng magdara nin kapahamakan sa saindong mga kalag? Hilnga mansayan nindo baya an mga kapahayagan nin Diyos; nin huli ta hilnga, an panahon mag-aabot na sa aldaw na iyan kun noarin an gabos na ining mga bagay kaipuhang mauutob.
34 Hilnga, an Kagurangnan nagparapahiling sa sakuya nin mga darakula asin makangangalas na mga bagay mapanungod kaiyan na kaipuhang halipotong maabot, sa aldaw na iyan kun noarin ining mga bagay mangyayari sa pag-iriba nindo.
35 Hilnga, ako nagtataram sa saindo na garo bagang yaraon kamo, asin baya kamo mayo man. Pero hilnga, si JesuCristo iyo an nagpahiling saindo sa sakuya, asin ako nakakaaram kan saindong mga pinaggigibo.
36 Asin ako nakakaaram na kamo nanggad naglalakaw sa kapaabaw-abawan kan saindong mga puso; asin mayo laen lang sa kadikit sana na dae nagpalangkaw kan saindang mga saidre sa kapaabaw-abawan kan saindang mga puso, sa pagsusul-ot nin magagayon na mga bado, sa pag-uuri, asin mga pag-iiriwal-iwal, asin malisya, asin mga persekusyon, asin gabos na manera nin mga kadaendatahan; asin an saindong mga simbahan, iyo, magin an lambang saro, nagin polyutado na nin huli sa kapaabaw-abawan kan saindong mga puso.
37 Nin huli ta hilnga, kamo nagmumuot na sa kuwarta, asin kan saindong mga pagsadire, asin kan saindong mga magagayon na mga kabadoan, asin sa pag-aadorno kan saindong mga simbahan mas pa sa saindong pagkamoot sa kapobrehan asin mga nangangaipo, sa may kamatean asin nasasakitan.
38 O kamong mga polusyon, kamong mga hepokrito, kamong mga paratukdo, na nagpapabakal kan saindong mga sadire sa bagay na natutunaw, tadaw baya ta saindong pinagbasangan an banal na simbahan nin Diyos? Tadaw ta kamo nagkakasurupog na darahon sa saindong mga sadire an pangaran ni Cristo? Tadaw ta kamo dae nag-iisip na mas halangkaw an halaga kan daeng katapusan na kaogmahan kesa sa kasakitan na dae nagagadan--- nin huli sa pagpapamuraway kan kinaban?
39 Tadaw baya ta kamo nag-aadorno kan saindong mga sadire kan bagay na mayong buhay, asin nagpabaya sa mga nagugutom, asin sa mga nangangaipo, asin sa mga huba, asin sa may kamatean asin kasakitan na nag-agi sa saindo, asin kamo baya dae nakanotisya?
40 Iyo, tadaw ta saindong pinagpaurog an saindong mga sikretong abominasyon na tanganing makagana, asin nagkausa na an mga balo magmumundo sa atubangan nin Kagurangnan, asin man an dugo kan saindong mga ama asin kan saindang mga agom na lalake na nagkukurahaw sa Kagurangnan gikan sa daga, para sa pagbalos sa saindong mga payo?
41 Hilnga, an espada nin pagbabalos nakaamba na sa ibabaw nindo; asin an panahon dae na maghahaloy na mag-aabot, na saiyang ipagbalos an dugo kan mga tantos sa saindo, nin huli ta siya dae magtutugot kan saindang mga kinurahaw na maghaloy pa.

MORMON TSAPTER 7

2006-07-03T20:12:00.000+08:00

Si Mormon nag-imbita sa mga Lamanita sa mga huring aldaw na magtubod ki Cristo, mag-ako sa saiyang ebanghelyo, asin maliligtas--- An gabos na nagtutubod sa Bibliya magtutubod man sa Libro ni Mormon.

*******

Asin ngonian, hilnga, ako magtataram kumbaga sa katadaan kaining mga katawohan na nakaligtas, kun baga iyo ini na an Diyos iyo an magtatao sa sainda kan sakuyang mga tataramon, na tanganing saindang magkakaararaman an mga bagay kan saindang mga ama; iyo, ako nagtataram sa saindo, kamo na katadaan kan harong nin Israel; asin iyo ini an mga tataramon na sakuyang isasabi:
2 Nakakaaram daw kamo na kamo yaon sa harong nin Israel,
3 Nakakaaram daw kamo na kamo kaipong magsorolsol, o kamo baya dae makakaligtas.
4 Nakakaaram daw kamo na kamo kaipong ibaba an saindong mga armas panggiyera, asin dae na nadadahuman sa pagpapabulos nin dugo, asin dae sinda kakaputan giraray, laen lang kun an Diyos na an magsusugo saindo.
5 Nakakaaram daw kamo na kamo kaipong makanuod sa saindong mga ama, asin magsosolsol kan gabos nindong mga kasalan asin kadaendatahan, asin magtubod ki JesuCristo, na siya iyo an Ake nin Diyos, asin na siya pinaggadan kan mga Judio, asin sa paagi kan kapangyarihan nin Ama siya nabuhay-liwat giraray, kun saen siya nakaguno nin kapangganahan na mangingibabaw sa lubungan; asin man sa saiya an bagsik nin kagadanan pinaghalon.
6 Asin saiyang pinagdadara na mag-abot an pagkabuhay-liwat kan gadan, kun saen an taow kaipuhang magbuhat tanganing magtindog sa atubangan kan saiyang tukawan sa paghuhukom.
7 Asin saiyang dinara na mag-abot an pagtubos kan kinaban, kun saen siya nanagboan na mayong kasalanan sa atubangan niya sa kaaldawan nin paghuhukom asin ipagtao sa saiya na mag-eerok sa presensiya nin Diyos sa saiyang kahadean, tanganing magkanta nin daen untok nin pagpapamuraway kairiba an mga parakanta sa kaitaasan, para sa Ama, asin para sa Ake, asin para sa Espiritu Santo, na sarong Diyos; na yaon sa sarong kamugtakan nin kaogmahan na mayong katapusan.
8 Kun kaya magsolsol, asin magpabunyag sa pangaran ni Jesus, asin mangaputan sa ebanghelyo ni Cristo, na pinaghahaya sa atubangan nindo, bako lang sa rekord na ini kundi man sa rekord na minagikan sa mga Judio, na an rekord maabot na gikan sa mga Hentil pasiring sa saindo.
9 Nin huli ta hilnga, ini pinagsurat para sa katuyuhan na tanganing kamo magtutubod kaiyan; asin kun kamo magtutubod kaiyan kamo magtutubod man kaini; asin kun kamo magtutubod kaini kamo makakaaram manungod sa saindong mga ama, asin man sa makangangalas na mga gibo na ipinagpahiling sa paagi nin kapangyarihan nin Diyos sa pag-iriba ninda.
10 Asin saindo man magkakaararaman na kamo sarong katadaan kan banhi ni Jacob, kun kaya kamo nabibilang sa pag-iriba nin mga katawohan sa enot na tipan; asin kun kamo nanggad nagtutubod ki Cristo, asin nabunyagan na, enot nin tubig, sunod nin kalayo asin nin Espiritu Santo, sa pagsusunod sa ehemplo kan satuyang Paraligtas, na uyon sa saiyang pinagsusugo sa satuya, ini magigin karahayan saindo sa kaaldawan nin paghuhukom. Amen.

MORMON TSAPTER 6

2006-07-03T20:10:00.000+08:00

An mga Nephita nagkatiripon-tipon sa kadagaan nin Cumorah para sa pinaka-ultimong pakikipaglaban--- Si Mormon an nagtago kan mga banal na rekord sa burobukid nin Cumorah--- An mga Lamanita iyo an nanggana, asin an nasyon kan Nephita nadestroso--- Ginatos na ribo an nagkagaradan sa espada.

*******

Asin ngonian ako matapos kan sakuyang talaan manungod sa kapahamakan kan sakuyang mga katawohan, an mga Nephita. Asin ini nangyaring naglipas na kami nagmartsa pasiring sa atubangan kan mga Lamanita.
2 Asin ako, si Mormon, nagsurat nin sarong surat sa hade kan mga Lamanita, asin naghagad saiya na tugutan niyang kami na samuyang magkakatiripon-tipon na magkakasararo an samuyang mga katawohan sa kadagaan nin Cumorah, sa may burobukid na pinag-apud na Cumorah, asin duman kami makapagtao sainda nin pakikipaglabanan.
3 Asin ini nangyaring naglipas na an hade kan mga Lamanita nagtugot sa sakuya kan bagay na sakuyang pinagmawot.
4 Asin ini nangyaring naglipas na kami nanggad nagmartsa pasiring sa kadagaan nin Cumorah, asin kami nagtugdok kan samuyang mga tolda sa palibot kan burobukid nin Cumorah; asin idto yaon sa sarong kadagaan nin kadakul na mga katubigan, mga salog, asin mga kabubunan; asin digde kami nagkaigwa nin paglaom na makaguno nin bentahe sa mga Lamanita.
5 Asin sa panahon kan ikatulong gatos asin otsenta asin apat na taon an nakaagi na, samuyang pinagtiripon an bilog na katadaan kan samuyang mga katawohan sa kadagaan nin Cumorah.
6 Asin ini nangyaring naglipas na sa panahon na samuyang napagtiripon na an gabos nyamong mga katawohan na magkasararo sa kadagaan nin Cumorah, hilnga, ako, si Mormon, nagpoon na magin gurang na; asin sa kaaraman na iyo ini an pinakahuring pakikipaglabanan kan sakuyang mga katawohan, asin ta ako pinagsugo nin Kagurangnan na dae ko itugot na an mga rekord na pinagpamana kan samuyang mga ama, na mga sagrado, na mapaduman sa mga kamot kan mga Lamanita, (nin huli ta an mga Lamanita iyo an magdedestroso sa mga ini), asin pinagtago sa burobukid nin Cumorah an bilog na mga talaan na ipinagkatiwala sa sakuya sa paagi kan kamot nin Kagurangnan, laen lang kaining mga kadikit na mga lamina na sakuyang pinagtao sa sakuyang akeng lalake na si Moroni.
7 Asin ini nangyaring naglipas na an sakuyang mga katawohan, kairiba an saindang mga agom na babae asin an saindang mga kaarakian, ngonian nahiling an armada kan mga Lamanita na nagmamartsa pasiring sainda; asin sa makangorongirhat na katakutan sa kagadanan na nagpano sa mga daghan kan gabos na mga maririgsok, sinda naghaharalat na akoon ninda.
8 Asin ini nangyaring naglipas na sinda nag-arabot sa pakikipaglaban kontra samuya, asin an lambang kalag napano nin pagkatakot nin huli sa kadakulaan kan saindang bilang.
9 Asin ini nangyaring naglipas na sinda nag-atake sa sakuyang mga katawohan sa paagi nin espada, asin nin bugso, asin pana, asin pin pamatok, asin nin gabos na manera nin armas na panggiyera.
10 Asin ini nangyaring naglipas na an sakuyang mga tawo nagkagurupo, iyo, magin an sakuyang sampulong ribo na pag-iriba ko, asin ako natumbang nakagadan sa katahawan; asin sinda naglampas sakuya na tanganing dae ninda pinagtapos an sakuyang buhay.
11 Asin kan sinda nagtapos na asin pinagdaog an gabos kong mga katawohan laen lang sa biyente asin apat samuya, (kairiba sa sainda iyo an sakuyang akeng lalake na si Moroni) asin kami na nakaligtas sa kagadanan kan samuyang mga katawohan, nakahiling kinaagahan, kan an mga Lamanita nagbaralik na sa saindang mga kampo, gikan sa ibabaw kan burobukid Cumorah, an sampulong rinibo kan sakuyang mga katawohan na naradas na, na pinapamayuhan na mangenotan kaiba ko.
12 Asin samuyang nahiling man sa sampulong rinibo kan sakuyang mga katawohan na pinapamayuhan kan sakuyang akeng lalake na si Moroni.
13 Asin hilnga, an sampulong rinibo ni Gidgiddonah nagkaparahamak asin siya man sa katahawan.
14 Asin si Lamah napahamak kairiba an saiyang sampulong rinibo; asin an Gilgal napahamak kairiba an saiyang sampulong rinibo; asin an Limhah napahamak kairiba an saiyang sampulong rinibo; asin an Cumenihah, asin Moronihah, asin Antionum, asin Shiblom, asin Shem, asin Josh, nagkaparahamak kairiba kan saindang lambang sampulong rinibo.
15 Asin ini nangyaring naglipas na nagkaigwa pa nin sampulo pang iba na nagkaparahamak sa paagi nin espada, kairiba an saindang lambang sampulong rinibo; iyo, magin an gabos kong mga katawohan, laen lang idtong biyente asin apat na kairiba ko, asin man sa sarong kadikit na naka-eskapo pasiring sa mga nasyon kan katimugan, asin an sarong kadikit na nagbaralyo sa mga Lamanita, an nagkaparahamak; asin an saindang mga laman, asin mga tulang, asin dugo na nagkalat sa lalawgon nin daga, na pinagbarayaan kan mga kamot ninda na nanggadan sainda tanganing magtunaw sa daga, asin maglapa asin magbalik sa saindang inang daga.
16 Asin an sakuyang kalag nagsapo nin kasakitan, nin huli sa pagkagadan kan sakuyang mga katawohan, asin ako nagkurahaw:
17 O Kamong mga kaaya-aya, paano daw kamo napatalik-ad gikan sa mga dalan nin Kagurangnan! O Kamong mga kaaya-aya, paano daw kamo nagsikwal ki Jesus, na nagtitindog na may bukas na mga takyag sa pagresibe saindo!
18 Hilnga, kun kamo dae naggibo kaini, kamo dae kuta na nagkaparahamak. Pero hilnga, kamo napahamak, asin ako nagmumundo sa saindong pagkawara.
19 O kamong mga kaaya-ayang akeng lalake asin akeng babae, kamong mga ama asin mga ina, kamong mga agom na lalake asin mga agom na mga babae, kamong mga kaaya-aya, paano daw ini ta kamo baya napahamak!
20 Pero hilnga, kamo nagkaparara, asin an sakuyang mga kamondoan dae na makapagpabalik saindo.
21 Asin an aldaw hidaling mag-aabot na an saindong kamugtakang mortal kaipong magin immortalidad, asin ining mga hawak na ngonian nagtutunaw sa kalapaan kaipong magin daeng kalapaan na mga hawak; asin pagkatapos kamo kaipong magtindog sa atubangan kan tukawan nin paghuhukom ni Cristo, tanganing paghuhukuman uyon sa saindong mga nagkaginibohan; asin kun ini magin iyo na kamo matanos, kamo pagbebendisyunan kan saindong mga ama na nagka-erenot na sa saindo.
22 O na kamo kuta na nagsorolsol na bago pa man ining dakulaon na pagkapahamak mag-abot sa saindo. Pero hilnga, kamo nagkawarara na, asin an Ama, iyo, an Eternal na Ama nin langit, nakakaaram kan saindong kamugtakan; asin siya maggigibo saindo na uyon sa saiyang hustisya asin pagkaherak.

MORMON TSAPTER 5

2006-07-03T09:51:00.000+08:00

Si Mormon giraray an namayo sa mga armada kan mga Nephita sa madugong pakikipaglabanan asin karadasan--- An Libro ni Mormon magluluwas tanganing kumbinsihon an bilog nin Israel na si Jesus iyo an Cristo--- An mga Lamanita iyo an magigin maitom, maaati, asin mariringgis na mga katawohan--- Sinda an magreresibe kan ebanghelyo gikan sa mga Hentil sa mga huring aldaw.

*******

Asin ini nangyaring naglipas na ako nagpaduman sa mga Nephita, asin nagsolsol sa sinumpaan na sakuyang hinimo na ako dae na nanggad matabang sainda; asin saindang pinagtao giraray sakuya an pagpapamahala kan saindang armada, nin huli ta saindang pinaghiling ao na garo baga iyo an makakapagligtas sainda gikan sa saindang mga kasakitan.
2 Pero hilnga, ako mayo nin paglaom; nin huli ta ako nakakaaram sa mga paghuhukom nin Kagurangnan na dapat na mag-aabot sa sainda; nin huli ta sinda dae nagsosorolsol kan saindang mga kadaendatahan, pero naghihingoha para sa saindang mga buhay na dae nag-aapod sa Kaglalang na iyo an naglalang sainda.
3 Asin ini nangyaring naglipas na an mga Lamanita nag-arabot kontra samuya habang kami padulag pasiringon sa siyudad nin Jordan; pero hilnga, sinda napa-atras pabalik na tanganing sinda dae pinagsakop an siyudad sa panahon na idto.
4 Asin ini nangyaring naglipas na sinda nag-arabot kontra samuya giraray, asin samuyang pinagmantine an siyudad. Asin igwa pa man nin ibang mga siyudad na pinagmamantine kan mga Nephita, na an mga kuta iyo an nakapagputol sainda na tanganing sinda dae makakalaog pasiring sa nasyon na nakalatag sa atubangan nyamo, na tanganing pagdedestrosohon an mga namamanwaan kan samuyang kadagaan.
5 Pero ini nangyaring naglipas na an arin man na mga kadagaan na samuyang pinag-aagihan, asin an mga namamanwaan duman na dae nagkakasararo, pinagdedestroso kan mga Lamanita, asin an saindang mga banwaan, asin mga baryo, asin mga siyudad pinagsusurulo nin kalayo; asin kaya sa ikatulong gatos asin sitenta asin siyam na taon an nakaagi na.
6 Asin ini nangyaring naglipas na sa ikatulong gatos asin otsentang taon an mga Lamanita nag-arabot giraray kontra samuya sa pakikipaglaban, asin kami nagtindog laban sainda sa kaisogan; pero idto gabos daeng kinamumugtakan, nin huli ta grabeng gayo kadakul an saindang bilang na tanganing saindang pinagtimak-timakan an mga katawohan kan mga Nephita sa irarom kan saindang mga bitis.
7 Asin ini nangyaring naglipas na kami giraray nagralakaw, asin an iba na an pagralakaw mas mabilison kesa sa mga Lamanita naka-eskapo, asin an iba na an pagraralakaw bakong sobra sa mga Lamanita sa pagralakaw pinaghuyupan pababa asin nagkaderestroso.
8 Asin ngonian hilnga, ako, si Mormon , dae nagmawot na pagtarabunan an mga kalag kan mga tawo na ipaghaya sa atubangan ninda an arog kaining makangorongirhat na madugong eksena asin karadasan na nakatambad sa atubangan kan sakuyang mga mata; pero ako, na nakakaaram sa mga bagay na ini seguradong himoon na maipagpabantog, asin na an gabos na mga bagay na nagkatarago kaipuhan na maipagpahayag sa bubungan kan mga harong---
9 Asin man na an sarong kaaraman kaining mga bagay kaipuhan na makaabot sa katadaan kaining mga katawohan, asin man sa mga Hentil, na an Kagurangnan iyo an nagsabi na magpapawaratak-watak kaining mga katawohan, asin ining mga katawohan magigin kabale bilang mayo na sa kairibahan ninda--- kun kaya ako nagsurat nin sarong kadikit na kasaysayang halipot, maigot na dae makapagtao nin sarong bilog na kasaysayan kan mga bagay na sakuyang nasaksihan, nin huli sa kasugoan na sakuyang naresibe, asin man na kamo dae magkakaigwa nin dakulaon na pagkamundo nin huli kan karigsokan kaining mga katawohan.
10 Asin ngonian hilnga, ini sakuyang pinag-estorya sa saindang mga banhi, asin man sa mga Hentil na igwang pagpangataman para sa harong nin Israel, na nakarealisar asin nakakaaram kun saen an saindang mga biyaya naggikan.
11 Nin huli ta ako nakakaaram na an arog kaini makakapagmundo sa kalamidad kan harong nin Israel; iyo, sinda magkakamurundo nin huli sa kapahamakan kaining mga katawohan; sinda magkakamurundo na ining mga katawohan dae nagsorolsol na tanganing sinda puwede kuta nang magkakakurugos sa mga takyag ni Jesus.
12 Ngonian ining mga bagay pinagsurat para sa katadaan kan harong nin Jacob; asin sinda pinagsurat sa arog kaining manera, nin huli ta ini naaaraman kan Diyos na an karigsokan dae makakapagdara sainda paduman sa sainda; asin sinda pagtatagoon para sa Kagurangnan na tanganing sinda magruluwas sa saiyang sadireng panahon.
13 Asin iyo ini an kasugoan na sakuyang naresibe; asin hilnga, sinda magruruluwas na uyon sa kasugoan nin Kagurangnan sa panahon na saiyang mahihiling na tama, sa saiyang kadunungan.
14 Asin hilnga, sinda magduduman sa mga daeng pagtutubod na mga Hudiyo; asin nin huli kaining katuyuhan sinda mapapaduman--- na tangani baya sinda puwedeng mapatubod na si Jesus iyo an Cristo, an Ake kan nabubuhay na Diyos; na tanganing an Ama maipaluwas, sa paagi kan saiya na gayong mas na kinamumutan, an saiyang dakulaon asin daeng kasagkorang katuyuhan, sa pagbabalik-giraray nin mga Hudiyo, o kan bilog na harong nin Israel, pasiring sa kadagaan na saindang kamanahan, na an Kagurangnan saindang Diyos iyo an nagtao sainda, sa pag-utob kan saiyang pinagtipanan.
15 Asin man na an banhi kan saiyang mga katawohan puwedeng bilog na magtutubod kan saiyang ebanghelyo, na mag-aabot sa sainda gikan sa mga Hentil; nin huli ta an mga katawohang ini magkakawaratak-watak, asin magigin sarong maitomon, maation, asin sarong mariringgis na mga katawohan, na sobra pa an deskripsiyon sa sainda na enot pang mga kairiba ta, iyo, magin sainda na yaraon sa pag-iriba kan mga Lamanita, asin ini nin huli kan saindang daeng pagtubod asin idolatriya.
16 Nin huli ta hilnga, an Espiritu nin Kagurangnan nag-untok nang gayo sa paki-iba sa saindang mga ama; asin sinda mayong Cristo asin Diyos sa kinaban; asin sinda pinagrurulupad na garong ata sa atubangan nin paros.
17 Sinda kaidto sarong magagayon na mga katawohan, asin sinda yaon ki Cristo bilang saindang pastor; iyo, sinda pinagpangenotan magin kan Diyos an Ama.
18 Pero ngonian, hilnga, sinda pinagpapangenotan ni Satanas, na arog sa ata na pinagrulupad-lupad sa atubangan nin paros, o arog sa sarong barko na pinagkakawatan kan mga alon, na mayong layag o angkla, o mayo nin anuman na bagay na magagamit para sa pagtimon saiya; asin sana kaiyan siya, iyo man baya sinda.
19 Asin hilnga, an Kagurangnan iyo an nagreserba kan saindang mga bendisyon, na sainda kuta nang maresibe sa kadagaan, para sa mga Hentil na iyo an magsasadire kan kadagaan.
20 Pero hilnga, ini mangyayaring malipas na sinda pahaharaleon asin pagwawaratak-watakon kan mga Hentil; asin pagkatapos na sinda pinagpaharale asin pinagwaratak-watak kan mga Hentil, hilnga, saka na an Kagurangnan makapaggiromdom sa tipan na saiyang hinimo ki Abraham asin sa bilog na harong nin Israel.
21 Asin man an Kagurangnan makakagiromdom sa mga pangadyeon kan mga matatanos, na pinagpaabot saiya para sainda.
22 Asin pagkatapos, O kamong mga Hentil, paano daw kamo makakapagtindog sa atubangan nin kapangyarihan nin Diyos, laen lang kun kamo magsosorolsol asin magbago gikan sa saindong mga mararaot na dalan?
23 Nakakaaram daw kamo na kamo yaon sa mga kamot nin Diyos? Nakakaaram daw kamo na siya igwa kan gabos na kapangyarihan, asin sa saiyang pusog na kasugoan an kinaban bilog na lulukuton siring sa sarong eskrulyo?
24 Kun kaya, magsorolsol kamo, asin magpakumbaba sa atubangan niya, baka siya mag-abot na may hustisya laban saindo--- baka an sarong katadaan na banhi ni Jacob mag-aabot sa pag-iriba nindo bilang sarong lion, asin girision kamong magkapere-peredaso, asin mayong mailigtas.

MORMON TSAPTER 4

2006-07-03T09:48:00.000+08:00

Giyera asin pagkararaot nagpadagos--- An maririgsok nagpapadusa sa maririgsok--- Grabe kadakulaon na karigsokan nangyari kesa kaidto sa bilog na Israel--- Mga kababaehan asin mga kaarakian pinagsasakripisyo sa mga idolo--- An mga Lamanita nagpoon sa pag-atake sa mga Nephita sa atubangan ninda.

*******

Asin ngonian ini nangyaring naglipas na sa ikatulong gatos asin saisiyenta asin tulong taon an mga Nephita nag-atake kairiba an saindang armada sa pakipaglaban kontra sa mga Lamanita, sa luwas nin kadagaan nin Kalipungawan.
2 Asin ini nangyaring naglipas na an armada kan mga Nephita nag-aratras giraray pabalik sa kadagaan nin Kalipungawan. Asin habang sinda paragal na, sarong bagong armada kan mga Lamanita an nag-atake sainda; asin sinda nagkaigwa nin makangirhat na ralabanan, na tanganin baya an mga Lamanita naagaw an siyudad nin Kalipungawan, asin nakagadan nin kadakul na mga Nephita, asin nakadakop nin kadakul na mga prisonero.
3 Asin an tada nakadurulag asin nag-ayon sa mga nag-eerok sa siyudad nin Teancum. Ngonian an siyudad nin Teancum napamugtak sa mga kasagkoran harani sa baybayon; asin idto harani man sa siyudad nin Kalipungawan.
4 Asin idto nangyari nin huli ta an mga armada kan mga Nephita nag-atake sa mga Lamanita na tanganing sinda nagpopoon na magkaparahamak; nin huli ta kun bako kaidto, an mga Lamanita dae kuta na nagkaigwa nin kapangyarihan na mangingibabaw sainda.
5 Pero hilnga, an mga paghuhukom nin Diyos mangingibabaw sa maririgsok; asin sa paagi kan maririgsok an mga marigsok pinagpapadusahan; nin huli ta an maririgsok an nag-aagda sa mga puso nin mga kaarakian nin mga tawo sa pagpapabulos nin dugo.
6 Asin ini nagyaring naglipas na an mga Lamanita naghimo nin mga preparasyon tanganing mag-abot kontra sa siyudad nin Teancum.
7 Asin ini nangyaring naglipas na sa ikatulong gatos asin saisiyenta asin apat na taon an mga Lamanita nag-abot kontra sa siyudad nin Teancum, na tangani saindang makuang makaputan man an siyudad nin Teancum.
8 Asin ini nangyaring naglipas na sinda napugulan asin napa-atras kan mga Nephita. Asin kan an mga Nephita nahiling na saindang napa-atras an mga Lamanita sinda giraray naghambog kan saindang sadireng kusog; asin sinda nag-atake sa sadire nindang kakusugan, asin pinagkuang makaputan giraray an siyudad nin Kalipungawan.
9 Asin ngonian an gabos kaining mga bagay pinaggiribo, asin nagkaigwa nin rinibong nagkagaradan sa magkaparehong lado, pareho sa mga Nephita asin mga Lamanita.
10 Asin ini nangyaring naglipas na sa ikatulong gatos asin saisiyenta asin anom na taon an nakaagi na, asin an mga Lamanita nag-abot giraray sa mga Nephita sa pakikipaglabanan; asin alagad an mga Nephita dae nagsorolsol sa mga karaotan na saindong naginibohan, pero persistido sa saindang padagos na karigsokan.
11 Asin ini imposible para sa dila na maisabi, o para sa tawo na maisurat sa sarong perpektong deskripsiyon kan makatakot na eksena kan madugo asin kadestrosohan na nag-abot sa pag-iriba nin mga katawohan, pareho sa mga Nephita asin sa Lamanita; asin an lambang puso pinagpatagas, na tanganing sinda nagka-orogma sa padagos na pagpapabulos nin dugo.
12 Asin dae nanggad nagkaigwa nin arog kadakulaon na karigsokan sa pag-iriba kan gabos na kaarakian ni Lehi, ni magin sa pag-iriba kan bilog na harong nin Israel, sabi sa mga tataramon nin Kagurangnan, na arog sa pangyayari sa pag-iriba kaining mga katawohan.
13 Asin ini nangyaring naglipas na an mga Lamanita nakuang makaputan an siyudad nin Kalipungawan, asin ini nin huli kan saindang bilang na nagsobra pa sa bilang kan mga Nephita.
14 Asin sinda nagmartsa man paabante kontra sa siyudad nin Teancum, asin napahale an mga nag-eerok paluwas kaini, asin nakadakop nin kadakul na mga prisonero parehong mga kababaehan asin mga kaarakian, asin pinag-aatang sinda bilang mga sakripisyo sa saindang ini-idolong mga diyos-diyosan.
15 Asin ini nangyaring naglipas na sa ikatulong gatos asin saisiyenta asin pitong taon, an mga Nephita nagka-aranggot nin huli sa mga Lamanita na nagsakripisyo kan saindang mga kababaehan asin kan saindang mga kaarakian, na tangani baya sinda nag-atake kontra sa mga Lamanita na may grabeng gayo an kaanggutan, na tanganing saindang nagkadaraog giraray an mga Lamanita, asin napa-atras sinda paluwas sa saindang mga kadagaan.
16 Asin an mga Lamanita dae na naka-atake pa giraray kontra sa mga Nephita hanggan sa ikatulong gatos asin sitenta asin limang taon.
17 Asin sa taon na ini sinda nag-atake kontra sa mga Nephita na may bilog na saindang puwersa; asin sinda dae mabibilang nin huli sa kadakulan kan saindang numero.
18 Asin magpoon sa panahon na ini padagos an mga Nephita dae nakagana nin kapangyarihan na mangingibabaw sa mga Lamanita, pero nagpopoon na magkaparadpad paharayo sa paagi ninda na arog baga nin sarong ambon sa atubangan nin saldang.
19 Asin ini nangyaring naglipas na an mga Lamanita nag-abot kontra sa siyudad nin Kalipungawan; asin nagkaigwa nin grabe na gayong mainit na ralabanan na nangyari sa daga nin Kalipungawan, na kun saen saindang nadaog an mga Nephita.
20 Asin sinda nagdurulag gikan sa atubangan ninda, asin sinda nakaabot sa siyudad nin Boaz; asin duman sinda nagtitindog kontra sa mga Lamanita na igwa nin grabeng kaisogan; na tangani baya na an mga Lamanita dae nakadaog sainda hanggan sinda nag-atake giraray sa ikaduwang pagkakataon.
21 Asin kan sinda nag-abot sa ikaduwang pagkakataon, an mga Nephita napadurulag asin nagkagaradan na may grabeng dakulaon na kagadanan; an saindang mga kababaehan asin an saindang mga kaarakian giraray pinagsakripisyo sa mga idolo.
22 Asin ini nangyaring naglipas na an mga Nephita nagdurulag giraray gikan sa atubangan ninda, dara-dara an bilog na mga kahimanwa na kairiba ninda, pareho sa mga banwaan asin mga kabalangayan.
23 Asin ngonian ako, si Mormon, nasaksihan na an mga Lamanita madalion nang maaagaw an kadagaan, kun kaya ako nagduman sa burobukid nin Shim, asin pinagdara an gabos na mga rekord na si Ammaron an nagtago para sa Kagurangnan.

MORMON TSAPTER 3

2006-07-03T08:14:00.000+08:00

Si Mormon nagbalangibog nin pagsosolsol sa mga Nephita--- Sinda nakagana nin sarong dakulaon na kapangganahan asin kamurawayan sa saindang sadireng kusog--- Si Mormon nagsayuma na magpamayo sainda, asin an saiyang mga pangadyeon para sainda na mayo nin pagtubod--- An Libro ni Mormon nag-imbita sa doseng mga tribu nin Israel na magtubod sa ebanghelyo.

*******

Asin ini nangyaring naglipas na an mga Lamanita dae nag-abot sa pakipaglaban giraray hanggan sa ika-sampulong taon pang sobra an nakaagi na. Asin hilnga, ako pinag-empleyo an sakuyang mga katawohan, an mga Nephita, sa pag-aandam kan saindang mga kadagaan asin kan saindang mga armas sa panahon nin pakikipaglaban.
2 Asin ini nangyaring naglipas na an Kagurangnan nagsabi sa sakuya: Ikurahaw sa mga katawohang ini--- Magsorolsol kamo, asin magdulok sa sakuya, asin magpabunyag, asin ipagtugdok giraray an sakuyang simbahan, asin kamo ililigtas.
3 Asin ako nagbalangibog kaini sa mga katawohan, pero idto daeng kinamugtakan; asin sinda dae nakaaram na an Kagurangnan iyo an nagligtas sa sainda, asin nakapagtao sa sainda nin sarong pagkakataon para magsosolsol. Asin hilnga saindang pinagpatagas an saindang mga puso laban sa Kagurangnan na saindang Diyos.
4 Asin ini nangyaring naglipas na pagkatapos kaining sampulong taon an naglipas na, na sa kabilugan, ikatulong gatos asin saisiyentang taon gikan sa pag-abot ni Cristo, an hade kan mga Lamanita nagpadara nin surat sa sakuya, na nakapagtao sakuya na makaaram na sinda nag-aandam na ma-atake giraray sa pakikipaglaban kontra samuya.
5 Asin ini nangyaring naglipas na sakuyang pinagsugo an sakuyang mga katawohan na sinda magkatiripon kan saindang mga sadire na magkasararo sa daga nin Kalipungawan, duman sa siyudad na yaon sa mga kasagkoran, sa may hayakpit na agihan na pasiringon sa kadagaan patimog.
6 Asin duman samuyang pinamugtak an samuyang mga armada, na tanganing samuyang mapa-untok an mga armada kan mga Lamanita, na tangani baya sinda dae makapan-agaw sa arin man kan samuyang mga kadagaan; kun kaya kami nakapagpakusog kontra sainda sa bilog nyamong puwersa.
7 Asin ini nangyaring naglipas na sa ikatulong gatos asin saisiyenta asin enot na taon an mga Lamanita nag-atake sa siyudad nin Kalipungawan sa pakikipaglaban kontra samuya; asin ini nangyaring naglipas sa taon na idto samuyang dinaog sinda, na tangani baya na sinda nagbaralik sa saindang sadireng mga kadagaan giraray.
8 Asin sa ikatulong gatos asin saisiyenta asin duwang taon sinda nag-abot giraray sa pakikipaglaban. Asin samuyang dinaog sinda giraray, asin nakapaggadan nin sarong dakulaon na numero sainda, asin an saindang mga gadan pinagtapok sa dagat.
9 Asin ngonian, nin huli kaining kadakulaong bagay na an sakuyang mga katawohan, an mga Nephita, an naggibo, sinda nagpoon sa pahahambog kan saindang sadireng kusog, asin nagpoon sa pagsumpa sa atubangan nin mga langit na saindang ipagbabalos mismo kan mga sadire ninda an dugo kan saindang mga katugangan na nagkagaradan kan saindang mga kaiwal.
10 Asin sinda nagparasumpa sa paagi nin mga langit, asin man sa trono nin Diyos, na sinda magpapaduman sa pakipaglaban kontra sa saindang mga kaiwal, asin pagpupurutol-putulon sinda gikan sa lalawgon kaining mga kadagaan.
11 Asin ini nangyaring naglipas na ako, si Mormon, hayagan na nagsayuma poon sa panahon na ini na magin sarong kumander asin sarong lider kaining mga katawohan, nin huli kan saindang karigsokan asin abominasyon.
12 Hilnga, ako nagpamayo sainda, maski na ngani sa saindang mga karigsokan ako nagpangenotan sainda sa kadakul na pagkakataon sa pakipaglaban, asin kinamumutan sinda, uyon sa pagkamoot nin Diyos na yaon sakuya, sa bilog kong puso; asin an sakuyang kalag pinagpabulos sa pangadyeon sa sakuyang Diyos sa bilog na lawig kan aldaw para sainda; daeng pagkukulang, idto mayong pagtubod, nin huli sa katagasan kan saindang mga puso.
13 Asing tulong beses na ako an nagligtas sainda paluwas sa mga kamot kan saindang mga kaiwal, asin sinda dae nanggad nagsorolsol kan saindang mga kasalanan.
14 Asin kan sinda nagparasumpa sa gabos naa ipinagbabawal sainda kan satuyang Kagurangnan asin Tagapagligtas na si JesuCristo, na tanganing makipaglaban, asin sainda mismong ipagbalos an dugo kan saindang mga katugangan, hilnga an boses nin Kagurangnan nag-abot sakuya, na nagsasabi:
15 An pagbalos iyo an sakuya, asin Ako an magbabayad; asin nin huli ta ining mga katawohan dae nagsorolsol pagkatapos kong pinagligtas sinda, hilnga, sinda magkakaparahamak gikan sa lalawgon kaining kinaban.
16 Asin ini nangyaring naglipas na ako nanggad hayagan na nagsasayuma na magduman kontra sa sakuyang mga kaiwal; asin ako nagsunod siring na an Kagurangnan iyo an nagsugo sakuya; asin ako nagtindog bilang solong testigo na tanganing maipahiling sa kinaban an mga bagay na sakuyang nahiling asin nadangog, uyon sa manipestasyon kan Espiritu na iyo an nagpatotoo kan mga bagay na paabuton pa.
17 Kun kaya ako nagsurat sa saindo, mga Hentil, asin man sa saindo, harong nin Israel, sa panahon na an trabaho magpopoon na, na kamo mag-aandam sa pagbabalik sa kadagaan kan saindong kamanaha.
18 Iyo, hilnga, ako nagsurat sa gabos na katapusan kan kinaban; iyo, sa saindo, doseng tribu kan Israel, na paghuhusgaran uyon sa saindong mga gibo sa paagi kan dose na pinili ni Jesus na magin saiyang mga desipulos sa kadagaan nin Jerusalem.
19 Asin ako nagsurat sa katadaan kaining mga katawohan, na paghuhusgaran man kan dose na pinili ni Jesus digde sa kadagaan na ini; asin sinda paghuhusgaran kan iba pang dose na si Jesus an nagpili sa kadagaan nin Jerusalem.
20 Asin an mga bagay na ini pinahiling kan Espiritu sa sakuya; kun kaya ako nagsurat sa saindo gabos. Asin nin huli sa kausang ini ako nagsurat sa saindo, na tanganing kamo makaaram na kamo kaipuhan gabos na magtitindog sa atubangan kan tukawan nin paghuhukom ni Cristo, iyo, an lambang kalag na kabale sa bilog na nilalang na pamilya ni Adan; asin kamo kaipuhan na magtitindog tanganing paghuhusgaran kan saindong mga gibo, kun sinda marhay o maraot.
21 Asin man na tanganing kamo puwedeng magtubog sa ebanghelyo ni JesuCristo, na saindong ipagtatao sa pag-iriba nindo; asin man kan mga Judio, an pinagtipanang mga katawohan nin Kagurangnan, magkakaigwa nin ibang saksi laen pa saiya na saindong nahiling asin nadangog, idtong Jesus, na saindang pinaggadan, iyo mismo an Cristo asin mismo an Diyos.
22 Asin ako nagmamawot na ako makapag-agda sa gabos na katapusan nin kinaban na magsolsol asin mag-andam sa pagtindog sa atubangan kan tukawan nin paghuhukom ni Cristo.

MORMON TSAPTER 2

2006-06-22T10:22:00.000+08:00

Si Mormon an namayo sa mga armada kan mga Nephita--- Dugon asin pagralaban-laban naglakop sa kadagaan--- An mga Nephita nagngoroyngoy asin nagmurundo na kaiba an kakulugan kan mga pinagsumpa--- An saindang aldaw nin grasya naglipas na--- Si Mormon an nakakua kan mga lamina ni Nephi--- An mga giyera nagpadagos.

*******

Asin ini nangyaring naglipas na sa kaparehong taon nagkaigwa nin pagpopoon nin sarong giyera giraray sa tahaw kan mga Nephita asin mga Lamanita. Asin maski na ngani na ako saro pa sanang hoben, na dakula sa paghawakon; kun kaya an mga katawohan ni Nephi nagnombra sakuya na ako an dapat nindang magin lider, o an lider kan saindang armada.
2 Kun kaya ini nangyaring naglipas na sa sakuyang ika-desisais na taon ako nangenotan bilang pamayo kan armada nin mga Nephita, laban sa mga Lamanita; kun kaya tulong gatos asin beynte asin anom na taon an naglipas na.
3 Asin ini nangyaring naglipas na sa ika-tulong gatos asin beynte asin pitong taon an mga Lamanita nag-arabot sa samuya na may grabe na gayong kapangyarihan, na tangani baya na sinda an nakapagtanyog kan sakuyang mga armada; kun kaya sinda harabong makipaglaban, asin sinda nagpopoon na mag-atras pasiring sa norteng parte nin nasyon.
4 Asin ini nangyaring naglipas na kami nakaabot sa siyudad nin Angola, asin samuyang pinagsakop an siyudad, asin naghimo nin mga preparasyon tanganing idepensa an samuyang mga sadire kontra sa mga Lamanita. Asin ini nangyaring naglipas na samuyang pinakusog an siyudad sa abot kan samuyang kusog; pero maski na ngani kaining gabos nyamong mga pampakusog an mga Lamanita nag-atake samuya asin pinagdaog kami paluwas sa siyudad.
5 Asin sainda pa kaming pinagdaog giraray paluwas sa kadagaan ni David.
6 Asin kami nagpadagos sa pagmartsa asin nakaabot sa kadagaan nin Joshua, na yaon sa mga kasagkoran nin sulnupan sa may baybayon.
7 Asin ini nangyaring naglipas na samuyang pinagtipon an samuyang mga katawohan sa mabilison na paaging posible, na tanganing samuya sindang mapagkasararo bilang sarong hawak.
8 Pero hilnga, an kadagaan pano nin mga tulisan asin nin mga Lamanita; asin maski na ngani sa dakulang kapahamakan na naka-omang sa samuyang mga katawohan, sinda nagsorolsol kan saindang mga mararaot na nagkaginibohan; kun kaya nagkaigwa nin madugo asin an kariribokan nagkalat sa bilog na lalawgon nin kadagaan, pareho sa parte kan mga Nephita asin man sa parte kan mga Lamanita; asin idto sarong kumpletong rebolusyon sa bilog na lalawgon nin kadagaan.
9 Asin ngonian, an mga Lamanita igwa nin sarong hade, asin an saiyang pangaran iyo si Aaron; asin siya nag-atake samuya na may armada nin kuwarenta asin apat na ribo. Asin hilnga, ako nakilaban saiya na may kuwarenta asin duwang ribo. Asin ini nangyaring naglipas na dinaog ko siya kan sakuyang armada na siya nagdulag sa atubangan ko. Asin hilnga, an gabos na ini nangyari, asin tulong gatos asin treyntang taon an nakalipas na.
10 Asin ini nangyaring naglipas na an mga Nephita, nagpoon sa pagsorolsol kan saindang mga kadaendatahan, asin nagpopoon sa pagngangayo-ngayo segun sa pinagpropesiya ni Samuel an propeta; nin huli ta hilnga mayong tawo an makapagtago kan bagay na pagsadire niya, para sa parahabon, asin mga tulisan, asin mga paragadan, asin kan arte sa pagmadyik, asin kan huklob na yaraon na sa kadagaan.
11 Kaya nagkaigwa nin pagpopoon nin sarong pagkamundo asin pagtatangis sa bilog na kadagaan nin huli kaining mga bagay, asin mas lalo na sa pag-iriba kan mga katawohan nin Nephi.
12 Asin ini nangyaring naglipas na kan ako, si Mormon, nahiling an saindang pagtatarangis asin kan saindang kamondoan asin kan saindang pagkamundo sa atubangan nin Kagurangnan, an sakuyang puso nagpoon na mag-ogma sa laog kan sadire ko, nakaaram kan mga pagkaherak asin halabang pagtitios nin Kagurangnan, kun kaya naghuhuna-huna an Siya magigin maheherakon sa sainda na tangani baya sinda giraray magigin sarong matanuson na mga katawohan.
13 Pero hilnga ining sakuyang kaogmahan daeng kamugtakan, nin huli ta an saindang pagmumundo bako man palan para sa pagsosolsol, nin huli sa karahayan nin Diyos; pero idto baya pagmumundo para sa mga kondenado, nin huli ta an Kagurangnan dae nanggad magtutugot sainda na makakua nin kaogmahan sa kasalanan.
14 Asin sinda dae nagdulok ki Jesus na may mga mamondoong puso asin mga mahuyong espiritu, pero saindang pinagsumpa an Diyos, asin nagmawot na magadan. Daeng pagkukulang sinda makikipaglaban sa espada para sa saindang mga buhay.
15 Asin ini nangyaring naglipas na an sakuyang kamondoan nagbalik sa sakuya giraray, asin sakuyang nahiling na an aldaw nin grasya naglipas na kaiba ninda, pareho sa pantemporal asin pan-espirituwal; nin huli ta sakuyang nahiling na rinibo sainda an nagkaguruyod pababa sa bukas na pagrerebelde laban sa saindang Diyos, asin pinagtiripon-tipon na garong kalapaan sa lalawgon kaining kadagaan. Asin kaya tulong gatos asin kuwarenta asin apat na taon an nakaagi na.
16 Asin ini nangyaring naglipas na sa ika-tulong gatos asin kuwarenta asin limang taon na an mga Nephita nagpopoon na magdurulag sa atubangan kan mga Lamanita; asin sinda pinagralamag sagkod na sinda nakaabot sa kadagaan nin Jashon, bago pa man sinda posibleng makapagpa-untok sainda sa saindang pag-atras.
17 Asin ngonian, an siyudad nin Jashon haranihon sa kadagaan na kun saen si Ammaron pinagdeposito an mga rekord para sa Kagurangnan, na tangani baya na an mga ini dae nanggad madestroso. Asin hilnga ako nagpaduman na uyon sa tataramon ni Ammaron, asin pinagkua an mga Lamina ni Nephi, asin naghimo nin saro pang rekord na uyon sa mga tataramon ni Ammaron.
18 Asin sa mga Lamina ni Nephi ako naghimo nin saro pang bilog na kasaysayan kan gabos na karigsokan asin mga abominasyon; pero sa ibabaw kaining mga lamina ako nagsurat na makagibo nin saro pang bilog na estorya kan saindang mga karigsokan asin mga abominasyon, nin huli ta hilnga sarong padagos na eksena nin karigsokan asin mga abominasyon iyo an sakuyang nagkahiriling magpoon pa kan ako makanuod na makapag-isip-isip sa mga dalan nin tawo.
19 Asin herak man ako nin huli kan saindang karigsokan; nin huli ta an sakuyang puso pinagpano nin kamondoan nin huli kan saindang karigsokan, sa bilog kong aldaw; daeng pagkukulang, ako nakakaaram na ako itataas sa huring aldaw.
20 Asin ini nangyaring naglipas na sa taon na ini an mga katawohan ni Nephi giraray pinaghahanap asin pinagpaharale. Asin ini nangyaring naglipas na kami nagharale sagkod na kami makaabot sa may norteng parte pasiring sa kadagaan na pinag-aapod na Shem.
21 Asin ini nangyaring naglipas na samuyang pinagpakusog an siyudad nin Shem, asin samuyang pinagtitiripon-tipon an samuyang mga katawohan habang ini posible pa, na baya samuyang mailigtas sinda gikan sa pagkapahamakan.
22 Asin ini nangyaring naglipas na sa ika-tulong gatos asin kuwarenta asin anom na taon sinda nagpopoon na mag-aratake samuya giraray.
23 Asin ini nangyaring naglipas na ako nagtaram sa sakuyang mga katawohan, asin pinagkaolay sinda na may kusog na enerhiya, na sinda may kusog na magtindog sa atubangan nin mga Lamanita asin makipaglaban para sa saindang mga agom, asin sa saindang mga kaarakian, asin sa saindang mga kaharongan, asin sa saindang mga estaran.
24 Asin an sakuyang mga tataramon na nakapaghikayat sainda na magmakusog, na tangani baya na sinda dae magdurulag gikan sa pakikipaglaban sa mga Lamanita, kund makipaglaban na may kakusugan kontra sainda.
25 Asin ini nangyaring naglipas na kami nakipaglaban na may armada nin treynta mil kontra sa armada na singkuwenta mil. Asin ini nangyaring naglipas na kami nakipag-atubang sainda na may grabeng kakusugan nin boot na tangani baya sinda nagdurulag gikan sa pakipaglaban sa samuya.
26 Asin ini nangyaring naglipas na kan sinda nagdurulag na samuyang pinagralamag sinda kairiba kan samuyang mga armada, asin naabutan sinda giraray, asin pinagdaog sinda; daeng pagkukulang na an kusog nin Kagurangnan mayo sa samuya; iyo, kami pinabayaan sa samuyang mga sadire, na an Espiritu nin Kagurangnan dae nakiiba sa samuya; kun kaya kami nagin maluluya na arog sa samuyang mga katugangan.
27 Asin an sakuyang puso nagmundo nin huli kaining dakulaon na kalamidad kan sakuyang mga katawohan, nin huli kan saindang mga karigsokan asin kan saindang mga karumputan. Pero hilnga, kami nakipaglaban kontra sa mga Lamanita asin mga tulisan nin Gadianton, hanggan samuyang nagkabarawi giraray an mga kadagaan kan samuyang kamanahan.
28 Asin an ika-tulong gatos asin kuwarenta asin siyam na taon an nakaagi na. Asin sa ika-tulong gatos asin singkuwentang taon kami naghimo nin sarong kasunduan sa mga Lamanita asin sa mga tulisan nin Gadianton, na kun kaya samuyang pinagbaranga-banga an mga kadagaan na samuyang kamanahan.
29 Asin an mga Lamanita pinagtao sa samuya an kadagaan panorte, iyo, magin an hayakpit na agihan na pasiringon sa kadagaan patimog. Asin samuyang ipinagtao sa mga Lamanita an gabos na kadagaan patimog.

AN LIBRO NI MORMON

2006-06-22T08:01:00.000+08:00

TSAPTER 1

Si Ammaron nagtugon ki Mormon manungod sa mga sagradong mga rekord--- An giyera nagpoon sa tahaw nin mga Nephita asin mga Lamanita--- An tulong Nephita pinagkua nang paharayo--- Karigsokan, daeng pagtubod, mga pagkaraw, asin huklob nagtagal.

*******

Asin ngonian, ako, si Mormon, naghimo nin sarong rekord kan mga bagay na pareho kong nahiling asin nadangog, asin pinag-apud ning Libro ni Mormon.
2 Asin sa panahon na si Ammaron nagtago kan mga rekord para sa Kagurangnan, siya nagdulok sakuya, (ako habang mga sampulong taon an edad, asin ako nagpoon na mag-adal nin mga bagay sa manera kan kadunungan kan sakuyang mga katawohan) asin si Ammaron nagsabi sa sakuya: Ako nag-isip na ika sarong mabooton na ake, asin madalion sa pag-obserba;
3 Kun kaya, sa panahon na ika magin beynte asin apat na taon na an edad ako nagmamawot na saimong paggigiromdomon an mga bagay na saimong na-obserbaran manungod kaining mga katawohan; asin sa panahon na ika makaabot na sa edad na ini magduman ka sa kadagaan nin Antum, duman sa sarong buro-bukid-bukid na pag-aapudon na Shim; asin duman sakuyang pinagtago para sa Kagurangnan an gabos na sagradong mga pinag-ukit manungod kaining mga katawohan.
4 Asin hilnga, saimong kukuahon an mga lamina ni Nephi para sa saimong sadire, asin an iba saimong ipagwalat sa lugar na kun saen yaon sinda; asin saimong iukit sa mga lamina ni Nephi an gabos na mga bagay na saimong na-obserbaran manungod kaining mga katawohan.
5 Asin ako, si Mormon, bilang sarong mako-apo ni Nephi, (asin an pangaran kan sakuyang ama iyo si Mormon) ako nakagiromdom sa mga bagay na si Ammaron an nagsugo sakuya.
6 Asin ini nangyaring naglipas na ako, mga onse anyos an edad, pinagdara kan sakuyang ama pasiring sa kadagaan sa may timog na parte, sagkod sa kadagaan nin Zarahemla.
7 An bilog na lalawgon nin kadagaan nagin pano-pano na nin mga pagharongon, asin an mga katawohan haros kadakulon na an bilang, na garo baga sinda arog na sa baybay kan dagat.
8 Asin ini nangyaring naglipas na sa taon na ini nagkaigwa nin pagpopoon nin sarong giyera sa mga katahawan nin mga Nephita, na konsistido kan mga Nephita asin mga Jacobita asin mga Josephita asin mga Zoramita; asin an giyerang ini iyo sa katahawan kan mga Nephita, asin mga Lamanita asin mga Lemuelita asin mga Ishmaelita.
9 Ngonian an mga Lamanita asin an mga Lemuelita asin mga Ishmaelita pinag-apod nang mga Lamanita, asin an duwang partido iyo an mga Nephita asin mga Lamanita.
10 Asin ini nangyaring naglipas na an giyera nagpoon sa pag-iriba ninda sa mga kasagkoran kan Zarahemla, sa may katubigan kan Sidon.
11 Asin ini nangyaring naglipas na an mga Nephita nagtiripon-tipon na magkasararo nin sarong dakulaon na numero nin mga tawo, magin ini nagsobra sa numero na treynta mil. Asin ini nangyaring naglipas na sinda nagkaigwa sa taon man sanang idto nin nagkapirang mga ralabanan, na kun saen an mga Nephita an nagdaog sa mga Lamanita asin nakagadan nin kadakul sainda.
12 Asin ini nangyaring naglipas na an mga Lamanita pinag-atras an saindang mga plano, asin nagkaigwa nin katuninongan na nagdanay sa kadagaan; asin an katuninongan nagdanay sa laog nin apat na taon, na dae nagkaigwa nin pagbulos nin dugo.
13 Pero an karigsokan na nagpadagos sa lalawgon kaining bilog na kadagaan, na tangani baya an Kagurangnan pinagkua paharayo an saiyang mga namumutan na desipulos, asin an mga gibong milagro asin an pagbubulong pinag-untok na nin huli sa kadaendatahan kan mga katawohan.
14 Asin dae nagkaigwa nin mga regalo gikan sa Kagurangnan, asin an Banal na Espiritu dae nag-abot sa kiisay man, nin huli kan saindang karigsokan asin daeng pagtubod.
15 Asin ako, mga kinse anyos na an edad asin yaon baga sa sarong matuninong na isip, kun kaya ako pinagbisita nin Kagurangnan, asin nakanamit asin nakaaram sa karahayan ni Jesus.
16 Asin ako naghingoha sa pagbalangibog sa mga katawohang ini, pero an sakuyang nguso pinagtikom, asin ako pinagbawalan na ako dapat pang magbalangibog sa sainda; nin huli ta hilnga sinda nagtuyong magrebelde laban sa saindang Diyos; asin an mga namumutan na mga desipulos pinagkua na paharayo paluwas sa kadagaan, nin huli kan saindang kadaendatahan.
17 Pero ako nagpawalat sa pag-iriba ninda, pero ako pinagbawalan na magbalangibog pa sa sainda, nin huli sa katagasan kan saindang mga puso, asin ta nin huli sa katagasan kan saindang mga puso an kadagaan pinagsumpa nin huli sa saindang kamugtakan.
18 Asin ining mga tulisan nin Gadianton, na pag-iriba kan mga Lamanita, iyo an namerwisyo sa kadagaan, na tangani baya na an mga namamanwaan diyan nagpoon sa pagtago kan saindang mga kayamanan sa daga; asin sinda nagin mahilwason, nin huli ta an Kagurangnan an nagsumpa kan daga, na tanganing dae ninda makakaputan, ni ipagtago sa sainda giraray.
19 Asin ini nangyaring naglipas na nagkaigwa nin mga parakaraw; asin mga huklob, asin mga mahika; asin an kapangyarihan kan sarong maraot naglakop sa bilog na lalawgon nin kadagaan, magin sagkod sa pagkautob sa bilog na mga tataramon ni Abinadi, asin man ni Samuel an Lamanita.

IKAAPAT NA LIBRO NI NEPHI

2006-06-19T09:25:00.000+08:00

AN LIBRO NI NEPHI

Na iyo an ake ni Nephi – saro sa mga desipulos ni JesuCristo.

Sarong kasaysayan kan mga katawohan ni Nephi, uyon sa saiyang rekord.

An mga Nephita asin mga Lamanita gabos nagkabarag-o sa Simbahan ni Cristo--- Sinda igwa nin gabos na bagay na pinagkasararo, naggibo nin mga milagro, asin nag-arasenso sa kadagaan--- Pagkatapos nin duwang siglo mga pagkakabaranga, mga karaotan, mga palsong simbahan, asin mga persekusyon nangyari--- Pagkatapos nin tulong gatos na mga taon pareho na an mga Nephita asin an mga Lamanita nagin daendata--- Ammaron iyo an nagtago kan sagradong mga rekord.

*******

Asin ini nangyaring naglipas na sa ika-trenta asin anom na taon, an nakaagi na, asin man an ika-trenta asin lima, asin hilnga an mga desipulos ni Jesus nagporma nin simbahan ni Cristo sa bilog na mga kadagaan na nakapalibot. Asin habang kadakul an nagdudulok sa sainda, asin sinda tunay na nagsosolsol kan saindang mga kasalan, pinagbunyagan sa pangaran ni Jesus; asin sainda man na pinagresibe an Banal na Espiritu.
2 Asin ini nangyaring naglipas na sa ika-trenta asin anom na taon, an mga katawohan nagkabarag-o para sa Kagurangnan, sa bilog na lalawgon nin kadagaan, pareho sa mga Nephita asin mga Lamanita, asin dae nagkaigwa nin pag-iiriwal-iwal asin pagkokorontrahan sa pag-iriba ninda, asin an lambang tawo hustong nakikipagtusay sa lambang saro.
3 Asin sinda nagkaigwa nin pagkapantay-pantay sa gabos na mga pag-iriba ninda; kun kaya mayong mayaman asin pobre, uripon o libre, pero sinda gabos hinimong libre, asin mga kaparte sa langitnon na regalo.
4 Asin ini nangyaring naglipas na sa ika-trenta asin pitong taon nag-agi man, asin nagkaigwa pa man giraray nin padagos na katuninongan sa kadagaan.
5 Asin nagkaigwa nin dakula asin makangangalas na mga gibo na ipinahiling kan mga desipulos ni Jesus, na tangani baya na sinda nakapagpaomay nin may kamatean, asin nakapagbuhay nin gadan, asin nagkausa na an pilay makalakaw, asin an buta makaresibe kan saindang panhiling, asin an bungog na makadangog; asin gabos na manera nin mga milagro an saindang pinaggigibo sa pag-iriba nin kaarakian nin mga tawo; asin mayo sindang ginibong mga milagro laen lang na ini sa pangaran ni Jesus.
6 Asin kaya an ika-trenta asin walong taon an naglipas, asin man an ika-trenta asin siyam, asin ika-kuwarenta asin enot, asin an ika-kuwarenta asin ikaduwa, iyo, magin sagkod sa ika-kuwarenta asin siyam na taon an naglipas, asin man an ika-singkuwenta asin enot, asin an ika-singkuwenta asin duwa; iyo, asin magin sagkod sa ika-singkuwenta asin siyam na taon an naglipas.
7 Asin an Kagurangnan pinagpa-asenso sindang gayo sa kadagaan; iyo, na tangani baya na sinda nagturugdok nin mga siyudad giraray kun saen nagkaigwa kaidto nin mga siyudad na nagkasurulo.
8 Iyo, magin idtong bantog na siyudad nin Zarahemla na saindang pinagkausang maitugdok giraray.
9 Pero igwang kadakul na mga siyudad na nagkarulubog, asin mga tubig an nagribay kaini; kun kaya an mga siyudad na ini dae nanggad maikabalik na.
10 Asin ngonian, hilnga, ini nangyaring naglipas na an mga katawohan kan Nephi nagin makusugon, asin mabilison na nagdakul na gayo, asin nagin sarong mahusayon asin magayunon na mga katawohan.
11 Asin sinda nag-aragoman, asin pinagtatao sa pag-aaragoman, asin pinagbendisyunan uyon sa kadakulaan nin mga promisa na an Kagurangnan mismo an naghimo sa sainda.
12 Asin sinda dae na naglakaw sa mga gibo asin ordinansa kan ley ni Moises; pero sinda naglalakaw sa mga kasugoan na saindang naresibe gikan sa saindang Kagurangnan asin saindang Diyos, nagpapadagos sa pag-ayuno asin pagpangadye, asin pirmeng nagtitiripon-tipon gabos sa pagpapangadye asin sa pagdangog kan tataramon nin Kagurangnan.
13 Asin ini nangyaring naglipas na daeng pag-iiriwal-iwal sa pag-iriba kan gabos na mga katawohan, sa bilog na kadagaan; pero nagkaigwa nin darakulang mga milagro na ipinahiling sa pag-iribang mga desipulos ni Jesus.
14 Asin ini nangyaring naglipas na sa ika-sitenta asin enot na taon an nakaagi na, asin man an ika-sitenta asin duwang taon, iyo, asin sa kasayunan, sagkod sa ika-sitenta asin siyam na taon an nakaagi na; iyo, magin sanggatos na taon an nakaagi, asin an mga desipulos ni Jesus, na saiyang nagkapirili, gabos nagduruman na sa paraiso nin Diyos, laen lang sa tulo na nagkawaralat; asin nagkaigwa nin iba pang mga desipulos na pinag-ordinahan na saindang karibay; asin man kadakul na sa henerasyon na idto an garadan na.
15 Asin ini nangyaring naglipas na dae nin pag-iiriwal-iwal sa kadagaan, nin huli sa pagkamoot sa Diyos na nag-eerok sa mga puso nin mga katawohan.
16 Asin dae nagkaigwa nin mga iringgitan, ni aranggutan, ni mga kariribokan, ni mga prostituta, ni mga urutikan, ni mga panggagadan, ni anuman na manera nin kalaswaan; asin seguradong dae na nangyari an sarong maogmahon na mga katawohan sa pag-iriba kan gabos na mga katawohan na pinaglalang kan kamot nin Diyos.
17 Daeng mga tulisan, ni mga paragadan, ni nagkaigwa nin mga Lamanita, ni anuman na manera nin mga –itas; kundi sinda nagkasararo, mga kaarakian ni Cristo, asin mga paramana sa kahadean nin Diyos.
18 Asin guranong gayo sinda pinagbendisyunan! Nin huli ta an Kagurangnan nagbendisyon sainda sa bilog nindang mga kaggibohan; iyo, magin sinda pinagbendisyunan asin pinagpa-asenso hanggan sa ika-sanggatos asin sampulong taon an nag-agi na; asin an enot na henerasyon gikan ki Cristo nagkaagi na, asin dae nagkaigwa nin pag-iiriwal-iwal sa bilog na kadagaan.
19 Asin ini nangyaring naglipas na si Nephi, siya na iyo an nagtago kaining huring mga rekord, (asin saiyang pinagtago ini kairiba an mga lamina ni Nephi) nagadan asin an saiyang akeng lalake na si Amos iyo an nagtago karibay niya; asin saiya ining pinagtago kairiba an mga lamina ni Nephi man.
20 Asin saiya ining pinagtago otsenta asin apat na taon, asin igwa pa man nin katoninongan sa bilog na kadagaan, laen lang kaining saditon na parte kan mga katawohan na nagrebelde gikan sa simbahan asin pinagdara sa sadire ninda an pangaran kan mga Lamanita; kun kaya nagpoon na nagkaigwa naman nin mga Lamanita giraray sa kadagaan.
21 Asin ini nangyaring naglipas na si Amos nagadan man, (asin kaidto ika-sanggatos asin nobenta asin apat na taon gikan sa pag-abot ni Cristo) asin an saiyang akeng lalake na si Amos iyo an nagtago kaining mga lamina ni Nephi; asin ini man pinagsurat sa libro ni Nephi, na yaon sa librong ini.
22 Asin ini nangyaring naglipas na dos siyentos na taon an naglipas na; asin an ikaduwang henerasyon gabos naglipas na laen lang sa kadikit na tada.
23 Asin ngonian ako, si Mormon, nagmawot na kamo dapat na makaaram na an mga katawohan nagparadakol, na tangani baya sinda nagparakalat sa bilog na lalawgon nin kadagaan, asin na sinda nagin mayamanong gayo, nin huli sa saindang prosperidad ki Crsito.
24 Asin ngonian, ining ika-dos siyentos asin enot na taon nagkaigwa nin pagpopoon sa pag-iriba ninda na pinagpalangkaw sa kapaabaw-abawan, arog kan pagsusul-ot nin marahalon na bado, asin gabos na manera nin mapipinong perlas, asin kan mga mapinuhon na mga bagay nin kinaban.
25 Asin magpoon sa panahon na idto padagos na an saindang mga pagrugaring asin an saindang pagsaradire bako nang para sa gabos na pag-iriba ninda.
26 Asin sinda nagpoon na magkabaranga segun sa mga klase; asin sinda nagpoon na sa pagtugdok nin mga simbahan para sa saindang mga sadire tanganing kumita, asin nagpoon na sa pagsikwal sa tunay na simbahan ni Cristo.
27 Asin ini nangyaring naglipas na kan ika-dos siyentos asin sampulong taon an nakaagi na nagkaigwa nin kadakul-dakul na mga simbahan sa kadagaan; iyo, nagkaigwa nin kadakul na mga simbahan na nagpapabantog na bisto an Cristo, alagad saindang pinagsikwal an kadakul na parte kan saiyang ebanghelyo, na tanganin baya saindang naresibe pa an kadakul na manera nin karigsokan, asin naghimo kan bagay na sagrado sa saiya na sa sainda ini nanggad pinagbawal nin huli ta bakong maninigo.
28 Asin ining simbahan nagdakul nin grabeng gayo nin huli sa kadaendatahan, asin nin huli sa kapangyarihan ni Satanas na iyo an may pugol kan saindang mga puso.
29 Asin giraray, nagkaigwa pa nin sarong simbahan na nagsisikwal sa Cristo; asin saindang pinagpersiger an tunay na simbahan ni Cristo, nin huli kan saindang kapakumbabaan asin kan saindang pagtutubod ki Cristo; asin saindang kinaka-oongisan sinda nin huli sa kadakul na mga milagro na ipinagpahiling sa pag-iriba ninda.
30 Kun kaya sinda nag-ehersisyo nin kapangyarihan asin autoridad na mangibabaw sa mga desipulos ni Jesus na kairiba ninda, asin saindang pinagkunkon sinda sa prisohan; pero sa paagi nin kapangyarihan kan tataramon nin Diyos, na yaon sa sainda, an mga prisohan nagkabaraak sa duwa, asin sinda nagruluwas sa paggigibo kan mga darakulang milagro sa pag-iriba ninda.
31 Daeng pagkukulang, asin maski na ngani kaining kadakul na mga milagro, an mga katawohan nagpatagas kan saindang mga puso, asin nagmawot na garadanon sinda, magin arog sa mga Judio sa Jerusalem na nagmawot na gadanon si Jesus, na uyon sa saiyang tataramon.
32 Asin saindang pinagtapok sinda sa nag-aagabaab na kalayo, asin sinda nakakaluwas na mayong kakundian.
33 Asin sainda man na pinagtapok sinda sa kuweba kan mga mababangis na hayop, asin sinda nakikawat sa mga mababangis na hayop na arog baga nin sarong ake sa sarong kordero; asin sinda nakaruluwas gikan sa pag-iriba ninda, na mayong kakundian.
34 Daeng pagkukulang, an mga katawohan nagpatagas kan saindang mga puso, nin huli ta sinda pinapangenotan nin kadakul na mga kapadean asin palsong mga propeta sa pagtugdok nin kadakul na mga simbahan, asin sa paggibo nin gabos na manera nin kadaendatahan. Asin saindang pinaghahampak an mga katawohan ni Jesus; pero an mga katawohan ni Jesus dae naghahampak sa pagbalos. Asin kaya sinda nagdikit sa daeng pagtubod asin karigsokan, sa taon-taon, magin sagkod sa duwang gatos asin treyntang taon an nakaagi na.
35 Asin ngonian ini nangyaring naglipas sa taong ini, iyo, sa ika-dos siyentos asin treynta asin enot na taon, nagkaigwa nin sarong dakulaon na pagkakabaranga-banga sa pag-iriba nin mga katawohan.
36 Asin ini nangyaring naglipas na sa taon na ini nagkaigwa nin pag-angat nin sarong mga katawohan na pinag-aapud na mga Nephita, asin sinda nagin totoong nagtutubod ki Cristo; asin sa pag-iriba ninda nagkaigwa sainda na pinag-aapod na mga Lamanita--- mga Jacobita, asin nga Josephita, asin mga Zoramita;
37 Kun kaya an mga tunay na paratubod ni Cristo, asin an mga tunay na parasamba ni Cristo, (kairiba ninda iyo an tulong mga desipulos ni Jesus na natada) na pinag-apod na mga Nephita, asin mga Jacobita, asin mga Josephita, asin mga Zoramita.
38 Asin ini nangyaring naglipas na sinda na nanikwal sa ebanghelyo pinag-aapod na mga Lamanita, asin mga Lemuelita, asin mga Ishmaelita; asin sinda dae nagdikit sa mayong pagtubod kundi sinda nagboot na magrebelde kontra sa ebanghelyo ni Cristo; asin sinda na nagtutukdo sa saindang mga kaarakian na sinda dae dapat na magtubod, na arog kan saindang mga ama; na gikan sa kapinunan, nagdikit.
39 Asin ini nin huli kan karigsokan asin abominasyon kan saindang mga ama, magin arog pa kaidto sa kapinunan. Asin sinda pinagtukdoan na tanganing maongis sa mga kaarakian nin Diyos, magin arog sa mga Lamanita na pinatukdoan na maongis sa mga kaarakian kan Nephi gikan pa sa kapinunan.
40 Asin ini nangyaring naglipas na duwang gatos asin kuwarenta asin apat na taon an nakaagi na, asin kaya iyo man an mga pangyayari sa mga katawohan. Asin an mga grabe pang marigsok na parte kan mga katawohan nagin makusog, asin nagin mas grabe pang gayo an numero kesa mga katawohan nin Diyos.
41 Asin sinda padagos na nagtuturugdok nin mga simbahan para sa saindang mga sadire, asin nagdudulot sainda nin gabos na manera kan mahahalagang mga bagay. Asin kaya duwang gatos asin singkuwentang taon an nakaagi na, asin man duwang gatos asin saisyentang taon.
42 Asin ini nangyaring naglipas na an maririgsok na parte kan mga katawohan nagpopoon giraray sa pagtutugdas nin mga sikretong panunumpa asin mga kumbinasyon ni Gadianton.
43 Asin an mga katawohan na pinag-aapod na mga katawohan ni Nephi nagpopoon na mapagpalangkaw sa saindang mga puso, nin huli kan saindang sobra kadakul na mga kayamanan, asin nagin mga mayong kamugtakan na arog kan saindang mga katugangan, an mga Lamanita.
44 Asin pagpoon kaining panahon na an mga desipulos nagpopoon na magmundo para sa mga kasalanan kan kinaban.
45 Asin ini nangyaring naglipas na kan ika-tulong gatos na taon an nakaagi na, pareho na an mga katawohan ni Nephi asin an mga Lamanita nagin mas grabeng gayo an karigsokan na arog man sa iba.
46 Asin ini nangyaring naglipas na an mga tulisan ni Gadianton nagkaralat sa bilog na lalawgon nin kadagaan; asin mayo ni sarong matanos laen lang ining mga desipulos ni Jesus. Asin bulawan asin plata na sinda nagtitipon nin abunda, asin nagpasasa sa gabos na manera nin paggamit.
47 Asin ini nangyaring naglipas na pagkatapos in tulong gatos asin limang taon na nakaagi na, (asin an mga katawohan yaon pa man sa karigsokan) si Amos nagadan; asin an saiyang tugang na lalake, si Ammaron, iyo an nagtago kan rekord bilang karibay.
48 Asin ini nangyaring naglipas na sa ika-tulong gatos asin beynteng taon na nakaagi na, si Ammaron, bilang pasabong kan Banal na Espiritu, iyo an nagtago kan mga rekord na mga sagrado --- iyo, magin an gabos pang sagradong rekord na pinagpasapasa gikan sa sarong henerasyon pasiring sa sarong henerasyon, na mga sagrado--- magin sagkod sa ika-tulong gatos asin beynteng taon gikan pa sa pag-abot ni Cristo.
49 Asin saiyang pinagtago an mga ini para sa Kagurangnan, na tangani baya sinda managboan sa katadaan kan harong nin Jacob, uyon sa mga propesiya asin mga promisa nin Kagurangnan. Asin kaya iyo ini an tapos kan rekord ni Ammaron.

3 NEPHI TSAPTER 30

2006-06-15T07:33:00.000+08:00

An mga Hentil kan huring aldaw pinagsusugo na magsolsol asin magdulok ki Cristo asin magin kabilang sa laog kan harong nin Israel.

*******

Magdarangog, O kamong mga Hentil, asin dangoga an mga tataramon ni JesuCristo, an Ake nin buhay na Diyos, na saiyang pinagsusugo sako na dapat akong magtaram manungod saindo, nin huli ta, hilnga siya nagsugo sakuya na ako dapat na magsurat, na magsasabi:
2 Magrayo, gabos kamo na mga Hentil, gikan sa saindong mararaot na mga dalan; asin magsolsol kan saindong mga daendatang mga gibo, kan saindong mga pamumutik asin mga pandadaya, asin kan saindong mga prostitusyon, asin kan saindong mga sikretong mga abominasyon, asin kan saindong mga idolatriya, asin kan saindong mga panggagadan, asin kan saindong mga palsong kapadean, asin kan saindong mga pagkaara, asin kan saindong mga pag-iiriwal-iwal, asin gikan sa gabos nindong karumputan asin mga abominasyon, asin magdulok sa sakuya, asin magin bunyag sa sakuyang pangaran, na tanganing kamo makaresibe nin kapatawaran kan saindong mga kasalan, asin magin pano nin Espiritu Santo, na tanganing kamo maibibilang sa sakuyang mga katawohan na yaon sa laog kan harong nin Israel.

3 NEPHI TSAPTER 29

2006-06-13T16:44:00.000+08:00

An pagluwas kan Libro ni Mormon iyo an sarong senyal na an Kagurangnan nagpoon na sa pagtitipon kan Israel asin sa pag-utob kan saiyang mga tipan--- Sinda na nagsisikwal kan saiyang panhuring aldaw na mga kapahayagan asin mga regalo pagsusumpaon.

*******

Asin ngonian hilnga, ako nagsasabi sa saindo na sa panahon na an Kagurangnan mahihiling an tama, sa saiyang kadunungan, na tanganing ining mga sinasabi mag-aabot sa Hentil na uyon sa saiyang mga tataramon, pagkatapos saka na nindo magkakaararaman na an tipan na an Ama iyo an naghimo para sa kaarakian nin Israel, manunungod sa saindang restorasyon sa mga kadagaan na saindang kamanahan, nagpoon na baya na magka-urutob.
2 Asin saindong magkakaararaman na an mga tataramon nin Kagurangnan, na pinagparataram kan mga banal na propeta, na an gabos magkaka-urutob; asin kamo dae na kaipong magsabi na an Kagurangnan pinaghaloy an saiyang pag-abot para sa mga kaarakian nin Israel.
3 Asin kamo daeng paghohorop-horop sa saindong mga puso na an mga tataramon na pinagparataram na daeng kamugtakan, nin huli ta hilnga, an Kagurangnan makakagiromdom kan saiyang tipan na saiyang pinaghimo sa saiyang mga katawohan na yaon sa harong nin Israel.
4 Asin sa panahon na saindaong mahihiling an mga tataramon na ini na magluluwas sa pag-iriba nindo; kaya kamo dae na kaipuhan na gayong makapagsikwal sa mga pinaggigibo nin Kagurangnan, nin huli ta an espada kan saiyang hustisya yaon na sa saiyang toong kamot; asin hilnga, sa aldaw na iyan, kun saindong ipagsisikwal an saiyang mga pinaggigibo siya nagkakausa na ini sa dae mahaloy mangengenotan saindo.
5 Herak man saiya na nagsisikwal sa mga pinaggigibo nin Kagurangnan; iyo, herak man saiya na magsikwal ki Cristo asin sa saiyang mga gibo!
6 Iyo, herak man saiya na maninikwal sa mga kapahayagan nin Kagurangnan, asin na magsasabi na an Kagurangnan dae nang gayo naggigibo sa paagi nin kapahayagan, o sa paagi nin propesiya, o sa paagi nin mga regalo, o sa paagi nin mga dila, o sa paagi nin mga pagpapaomay, o sa paagi nin kapangyarihan kan Espiritu Santo!
7 Iyo, herak man saiya na magtataram sa aldaw na iyan, tanganing makakua nin gana, na dae nagkaigwa nin milagro na ipinahiling ni JesuCristo; nin huli ta siya na naggigibo kaini nagigin arog sa akeng lalake nin perdisyon, na para sainda daeng pagkaherak, na uyon sa tataramon ni Cristo!
8 Iyo, asin kamo dae nang gayo maghihinghing, ni manikwalan, ni makakawat pa sa mga Judio, ni an arin man na katadaan kan harong nin Israel; nin huli ta hilnga, an Kagurangnan nakakagiromdom kan saiyang tipan sa saindo, asin siya maggigibo sa sainda na uyon sa bagay na saiyang pinanumpaan.
9 Kun kaya kamo dae maghuna na saindong makayang pagribayan an toong kamot nin Kagurangnan na mapasiring sa wala, na tanganing siya dae na makapagpasunod nin paghuhukom sa pag-uutob kan tipan na saiyang pinaghimo sa laog kan harong nin Israel.

3 NEPHI TSAPTER 28

2006-06-13T16:33:00.000+08:00

Siyam kan dose nagmawot asinpinagpromisahan nin kamanahan sa kahadean ni Cristo sa panahon na sinda magadan--- An tulong Nephita nagmawot asin tinawanan nin kapangyarihan na mangibabaw sa kagadanan na tanganing mapawalat sa kinaban sagkod na si Jesus magbalik giraray--- Sinda pinagtranslado asin makakahiling nin mga bagay na bakong maninigo nag pagtaramon, asin sinda ngonian nagmiministeryo sa pag-iriba nin mga tawo.

*******

Asin ini nangyaring naglipas na kan si Jesus nakapagsabi na kaining mga tataramon, siya nagtaram sa saiyang mga desipulos, saro-saro, na nagsasabi sa sainda: Ano baya ining saindong pinagmamawot hale sakuya, pagkatapos na Ako mapaduman sa Ama?
2 Asin sinda gabos nagsabi, laen lang sa tulo, na nagsasabi: Kami nagmamawot na pagkatapos na kami mamuhay sagkod sa edad nin tawo, na an samuyang ministeryo, kun saen saimong pinag-apod kami, na igwang katapusan, na kami hidalion na makaduman sa saimo sa saimong kahadean.
3 Asin siya nagsabi sa sainda: Paladan kamo nin huli ta kamo nagmamawot kaining mga bagay sa sakuya; kun kaya, pagkatapos na kamo sitenta asin duwang taon na an edad kamo magpapaduman pasiring sakuya sa sakuyang kahadean; asin sa kaibahan ko kamo makakanagbo nin kapahingaloan.
4 Asin kan siya nakapagtaram na sa sainda, siya nagbaling kan saiyang sadire sa tulo, asin nagsabi sa sainda: Ano baya an pinagmamawot nindo na sakuyang gigibohon para saindo, sa panahon na Ako mapaduman na sa Ama?
5 Asin sinda nagmundo sa saindang mga puso, nin huli ta dae ninda maitaram sa saiya an bagay na saindang pinagmamawot.
6 Asin siya nagsabi sa sainda: Hilnga, Ako nakakaaram kan saindong mga kaisipan, asin kamo namamawot kan bagay na si Juan, an sakuyang namumutan, na kaiba ko sa sakuyang ministeryo, bago pa man Ako pinagbitay kan mga Judio na nagmamawot sako.
7 Kun kaya, mas paladan kamo, nin huli ta kamo dae nanggad makakanamit nin kagadanan; alagad kamo mabubuhay tanganing maghiling kan gabos na mga ginigibo kan Ama sa mga kaakian nin mga tawo, magin sagkod na an gabos na mga bagay mautob na uyon sa kagustuhan kan Ama, sa panahon na Ako maabot sa sakuyang kamurawayan na may mga kapangyarihan nin langit.
8 Asin kamo dae nanggad magtatagal sa mga kakulugan nin kagadanan; pero sa panahon na Ako mag-abot sa sakuyang kamurawayan kamo magkakabarag-o sa kislap nin sarong mata gikan sa mortalidad pasiring sa immortalidad; asin pagkasunod kamo magigin paladan sa kahadean kan sakuyang Ama.
9 Asin giraray, kamo dae nanggad makakamit nin kulog habang kao namumuhay pa sa laman, ni kamondoan laen lang kun ini para sa mga kasalan nin kinaban; asin an gabos na ini gigibohon ko nin huli sa bagay na saindong pinagmamawot gikan sakuya, nin huli ta kamo nagmawot na kamo makapagdara pa nin mga kalag nin mga tawo sa sakuya, habang an kinaban nagtitindog pa.
10 Asin nin huli kaining dahilan kamo magkakaigwa nin kapanoan nin kaogmahan; asin kamo magtutukaw sa kahadean kan sakuyang Ama; iyo, an saindong kaogmahan magigin pano, magin arog na an Ama ipinagtao sakuya an kapanoan nin kaogmahan; asin kamo magigin arog ko man, asin Ako magin arog sa Ama; asin an Ama asin Ako saro;
11 Asin an Espiritu Santo an magpapatotoo sa rekord kan Ama asin sako; asin an Ama nagtao nin Espiritu Santo sa mga kaakian nin mga tawo, nin huli sana sakuya.
12 Asin ini nangyaring naglipas na kan si Jesus nakapagtaram na kaining mga tataramon, siya pinagdutdot an lambang saro sainda kan saiyang muro laen lang sa tulo na magpapawalat, asin pagkatapos siya naghale na.
13 Asin hilnga, an mga kalangitan nagbukas, asin sinda nagputitok pasiring sa langit, asin nakahiling asin nakadangog kan dae maitataram na mga bagay.
14 Asin ini pinagbawal sainda na saindang ipagtaram; ni ini pinagtao sainda an kapangyarihan na sinda makapagtaram kan mga bagay na saindang nahiling asin nadangog;
15 Asin kun arin man na sinda yaon sa hawak o luwas kan hawak, sinda dae makapagsabi; nin huli ta garo baga para sainda sarong transpigurasyon ninda, na tanganing sinda nagkabag-o kan saindang hawak na laman na nagin yaon sa estado nin immortalidad, na tanganing sinda makapaghiling nin mga bagay nin Diyos.
16 Pero ini nangyaring naglipas na sinda giraray nagministro sa lalawgon kan kinaban; daeng pagkukulang na sinda namiministro nin mga bagay na saindang nagkadarangog asin nagkahiriling, nin huli sa kasugoan na ipinagtao sa sainda nin langit.
17 Asin ngonian, kun arin man na sinda mortal o immortal, magpoon sa aldaw kan saindang transpigurasyon, ako daeng pagkaaram;
18 Pero iyo ining gayo an sakuyang naaaraman, uyon sa rekord na ipinagtao na--- soinda nagduruman sa lalawgon nin kadagaan, asin nagmiministro sa gabos na mga katawohan, pinagkasararo an kadakul sa simbahan habang nagtutubod sa saindang mga pagbabalangibog; nagburunyag sainda, asin habang kadakul an nagkaburunyagan nakaresibe nin Espiritu Santo.
19 Asin sinda pinagkunkon sa laog nin prisohan ninda na bakong kabale sa simbahan. Asin an mga prisohan dae nakapagpugol sa sainda, nin huli ta sinda nagkaburungkag sa duwa.
20 Asin sinda pinag-apon sa irarom nin daga; pero saindang pinaghampak an daga kan tataramon nin Diyos, na tangani baya na sa paagi kan saiyang kapangyarihan sinda nagkariligtas paluwas sa mga kairaroman nin daga; asin kun kaya sinda dae makapagkalot nin hararom na kalat para makusog na makapagmugol sainda.
21 Asin tulong beses na sinda pinagtulak palaog sa sarong pugon asin dae nakaresibe nin kakulugan.
22 Asin duwang beses na sinda pinagtapsok sa laog nin sarong estaran kan mga mabangison na hayop; asin hilnga sinda nakipagkawat sa mga mabangison na hayop arog kan sarong ake na igwang pasusuhon na karnero, asin dae nakaresibe nin kakulugan.
23 Asin ini nangyaring naglipas na kaya sinda nagpaduman sa pag-iriba kan gabos na mga katawohan ni Nephi, asin nagbalangibog nin ebanghelyo ni Cristo sa gabos na mga katawohan sa lalawgon nin kadagaan; asin sinda nagkabarag-o para sa Kagurangnan, asin nakusumaro sa simbahan ni Cristo, asin an mga katawohan kaining henerasyon pinagbendisyunan, uyon sa mga tataramon ni Jesus.
24 Asin ngonian ako, si Mormon, naghimong matapos kan pagtaram manungod kaining mga bagay sa laog nin sarong panahon.
25 Hilnga, ako kuta na magpopoon na kan pagsurat sa mga pangaran ninda na dae makakanamit nin kagadanan, pero an Kagurangnan an nagbawal; kun kaya ako dae nagsurat sainda, nin huli ta sinda pinagtao gikan sa kinaban.
26 Pero hilnga, ako nakahiling sainda, asin sinda an nagministeryo sa sakuya.
27 Asin hilnga sinda magigin kairiba nin mga Hentil, asin an mga Hentil dae makakabisto sainda.
28 Sinda man magigin kairiba nin mga Judio, asin an mga Judio dae makakabisto sainda.
29 Asin ini mangyayaring malipas, sa panahon na an Kagurangnan mahiling nin tama sa saiyang kadunungan na sinda magministeryo sa gabos na nagkawaratak-watak na mga tribu nin Israel, asin sa gabos na mga nasyon, lahi, mga dila asin mga katawohan, asin magdadara gikan sa pag-iriba ninda pasiring ki Jesus nin kadakul na mga kalag, na tangani baya na an saindang pinagmamawot mauutob, asin nin huli man sa kapangyarihan nin pagkumbinsi nin Diyos na yaon sa sainda.
30 Asin sinda nagin arog sa mga anghel nin Diyos, asin kun sinda magpapangadye sa Ama sa pangaran ni Jesus sinda puwedeng makapahiling kan saindang mga sadire nin anuman na tawo kun ini maninigong marhay sainda.
31 Kun kaya, darakula asin makangangalas na mga gibo na maipapahiling ninda, bago pa man an dakula asin paabuton na aldaw kun noarin na an gabos na mga katawohan kaipuhan na seguradong matindog sa atubangan nin tukawan nin paghuhukom ni Cristo;
32 Iyo magin sa pag-iriba nin mga Hentil magkakaigwa nin sarong dakulaon asin makangangalas na gibo na maipapahiling ninda, bago pa man kaining kaaldawan nin paghuhukom.
33 Asin kun kamo igwa nin gabos na mga kasuratan na nagtatao nin sarong rekord kan gabos na makangangalas na mga gibo ni Cristo, saindong maaaraman, uyon sa mga tataramon ni Cristo, na an mga bagay na ini kaipuhan na seguradong mag-abot.
34 Asin heram man saiya na habong magdangog sa mga tataramon ni Jesus, asin man sa sainda na saiyang pinagpili asin pinadara sa pag-iriba ninda; nin hui ta kun an siisay man na dae nagresibe kan mga tataramon ni Jesus asin sa mga tataramon ninda na saiyang pinagpadara habong resibihon niya; asin kun kaya siya dae maresibe sainda sa huring aldaw;
35 Asin ini magin mas marhay para sainda kun sinda dae na iminundag. Nin huli ta bako daw na isipon mo na kamo mag-iwas sa hustisya nin sarong nakulugan na Diyos, na pinagtimak-timakan sa irarom kan mga bitis nin mga tawo, na tangani baya an kaligtasan puwedeng mag-abot?
36 Asin ngonian hilnga, habang ako nagtataram manungod sainda na an Kagurangnan an nagpili, iyo, magin an tulo na pinagdara pasiring sa mga kalangitan, na ako daeng pagkaaram kun baya sinda pinaglinigan gikan sa mortalidad pasiring sa imortalidad---
37 Pero hilnga, magpoon na ako magsurat, ako naghapot sa Kagurangnan, asin saiyang pinaghimo ining maipahiling sako na dapat lang na kaipuhan na mangyari an sarong pagbabago sa saindang mga hawak, ta kun bako ini nangangaipo mangyari na sinda makanamit nin kagadanan;
38 Kun kaya, tanganing sinda dae makanamit nin kagadanan nagkaigwa nin sarong pagbabago na mangyari sa saindang mga hawak, na tanganing dae sinda makamate nin kulog ni kamondoan laen lang kun ini para sa mga kasalan nin kinaban.
39 Ngonian ining pagbabago bakong kapareho sa pagbabago na mangyayari sa huring aldaw; pero nagkaigwa nin sarong pagbabago na nangyari sa sainda, na tangani baya na si Satanas dae magkaigwa nin kapangyarihan na makapangibabaw sainda, na tanganing siya dae makapagtentar sainda; asin sinda pinagpabanal sa laman, na tanganing sinda nagin banal, asin ta an mga kapangyarihan kan kinaban dae na makakapamugol sainda.
40 Asin sa arog kaining kamugtakan sinda magigin iyo man giraray sagkod sa aldaw nin paghuhukom ni Cristo; asin sa aldaw na iyan sinda makakapagresibe nin sarong pang dakulaon na pagbabago, asin tatanggapon sa laog nin kahadean kan Ama na tanganing dae na nanggad magluluwas pa, kundi mag-eerok kaibahan an Diyos nin daeng kasagkoran sa mga kalangitan.

3 NEPHI TSAPTER 27

2006-06-12T15:53:00.000+08:00

Si Jesus nagsugo sainda na pag-aapudon an Simbahan sa saiyang pangaran--- An saiyang misyon asin sakripisyo sa pagbabayad-sala iyo an kabilugan kan saiyang ebanghelyo--- An mga tawo pinagsuong magsorolsol asin magpabunyag na tanganing sinda pakabanalon kan Espiritu Santo--- Sinda iyo na magigin arog ki Jesus.

*******

Asin ini nangyaring naglipas na bilang mga desipulos ni Jesus nagraralakawan asin nagpapabaralangibog nin mga bagay na saindangpararehong nagkadarangog asin nagkahiriling, asin nagparabunyag sa pangaran ni Jesus, ini nangyaring naglipas na an mga desipulos nagkatiripon-tipon na magkasararo asin sararo sa makusog na pagpangadye asin pag-aayuno.
2 Asin si Jesus giraray nagpahiling kan saiyang sadire sa sainda, nin huli ta sinda nagpaparangadye sa Ama sa pangaran niya; asin si Jesus nag-abot asin nagtindog sa katahawan ninda, asin nagsabi sa sainda: Ano an gusto nindo na sakuyang itatao sa saindo?
3 Asin sinda nagsabi sa saiya: Kagurangnan, samuya pong kagustuhan na saimong sabihon samuya an pangaran na samuyang ipag-aapod kaining simbahan; nin huli ta nagkaigwa nin pag-iiriwal-iwal sa pag-iriba nin mga tawo manunungod sa bagay na ini.
4 Asin an Kagurangnan nagsabi sa sainda: Katotoohan, katotoohan, Ako nagsasabi sa saindo, tadaw baya ta an mga katawohan nagngungurob-ngurob asin nag-iiriwal-iwal nin huli sana sa bagay na ini?
5 Dae daw ninda nagkabarasa an mga kasuratan, na nagsasabi na kaipong pagdadarahon sa sadire nindo an pangaran ni Cristo, na iyo an pangaran ko? Nin huli ta sa paagi kan pangaran na ini kamo pag-aapudon sa huring aldaw;
6 Asin an siisay man an nagdadara sa sadire niya kan sakuyang pangaran, asin magtagal hanggan sa katapusan, siya maliligtas sa huring aldaw.
7 Kun kaya, an anuman na saindong gigibohon, saindong gigibohon an mga ini sa sakuyang pangaran; kun kaya saindong pag-aapudon an simbahan sa sakuyang pangaran; asin kamo mag-aapod sa Ama sa sakuyang pangaran na tanganing saiyang pagbebendisyunan an simbahan nin huli sa sakuyang karahayan.
8 Asin paano baya ini magigin sakuyang simbahan laen lang kun ini pag-aapudon sa sakuyang pangaran? Nin huli ta kun an simbahan pag-aapudon sa pangaran ni Moises kun kaya ini simbahan ni Moises; o kun ini pag-aapudon sa pangaran nin sarong tawo kun kaya ini pag-aapudon na simbahan kan tawong iyan; alagad kun ini pag-aapudon sa sakuyang pangaran kun kaya ini iyo an sakuyang simbahan, kun an mga ini pinagtugdok para sa sakuyang ebanghelyo.
9 Katotoohan Ako nagsasabi sa saindo, na kamo pinagtugdas para sa sakuyang ebanghelyo; kun kaya kamo mag-aapod sa anuman na mga bagay na saindong pag-aapudon, sa sakuyang pangaran; kun kaya kun kamo mag-aapod sa Ama, para sa simbahan, kun ini baya sa sakuyang pangaran an Ama magdadangog saindo;
10 Asin kun ini baya na an simbahan pinagtugdok sa sakuyang ebanghelyo kaya an Ama magpapahiling kan saiyang sadireng mga trabaho sa laog kaini.
11 Pero kun ini dae pinagtugdas sa sakuyang ebanghelyo, asin pinagtugdas para sa mga gibo nin mga tawo, o para sa mga gibo kan diyablo, katotoohan Ako nagsasabi sa saindo sinda magkakaigwa nin kaogmahan sa saindang mga bigo para sa laog nin sarong panahon, asin sa dae mahaloy an katapusan maabot, asin sinda pagpapaludon asin ipagtatapok pasiring sa kalayo, na kun saen duman mayo nang balikan.
12 Nin huli ta an saindang mga gibo magsusunod sainda, nin huli ta sa kadahilanan kan saindang mga gibo na kaya sinda pagpaparuludon; kun kaya giromdoma an mga bagay na sakuyang pinagsasabi saindo.
13 Hilnga Ako nagtao sa saindo kan sakuyang ebanghelyo, asin ini iyo an ebanghelyo na sakuya nang pinagtao sa saindo--- na Ako nag-abot sa kinaban tanganing gibohon an kagustuhan kan sakuyang Ama, nin huli ta an sakuyang Ama an nagpadara sakuya.
14 Asin an sakuyang Ama an nagpadara sakuya na tanganing Ako ibibitay sa krus; asin pagkatapos na pinagbitay sa krus, na tanganing Ako makapagdara nin gabos na mga tawo sa sakuya, na habang Ako pinagbitay kan mga tawo magin iyo pa man dapat lang na an mga tawo ipagpaitaas kan Ama, na tanganing magtindog sa atubangan, tanganing paghuhukuman kan saindang mga nagkaginibohan, magin an mga ini marhay o magin an mga ini maraot---
15 Asin nin huli kaining dahilan kaya Ako pinagpaitaas, kun kaya, uyon sa kapangyarihan kan Ama Ako magdadara nin gabos na mga tawo sa sakuya, na tanganing sinda puwedeng paghuhukuman uyon sa saindang mga nagkaginibohan.
16 Asin ini mangyayaring maglipas, na an siisay man na nagsosolsol asin binunyagan sa sakuyang pangaran mapapano; asin kun siya makapagtagal hanggan katapusan, hilnga, siya iyo an sakuyang pangangaputan na mayong kasalanan sa atubangan kan sakuyaang Ama sa aldaw na iyan kun noarin na Ako baya magtitindog tanganing maghukom sa kinaban.
17 Asin siya na dae makakatagal hanggan sa katapusan, pareho man sana siya na pinagpalod man asin pinagtapok pasiring sa kalayo, kun saen sinda dae na nanggad makakabalik pa, nin huli sa hustisya kan Ama.
18 Asin iyo ini an tataramon na saiyang pinagtao sa mga kaakian nin mga tawo. Asin nin huli sa dahilan na ini saiyang pinag-utob an mga tataramon na saiyang pinagtao, asin siya dae nagpuputik, alagad pinag-utob an gabos niyang mga tataramon.
19 Asin mayo nin bakong malinig na bagay na makakalaog pasiring sa saiyang kahadean; kun kaya mayong makakalaog pasiring sa saiyang kapahingaloan laen lang kun ini sinda iyo an nakapaghugas na kan saindang kabadoan sa sakuyang dugo, nin huli kan saindang pagtubod, asin sa pagsosolsol kan gabos nindang mga kasalan, asin an saindang bilog na pagtubod hanggan sa katapusan.
20 Ngonian iyo ini an kasugoan: Magsolsol, gabos kamong mga katapusan kan kinaban, asin magdulok sa sakuya asin magpabunyag sa sakuyang pangaran, na tanganing kamo pakapabanalon sa paagi kan katabangan kan Espiritu Santo, na tanganing kamo puwedeng magtindog na mayong digta sa atubangan ko sa huring aldaw.
21 Katotoohan, katotoohan, Ako nagsasabi sa saindo, iyo ini an sakuyang ebanghelyo; asin kamo nakakaaram sa mga bagay na tanganing kamo maggigibo sa laog kan sakuyang simbahan; nin huli ta sa mga kaggibohan na saindong nahiling na sakuyang ginigibo iyo man an saindong gigibohon; nin huli kaining saindong mga nagkahiriling na sakuyang ginigibo magin iyo man an saindong gigibohon;
22 Kun kaya, kun kamo maggigibo kaining mga bagay paladan kamo, nin huli ta kamo ipagpapaitaas sa huring aldaw.
23 Isurat an mga bagay na saindong nagkahiriling asin nagkadarangog, laen lan idtong mga ipinagbabawal.
24 Isurat an mga gibo kaining mga katawohan, na iyo an mangyayari, magin kaidto pa na nagkasururat na, kan mga kaidtong nangyari na.
25 Nin huli ta hilnga, gikan sa mga libro na pinagsurat na kaidto pa, asin an mga ining susuraton pa sana, ining mga katawohan sinda paghuhukuman, nin huli sa sainda an saindang mga nagkaginiribohan magkakabarantog sa mga katawohan.
26 Asin hilnga, an gabos na mga bagay pinagsururat sa paagi ni Ama; kun kaya gikan sa mga libro na pagsusuraton pa an kinaban paghuhukuman.
27 Asin kamo nakakaaram na kamo an magigin mga huwes kaining mga katawohan, na uyon sa paghuhukom na sakuyang itatao sa saindo, na magigin husto. Kun kaya, ano bayang manera nin mga tawo na kamo na dapat magigin iyo? Katotoohan Ako nagsasabi sa saindo, magin arog sa sakuya.
28 Asin ngonian Ako mapaduman sa Ama. Asin katotoohan Ako nagsasabi sa saindo, an anuman na mga bagay na saindong hahagadon sa Ama sa sakuyang pangaran itatao sa saindo.
29 Kun kaya, maghagad, asin kamo pagtataw-an; magtuktok, asin ini pagbubukasan sa saindo; nin huli ta siya na naghahanap, nakakaresibe; asin sa saiya na nagtutuktok, ini pagbubukasan.
30 Asin ngonian, hilnga, an sakuyang kaogmahan dakulaon, magin sa kapanoan, nin huli saindo, asin man sa henerasyong ini; iyo, asin magin an Ama nag-oogma, asin man an gabos na banal na mga anghel, nin huli saindo asin sa henerasyon na ini; nin huli ta mayo sainda an nawara.
31 Hilnga, Ako nagugustong kamo dapat na makakasabot; nin huli ta ipinapasabot ko sainda na ngonian nabubuhay na henerasyon; asin mayo sainda an nawara; asin sa sainda Ako igwa nin kapanoan nin kaogmahan.
32 Pero hilnga, ini ikinakamundo ko nin huli kan ika apat na henerasyon na gikan kaining henerasyon, nin huli ta sinda nadarang sakop niya na arog sa akeng lalake nin perdisyon; nin huli ta sainda akong ipagpapabakal para sa plata asin para sa bulawan, asin para sa mga bagay na inaalamag na nakaka-koraptu asin kun saen an mga parahabon puwedeng makalusot na makalaog asin manhabon. Asin sa aldar na iyan Ako mabisita sainda, magin sagkod na ipabalik an saindang mga kaggibohan sa sainda man sanang sadireng mga payo.
33 Asin ini nangyaring naglipas na kan si Jesus nagtapos na kaining mga tataramon siya nagsabi pa sa saiyang mga desipulos: Maglaog kamo sa makipot na pintuan; nin huli ta malapadon an pintuan, asin hayakpit an dalan na pasiring sa buhay, asin kakadikit an yaon na nakanagbo kaini; pero malawak an pintuan, asin mahiwas an dalan na pasiring sa kagadanan, asin kadakul an yaon na nagbiyahe paduman, sagkod an banggi nag-abot, na kun saen mayong tawo an makakatrabaho.

3 NEPHI TSAPTER 26

2006-06-12T09:05:00.000+08:00

Si Jesus nagpaliwanag kan gabos na mga bagay magpoon sa kapinonan sagkod sa katapusan--- An mga umboy asin mga kaakian nagtataram nin mga makangangalason na bagay na dae maisusurat--- Sinda na yaon sa Simbahan ni Cristo igwa kan gabos na mga bagay na pantay-pantay sa pag-iriba ninda.

*******

Asin ngonian ini nangyaring naglipas na kan si Jesus nagsabi kaining mga bagay saiyang pinagpaliwanag an mga ini sa kadaklan; asin saiyang pinagpaliwanag an gabos na mga bagay sa sainda, pareho an darakula asin saradit.
2 Asin siya nagsabi: Ining mga kasuratan, na kamo mayo pa kaini saindo, an Ama nagsugo na sakuyang ipagtatao sa saindo; nin huli ta ini kadunungan saiya na an mga ini dapat na itao sa maabot na mga henerasyon.
3 Asin saiyang pinagpaliwanag an gabos na mga bagay, magin magpoon pa sa kapinunan sagkod sa panahon na siya maabot sa saiyang kamurawayan--- iyo, magin an gabos na mga bagay na maabot sa lalawgon kan kinaban, magin sagkod sa mga elemento na natutunaw sa grabe na gayong init, asin an kinaban paglulukuton arog sa sarong rolyo, asin an mga kalangitan asin kinaban dapat na malipas man;
4 Asin magin sagkod sa dakulaon asin huring aldaw, kasoarin na an gabos na mga katawohan, asin an gabos na mga lahi, asin gabos na mga nasyon asin mga dila magtitindog sa atubangan nin Diyos, tanganing paghuhusgaran kan saindang mga gibo, na kun baya sinda marhay o baya sinda mararaot---
5 Kun sinda magin marhay, mapasiring sa pagkabuhay-liwat sa daeng katapusang buhay; asin kun sinda magin maraot, mapasiring sa pagkabuhay-liwat na kapahamakan, bilang magka-agapay, an saro sa sarong lado asin an saro sa balyong lado, uyon sa pagkaherak, asin kan hustisya, asin kan kabanalan na yaon ki Cristo, na iyo kaidto bago pa an kinaban nagpoon.
6 Asin ngonian dae magkaigwa nin maisusurat sa librong ini magin an ikasanggatos na parte kan mga bagay na si Jesus tunay na itinukdo sa mga katawohan;
7 Pero hilnga an mga lamina ni Nephi naglalaman nin mas grabeng parte kan mga bagay na saiyang pinagtutukdo sa mga katawohan.
8 Asin ining mga bagay na sakuya nang naisurat na sarong menos na parte kan mga bagay na saiyang pinagtutukdo sa mga katawohan; asin ako an nagsurat sainda sa katuyuhan na sinda puwedeng madara giraray sa mga katawohang ini, gikan sa mga Hentil, uyon sa mga tataramon na si Jesus an nakapagtaram.
9 Asin sa panahon na sinda makapagresibe kaini, na ini kapakinabangan na sainda maeenot ngona, sa pagsubok kan saindang pagtubod, asin kun ini mangyayari na sinda magtutubod sa mga bagay na ini saka na baya an mga darakulang bagay maggigibong maipapahiling sa sainda.
10 Asin kun ini mangyayari na sinda dae magtutubod sa mga bagay na ini, saka na baya an mga darakulang bagay pagtatagoon sainda, para sa saindang kapahamakan.
11 Hilnga, ako kuta na magpopoon na sa pagsurat sainda, an gabos ipag-uukit sa mga lamina ni Nephi, alagad an Kagurangnan pinagbawal ini, na nagsasabi: Ako an magsusubok sa pagtubod kan sakuyang mga katawohan.
12 Kun kaya ako, si Mormon, nagsurat sa mga bagay na pinagsusugo sakuya nin Kagurangnan. Asin ngonian ako, si Mormon, matapos na kan sakuyang mga tataramon, asin magpapadagos sa pagsusurat nin mga bagay na pinasusugo sakuya.
13 Kun kaya, ako nagmamawot na sinda dapat na makahiling na an Kagurangnan tunay na nagtutukdo sa mga katawohan, sa laog nin tulong aldaw; asin pagkatapos na siya nakapagpahiling na kan saiyang sadire sa sainda pirme, asin nagbabaak nin tinapay pirme, asin nagbebendisyon kaini, asin nagtatao kaini sa sainda.
14 Asin ini nangyaring naglipas na siya nanggad nagtukdo asin nagmiministro sa mga kaarakian nin kadaklan na sinda pinagsasabi, asin saiyang pinagbuhian an saindang mga dila, asin sinda nagtararam sa saindang mga ama nin darakula asin makangangalason na mga bagay, magin mas darakulaon pa kesa sa saiyang ipinagpahayag sa mga katawohan; asin saiyang pinagbuhian an saindang mga dila na tanganing sinda makapagtaram na.
15 Asin ini nangyaring naglipas na pagkatapos na siya nagsakat na sa langit--- sa ikaduwang pagkakataon na siya nagpahiling kan saiyang sadire sa sainda, asin nagpaduman na sa Ama, pagkatapos na saiyang pina-omayan an gabos nindang mga sakit, asin kan saindang mga pilay, asin nagbukas nin mga mata kan saindang mga buta asin pinagdaglog an mga talenga nin mga bungog, asin magin naggibo nin gabos na manera nin pagbubulong sa pag-iriba ninda, asin nagbuhay-liwat nin sarong tawo gikan sa mga gadan, asin nagpahiling kan saiyang kapangyarihan sa sainda, asin nagsakat paduman sa Ama---
16 Hilnga, ini nangyaring naglipas na sa kinaagahan an kadaklan nagkatiripon-tipon kan saindang mga sadire na magkasararo, asin sinda pararehong nakahiling asin nakadangog kaining mga kaakian; iyo, magin an mga umboy nagbukas kan saindang mga nguso asin nagtararam nin makangangalason na mga bagay; asin an mga bagay na saindang pinagtatararam pinagpangalad na mayo sa arinman na tawo an magsururat sa mga ini.
17 Asin ini nangyaring naglipas na an mga desipulos na pinagpili ni Jesus nagpopoon na sa panahon na idto sa pagbunyag asin nagparatukdo nin kadakul na nagdudulok sa sainda; asin habang kadakul an nagkaburunyagan sa pangaran ni Jesus iyo an nagkaparano nin Espiritu Santo.
18 Asin kadakul sinda an nakahiling asin nakadangog kan dae maisasabing mga bagay, na bakong ligal na pagsusuraton.
19 Asin sinda nagtukdo, asin nagparaministro sa lambang saro; asin sinda igwa nin gabos na bagay na pinagheheras-herasan ninda, an lambang tawo husto an padara, sa lambang saro.
20 Asin ini nangyaring naglipas na sinda naggigiribo kan gabos na mga bagay magin na si Jesus iyo an pinagsugo sainda.
21 Asin sinda na pinagbunyagan sa pangaran ni Jesus iyo an pinag-apud na simbahan ni Cristo.

3 NEPHI TSAPTER 25

2006-06-08T08:06:00.000+08:00

Sa ikaduwang pagbabalik an mapang-abaw-abaw asin maririgsok pagsusuruloon bilang panggatong--- Si Elijah magbabalik bago pa man an dakulaon asin makangorongirhat na aldaw--- Ikumpara sa Malakias 4.

*******

Nin huli ta hilnga, an aldaw maabot na magsusulo na arog nin sarong pogon; asin an gabos na mapang-abaw-abaw, iyo, asin an gabos na naggigibo nin maririgsok, magigin panggatong; asin an aldaw na mag-aabot iyo an magsusulo sa sainda, sabi nin Kagurangnan nin mga Hukbo, na ini magwawalat sainda na mayo maski ugat ni sanga.
2 Pero sa saindo na natatakot sa sakuyang pangaran, na an Ake nin Pagkamatanos mabubuhay na igwang kaomayan sa saiyang mga pakpak; asin kamo magpapadagos sa pagduman asin magtatalubo arog kan mga guya sa kuwadra.
3 Asin saindong pagtitimak-timakan an maririgsok; nin huli ta sinda magigin mga abo sa irarom kan mga suwelas kan saindong mga bitis sa aldaw na Ako maggigibo kaini, sabi nin Kagurangnan nin mga Hukbo.
4 Giromdoma baya nindo an ley ni Moises, an sakuyang surugoon, na sakuyang pinagsugo saiya sa Horeb para sa bilog na Israel, na igwang mga ley asin mga paghuhukom.
5 Hilnga, Ako magpapadara saindo ki Elijah an propeta bago mag-abot kan dakulaon asin makangorongirhat na aldaw nin Kagurangnan;
6 Asin saiyang pababalikon an puso kan mga ama sa mga kaakian, asin an puso kan mga kaakian sa saindang mga ama, ta baka Ako mag-abot asin hampakon an kinaban nin sarong sumpa.

3 NEPHI TSAPTER 24

2006-06-08T07:53:00.000+08:00

An mensahero nin Kagurangnan an mag-aandam kan dalan para sa Ikaduwang Pag-abot--- Si Cristo magtutukaw sa paghuhukom--- An Israel pinagsusugo na magbayad nin ikapu asin mga dulot--- Sarong libro nin kagiromdoman an pinagtatago--- Ikumpara sa Malakias 3.

*******

Asin ini nangyaring naglipas na siya nagsugo sainda na dapat nindang ipagsurat an mga tataramon na an Ama iyo an nagtao ki Malakias, na saiyang sasabihon sa sainda. Asin ini nangyaring naglipas na pagkatapos nindang maisurat siya nagpaliwanag sainda. Asin iyo ini an mga tataramon na saiyang pinagsabi sa sainda, na nagsasabi: Kaya nagsabi an Ama ki Malakias--- Hilnga, Ako magpapadara kan sakuyang mensahero, asin siya an mag-aandam nin dalan sa atubangan ko, asin an Kagurangnan na saindong ikinakaogma; hilnga, siya maabot, an sabi nin Kagurangnan nin mga Hukbo.
2 Pero siisay daw an makakatagal sa aldaw kan saiyang pag-aabot, asin siisay an makakatindog sa panahon na siya magpapahiling? Nin huli ta siya siring sa sarong kalayo nin parasara, asin arog kan sabon nin paralaba.
3 Asin siya magtutukaw bilang sarong parasara asin parahugas nin plata; asin siya an maglilinig sa mga akeng lalake ni Levi, asin magpurga sainda arog sa bulawan asin plata, na tanganing sinda magdudulot sa Kagurangnan kan dulot nin pagkamatanos.
4 Asin pagkatapos an dulot kan Judah asin Jerusalem magigin makakapagpa-ogma sa Kagurangnan, arog sa mga aldaw nin nakaagi na, asin arog sa mga nakalipas na mga taon.
5 Asin ako magdudulok paharani saindo sa paghuhukom; asin Ako an magigin hidaling testigo kontra sa mga para kaluwag, asin kontra sa mga parapaki-apid, asin kontra sa mga palsong parapasumpa, asin kontra saindo na nanlalamang sa trabahador kan saiyang suweldo, sa balo asin sa mga elo sa ama, asin sainda na nag-itsa-puwera nin estranghero, asin daeng pagkatakot sakuya, sabi nin Kagurangnan nin mga hukbo.
6 Nin huli ta Ako an Kagurangnan, Ako dae nagbabago; kun kaya kamong mga akeng lalake ni Jacob dae napahamak.
7 Magin kaidto sa mga aldaw kan saindong mga ama kamo nagharayo gikan sa sakuyang mga ordinansa, asin dae nagsunod sa mga ini. Magbaralik sa sakuya asin Ako magbabalik sa saindo, sabi nin Kagurangnan nin mga Hukbo. Pero kamo nagsabi: Saen baya kami mabaralik?
8 Makakahabon daw an sarong tawo sa Diyos? Alagad kamo naghabon sako. Pero kamo nagsabi: Saen baya kami nanghabon saimo? Sa mga ikapu asin mga dulot.
9 Kamo pinagsumpa nin sarong sumpa, nin huli ta kamo nanghabon sakuya, magin ining bilog na nasyon.
10 Darahon nindo an gabos na mga ikapu sa laog kan kamalig, na tanganing magkakaigwa nin laman an sakuyang harong; asin probaran Ako magpoon ngonian, sabi nin Kagurangnan nin mga Hukbo, kun dae ko bubukasan saindo an mga bintana nin kalangitan, asin pagpabuluson sa saindo an sarong bendisyon na tanganing kamo dae magkakaigwa nin kuwarto na makahusto sa pagresibe kaini.
11 Asin Ako magsasaway sa maninila para sa saindong mga karahayan, asin siya dae mandedestroso samga prutas kan saindong daga; ni an saindong mga baging mamumunga bago pa man an tamang panahon nin kaomahan, sabi nin Kagurangnan nin mga Hukbo.
12 Asin an gabos na nasyon mag-aapud saindo na paladan, nin huli ta kamo magigin sarong marahayong kadagaan, sabi nin Kagurangnan nin mga Hukbo.
13 An saindong mga tataramon nagin patumang laban sakuya, sabi nin Kagurangnan. Alagad kamo nagsasabi: Ano baya an samuyang nasabi kontra saimo?
14 Kamo nagsabi: Ini sarong kasayangan an magsirbe sa Diyos, asin ano baya an kapakinabangan kaini na kita magsunod kan saiyang mga ordinansa asin baya kita naglakaw sa kapanoan nin pagkamundo sa atubangan nin Kagurangnan nin mga Hukbo?
15 Asin ngonian satuyang pinag-aapud an mapang-abaw-abaw na maorogma, iyo, sind na naggigibo nin karigsokan naipamugtak na; iyo, sinda na nagtentar sa Diyos nailigtas baya.
16 Pagkatapos sinda na tarakot sa Kagurangnan minsan nagtaram sa lambang saro, asin an Kagurangnan nagdadangog asin nagdangog; asin an sarong libro nin pagiromdom naisurat sa atubangan niya para sainda na natatakot sa Kagurangnan, asin nag-iisip sa saiyang pangaran.
17 Asin sinda magigin sakuya, sabi nin Kagurangnan nin mga Hukbo, sa aldaw na iyan na Ako mahimo kan sakuyang mga alahas, asin Ako an magliligtas sainda siring sa sarong tawo na nagligtas sa saiyang sadireng akeng lalake na naglilingkod saiya.
18 Pagkatapos siya magbabalik asin magmamasid sa tahaw kan matatanos asin kan marigsok, sa tahaw ninda na naglilingkod sa Diyos asin siya na nagsisirbe saiya.

3 NEPHI TSAPTER 23

2006-06-07T19:29:00.000+08:00

Si Jesus nag-uyon sa mga tataramon ni Isaias --- Siya nagsugo sa mga katawohan na magsiyasat sa mga propeta--- An mga tataramon ni Samuel an Lamanita manungod sa pagkabuhay-liwat idinagdag sa saindang mga rekord.

*******

Asin ngonian, hilnga, Ako nagsasabi sa saindo, na kamo kaipong magsiyasat kaining mga bagay, iyo, sarong kasugoan sakong itinatao saindo na saindong siyasaton ining mga bagay na may kahigosan; nin huli ta mahalagahon an mga tataramon ni Isaias.
2 Nin huli ta seguradong siya nagtaram na nagtutukar kan gabos na mga bagay manungod sa sakuyang mga katawohan na kaayon sa harong nin Israel; kun kaya ini kinakaipo na siya dapat na magtaram man sa mga Hentil.
3 Asin an gabos na mga bagay na saiyang pinagtaram nangyari na asin mangyayari pa, magin uyon sa mga tataramon na saiyang pinagtaram.
4 Kun kaya magtao nin pagdangog sa sakuyang mga tataramon; isurat an mga bagay na sakuyang pinagsasabi sa saindo; asin uyon sa panahon asin pagboot kan Ama sinda magpapaduman sa mga Hentil.
5 Asin an siisay man an magdadangog sa sakuyang mga tataramon asin magsosolsol asin magpapabunyag, sinda an magigin maligtas. Masiyasat sa mga propeta, nin huli ta kadakul sa sainda na nagpapatotoo kaining mga bagay.
6 Asin ini nangyaring naglipas na kan si Jesus nakapagsabi na kaining mga tataramon siya nagsabi sainda giraray, pagkatapos na siya nagpaliwanag kan gabos na mga kasuratan sa sainda na saindang naresibe, siya nagsabi sa sainda: Hilnga, an ibang mga kasuratan na Ako nagmawot na saindo dapat na suraton, idtong mayo pa kamo.
7 Asin ini nangyaring naglipas na siya nagsabi ki Nephi: Daraha paluwas an rekord na saimong pinag-iingatan.
8 Asin kan si Nephi pinagdara na paluwas an mga rekord, asin pinaghaya sa atubangan niya, saiyang pinaghiling an saiyang mga mata sa sainda asin nagsabi:
9 Katotoohan Ako nagsasabi sa saindo, Ako an nagsugo sa sakuyang surugoon na si Samuel, an Lamanita, na saiya dapat na ipagpatotoo sa mga katawohang ini, na sa aldaw na an Ama magpapamuraway kan saiyang pangaran sakuya na tanganing may kadakul na mga banal na magbabangon gikan sa mga gadan, asin magpapahiling sa kadaklan. Asin siya nagsabi sa sainda: Bako daw na nangyari ini?
10 Asin an saiyang mga desipulos nagsimbag saiya asin nagsabi: Iyo, Kagurangnan, si Samuel talagang nagpropesiya na uyon sa saimong mga tataramon, asin sinda gabos nagkatotoo.
11 Asin si Jesus nagsabi sa sainda: Paanong mangyari na kamo dae naisurat an mga bagay na ini, na kadakul na mga banal nagbarangon na asin nagpahiriling na sa kadaklan asin nagparatukdo sa sainda?
12 Asin ini nangyaring naglipas na si Nephi nakapaggiromdom na ining mga bagay dae man nanggad naisurat pa.
13 Asin ini nangyaring naglipas na si Jesus nagsugo na an mga ini dapat na maisurat; kun kaya ini pinagsurat uyon sa saiyang pinagsugo.
14 Asin ngonian ini nangyaring naglipas na kan si Jesus nagpaliwanag sa gabos na mga kasuratan sa sararoon, na sa saindang pinagsurat, siya nagsugo sainda na dapat nindang ipagtukdo an mga bagay na saiyang pinagpaliwanag sa sainda.

3 NEPHI TSAPTER 22

2006-06-07T19:12:00.000+08:00

Ang mga huring aldaw, an Sion asin an saiyang mga istaka itutugdas, asin an Israel titiponon sa pagkaherak asin pagkamoot--- Sinda magtatrayumpo--- Ikumpara sa Isaias 54.

********

Asin pagkasunod idtong mga naisurat na na mangyayaring maglipas: Makaranta, O Kadagaan, kamo na dae nagbuburunga; magporoon kamong magkaranta, asin magkururahaw nin makusog, kamo na dae nakapagpangake; nin huli ta mas kadakul an mga kaakian nin kalipungawan kesa sa mga ake kan mag-agom na babae, nagsabi an Kagurangnan.
2 Padakulon an lugar kan saimong tolda, asin tuguti sinda na mag-unat kan mga kurtina kan saimong mga istaran; dae magpabaya, palabaa an saimong mga bugkos asin pakusuga an saimong mga istaka;
3 Nin huli ta kamo mag-uusbong sa may parteng too asin sa may parteng wala, asin an saindong banhi magmamana nin mga Hentil asin himoon na an mapungaw na mga siyudad ma-eestaran.
4 Dae kamo matakot, nin huli ta kamo dae maipamugtak sa kasupganan; nin huli ta kamo magkakarilingaw sa kasupganan kan saimong kahobenan, asin dae makakagiromdom sa mga kapintasan kan saindong mga kahobenan, asin dae makakagiromdom sa kapintasan kan saindong mga balo noarin pa man.
5 Nin huli ta an saimong Kaglalang, an saimong agom na lalake, an Kagurangnan nin mga hukbo iyo an saiyang pangaran; asin an saimong Paratubos, an Solong Banal nin Israel--- an Diyos kan bilog na kinaban iyo an magigin pag-apod saiya.
6 Nin huli ta an Kagurangnan nag-apud saimo bilang sarong babaeng pinagbayaan asin nakulugan sa espiritu, asin sarong agom na babae kan kahobenan, kan ika pinagsikwal, sabi kan saimong Diyos.
7 Nin huli ta sa dikit na panahon pinabayaan ko kamo, pero sa kadakulaan nin mga pagkaherak Ako an magtitipon saindo.
8 Sa kadikit na kaanggutan Ako nagtago kan sakuyang lalawgon saindo sa laog nin sarong panahon, pero may daeng katapusan na pagkaboot Ako magkakaigwa nin pagkaherak sa saindo, nagsabi an Kagurangnan an saimong Paratubos.
9 Nin huli kaini, an mga tubig ni Noah yaon sakuya, nin huli ta habang Ako nagpromisa na an mga tubig ni Noah dae na dapat na mag-agi sa bilog na kinaban, kaya Ako nagpanuga na dae na Ako maaanggot saindo.
10 Nin huli ta an mga kabukidan maghahale asin an mga burokid-bukid mapapara, alagad an sakuyang pagkaboot dae nanggad magrarayo saindo, ni an tipan nin sakuyang katuninongan mapapara, nagsabi an Kagurangnan na igwang pagkaherak sa saindo.
11 O kamong mga nagkasarakitan, na pinagpadpad nin bagyo, asin dae pinagdamayan! Hilnga, Ako an magpamugtak kan saindong mga gapo na may patas na mga kulay, asin magpamugtak kan saindong mga pundasyon nin mga sapiro.
12 Asin Ako maghihimo na an saindong mga bintana nin mga agata, asin an saindong mga pintuan nin mga karbungko, asin an gabos na saindong mga kasagkoran nin mga magagayon na mga gapo.
13 Asin an gabos nindong mga kaarakian poagtutukdoan sa Kagurangnan; asin dakulaong gayo an magigin katuninongan kan saindong mga kaarakian.
14 Sa pagkamatanos kamo pagtutugdukon; kamo magigin harayo sa pagkasakop nin huli ta mayo kamong pagkatakot, asin sa kahamakan nin huli ta ini dae makadulok harani saindo.
15 Hilnga, sinda seguradong magtitiripon-tipon na magkakasararo laban saindo, bako sa paagi ko; an siirisay an magtiripon-tipon na magkasararo laban saindo magkakapuruho nin huli sana sa saindong karahayan.
16 Hilnga, Ako naglalang nin sarong panday na maghahayop nin mga uring na may kalayo, asin siya magpapanday nin sarong instrumento para sa saiyang trabaho; asin Ako naglalang nin sarong parasakop tanganing mandestroso.
17 Mayong armas na pinaggibo laban saindo an makakatagal; asin an lambang dila na magpapakaraot laban saindo sa paghuhukom saindong pagkokondenaron. Iyo ini an pamana kan mga surugoon nin Kagurangnan, asin an saindang pagkamatanos yaon sakuya, nagsabi an Kagurangnan.

3 NEPHI TSAPTER 21

2006-06-07T18:19:00.000+08:00

An Israel magkakatiripon sa panahon na an Libro ni Mormon magluwas--- Ang mga Hentil ma-eestablisa bilang sarong libreng katawohan sa Amerika--- Sinda maliligtas kun sinda magtubod asin magsunod; o kun dae sinda pagpuputulon asin dedestrosohon--- an Israel iyo an magtutugdok kan Bagong Jerusalem, asin an mga nagkawararang mga tribu magbabaralik.

*******

Asin katotoohan Ako nagsasabi sa saindo, Ako magtatao sa saindo nin sarong senyal, na tanganing kamo makaaram sa panahon kun noarin an mga bagay na ini magpopoon na mangyayari--- na Ako an magtitipon, gikan sa saindang halawigon na pagkapururak, an sakuyang mga katawohan, O harong ni Israel, asin mag-eestablisa giraray sa pag-iriba ninda kan sakuyang Sion;
2 Asin hilnga, iyo ini an bagay na sakuyang itatao sa saindo bilang sarong senyal--- nin huli ta katotoohan Ako nagsasabi sa saindo na sa panahon na an mga bagay na ini na sakuyang pinagdeklara sa saindo, asin na sakuyang idedeklara sa saindo ngonian asin sa maabot kan sakuyang sadire mismo, asin sa paagi nin kapangyarihan kan Espiritu Santo na ipagtatao sa saindo kan Ama, na ipagpapabantog sa mga Hentil na tanganing saindang maaaraman an tungkol kaining mga katawohan naiyo an katadaan sa harong ni Jacob, asin manungod kaining sakuyang mga katawohan na ipagpupurak sa paagi ninda;
3 Katotoohan, katotoohan, Ako nagsasabi sa saindo, sa panahon na an mga bagay na ini hihimoon na maipabantog sainda kan Ama, asin mag-aabot na gikan sa Ama, gikan sa sainda pasiring sa saindo;
4 Nin huli ta ini sarong kadunungan nin Ama na sinda dapat maestablisa sa kadagaan na ini, asin maipamugtak bilang sarong libreng mga katawohan sa paagi nin kapangyarihan kan Ama, na an mga bagay na ini puwedeng magluwas gikan sainda pasiring sa sarong katadaan kan saindong banhi, na tanganing an tipan kan Ama puwedeng mautob na saiyang pinagkatipanan sa saiyang mga katawohan, O harong nin Israel;
5 Kun kaya, sa panahon na an mga pagtrabahong ini asin an mga trabaho na magluluwas gikan sa pag-iriba nindo poon ngonian asin sa maabot na magluluwas gikan sa mga Hentil, pasiring sa saindong banhi na magbabawas sa daeng pagtubod nin huli sa kadaendatahan;
6 Nin huli ta baya ini pinagmarhay nin Ama na ini dapat na magluluwas gikan sa mga Hentil, na saiyang maipahiling an saiyang kapangyarihan sa mga Hentil, nin huli kaining kausa na an mga Hentil, kun dae ninda pagpatagason an saindang mga puso, na tangani sinda magsosolsol asin magdulok sa sakuya asin magpabunyag sa sakuyang pangaran asin makaaram sa tunay na punto kan sakuyang doktrina, na tanganing sinda magin kabilang sa sakuyang mga katawohan, O harong nin Israel;
7 Asin sa panahon na an mga ini mangyaring maglipas na an saindong banhi magpopoon na makaaram kaining mga bagay--- ini magigin sarong senyal sa sainda, na tanganing sinda puwedeng makaaram na an trabaho kan Ama nagpopoon na tanganing mautob an tipan na saiyang hinimo sa mga katawohan na yaon sa harong nin Israel.
8 Asin sa panahon na an aldaw na iyan mag-abot, ini mangyayaring maglipas na an mga hade magtitikom kan saindang mga nguso; nin huli ta an mga bagay na dae pinagsasabi sa sainda mahihiling mismo ninda; asin an mga bagay na dae ninda nagkadarangog saindang ikokonsidera.
9 Nin huli ta sa aldaw na iyan, nin huli sa kapakanan ko, an Ama maggigibo nin sarong trabaho, na magigin sarong dakula asin sarong makangalason na trabaho sa pag-iriba ninda; asin magkakaigwa sa pag-iriba ninda na dae magtutubod kaini, maski na sarong tawo an magdedeklara kaini sa sainda.
10 Pero hilnga, an buhay kan sakuyang surugoon magigin yaon sa sakuyang kamot; kun kaya sinda dae makakapakulog saiya, maski na ngani na siya nakulugan na nin huli sainda. Pero Ako an magpapaomay saiya, nin huli ta magpapahiling sa sainda na an sakuyang kadunungan may mas makusog kesa sa katusuhan kan diyablo.
11 Kun kaya ini mangyayaring maglipas na an siisay man na dae nagtubod sa sakuyang mga tataramon, na Ako iyo si JesuCristo, na an Ama iyo an magkakausa saiya na pagdarahon pasiring sa mga Hentil, asin magtatao sa saiya nin kapangyarihan na saiyang pagdadarahon sinda pasiring sa mga Hentil, (ini gigibohon na uyon sa sinabi ni Moises) sinda pagpuputulon gikan sa pag-iriba kan sakuyang mga katawohan na kabali sa tipan.
12 Asin an sakuyang mga katawohan na sarong katadaan nin Jacob magigin kairiba kan mga Hentil, iyo, sa katahawan ninda bilang sarong leon na kairiba nin mga layas na hayop sa kakahuyan, bilang sarong hoben na leon sa kairiba kan mga pangon nin karnero, na siya, kun makalaog sasakmalon niya asin gugutay-gutayon na magkaperedaso, asin mayong makapagligtas.
13 An saindang mga kamot ipag-iitaas sa saindang mga kaiwal, asin gabos nindang mga kaiwal magkakaparara.
14 Iyo, herak man sa saindang mga Hentil laen kun sinda magsosolsol; nin huli ta ini mangyayaring maglipas na sa aldaw na iyan, nagsabi an Ama, na sakuyang pupuhoon an saindang mga kabayo gikan sa katahawan nindo, asin Ako an magdedestroso sa saindong mga karuwahe;
15 Asin Ako an magpupuho sa mga siyudad kan saindong kadagaan, asin rurumpagon an gabos nindong mga pinagkakukutaan;
16 Asin Ako an magpupuho kan mga parakaraw paluwas sa saindong kadagaan, asin kamo magkakawaraan na nin mga parahula;
17 An saindong mga pinaglililok na mga imahen sakuya man na pupuhoon, asin an saindong nakatindog na mga imahen paluwas sa mga katahawan nindo, asin kamo dae na magsasamba sa mga kaggibohan kan saindong mga kamot;
18 Asin Ako an magbubunot kan saindong mga kakahuyan paluwas sa katahawan nindo; asin man Ako an magdedestroso kan saindong mga siyudad.
19 Asin ini mangyayaring maglipas na an gabos na kaputikan, asin mga pandadaya, asin mga pan-uuri, asin pag-iiriwal-iwal, asin mga palsong mga kapadean, asin an mga prostitusyon, pagpupunduhon.
20 Nin huli ta ini mangyayaring maglipas, nagsabi an Ama, na sa aldaw na iyan an siisay na dae nagsosolsol asin magdulok sa sakuya na Namumutan na Ake, sinda an puputulon ko gikan sa pag-iriba kan sakuyang mga katawohan, O harong nin Israel;
21 Asin Ako an maggigibo nin kabalusan asin kapungotan sa sainda, magin sa mga pagano, na dae pa ninda nadadangog.
22 Pero kun sinda magsosolsol asin maghihinanyog sa sakuyang mga tataramon, asin dae pagpapatagason an saindang mga puso, Ako magtutugdok kan sakuyang simbahan sa pag-iriba ninda, asin sinda maglalaog sa tipan asin magin kabilang sa pag-iriba kaining katadaan nin Jacob, na sa sainda Ako an nagtao kaining kadagaan para sa saindang kamanahan;
23 Asin sinda an magtatabang sa sakuyang mga katawohan, an katadaan nin Jacob, asin man sa kadakul kan harong nin Israel na magdudulok, na tanganing sinda magtutugdok nin sarong siyudad, na pag-aapudon na Bagong Jerusalem.
24 Asin pagkatapos na sinda magtabang sa sakuyang mga katawohan na tangani sinda magkakatiripon-tipon, sinda na nagkawaratak-watak sa kadagaan, palaog pasiring sa Bagong Jerusalem.
25 Asin pagkatapos an kapangyarihan kan langit magbababa sa pag-iriba ninda; asin Ako mismo yaon sa katahawan.
26 Asin pagkatapos na gibohon kan Ama magpopoon sa aldaw na iyan, magin an ebanghelyong ini ipagbabalangibog sa pag-iriba nin katadaan kaining mga katawohan. Katotoohan Ako nagsasabi sa saindo, sa aldaw na iyan na an gibohon kan Ama magpopoon na sa pag-iriba kan gabos na nagkawaratak-watak kong mga katawohan, iyo, magin idtong mga tribu na nagkawarara, na an Ama iyo an nagpaluwas sa Jerusalem.
27 Iyo, an gibo magpopoon sa pag-iriba kan gabos na nagkawaratak-watak na sakuyang mga katawohan, na an Ama iyo an maghahanda nin dalan na kun saen sinda puwedeng magdudulok sa sakuya, na tangani na sinda mag-aapod sa Ama sa pangaran ko.
28 Iyo, asin pagkatapos an trabaho magpopoon, na kairiba an Ama sa pag-iriba nin gabos na mga nasyon sa pag-aandam nin dalan kun saen an saiyang mga katawohan magkakatiripon-tipon sa sadireng harong sa kadagaan na saindang kamanahan.
29 Asin sinda magluluwas gikan sa gabos na mga nasyon; asin sinda dae magluluwas sa kahidalean, ni maghaleng patago, nin huli ta Ako magduduman sa atubangan ninda, nagsabi an Ama, asin Ako an magigin nindang panhurihan.

3 NEPHI TSAPTER 20

2006-06-06T19:10:00.000+08:00

Si Jesus milagrosong nagtao nin tinapay asin arak asin giraray nag-administrar nin sakramento sa sainda--- An katadaan ni Jacob makaabot sa kaaraman sa Kagurangnan na saindang Diyos asin magmamana sa mga Amerika--- si Jesus an propeta na arog ki Moises, asin an mga Nephita iyo an kaakian kan mga propeta--- An iba man na mga katawohan nin Kagurangnan pagtitiriponon sa Jerusalem.

*******

Asin ini nangyaring naglipas na siya nagsugo sa kadaklan na tawo na sinda mag-untok na sa pagpangadye, asin man sa saiyang mga desipulos. Asin siya nagsugo sainda na sinda dae dapat mag-untok sa pagpapangadye sa laog kan saindang mga puso.
2 Asin siya nagsugo sainda na sinda magburuhat asin magtirindog na sa saindang mga bitis. Asin sinda nagburuhat asin nagtirindog sa saindang mga bitis.
3 Asin ini nangyaring naglipas na siya nagbaak nin tinapay giraray asin pinagbendisyunan ini, asin nagtao sa mga desipulos tanganing kakanon.
4 Asin kan sinda nakapagkakan na siya nagsugo sainda na magbaak nin tinapay, asin ipagpanao sa kadaklan na mga tawo.
5 Asin kan sinda nakapagpanao na sa kadaklang tawo siya man nagtao sainda nin arak tanganing inomon, asin siya nagsugo sainda na sinda magpanao man sa kadaklan na mga tawo.
6 Ngonian, mayo nin tinapay, ni arak , na pinagdara an mga desipulos, ni an kadaklan na mga tawo;
7 Pero siya tunay na nagpanao sa sainda nin tinapay na kakakanon, asin man arak na pag-iinomon.
8 Asin siya nagsabi sa sainda: Siya nagkakakan kaining tinapay nagkakakan kan sakuyang hawak sa saiyang kalag; asin siya na nag-iinom kaining arak nag-iinom kan sakuyang dugo sa saiyang kalag; asin an saiyang kalag dae nanggad magugutom ni mapapaha, kundi mababasog.
9 Ngonian, kan an kadaklan na tawo nakapagkakan asin nakapag-inom na, hilnga, sinda napano nin Espiritu; asin sinda nagkururahaw na may sarong boses, asin nagtao nin pamuraway ki Jesus, na saindang parehong nahiling asin nadangog.
10 Asin ini nangyaring naglipas na kan sinda nakapagtao na gabos nin pamuraway ki Jesus, siya nagsabi sa sainda: Hilnga ngonian ako nagtapos sa kasugoan na an Ama an nagsugo sakuya manungod sa katawohang ini, na iyo an sarong katadaan sa harong nin Israel.
11 Kamo maggiromdom na ako nagtaram sa saindo, asin nagsabi na kan an mga tataramon ni Isaiah mautob na--- hilnga sinda nagkasururat, kamo igwa kaini saindo, kun kaya hanapa sinda---
12 Asin katotoohan, katotoohan, ako nagsasabi sa saindo, na sa panahon na sinda magka-urutob iyo iyan an kautuban kan tipan na an Ama an naggibo sa ssaiyang mga katawohan, O harong nin Israel.
13 Asin pagkasunod an mga katadaan, na pinagwaratak-watak sa ibang rona sa lalawgon kan kinaban, pagkakatiriponon gikan sa sirangan asin gikan sa sulnopan, asin gikan sa timog asin gikan sa hiraga; asin sinda pagdadarahon pasiring sa kaaraman nin Kagurangnan na saindang Diyos, na iyo an nagtubos sainda.
14 Asin an Ama na nagsugo sakuya na dapat kong itao saindo ining kadagaan, para sa saindong kamanahan.
15 Asin Ako nagsasabi sa saindo, na kun an mga Hentil dae magsosolsol pagkatapos sa bendisyon na saindang mareresibe, pagkatapos na saindang pagkawaratak-watakon an sakuyang mga katawohan---
16 Kun kaya kamo, na iyo an mga katawohan kan harong ni Jacob, magpapaduman sa pag-iriba ninda; asin kamo yaon sa tahaw ninda na magigin kadakul; asin kamo magigin kaiba ninda na arog sa sarong leon sa pag-iriba nin mga layas na hayop sa kakahuyan, asin bilang sarong hoben na leon sa pag-iriba kan pangon nin karnero, na iyo, kun siya makalaog pagsasakmalon asin paggurunitan na magkaperedaso, asin mayong makapagligtas.
17 An saimong kamot ipagpapaitaas sa atubang kan saimong mga kaiwal, asin an gabos mong mga kaiwal raradason.
18 Asin Ako magtitiripon-tipon kan sakuyang mga katawohan na magkasararo arog sa sarong tawo na nagtitipon kan saiyang mga parumpong sa may salog.
19 Nin huli ta gigibohon ko an sakuyang mga katawohan na an Ama nakipagtipan, iyo, Ako maghihimo kan saimong sungay na bakal, asin Ako maghihimo kan saimong kuko na tanso. Asin ika maghahampak na makaperedaso an kadakul na mga katawohan; asin Ako an magkokonsagra kan saiyang ganada sa Kagurangnan, asin kan saindang pagsadire sa Kagurangnan sa bilog na kinaban. Asin hilnga, Ako iyo idtong maggigibo kaiyan.
20 Asin ini mangyayaring maglipas, nagsabi an Ama, na an espada kan sakuyang hustisya mag-aamba sa ibabaw ninda sa aldaw na iyan; asin laen lang kun sinda magsosolsol ini maghahampak sa sainda, nagsabi an Ama, iyo, magin sa gabos na mga nasyon kan mga Hentil.
21 Asin ini mangyayaring maglipas na sakuyang itutugdok an sakuyang mga katawohan, O harong nin Israel.
22 Asin hilnga, iyo ini an mga katawohan na sakong itutugdas sa kadagaan na ini, sa pag-utob kan tipan na sakuyang ginibo sa saindong ama na si Jacob; asin ini magigin Bagong Jerusalem. Asin an mga kapangyarihan nin langit magin yaon sa tahaw kaining mga katawohan; iyo, magin Ako magigin yaon sa tahaw nindo.
23 Hilnga, Ako iyo siya na si Moises an nagtaram, na nagsasabi: Sarong propeta na an Kagurangnan saindong Diyos na ipagpapalangkaw sa saindo kan saindong mga katugangan, na arog sakuya; saiya kamo magdadangog nin gabos na bagay na anuman an saiyang pagsasabihon sa saindo. Asin ini mangyayaring maglilipas na an lambang kalag na habong magdadangog sa propetang yan puputulon gikan sa pag-iriba nin mga katawohan.
24 Katotoohan Ako nagsasabi sa saindo; iyo, asin an gabos na mga propeta poon ki Samuel asin sa iba pa na nagsurunod pagkatapos, haros kadakul na an nagtaram, na nagpapatotoo sa sakuya.
25 Asin hilnga, kamo an mga kaarakian kan mga propeta; asin kamo yaon sa harong nin Israel; asin kamo yaon sa tipan na an Ama naghimo sa saindong mga ama, na nagsasabi ki Abraham: Asin sa saimong banhi an gabos na mga lahi kan kinaban pagbebendisyunan.
26 An Ama na iyo an nag-angat sakuya gikan sa saindo enot, asin nagpadara sakuya tanganing magbendisyon sa saindo na pinagrarayo sa lambang saro saindo gikan sa saindong mga kadaendatahan; asin ini nin huli ta kamo mga kaarakian nin tipan---
27 Asin pagkatapos na kamo mabendisyunan pagkasunod na pinag-utob kan Ama an tipan na saiyang ginibo ki Abraham, na nagsasabi: Sa saimong banhi an gabos na mga lahi kan kinaban pagbebendisyunan--- an pagpapabulos kan Espiritu Santo sa paagi ko paduman sa mga Hentil, na an bendisyon sa mga Hentil iyo an maghihimo sainda na makusog labaw pa sa gabos, sa pagkakawarak-warak kan sakuyang mga katawohan, O harong nin Israel.
28 Asin sinda na magigin sarong pamakol sa mga katawohan kaining kadagaan. Daeng pagkukulang, sa panahon na saindang maresibe an kapanoan kan sakuyang ebanghelyo, asin pagkasunod kun sinda magpapatagas kan saindang mga puso laban sakuya Ako an magbabalik kan saindang mga kadaendatahan sa saindang sadireng mga payo, nagsabi an Ama.
29 Asin Ako magigiromdom kan tipan na sakuyang nahimo sa sakuyang mga katawohan; asin Ako nakipagtipan sa sainda na sakuyang pagtitiriponon sinda na magkakasararo sa sakuyang sadireng tamang panahon, na tanganing Ako an magtatao sa sainda giraray kan mga kadagaan kan saindang mga ama para sa saindang kamanahan, na iyo an kadagaan nin Jerusalem, na iyo an pinagpromisang kadagaan sa sainda sagkod pa man, nagsabi an Ama.
30 Asin ini mangyayaring maglipas na an panahon maabot, na an kapanoan kan sakuyang ebanghelyo ipagbabalangibog sa sainda;
31 Asin sinda magtutubod sakuya, na Ako si JesuCristo, an Ake nin Diyos, asin magpapangadye sa Ama sa sakuyang pangaran.
32 Pagkasunod an saindang mga parabantay magpapalangkaw kan saindang boses, asin may boses nin pagkakasararo na sinda magkakanta; nin huli ta sinda magkakahirilingan mata sa mata.
33 Pagkasunod an Ama pagtitiriponon sinda na magkakasararo giraray, asin itao sa sainda an Jerusalem para magigin kadagaan na saindang kamanahan.
34 Pagkasunod sinda magkakururahaw sa kaogmahan--- magkakarantang sararo, kamong mga nasayang na mga lugar kan Jerusalem; nin huli ta an Ama pinaglinga an saiyang mga katawohan, saiyang pinagtubos an Jerusalem.
35 An Ama naghimong mailantad an saiyang banal na takyag sa mga mata kan gabos na mga nasyon; asin an gabos na mga puro nin kinaban makakahiling nin pagliligtas kan Ama; asin an Ama asin Ako saro.
36 Asin pagkasunod mangyayaring maglipas idtong bagay na naisurat na: Magmata, magmata giraray, asin ipamugtak an saimong kusog, O Sion; badoa an saimong magayunon na mga bado, O Jerusalem, an banal na siyudad, nin huli ta magpoon ngonian mayong maggigikan sa saimo na bakong turi asin bakong malinig.
37 Magpamagpag ka nin alpog; magtindog, magtukaw, O Jerusalem; buhii an saimong sadire gikan sa mga gapos kan saimong liog, O nasakop na daraga nin Sion.
38 Nin huli ta nagsabi an Kagurangnan: Saindong ipinagpabakal an saindong mga sadire sa daeng kamugtakan, asin kamo pagtuturubuson na daeng kuwarta.
39 Katotoohan, katotoohan, Ako nagsasabi sa saindo, na an sakuyang mga katawohan makakaaram kan sakuyang pangaran; iyo, sa aldaw na iyan sinda makakaaram na Ako iyo siya na nagtataram.
40 Asin pagkasunod sinda magsasabi: Gurano daw kagayon sa ibabaw nin mga kabukidan an mga bitis niya na nagdadara nin marhay na bareta sa sainda, na nagbabalangibog nin katuninongan; na nagdadara nin marhay na bareta sa sainda na mga marhay, na nagbabalangibog nin kaligtasan; na nagsasabi sa Sion: An saimong Diyos naghahade!
41 Asin pagkasunod sarong kinurahaw an madadangog: Maghale kamo, maghale kamo, maglakaw kamo paluwas gikan digde, dae magduot nin mga bagay na bakong malinig; magpaduman kamo paluwas pasiring sa tahaw niya; magpakalinig kamo na nagdadara nin mga sakayan nin Kagurangnan.
42 Nin huli ta kamo dae magluluwas na may paghihidali ni magpaduman na naglulupad; nin huli ta an Kagurangnan magpapaduman sa pangenotan nindo, asin an Diyos nin Israel iyo an saindong panhurihan.
43 Hilnga, an sakuyang surugoon makitusay sa kaigotan; siya dadakilaon asin pag-oomawon asin magigin halangkawon na marhay.
44 Habang kadakul an magngangalas sa saindo--- an saiyang lalawgon naraot, mas labi pa sa arin man na tawo, asin an saiyang porma mas halangkaw kesa sa mga ake nin mga tawo---
45 Kun kaya siya magwiwisik sa kadakul na mga nasyon; an mga hade magtitikom kan saindang mga nguso sa saiya; nin huli ta idtong mga bagay na dae pa naipagsabi sainda mahihiling ninda; asin idtong mga bagay na dae pa ninda nadadangog sainda pagkokonsideraron.
46 Katotoohan, katotoohan, Ako nagsasabi sa saindo, an gabos na bagay na ini siyertong gayo na mag-aabot, magin habang an Ama na nagsugo sakuya. Pagkasunod ining tipan na an Ama iyo an nakipagtipan sa saiyang mga katawohan mauutob; asin pagkasunod an Jerusalem pag-eerokan giraray kan sakuyang mga katawohan, asin ini an magigin kadagaan nindang kamanahan.

3 NEPHI TSAPTER 19

2006-06-05T10:10:00.000+08:00

Asin an Doseng Desipulos nagministro sa mga katawohan asin nagpangadye para sa Espiritu Santo--- Sinda binurunyagan asin nagresibe kan Espiritu Santo asin an pagtutukdo kan mga anghel--- Si Jesus nagpangadye na gamit an mga tataramon na dae maisusurat--- Siya nagpapatunay sa grabe na gayo an pagtubod kaining mga Nephita.

*******

Asin ngonian ini nangyaring naglipas na kan si Jesus nagsakat na sa langit, an kadaklan na mga tawo nagharale na, asin an lambang lalake pinagkua an saindang mga agom na babae asin an saindang mga kaarakian asin nagbaralik na sa saindang sadireng mga harong.
2 Asin idto pinagbalangibog tulos-tulos sa ibang rona sa pag-iriba kan mga katawohan, bago pa man magdiklom, na an kadaklan na mga tawo nakahiling ki Jesus, asin ta siya nagparatukdo sa sainda, asin na siya magpapahiling man kan saiyang sadire sa kina-agahan sa kadaklan na mga tawo.
3 Iyo, asin magin sa bilog na pagkabanggi ini pinagbalangibog sa ibang rona manungod ki Jesus; asin na tanganing sinda nagpadara sa mga katawohan nin kadakul, iyo, grabe kadakul na bilnag, na nagtrabahong gayo sa bilog na banggi, na tanganing sinda sa kina-agahan makaduman sa lugar kun saen si Jesus magpapahiling kan saiyang sadire sa kadaklan na tawo.
4 Asin ini nangyaring naglipas na sa kina-agahan, kan an kadaklan na mga tawo nagkatiripon-tipon nang magkasararo, hilnga, si Nephi asin an saiyang tugang na lalake na saiyang binuhay gikan sa kagadanan, na an pangaran iyo si Timothy, asin man an saiyang akeng lalake, na an pangaran iyo si Jonas, asin man si Mathoni, asin si Mathonihah, an saiyang tugang na lalake, asin si Kumen, asin si Kumenonhi, asin si Jeremiah, asin si Shemnon, asin si Jonas, asin si Zedekiah, asin si Isaiah--- ngonian iyo ini an mga pangaran kan mga desipulos na pinili ni Jesus--- asin ini nangyaring naglipas na sinda nagpaduman asin nagtindog sa tahaw nin kadaklan na mga tawo.
5 Asin hilnga, an kadaklan na tawo grabeng gayo na sinda nagkausa na sinda magbaranga sa doseng pangon.
6 Asin an dose nagtukdo sa kadaklan na mga tawo; asin hilnga, sinda nagkausa na an kadaklan na tawo magruluhod sa lalawgon nin daga, asin magparangadye sa Ama sa pangaran ni Jesus.
7 Asin an mga desipulos nagparangadye sa Ama sa pangaran man ni Jesus. Asin ini nangyaring naglipas na sinda nagtindog asin nagministro sa mga katawohan.
8 Asin kan sinda nagministro nin kaparehong mga tataramon na si Jesus an nagtaram--- daeng pinagkaiba sa mga tataramon na si Jesus an nagtaram--- hilnga, sinda nagruluhod giraray asin nagparangadye sa Ama sa pangaran ni Jesus.
9 Asin sinda nagparangadye sa mga bagay na sainda na gayong pinagmamawot; asin sinda nagmawot na an Espiritu Santo ipagtao sa sainda.
10 Asin kan sinda nakapagpangadye na sinda nagpasiriring sa may pangpang nin tubig, asin an kadaklan na mga tawo nagsurunod sainda.
11 Asin ini nangyaring naglipas na si Nephi nagpasiring pababa sa tubig asin pinagbunyagan.
12 Asin siya naghawas paluwas sa tubig asin nagpoon sa pagbunyag. Asin siya nagbunyag sa gabos ninda na si Jesus an nagpili.
13 Asin ini nangyaring naglipas na kan sinda gabos nagkaburunyagan na asin nagharawas paluwas sa tubig, an Espiritu Sant nag-abot sa sainda, asin sinda napano nin Espiritu Santos asin nin kalayo.
14 Asin hilnga, sinda pinagpalibutan na garo baga na ini sa paagi nin kalayo; asin ini nagbaba gikan sa langit, asin an kadaklan na mga tawo nakahiling kaini, asin nagtala nin mga patotoo; asin an mga anghel nag-abot pababa paluwas sa langit asin nagministro sa sainda.
15 Asin ini nangyaring naglipas na habang an mga anghel nagmiministro sa mga desipulos, hilnga, si Jesus nag-abot asin nagtindog sa tahaw asin nagministro sa sainda.
16 Asin ini nangyaring naglipas na siya nagtaram sa kadaklan na mga tawo, asin nagsugo sainda na sinda magruluhod giraray sa daga, asin man an saiyang mga desipulos magruluhod sa daga.
17 Asin ini nangyaring naglipas na kan sinda nakapagruluhod na sa daga, siya nagsugo sa saiyang mga desipulos na sinda an magpangadye.
18 Asin hilnga, sinda nagpoon sa pagpangadye; asin sinda nagpangadye ki Jesus, pinag-apud siya na saindang Kagurangnan asin an saindang Diyos.
19 Asin ini nangyaring naglipas na si Jesus naghale sa tahaw ninda, asin naglakaw-kadikit na paharayo gikan sainda asin nakadukong nakaluhod kan sadire sa daga, asin siya nagsabi:
20 Ama, Ako nagpapasalamat saimo na saimong pinagtao an Espiritu Santo sa sainda na sakuyang pinagpili; asin ini nin huli kan saindang paniniwala sa sakuya na Ako nagpili sainda na pinaglaen sa kinaban.
21 Ama, Ako nagpapangadye saimo na saimong ipagtao an Espiritu Santo sa gabos ninda na magtutubod sa saindang mga tataramon.
22 Ama, saimong pinagtao sainda an Espiritu Santo nin huli ta sinda nagtutubod sakuya; asin saimong nahiling na sinda nagtutubod sakuya nin huli ta saimong nadadangog sinda, asin sinda nagpangadye sakuya; asin sinda nagpangadye sa sakuya nin huli ta Ako kaiba ninda.
23 Asin ngonian Ama, Ako nangangadye sa saimo para sainda, asin man para sa gabos ninda na magtutubod sa saindang mga tataramon, na tanganing sinda magtutubod sakuya, na Ako magin yaon magin yaon sainda na arog mo, Ama, na yaon sako, na tanganing kita magin sararo.
24 Asin ini nangyaring naglipas na kan si Jesus nakapagpangadye na sa Ama, siya nagdulok sa saiyang mga desipulos, asin hilnga, sinda nagpadagos, na daeng pagpundo, sa pagpapangadye sa saiya; asin sinda dae nagdagdag nin kadakul na tataramon, nin huli ta ipinagtao na sa sainda kun ano an saindang ipagpapangadye, asin sinda nagkaparano nin mga kamawotan.
25 Asin ini nangyaring naglipas na si Jesus nagbendisyon sainda habang sinda nagpapangadye sa saiya; asin an saiyang lalawgon naghuyom sa sainda, asin an liwanag kan saiyang lalawgon nagbanaag sa sainda, asin hilnga sinda nagin maputi arog sa lalawgon asin mga bado ni Jesus; asin hilnga an kaputian kaini mas nagsobra pa sa gabos na mga kaputian, iyo, magin ini mayo pa sa kinaban na labing kaputi arog sa kaputian kaini.
26 Asin si Jesus nagtaram sa sainda: Magpadagos sa pagpangadye; daeng pagkukulang sinda dae nag-untok sa pagpangadye.
27 Asin siya nagtalikod sainda giraray, asin nagduman kadikit na paharayo asin nagdukong nakaluhod sa daga; asin siya nagpangadye giraray sa Ama, na nagsasabi:
28 Ama, Ako nagpapasalamat saimo na saimong pinaglinigan sinda na sakuyang pinagpirili, nin huli kan saindang pagtubod, asin Ako nangangadye para sainda, asin man sa sainda na magtutubod sa saindang mga tataramon, na tanganing sinda magkarilinigan sako, sa paagi nin pagtubod sa saindang mga tataramon, magin sa arog sainda na nagkarilinigan sako.
29 Ama, Ako dae nagpapangadye para sa kinaban, kundi para sainda na saimong pinagtao sakuya na pinaglaen sa kinaban, nin huli kan saindang pagtubod, na tanganing sinda magkarilinigan sako, na tangani Ako puwedeng makaiba ninda na arog mo, Ama, na yaon sako, na tanganing kita magin sararo, na tanganing Ako maipamuraway kaiba ninda.
30 Asin kan si Jesus nakapagtaram na kaining mga tataramon siya nagbalik giraray sa saiyang mga desipulos, asin hilnga sinda nagpapangaradye na may kapusugan, na daeng ka-untukan, sa saiya; asin siya naghuyom sa sainda giraray; asin hilnga sinda mapuputi na magin arog ki Jesus.
31 Asin ini nangyaring naglipas na siya naglakaw kadikit paharayo asin nagpangadye sa Ama;
32 Asin mayong dila an makakapagtaram kan mga tataramon na saiyang pinagpangadye, ni maisusurat ini kan tawo an mga tataramon na siayang pinagpangadye.
33 Asin an kadaklan na tawo nakadangog asin nagtala nin patotoo; asin an saindang mga puso nagkaburukasan asin sinda nagkasabot sa saindang mga puso sa mga tataramon na saiyang pinagpapangadye.
34 Daeng pagkukulang, grabeng gayo kadakula asin kangalasan an mga tataramon na saiyang piangpapangadye na tangani an mga ini, dae maisusurat, ni an mga ini maitataram nin tawo.
35 Asin ini nangyaring naglipas na kan si Jesus nakapagtapos na sa pagpapangadye siya nagdulok giraray sa mga desipulos, asin nagsabi sa sainda: Grabeng gayo kadakula an pagtubod na dae ko nahiling sa pag-iriba kan gabos na mga Judio; kun saen baya ako dae nakapagpahiling sa sainda nin grabe kadakulang milagro, nin huli kan saindang daeng paniwala.
36 Katotoohan Ako nagsasabi sa saindo, mayo sa sainda na nakapagsaksi sa grabe kadakulang mga bagay na arog kan saindong nahiling; ni sinda nakapagdangog nin grabe kadakulang bagay na arog kan saindong nadangog.

3 NEPHI TSAPTER 18

2006-06-05T08:56:00.000+08:00

Si Jesus an nagpoon nin sakramento sa pag-iriba kan mga Nephita--- Sinda pinagsugo na mangadye pirme sa pangaran niya--- Sinda na nagkakakan kan saiyang laman asin nag-iinom kan saiyang dugo na bakong maninigo mapapahamak--- An mga desipulo tinaw-anan nin kapangyarihan sa pagputong nin Espiritu Santo.

*******

Asin ini nangyaring naglipas na si Jesus nagsugo sa saiyang mga desipulo na sinda magdara nin mga tinapay asin arak sa saiya.
2 Asin habang sinda nagharale para sa tinapay asin arak, siya nagsugo sa kadaklan na sinda magturukaw kan saindang mga sadire sa daga.
3 Asin kan an mga desipulo nagbalik na may darang tinapay asin arak, siya nagkua nin tinapay asin pinagbaak asin pinagbendisyunan ini; asin saiyang pinagtao sa mga desipulo asin nagsugo na sinda dapat na magkakan.
4 Asin kan sinda nakakakan na asin nabasog, siya nagsugo na sinda magpana-o sa kadaklan.
5 Asin kan an kadaklan nakapagkakan na asin nabasog, siya nagsabi sa mga desipulos: Hilnga magkakaigwa nin saro na pag-ordinahan sa pag-iriba nindo, asin sa saiya ako magtatao nin kapangyarihan na siya an magbabaak nin tinapay asin bendisyunan ini asin itatao ini sa mga katawohan kan sakuyang simbahan, sa sainda gabos na magtutubod asin mabunyagan sa sakuyang pangaran.
6 Asin ini an saindo pirmeng pag-oobserbaran na gigibohon, magin arog sa sakong ginibo, magin arog na ako nagbaak nin tinapay asin nagbendisyon kaini asin pinagtao ini sa saindo.
7 Asin ini saindong gigibohon sa paggiromdom kan sakuyang hawak, na sakuyang ipinahiling sa saindo. Asin ini magigin sarong testimonya sa Ama na kamo pirmeng maggigiromdom sakuya. Asin kun kamo pirmeng maggigiromdom sakuya kamo magkakaigwa kan sakuyang Espiritu na makakaiba nindo.
8 Asin ini nangyaring naglipas na kan siya makapagsabi na kaining mga tataramon, siya nagsugo sa saiyang mga desipulos na sinda magkua nin arak sa kopa asin mag-inom kaini, asin na sinda magtao man sa kadaklan na tanganing sinda makapag-inom kaini.
9 Asin ini nangyaring naglipas na sainda ining ginibo, asin nag-irinom kaini asin natighaw; asin sinda nagpanao sa kadaklan, asin sinda nag-irinom, asin sinda nagkatirighaw.
10 Asin kan an mga desipulo nagibo na ini, si Jesus nagsabi sa sainda: Paladan kamo nin huli sa bagay na ini na saindong naggibo, nin huli ta iyo ini an pag-uutob kan sakuyang mga kasugoan, asin ini iyo an pagpapatotoo sa sakuyang Ama na kamo bilog an boot na maggigibo kan bagay na sakuyang pinagsusugo sa saindo.
11 Asin ini iyo an pirme nindong paggigibohon sa sainda na nagsosolsol asin nagpabunyag sa pangaran ko; asin saindo ining paggigibohon sa paggiromdom kan sakuyang dugo, na sakuyang ipinagpabulos para sa saindo, na tanganing kamo makapagpapatotoo sa Ama na kamo pirmeng maggigiromdom sa sakuya. Asin kun kamo pirmeng maggigiromdom sa sakuya kamo magkakaigwa kan sakuyang espiritu na makakaiba nindo.
12 Asin Ako nagtao sa saindo nin sarong kasugoan na saindong paggigibohon an mga bagay na ini. Asin kun saindo pirmeng paggigibohon an mga bagay na ini paladan kamo, nin huli ta kamo pinagtugdok sa ibabaw kan sakuyang gapo.
13 Pero an siisay man sa saindo na maggigibo nin sobra o kulang kesa mga ini dae pinagtugdok sa ibabaw kan sakuyang gapo, kundi pinagtugdok sa ibabaw nin sarong mabaybay na pundasyon; asin kun an uran magbubulos, asin an mga baha magraragasa, asin an mga paros maghuhuyop, asin maghahampak sa sainda, sinda magkakaturumba, asin an mga pintuan kan impiyerno handang nakabukas sa pagresibe sainda.
14 Kun kaya paladan kamo kun kamo nagsusunod sa sakuyang mga kasugoan, na an Ama an nagsugo sakuya na sakong ipagtao sa saindo.
15 Katotoohan, katotoohan, Ako nagsasabi sa saindo, kamo magbantay asin pirmeng magpapangadye, ta baka kamo pagtetentaran kan diyablo, asin kamo maakay paharayo na bihag niya.
16 Asin arog na Ako nagpapangadye sa kairiba nindo arog man kaini kamo magpaparangadye sa sakuyang simbahan, na kairiba an sakuyang mga katawohan na nagsosolsol asin nagpapabunyag sa pangaran ko. Hilnga Ako an liwanag; Ako nagtintindog bilang sarong halimbawa para saindo.
17 Asin ini nangyaring naglipas na kan si Jesus nakapagtaram na kaining mga tataramon sa saiyang mga desipulos, siya nag-atubang giraray sa kadaklan asin nagsabi sa sainda:
18 Hilnga, katotoohan, katotoohan, Ako nagsasabi sa saindo, kamo magbantay asin magpapangadye pirme ta baka kamo makalaog sa tentasyon; nin huli ta si Satanas nagmamawot na pagsadirehon kamo, na tangani kamo saiyang pagsasaligsigon arog sa trigo.
19 Kun kaya kamo pirmeng magpapangadye sa Ama sa sakuyang pangaran;
20 Asin an anuman na saindong hahagadon sa Ama sa sakuyang pangaran, kun ini tama, nagtutubod na saindong mareresibe, hilnga ini ipagtatao sa saindo.
21 Magpangadye sa laog kan saindong mga pamilya sa Ama, pirmeng sa sakuyang pangaran, na tanganing an saindong mga agom na babae asin an saindong mga kaakian puwedeng mabendisyunan.
22 Asin hilnga, kamo magtiripon-tipon na magkasararo pirme; asin kamo dae magsikwal nin siisay man na tawo na magdulok sa saindo kun kamo magkakatiripon-tipon na magkakasararo, kundi tugutan sinda na makisumaro saindo asin dae nindo sinda ipagsikwal;
23 Pero kamo magpapangadye para sainda, asin dae ipagsikwal sinda paluwas; asin kun ini mangyari na sinda magdudulok saindo pirme kamo magpangadye para sainda sa Ama, sa sakuyang pangaran.
24 Kun kaya, kaputing gayo paitaas an saindong liwanag na tanganing ini maglaad sa kinaban. Hilnga Ako iyo an liwanag na saindong pagkakaputan paitaas--- mga bagay na saindong nahiling na sakuyang ginigibo. Hilnga kamo nakahiling na Ako nagpapangadye sa Ama, asin kamo gabos makapagpatotoo.
25 Asin kamo nakahiling na Ako nagsusugo na mayo saindo an dapat na maglakaw paharayo, kundi baya nagsusugo na kamo dapat na magdulok sa sakuya, na tanganing kamo makamate asin makahiling; magin arog man kaini an saindong gigibohon sa kinaban; asin an siisay man an magbalga kaining kasugoan magsasapo sa saiyang sadire na maaakay pasiring sa tentasyon.
26 Asin ngonian ini nangyaring naglipas na kan si Jesus nakapagtaram na kaining mga tataramon, siya nagbaling kan saiyang mata giraray sa mga desipulos na saiyang pinagpili, asin nagsabi sa sainda:
27 Hilnga katotoohan, katotoohan, Ako nagsasabi sa saindo, Ako matao sa saindo nin iba pang mga kasugoan, asin pagkasunod Ako kaipuhang magpaduman na sa sakuyang Ama na tanganing sako pang mautob an iba pang mga kasugoan na saiyang pinagtao sakuya.
28 Asin ngonian hilnga, iyo ini an kasugoan na sakuyang ipagtatao sa saindo, na kamo dae magtutugot sa kiisay man na may pagkaaram na magkua kan sakuyang laman asin dugo na bakong maninigo, kun kamo magmiministeryo kaini;
29 Nin huli ta an siisay na magkakakan asin mag-iinom kan sakuyang laman asin dugo na bakong maninigo nagkakakan asin nag-iinom nin kapahamakan kan saiyang kalag; kun kaya kun kamo makaaram nin sarong tawo na bakong angay na magkakan asin mag-inom kan sakuyang laman asin dugo saimong pagbawalan siya.
30 Daeng pagkukulang, siya dae mo ipagsikwal paluwas sa pag-iriba nindo, kundi kamo magtukdo sa saiya asin magpapangadye para saiya sa Ama, sa pangaran ko; asin kun mangyari na siya nagsosolsol asin nagpabunyag sa sakuyang pangaran, sako nindo paresibihon siya, asin magministro sa saiya kan sakuyang laman asin dugo.
31 Pero kun siya dae nagsosolsol siya dae maibibilang sa pag-iriba nin sakuyang mga katawohan, na tanganing dae niya pagdedestrosohon an sakuyang mga katawohan, nin huli ta hilnga Ako nakakabisto kan sakuyang mga karnero, asin sinda nabibilang.
32 Daeng pagkukulang, kamo dae magsikwal saiya paluwas sa saindong mga sinagoga, o sa saindong lugar nin pagsamba, nin huli ta sa mga arog sainda kamo magpapadagos sa pagtutukdo; nin huli ta dae nindo naaaraman na kun noarin sinda mabalik asin magsosolsol, asin magdudulok sakuya na may bilog na katuyuhan nin puso, asin sakuya sindang paoomayan; asin kamo an nagin paagi sa pagdara nin kaligtasan sa sainda.
33 Kun kaya, sunoda nindo an mga sinasabi ko na pinagsusugo ko saindo na tanganing kamo dae mapapasa-irarom nin kondenasyon; nin huli ta herak man saiya na an Ama an nagkokondena.
34 Asin Ako nagtao saindo kaining mga kasugoan nin huli sa mga pag-iiriwal-iwal na nangyayari sa pag-iriba nindo. Asin paladan kamo kun kamo mayo nin pag-iiriwal-iwal sa pag-iriba nindo.
35 Asin ngonian Ako mapaduman na sa Ama, nin huli ta ini sarong kapakinabangan na Ako dapat na magpaduman sa Ama para sa kapakinabangan nindo.
36 Asin ini nangyaring naglipas na kan si Jesus nagtapos na kaining mga tataramon, siya nagdutdot kan saiyang kamot sa mga desipulos na saiyang mga pinili; saro-saro, magin sagkod na saiyang nadut-an sinda gabos, asin nagtaram sa sainda habang saiyang pinagdut-an sinda.
37 Asin an kadaklan dae nakadangog kan mga tataramon na saiyang piangtaram, kun kaya sinda dae nakapagtala nin patotoo; pero an mga desipulos nagpatotoo na sya nagpana-o sainda nin kapangyarihan na magpana-o nin Espiritu Santo. Asin ako magpapahiling sa saindo sa maabot na mga panahon na an rekord na ini totoo.
38 Asin ini nangyaring naglipas na kan si Jesus nadut-an na sinda gabos, nag-abot an sarong kumpon nin panginoron asin nagpangibabaw sa kadaklan na tanganing sinda dae na makahiling ki Jesus.
39 Asin habang sinda nangingibabawan siya naghale gikan sa katiriponan ninda, asin nagsakat pasiring sa langit. Asin an mga desipulos nakahiling asin nagtala nin mga patotoo na siya nagsakat giraray pasiring sa langit.

3 NEPHI TSAPTER 17

2006-05-26T10:24:00.001+08:00

Si Jesus nagtukdo sa mga katawohan na paghorop-horopan an saiyang mga tataramon asin magpangadye para sa pagkasabot--- Siya nagbulong kan saindang may-kahelangan--- Siya nagpangadye para sa mga katawohan, na gamit ang lengguwahe na dae puwedeng maisusurat--- An mga anghel nagparatukdo asin kalayo an nakapalibot sa saindang mga kasaraditan.

*******

Hilnga, ngonian ini nangyaring naglipas na kan si Jesus nakapagtaram na kaining mga tataramon siya naghiling sa palibot giraray nin kadaklan, asin siya nagsabi sa sainda: Hilnga, an panahon ko harani na.
2 Sakuyang na-isip-isipan na kamo maruluya na, na kamo dae na makakasabot sa gabos kong mga tataramon na pinagsugo sako ni Ama na sasabihon sa saindo sa panahon na ini.
3 Kun kaya, lakaw kamo sa saindong mga harong, asin maghorop-horop sa mga bagay na sakuyang naisabi na, asin maghapot sa Ama, sa pangaran ko, na tanganing kamo makasabot, asin prepararon an saindong mga isip para sa aga, asin Ako maabot sa saindo giraray.
4 Pero ngonian Ako mabalik ki Ama, asin man magpapahiling kan sakuyang sadire sa mga nagkawararang tribu nin Israel, nin huli ta sinda dae dapat magkawarara sa Ama, nin huli ta siya nakakaaram kun saiyang pagdadarahon sinda.
5 Asin ini nangyaring naglipas na kan si Jesus nakapagtapos na sa pagtaram, saiyang pinaghiling an saiyang mga mata sa palibot giraray sa kadaklan, asin namasdan na sinda yaon sa pagluha, asin nakahiling na nakaputitok sa saiya na garo baga sinda naghahagad saiya na maghaloy pa sa kadikit na panahon na kaibahan ninda.
6 Asin siya nagsabi sa sainda: Hilnga, an sakuyang daghan napapano nin pagkaherak sa saindo.
7 Igwa daw kamo nin may-kahelangan sa pag-iriba nindo? Daraha sinda digde. Igwa daw kamo nin siisay man na mga pilay, o buta, o lumpo, o baldado, o ketongon, o may mga kamatean, o sinda na mga bungog, o sinda na nasasakita sa anuman na manera? Daraha sinda digde asin Ako an magpaparahay sainda, nin huli ta Ako igwa nin pagkaherak sa saindo; an sakuyang daghan napapano nin pagkamaherakon.
8 Nin huli ta Ako narorop na kamo nagmamawot na Ako dapat na makapaghiling sa saindo kun ano an sakong ginibo sa saindong mga katugangan na yaon sa Jerusalem, nin huli ta Ako nakakahiling na an saindong pagtubod tama na Ako dapat na pa-omayan kamo.
9 Asin ini nangyaring naglipas na kan siya nakapagtapos na sa pagtaram, an bilog na kadaklan, na may pagkasararo, nagdarara kaiba ninda an may mga kahelangan asin kan saindang nagkasarakitan, asin kan saindang mga pilay, asin kan saindang mga buta, asin kan saindang mga bungog, asin kan gabos ninda na may kasakitan sa anuman na manera; asin saiyang pinagpa-omayan sinda sa lambang saro habang sinda pinagdarara paharani sa saiya.
10 Asin sinda naggibo na gabos, pareho sinda na nagka-oromayan asin sinda na mga mayong helang, nagruluhod sa saiyang pamitisan, asin nagsamba sa saiya; asin haros kadakul na nakapagdulok gikan sa kadaklan nagharadok sa saiyang mga bitis, na tangani baya saindang pinarigosan an saiyang mga bitis kan saindang mga luha.
11 Asin ini nangyaring naglipas na saiyang pinagsugo na an saindang saradit na kaarakian dapat na ipagdulok.
12 Kaya saindang ipinagdulok an saindang saradit na mga kaarakian asin pinagpaturukaw sa daga sa palibot niya, asin si Jesus nakatindog sa tahaw, asin an kadaklan nagtaong dalan hanggan sagkod na sinda nagkadarara na sa saiya.
13 Asin ini nangyaring naglipas na kan sinda gabos pinagdara na, asin si Jesus nagtindog sa tahaw ninda, siya nagsugo sa kadaklan na sinda magruluhod sa daga.
14 Asin ini nangyaring naglipas na kan sinda nakapagluhod na sa daga, si Jesus nagngayo-ngayo sa irarom kan sadire niya, asin nagsabi: Ama, Ako naririnsal nin huli sa karigsokan kan mga katawohan sa harong nin Israel.
15 Asin kaya siya nakapagtaram na kaining mga tataramon, siya sa sadire niya mismo nagluhod sa daga; asin hilnga siya nagpangadye sa Ama, asin an mga bagay na saiyang pinagpangadye dae maisusurat, asin an kadaklan nagsurat nin mga bagay na saindang nadangog saiya.
16 Asin sa arog kaining manera nagsurat sinda sa rekord: An mata dae pa nakahiling, ni an talenga nakadangog, kaidto, mga darakula asin makangangalas na mga bagay an samuyang nahiling asin nadangog na si Jesus nakipag-olay sa Ama;
17 Asin mayong dila an puwedeng makapagtaram, ni nagkaigwa na nin anumang naisurat nin tawo, ni kaya nin mga puso nin mga tawo tugkadon an grabe kadakula asin makangalason na mga bagay na samuyang pareho na nagkahiriling asin nadangog si Jesus nagtaram; asin mayo ni saro an kayang tugkadon an kaogmahan na nagpano sa samuyang mga kalag sa panahon na samuyang nadangog siya nagpapangadye para samuya sa Ama.
18 Asin ini nangyaring naglipas na kan si Jesus nagtapos na kan pagpapangadye sa Ama, siya nagbuhat; pero grabeng gayo an kaogmahan nin kadaklan na sinda napangibabawan.
19 Asin ini nangyaring naglipas na si Jesus nagtaram sa sainda, asin sinda pinatirindog.
20 Asin sinda nagtirindog gikan sa daga, asin siya nagsabi sa sainda: Paladan kamo nin huli kan saindong pagtubod. Asin ngonian hilnga, an kaogmahan ko pano.
21 Asin kan siya nakapagsabi na kaining mga tataramon, siya nagbakho, asin an kadaklan nagsurat kaini, asin saiyang pinagkaptan an saindang saradit na kaarakian, saro-saro, asin pinagbendisyunan sinda, asin nagpangadye sa Ama para sainda.
22 Asin kan saiya nang naggibo ini siya naghibi giraray;
23 Asin siya nagtaram sa kadaklan, asin nagsabi sa sainda: Hilnga an saindong mga kasaraditan.
24 Asin habang sinda nagmamansay tanganing mahiling saindang pinagputitok an saindang mga mata patangad sa langit, asin saindang nahiling na an mga kalangitan nagbukas, asin saindang nahiling an mga anghel na nagbaraba paluwas sa langit na garo baga yaon sa tahaw nin kalayo; asin sinda nagbaraba asin nagpalibot-libot sa mga kasaraditan, asin sinda nagkaparilibutan nin kalayo; asin an mga anghel an nagturukdo sa sainda.
25 Asin an kadaklan nakahiling asin nakadangog asin nagsurat sa rekord; asin sinda nakakaaram na an saindang rekord totoo nin huli ta sinda gabos an nakahiling asin nakadangog, an lambang tawo para sa saiyang sadire; asin sinda nabibilang na maabot sa duwang ribo asin limang gatos na mga kalag; asin sinda pag-iriba nin mga kalalakehan, mga kababaehan, asin mga kaarakian.

3 NEPHI TSAPTER 16

2006-05-26T10:11:00.000+08:00

Si Jesus mabisita sa iba pang mga nagkawararang mga karnero kan Israel--- Sa mga huring aldaw an ebanghelyo magpapaduman sa mga Hentil asin masunod pasiring sa harong nin Israel--- An mga katawohan nin Kagurangnan magkakahirilingan mata sa mata sa panahon na saiyang dadarahon giraray an Sion.

*******

Asin katotoohan, katotoohan, Ako nagsasabi sa saindo na Ako igwang ibang mga karnero, na mayo sa kadagaan na ini, ni sa kadagaan nin Jerusalem, ni sa arin man na parte nin kadagaan na nakapalibot na kun saen Ako mapaduman sa pagmiministro.
2 Nin huli ta sinda iyo idtong sakuyang pinagtataram na sinda nanggad dae pa nakakadangog kan sakuyang boses; ni Ako sa arin man na panahon nakapagpahiling kan sakuyang sadire sa sainda.
3 Pero Ako nakaresibe nin sarong kasugoan kan Ama na Ako magpapasiring sa sainda, asin na sinda makakadangog kan sakuyang boses, asin ibibilang sa pag-iriba kan sakuyang mga karnero, na tanganing magkakaigwa nin sarong pangon asin sarong parapastol; kun kaya ako mapaduman tanganing mapahiling kan sadire ko sa sainda.
4 Asin Ako nagsusugo saindo na saindong isusurat ining mga tataramon pagkatapos na Ako nakahale na, na kun ini nanggad an mangyayari na an sakuyang mga katawohan sa Jerusalem, sinda na nakahiling sa sakuya asin naka-ibahan ko sa sakuyang ministeryo, dae maghahapot sa Ama sa pangaran ko, na tanganing sinda makaresibe nin kaaraman manungod saindo sa paagi nin Espiritu Santo, asin man sa ibang mga tribu na dae sindang pagkaaram, na tanganing ining mga tataramon na saindong isusurat itatago asin ipagtutukdo sa mga Hentil, na sa paagi kan bilog na ining kautuban sa mga Hentil, an katadaan kan saindang banhi, na magkakawaratak-watak sa ibabaw kan lalawgon nin kinaban nin huli kan saindang daeng paniniwala, puwedeng madara sa laog, o puwedeng madadara sa sarong kaaraman sa sako, na saindang Paratubos.
5 Asin pagkasunod sakuya sindang pagtitiriponon gikan sa apat na mga rona kan kinaban; asin pagkasunod mag-uutob Ako sa tipan na an Ama iyo an naghimo sa bilog na mga katawohan kan harong nin Israel.
6 Asin paladan an mga Hentil, nin huli kan saindang paniniwala sa sakuya, sa paagi asin nin huli sa Espiritu Santo, na iyo an magpapatotoo sa sainda manungod sako asin sa Ama.
7 Hilnga, nin huli kan saindang paniniwala sa sakuya, sabi kan Ama, asin nin huli sa dae nindong paniniwala, O harong nin Israel, sa huring aldaw an katotoohan magpapaduman sa mga Hentil, na tanganing an kabilugan kan mga bagay na ini maipapabantog sa sainda.
8 Pero herak man, nagsabi an Ama, sa sainda na mayong paniniwala kan mga hentil--- nin huli ta maski na ngani na sinda nakaabot na sa lalawgon kaining kadagaan, asin nagpawaratak-watak kan sakuyang mga katawohan na yaon sa harong nin Israel; asin an sakuyang mga katawohan na yaon sa harong nin Israel an pinagsisirikwal gikan sa kaibahan ninda, asin pinagtirimak-timakan sa irarom kan mga bitis ninda;
9 Asin nin huli sa mga pagkaherak kan Ama sa mga Hentil, asin man sa mga paghuhukom kan Ama sa sakuyang mga katawohan, na yaon sa harong nin Israel, katotoohan, katotoohan, Ako nagsasabi sa saindo, na pagkatapos kaini gabos, asin Ako nagkausa sa sakuyang mga katawohan na yaon sa harong nin Israel na magkaharampak, asin pagparapasaskitan, asin paggagaradanon, asin pagparasikwalon paluwas gikan sa pag-iriba ninda, asin magin kaorongisan ninda, asin magin sarong singasing-paros asin sarong laman-dila sa pag-iriba ninda---
10 Asin kaya nagsugo an Ama na Ako dapat na magsabi sa saindo: Sa aldaw na yan na an mga Hentil magkakasala laban sa sakuyang ebanghelyo, asin magsisikwal sa kabilugan kan sakuyang ebanghelyo, asin mapagpalangkaw sa kapaabaw-abawan kan saindang mga puso na mas labi sa gabos na mga nasyon, asin mangingibabaw sa gabos na mga katawohan kan bilog na kinaban, asin magkakaparano nin gabos na manera nin mga kaputikan, asin mga kadayaan, asin kan mga daendatang gawi, asin gabos na manera nin kahipokritohan, asin mga paghaya nin laman, asin mga sikretong abominasyon; asin kun sinda maggigibo gabos kaining mga bagay, asin magsisikwal sa kabilugan kan sakuyang ebanghelyo, hilnga, nagsabi an Ama, Ako an magdadara sa kabilugan kan sakuyang ebanghelyo gikan sa pag-iriba ninda.
11 Asin pagkasunod Ako makakagiromdom kan sakuyang tipan na Ako an naghimo sa sakuyang mga katawohan, O harong nin Israel, asin Ako an magdadara kan sakuyang ebanghelyo sa sainda.
12 Asin Ako magpapahiling sa saindo, O harong nin Israel, na an mga Hentil dae magkakaigwa nin kapangyarihan na mangingibabaw sa saindo; pero Ako maggigiromdom kan sakuyang tipan sa saindo, O harong nin Israel, asin kamo makakaabot sa pagkakaaram kan kabilugan nin sakuyang ebanghelyo.
13 Pero kun an mga Hentil magsosolsol asin magbalik sa sakuya, nagsabi an Ama, hilnga sinda ibibilang sa pag-iriba kan sakuyang mga katawohan, O harong nin Israel.
14 Asin ako dae magtutugot na an sakuyang mga katawohan, na yaon sa laog kan harong nin Israel, na magpaduman na makisalak sa iribahan ninda, asin pagparadaog-daogon sinda, nagsabi an Ama.
15 Pero kun sinda dae magbaling sa sakuya, asin magdangog sa sakuyang boses, Ako magtutugot sa sainda, iyo, Ako magtutugot sa sakuyang mga katawohan, O harong nin Israel, na sinda magpaduman na makisalak sa iribahan ninda, asin pagparadaog-daogon sinda, asin sinda magin arog sa asin na nawaraan nin lasa, na dae nanggad sa kamanungdanan kundi ipatatapok, asin pagparatimak-timakan sa irarom kan mga bitis kan sakuyang mga katawohan, O harong nin Israel.
16 Katotoohan, katotoohan, Ako nagsasabi sa saindo, kaya an Ama an nagsugo sakuya--- na sakong ipagtatao sa mga katawohang ini an kadagaan para sa saindang kamanahan.
17 Asin pagkasunod an mga tataramon kan propetang si Isaias mauutob, na nagsasabi:
18 An saimong bantay magpapalangkaw kan boses; kasarabay an boses na sinda magkakanta, nin huli ta sinda makakahiling mata sa mata sa panahon na an Kagurangnan dadarahon giraray an Sion.
19 Magkururahaw sa kaogmahan, sarabay na magkaranta, kamo na mga wasak na lugar nin Jerusalem; nin huli ta an Kagurangnan pinagkalinga an saiyang mga katawohan, saiyang pinatubos an Jerusalem.
20 An Kagurangnan naghimo na mahiling an saiyang lantad na kamot sa mga mata kan gabos na mga nasyon; asin an gabos na mga katapusan kan kinaban makakahiling sa pagliligtas nin Diyos.

3 NEPHI TSAPTER 15

2006-05-25T12:22:00.000+08:00

Si Jesus nagbalangibog na an ley ni Moises nautob na saiya--- An mga Nephita iyo an ibang mga karnero na saiyang pinagsabi sa Jerusalem--- Nin huli ta sa kadaendatahan an mga katawohan nin Kagurangnan dae nakaaram sa nagkawararak na mga karnero nin Israel.

*******

Asin ngonian ini nangyaring naglipas na kan si Jesus nagtapos na kaining mga tataramon siya nagbaling kan saiyang mga mata sa palibot kan kadaklang mga tawo, asin nagsabi sa sainda: Hilnga, kamo nakadangog kan mga bagay na sakuya nang pinagtukdo bago pa man ako nagsakat pasiring sa sakuyang Ama; kun kaya, an siisay an makapaggiromdom kaining mga tataramon ko asin maggibo kan mga ini, siya bubuhayon ko liwat sa huring aldaw.
2 Asin ini nangyaring naglipas na kan si Jesus nakapagtaram na kaining mga tataramon saiyang namansayan na may iba sa pag-iriba ninda na nagngangaralas, asin nag-iisip-isip kun ano an saiyang boot manungod sa ley ni Moises; nin huli ta sinda dae nakakasabot sa tataramon na an mga lumang bagay naglipas na, asin an gabos na mga bagay nagin bag-o.
3 Asin siya nagsabi sa sainda: Dae kamo magngangalas na Ako nakapagsabi sa saindo na an mga lumang bagay naglipas na, asin an gabos na mga bagay nagin bag-o na.
4 Hilnga, Ako nagsasabi sa saindo na an ley nautob na sakuyang ipinagtao ki Moises.
5 Hilnga, Ako iyo idtong nagtao kan ley, asin Ako iyo siya na nakipagtipan sa sakuyang mga katawohan na Israel, kun kaya, an ley na yaon sako nautob na, nin huli ta ako nagpadigde sa pag-utob kan ley; kun kaya ini nagtapos na.
6 Hilnga, Ako dae pinagdestroso an mga propeta, nin huli sa kadakul na dae nagka-urutob sa sakuya, katotoohan Ako nagsasabi sa saindo, an gabos dapat na mautob na.
7 Asin nin huli ta Ako nagsasabi sa saindo na an mga lumang bagay naglipas na, Ako dae nagdedestroso kaidtong mga naitaram na mapanungod sa mga bagay na paabuton pa sana.
8 Nin huli ta hilnga, an tipan na sakuyang hinimo sa sakuyang mga katawohan dae pa gabos nauutob; kundi an ley na ipinagtao ki Moises nagtapos na sakuya.
9 Hilnga, Ako an ley, asin an liwanag. Maghanap kamo sako, asin magpakakusog sagkod sa katapusan, asin kamo mabubuhay; nin huli ta sa sainda na nagpapakakusog sagkod sa katapusan itatao ko an buhay na daeng kasagkoran.
10 Hilnga, Ako nagtao na saindo nin mga kasugoan; kun kaya magsunod sa sakuyang mga kasugoan. Asin iyo ini an ley asin an mga propeta, nin huli ta sinda tunay nanggad na nagpatotoo tungkol sakuya.
11 Asin ini nangyaring naglipas na kan si Jesus nakapagtaram na kan mga tataramon na ini, siya nagsabi sa doseng ini na saiyang pinagpili na:
12 Kamo an sakuyang mga disipulos; asin kamo an liwanag kaining mga katawohan, na iyo an sarong katadaan kan harong ni Joseph.
13 Asin hilnga, iyo ini an kadagaan kan saindong kamanahan; asin an Ama iyo an nagtao kaini sa saindo.
14 Asin dae sa anuman na pagkakataon na an Ama nagsugo sako na dapat kong ipahayag ini sa saindong mga katugangan na yaon sa Jerusalem.
15 Ni sa anuman na pagkakataon na an Ama nakapagtao sakuya nin kasugoan na dapat kong sabihon sa sainda an mapanungod sa iba pang mga tribu kan harong nin Israel, na an Ama iyo an nagpahale paluwas sa kadagaan.
16 Iyo sana ini na an Ama nagsugo sakuya, na dapat kong sabihon sa sainda:
17 Na an ibang karnero na igwa Ako na mayo sa pangon na ini; sinda man sakuyang kaipo na pagdadarahon, asin saindang madadangog an sakuyang boses; asin magkakaigwa nin sarong pangon, asin sarong parabantay.
18 Asin ngonian, nin huli sa katisoan nin liog asin daeng paniniwala sinda dae nakasabot kan sakuyang mga tataramon; kun kaya Ako pinagsugo nin Ama na dae na Ako magtaram mapanungod sa bagay na ini sa sainda.
19 Pero, katotoohan, Ako nagsasabi sa saindo na an Ama nagsugo sakuya, asin Ako magsasabi kaini sa saindo, na kamo an pinaglaen na gikan sa pag-iriba ninda nin huli kan saindang kadaendatahan; kun kaya ini nin huli kan saindang kadaendatahan na kaya sinda daeng pagkaaram saindo.
20 Asin katotoohan, Ako nagsasabi saindo giraray na an ibang mga tribu na pinaglaen kan Ama gikan sa sainda; asin iyo ini nin huli kan saindang kadaendatahan na kaya sinda daeng pagkaaram sa sainda.
21 Asin sa katotoohan Ako nagsasabi sa saindo, na kamo iyo sinda na pinanungdan na sinasabi ko: Ibang mga karnero na pagsadire ko na mayo sa pangon na ini; sinda man dapat kong darahon, asin sinda magdadangog kan sakuyang boses; asin magkakaigwa nin sarong pangon, asin sarong parapastol.
22 Asin sinda dae nakasabot sakuya, nin huli ta saindang pinaghuhuna-huna sinda iyo an mga Hentil; nin huli ta sinda dae nakasabot na an mga Hentil mapapagbag-o sa paagi kan saindang pagpapabalangibog.
23 Asin sinda dae nakasabot na sinabi ko na sinda magdadangog kan sakuyang boses; asin sinda dae nakasabot na an mga Hentil dae dapat sa arin na panahon makakadangog kan sakuyang boses--- na Ako dae dapat na magpapahiling kan sakuyang sadire sa sainda laen lang kun ini sa paagi nin Banal na Espiritu.
24 Pero hilnga, kamo parehong nakadangog kan sakuyang boses, asin nahiling Ako; asin kamo an sakuyang mga karnero asin kamo kabilang sa pag-iriba ninda na an Ama iyo an nagtao sa sakuya.

3 NEPHI TSAPTER 14

2006-05-25T10:55:00.000+08:00

Si Jesus nagsugo: Dae ka maghusga; maghapot sa Diyos; mag-ingat sa mga palsong propeta--- Siya nagpromisa nin kaligtasan para sainda na maggigibo sa kagustuhan kan Ama. Ikumpara sa Mateo 7.

*******

Asin ngonian ini nangyaring naglipas na kan si Jesus nakapagtaram na kaining mga tataramon nagbaling giraray siya sa kadaklang tawo, asin pinagbukas nya an saiyang nguso sa sainda giraray, na nagsasabi: Katotoohan, katotoohan, ako nagsasabi sa saindo, Dae kamo maghusga, na tanganing kamo dae paghuhusgaran.
2 Nin huli ta kun anong paghuhukom an saindong pinaghusga, kamo paghuhusgaran; asin sa kun anong sukol an saimong isinukol, iyo man an ipagsusukol saimo giraray.
3 Asin tadaw baya ta nahihiling mo an muta na yaon sa mata kan saimong tugang, pero dae mo pinagkonsidera an tukod na yaon sa sadire nindong mata?
4 O paano ta kamo makapagsabi sa saindong tugang: Tuguti akong haleon an muta sa saimong mata--- asin hilnga, sarong tukod an yaon sa saindong mata?
5 Hipokrito ka, enot halea nguna an tukod kan saimong sadireng mata; asin baya ika makapaghiling nin malinaw tanganing mahale mo an muta sa mata kan saimong tugang.
6 Dae kamo magtao nin bagay na sagrado sa mga ido, ni ipagtatapok an saindong mga perlas sa mga kauringan, baka saindang pagtitimak-timakan sa irarom kan saindang mga bitis, asin magbaling saimo asin pagsakmalon ka.
7 Maghagad, asin ini ipagtatao sa saindo; maghanap, asin saindong manunumpungan; magtuktok, asin ini pagbubukasan para saindo.
8 Nin huli ta an gabos na naghahagad, makakaresibe; asin siya na naghahanap, makakanumpong; asin siya na nagtutuktok, ini pagbubuksan.
9 O ano bayang klaseng tawo an yaon sa pag-iriba nindo, siya, na kun an saiyang akeng lalake naghahagad nin tinapay, magtatao sa saiya nin gapo?
10 O kun ini naghagad nin isda, magtatao sa saiya nin sarong halas?
11 Kun kamo ngani, sarong maraot, nakakaaram kun paano magtatao nin marhay na mga regalo para sa saindong mga kaarakian, mas paano pa daw an saindong Ama na yaon sa langit na magtao nin marhay na mga bagay sa sainda na naghahagad sainda?
12 Kun kaya, an anuman na mga bagay na saimong pinagmamawot na an mga tawo boot nindong gibohon para saindo, gibohon mo man para sainda, nin huli ta iyo ini an ley asin an mga propeta.
13 Maglaog kamo sa makuputon na pintuan; nin huli ta halakbangon an pintuan, asin haluwag an dalan, na paglalakawon pasiring sa kapahamakan, asin kadakul na an nakaduman sainda na nakaralaog na duman;
14 Nin huli ta makiputon an pintuan, asin hayakpit an dalan, na paglalakawon pasiring sa buhay, asin kakadikit sinda na nakanumpong kaini.
15 Mag-ingat sa mga palsong propeta, na magdudulok saindo na may bado nin karnero, pero sa kairaroman ninda sinda mga gutom na lobo.
16 Kamo makakabisto sainda sa paagi kan saindang mga bunga. Nagtitipon daw an mga tawo nin mga ubas kan mga tunok, o mga tarom nin mga binit?
17 Magin arog kaini na an marhay na kahoy nagbubunga nin marhayon na prutas; pero an sarong koraptong kahoy nagbubunga nin sarong maraot na prutas.
18 An sarong marhay na kahoy dae makapagbunga nin mararaot na prutas, ni an sarong koraptong kahoy makapagbunga nin marhayon na prutas.
19 An lambang kahoy na dae mapagbubunga nin marhayon na prutas pagbubuhalon, asin ipaggagatong sa kalayo.
20 Kun kaya baya, sa paagi kan saindang mga prutas kamo makakabisto sainda.
21 Bakong an lambang saro na nagsasabi sa sakuya, Kagurangnan, Kagurangnan, makakalaog sa kahadean nin langit; kundi siya na naggigibo kan kagustuhan nin sakuyang Ama na yaon sa langit.
22 Kadakul an magsasabi sakuya sa aldaw na iyan: Kagurangnan, Kagurangnan, bako daw na kami nagparapropesiya sa saimong pangaran, asin sa pangaran mo nakapagpahale nin mga diyablo, asin sa pangaran mo nakapaggibo nin kadakul na magagayon na mga kaggibohan?
23 Asin pagkatapos ako magtutukdo sa sainda: Ako dae nakakabisto saindo; magharale kamo, kamo na naggigibo nin kadaendatahan.
24 Kun kaya, an siisay man na nakakadangog kaining mga tataramon ko asin maggigibo kan mga ini, Ako ipag-aarog ko siya sa sarong madunong na tawo, na nagtugdok kan saiyang harong sa ibabaw kan sarong gapo---
25 Asin an uran nagbulos, asin an mga baha nag-abot, asin an mga paros naghuyop, asin ini dae nagtumba, nin huli ta ini nakapundar sa ibabaw nin sarong gapo.
26 Asin an lambang saro na nakakadangog kaining mga tataramon ko asin naggigibo dae naggigibo kan mga ini maiaarog sa sarong tampalasan na tawo, na nagtugdok kan saiyang harong sa ibabaw nin buhangin---
27 Asin an uran nagbulos, asin an mga baha nag-abot, asin an mga paros naghuyop, asin naghampas sa harong na ini; asin ini nagtumba, asin grabeng gayo an pagkatumba kaini.

3 NEPHI TSAPTER 13

2006-05-25T09:58:00.000+08:00

Si Jesus nagtukdo sa mga Nephita nin Pangadyeon--- Sinda magtipon nin kayamanan sa langit--- An Dose sa saindang pagmiministeryo sinugo na dae mag-isip nin mga temporal na mga bagay--- Ikumpara sa Mateo 6.

*******

Katotoohan, katotoohan, Ako nagsasabi na Ako nagmamawot na kamo dapat na magtao nin limos sa pobre; pero magdangog na kamo dae magtatao kan saindong mga limos sa atubangan nin mga tawo na tanganing mahiling ninda; ta kun bako kamo mayo nang balos gikan sa Ama na yaon sa langit.
2 Kun kaya, kun kamo magtatao kan saindong mga limos dae ka magpatugtog nin sarong trumpeta sa atubangan mo, na arog sa mgaq hepokrito sa mga sinagoga asin sa mga agihan, na tanganing makakua nin pag-omaw sa mga tawo. Katotoohan Ako nagsasabi sa saindo, sinda nakakua na kan saindang balos.
3 Pero kun ika magtatao nin mga limos dae pagtuguti na an saimong walang kamot makaaram kun ano an pinaggigibo kan saimong tuong kamot;
4 Na tanganing an saimong mga limos magin sikreto; asin an saindong Ama na nakahiling sa tago, siya an magbabalos saimo nin hayagan.
5 Asin kun kamo magpapangadye dae mo pag-arogon an mga hepokrito, nin huli ta sinda namumuot na magpangadye, na nakatindog sa mga sinagoga asin sa mga kanto kan mga agihan, na tanganing sinda magkahiriling kan mga tawo. Katotoohan Ako nagsasabi sa saindo, sinda nakakua na kan saindang balos.
6 Pero kamo, kun kamo magpapangadye, maglaog sa saindong kuwarto, asin kun ika yaon na sa laog sereduhan an saindong pinto, magpangadye sa saindong Ama na yaon sa sikreto; asin an saindong Ama na nakahiling sa tago, magbabalos sa saindo nin hayagan.
7 Pero kun ika magpangadye, dae ka maggamit nin daeng kamugtakan na mga pabalik-balik, arog kan mga pagano, nin huli ta sinda naghuhuna-huna na sinda pagdadangogon nin huli kan saindang grabeng pagtabil.
8 Dae baya kamo mag-arog sainda, nin huli ta an saindang Ama nakakaaram kan mga bagay na saindong pangangaipo bago pa man kamo maghagad saiya.
9 Sa arog kaining manera kun kaya kamo magpapangadye; Ama nyamo na yaon sa langit, pakabanalon an saimong pangaran.
10 An saimong kagustuhan an mapangyari sa daga na arog ini sa langit.
11 Asin patawadon mo kami kan samuyang kautangan, arog kan pagpapatawad nyamo sa mga parautang.
12 Asin dae mo kami ipagtugot sa tentasyon, kundi iligtas mo kami gikan sa maraot.
13 Nin huli ta saimo an kahadean, asin an kapangyarihan, asin an kamurawayan, sa daeng kasagkoran. Amen.
14 Nin huli ta, kun kamo magpapatawad sa mga tawo kan saindang mga kalapasan an saindong langitnon na Ama magpapatwad man saindo;
15 Pero kun kamo dae magpapatawad sa mga tawo kan saindang mga kalapasan dae man an saindong Ama makapagpatawad sa saindong mga kalapasan.
16 Kadagdagan pa, kun kamo mag-aayuno dae kamo mag-arog sa mga hipokrito, na igwang mamundong lalawgon, nin huli ta saindang pinagpalaen an saindang mga lalawgon na tanganing mahiling sinda kan mga tawo na nag-aayuno. Katotoohan Ako nagsasabi sa saindo, sinda nakatanggap na kan saindang mga balos.
17 Pero kamo, kun kamo mag-aayuno, lanahan nindo an saindong mga payo, asin hugasi an saindong lalawgon;
18 Na tanganing kamo dae mamangnohan kan mga tawo na nag-aayuno, kundi sa saindong Ama, na yaon sa tago; asin an saindong Ama, na nakahiling sa sikreto, magbabalos sa saindo nin hayagan.
19 Dae kamo magtago para saindong sadire nin mga kayamanan sa kinaban, kun saen an mga alibagta asin kalawang an makapgparaot, asin an mga parahabon makalusot asin makapaghabon.
20 Pero magtago kamo para sa mga sadire nindo nin kayamanan sa langit, kun saen dae an mga alibagta ni an kalawang makapagraot, asin kun saen an mga parahabon dae makakalusot asin makapaghabon.
21 Nin huli ta kun saen an saindong kayamanan, yaon man duman an saindong puso.
22 An liwanag kan hawak iyo an mata; kun kaya, kun an saindong mata nagin marhay, an saindong bilog na hawak mapapano nin liwanag.
23 Pero kun an saindong mata nagin maraot, an bilog mong hawak mapapano nin kadikloman. Kun kaya, kun an liwanag na yaon saindo nagin kadikloman, gurano pa daw kaitom an kadikloman na iyan!
24 Mayong tawo na makapagsirbe sa duwang amo; nin huli ta saiyang maaanggutan an saro asin kamumutan an saro, o kaya saiyang mapupugulan an saro asin isisikwal an saro. Dae kamo makapagsirbe sa Diyos asin sa pankinaban na kayamanan.
25 Asin ngonian ini nangyaring naglipas na kan si Jesus nakapagtaram na kaining mga tataramon siya naghiling sa dose na saiyang pinagpili, asin nagsabi sainda: Giromdoma baya an mga tataramon na sakuyang pinagsabi na. Nin huli ta hilnga, kamo iyo sinda na sakuyang pinagpirili tanganing magmiministeryo kaining mga katawohan. Kun kaya ako nagsasabi sa saindo, dae kamo mag-isip para sa saindong buhay, na kun ano an saindong pagkakakanon, o kun ano an saindong pag-iinomon; ni an para sa saindong mga hawak, na kun ano an saindong pagsusul-uton. Bako daw na an buhay mas mahalaga sa pagkakan, asin an hawak kesa pagbado?
26 Hilnga an mga gamgam sa kalangitan, nin huli ta sinda dae nagsasabwag, ni sinda mag-aani ni magtitipon sa mga kamalig; alagad an saindong langitnon na Ama iyo an nagbabahog sainda. Bako daw na kamo mas marhay pa kesa saindo?
27 Siisay daw saindo an may kaisipan na makapagdagdag nin sarong kubito sa saindong panindugon?
28 Asin tadaw baya ta mag-iisip kamo para sa pagbabado? Isipa baya na an mga liryo sa parang kun paano sinda nagtalubo; sinda dae nagbubungkal, ni sinda nagtatahi;
29 Asin alagad ako nagsasabi sa saindo, na maski si Solomon, sa bilog niyang kabantugan, dae nakapagbado na arog kan mga saro kaini.
30 Kun kaya baya, kun an Diyos pinagbabadoan niya an mga awot sa kaparangan, na ngonian panahon iyo pa, asin sa pagkaaga ipagtatapok sa hurno, magin kamo man saiyang pagbabadoan, kun kamo bakong dikit an pagtubod.
31 Kun kaya dae kamo mag-isip, na magsasabi, Ano baya an satuyang kakakanon? O baya, Ano an satuyang iinomon? O baya, Saen kita makakakua nin pagbabadoon?
32 Nin huli ta an saindong Langitnon na Ama nakakaaram na kamo nangangaipo kan gabos na ining mga bagay.
33 Pero hanapon nguna nindo enot an kahadean nin Diyos asin an saiyang pagkamatanos, asin an gabos na ining mga bagay ipagdadagdag na sana saindo.
34 Dae baya kamo magpara-isip para sa pagkaaga, nin huli ta an pagkaaga iyo man sana an mag-iisip para sa mga bagay sa aldaw na yan. Tama sana man ka-aldawan na yan para sa kagabatan kaini.

3 NEPHI TSAPTER 12

2006-05-19T15:14:00.000+08:00

Si Jesus nag-apud asin nagsugo nin dose--- Siya nagbalangibog sa mga Nephita nin sarong diskurso na arog sa Sermon sa Bukid--- Siya nagtaram kan bilog na kapakinabangan--- An saiyang mga katukdoan nangibabaw asin nagribay sa ley ni Moises--- An mga tawo pinagsugo na magin perpekto na magin arog saiya asin kan Ama na perpekto--- Ikumpara sa Mateo 5.

*******

Asin ini nangyaring naglipas na kan si Jesus nakapagtaram na kaining mga tataramon ki Nephi, asin sa sainda na pinag-apud, (ngonian an bilang ninda na pinag-apud, asin nagtanggap nin kapangyarihan asin autoridad na magbunyag, dose) asin hilnga, saiyang pinagbukas an saiyang kamot sa mga katawohan, asin nagkurahaw sa sainda, na nagsasabi: Paladan kamo kun kamo magtatao nin pagdangog sa mga tataramon kaining dose na sakuyang mga pinili gikan sa mga pag-iriba nindo tanganing magministeryo sa saindo, asin magin nindong mga surugoon; asin sa sainda ako nagtao nin kapangyarihan na tanganing sinda puwedeng magbunyag saindo sa tubig; asin pagkatapos na kamo mabunyagan sa tubig, hilnga, ako mabubunyag saindo nin kalayo kan Expiritu Santo; kun kaya paladan kamo kun kamo magtutubod sakuya asin magpabunyag, pagkatapos na kamo makahiling sako asin makaaram na Ako man nanggad.
2 Asin giraray, mas paladan sinda na magtutubod sa saindong mga tataramon nin huli ta sinda magpapatotoo na kamo nakahiling sakuya, asin ta kamo nakaaram na Ako man nanggad. Iyo, paladan sinda na magtutubod sa saindong mga tataramon, asin magbababa pasiring sa kairaroman nin kapakumbabaan asin nagpabunyag, nin huli ta sinda pagbisitahon kan kalayo asin kan Espiritu Santo, asin makakaresibe nin sarong kapatawaran kan saindang mga kasalan.
3 Iyo, paladan sinda na pobre sa espiritu na nagdudulok sakuya, nin huli ta sainda an kahadean nin langit.
4 Asin giraray, paladan sinda na nagmumundo, nin huli ta sinda pakikidamayan.
5 Asin paladan sinda gabos na nagugutom asin napapaha sa pagkamatanos, nin huli ta sinda mapapano kan Espiritu Santo.
7 Asin paladan sinda na pano ninpagkaherak, nin huli ta sinda makakaguno nin pagkaherak.
8 Asin paladan sinda gabos na puro an puso, nin huli ta mahihiling ninda an Diyos.
9 Asin paladan sinda gabos na parapatuninong, nin huli ta sinda pag-aapudon na mga kaarakian nin Diyos.
10 Asin paladan sinda gabos na pinapasakitan nin huli sa sakuyang pangaran, nin huli ta sainda an kahadean nin langit.
11 Asin paladan kamo kun pinagngirihan kamo asin pinagpapasakitan, asin pagtataraman kan gabos na manera nin karaotan laban saindo na bakong katotoohanan nin huli sakuya;
12 Nin huli ta kamo magkakaigwa nin dakulang kaogmahan asin magin grabeng gayo an pag-oogma, nin huli ta dakulaong gayo an saindang pabuya sa langit; nin huli ta pinagpasakitan ninda an mga propeta na nagka-erenot saindo.
13 Katotoohan, katotoohan, Ako nagsasabi sa saindo, Ako nagtao saindo na magin mga sin kan kinaban; pero kun an asin nawaraan na nin panlasa kun saen baya an kinaban pag-aasinan? An asin magigin magpoon ngonian asin sa maabot bako nang may kapakinabangan, kundi ipagtatapok na sana asin pagtimak-timakan na sana sa irarom kan mga bitis nin mga tawo.
14 Katotohanan, katotohanan, Ako nagsasabi sa saindo, Ako nagtao saindo na magin liwanag kaining mga katawohan. An siyudad na ipinagtugdok sa sarong bukid dae maitatago.
15 Hilnga, an mga tawo dae nagsusulo nin sarong kandila asin ipagkaag sa irarom nin sarong balde? Dae, kundi sa ibabaw nin sarong kandeliryo, asin ini nagtatao nin liwanag sa gabos na yaraon sa laog nin harong;
16 Kun kaya tugutan mo an liwanag na mag-ilaw sa atubangan kaining mga katawohan, na tangani saindang magkahiriling an saindong marahay na mga kaggibohan asin magpamuraway sa saindong Ama na yaon sa langit.
17 Dae kamo maghuhuna-huna na Ako nag-abot tanganing destrosohon ko an ley o an mga propeta, Ako dae nag-abot tanganing mandestroso kundi sa pag-utob.
18 Nin huli ta katotohanan Ako nagsasabi sa saindo, sarong tuldok ni sarong kurit dae nagwara gikan sa ley, kundi sa sakuya ini nagin bilog na nautog na.
19 Asin hilnga, Ako nagtao saindo ninley asin kan mga kasugoan kan sakuyang Ama, na tanganing kamo magtubod sakuya, asin tanganing kamo magsosolsol kan saindong mga kasalan, asin magdulok sa sakuya na igwang mapagpakumbabang puso asin sarong mahuyoong espiritu. Hilnga, kamo igwa nin mga kasugoan sa atubangan nindo, asin an ley nautob na.
20 Kun kaya magdulok kamo sa sakuya asin kamo magin ligtas; nin huli ta ako nagsasabi sa saindo, na laen lang na kamo magsusunod sa sakuyang mga kasugoan, na sakuyang pinagsusugo saindo sa panahon na ini, kamo dae nanggad makakalaog pasiring sa kahadean kan langit.
21 Kamo mismo an nakadangog na ini pinagsabi na ninda kaidtong lumang panahon, asin ini pinagsurat para sa saindo, na kamo dae manggadan, asin an siisay man na manggagadan magigin yaon sa delikadong paghuhukom nin Diyos.
22 Pero Ako nagsasabi sa saindo, na an siisay man na naanggot sa saindang tugang (na lalake) magigin delikado sa saiyang paghuhukom. Asin an siisay man na nagsasabi sa saiyang tugang, Raca, magigin delikado sa atubangan nin konseho; asin an siisay man na magsasabi, Ika Boa, magigin delikado sa kalayo nin impiyerno.
23 Kun kaya, kun kamo magdudulok sa sakuya, o magmamawot na magdulok sa sakuya, asin magkagiromdom na an saimong tugang igwa nin anuman kontra saindo---
24 Magpaduman ka sa saimong tugang, asin enot kang makipag-olian sa saimong tugang, asin pagkatapos magdulok ka sa sakuya na igwang bilog na katuyuhan nin puso, asin Ako magreresibe saimo.
25 makipag-olian tulos sa saimong kaiwal habang ika naglalakaw pa sa dalan na kaiba niya, baka sa anumang pagkakataon siya magdadakop saimo, asin ika ipagkunkon sa prisohan.
26 Katotoohan, katotoohan, Ako nagsasabi sa saindo, ika sa anumang paagi dae nanggad makakaluwas sagkod na ika nakapagbayad na sa pinakakantidad na senine. Asin habang ika yaon sa prisohan makapagbayad ka daw maski sarong senine? Katotoohan, katotoohan, Ako nagsasabi sa saindo, Dae.
27 Hilnga, ini ipinagsurat ninda kan sa lumang panahon, na kamo dae makipag-apid;
28 Pero ako nagsasabi sa saindo, na an siisay man na maghihiling sa sarong babae, na may kamawotan saiya, nakapaggibo na nin pakikiapid sa saiyang puso.
29 Hilnga, Ako nagtatao sa saindo nin sarong kasugoan, na dae kamo magtugot kaining mga bagay na maglaog sa saindong puso;
30 Nin huli ta mas marhay pang dae mo ipagbaleng an sadire mo sa mga bagay na ini, kun saen saindong pagdadarahon an saindong krus, kesa na kamo mai-apon pasiring sa impiyerno.
31 Ini naisurat na, na an siisay man na nagpapahale sa saindang agom na babae, tugutan siyang magtao nin sarong kasuratan nin pakipagdiborsiyo.
32 Katotoohan, katotoohan, Ako nagsasabi sa saindo, na an siisay man na nagpapahale sa saiyang agom na babae, nagkausa saiya na makapaggibo nin pakikipag-apid; asin an siisay man na mag-aagom saiya na diborsiyado nakapaggibo na nin adulteryo.
33 Asin giraray ini naisurat na, dae ka manumpa sa saimong sadire, kundi maggigibo ka para sa Kagurangnan kan saimong mga pinagsumpaan;
34 Pero katotoohan, katotoohan, Ako nagsasabi sa saindo, dae ka nanggad magsumpa; ni sa langit, nin huli ta ini trono nin Diyos;
35 Ni sa paagi nin daga, nin huli ta ini tungtungan kan saiyang mga bitis;
36 Ni ika magsusumpa sa paagi kan saimong payo, nin huli ta dae mo kayang gibohon an sarong buhok na itom na magin puti;
37 Kundi gibohon mo na an saimong komunikasyon magin Iyo, na iyo; an Dae, dae; nin huli ta an anuman na minasobra kesa mga ini maraot.
38 Asin hilnga, ini naisurat na, mata sa mata, asin ngipon sa ngipon;
39 Pero Ako nagsasabi sa saindo, na dae ka makilaban sa maraot, kundi an siisay man an magsampaling saimo sa toong pisngi; ipagtao mo pa man an saro;
40 Asin kun an sarong tawo magsusumbong saimo base sa ley asin pagkuahon an saimong tunika tuguti siyang kuahon pa man an saimong talukbong;
41 Asin an siisay man an magpirit saimo na maglakaw nin sarong milya, mag-iba ka saiya nin doble.
42 Magtao ka saiya na naghahagad saimo, asin saiya na magsusubli saimo dae mo pagsasayumahan.
43 Asin hilnga ini naisurat na man, na saimong kamutan an saimong kataid asin mag-anggot ka sa saimong kaiwal;
44 Pero hilnga Ako nagsasabi sa saindo, kamutan mo an saimong mga kaiwal, bendisyuni sinda na nagsusumpa saimo, gumibo nin karahayan sa sainda na nag-aanggot saimo, asin magpangadye para sainda na daeng pakundangan na naggamit saimo asin nagpapasakit saimo;
45 Na tanganing kamo magin kaarakian kan saindong Ama na yaon sa langit; nin huli ta saiyang ginibo na an saldang magsirang sa mga maraot asin sa mga marhay.
46 Kun kaya idtong mga bagay sa lumang panahon, na nakapalaman sa ley, sa sako an gabos nagka-urutob na.
47 An mga lumang bagay pinagwara na, asin an gabos na mga bagay nagin bag-o na.
48 Kun kaya ako nagmamawot na kamo dapat na magin perpekto na arog sako, o arog sa saindong Ama na yaon sa langit na perpekto.

3 NEPHI TSAPTER 11

2006-05-19T11:53:00.000+08:00

Si JesuCristo nagpahiling kan saiyang sadire sa mga katawohan ni Nephi, habang an kadaklan pinagtiripon-tipon na magkasararo sa kadagaan nin kasaganaan, asin nagparatukdo sa sainda; asin sa paaging ini Siya nagpahiling kan sadire niya sa sainda. Pinagkasararo sa Tsapter II hanggan 26 sa kabilugan.

******

An Ama nagpatotoo sa saiyang Namumutan na Ake---Si Cristo nagpahiling asin nagproklama kan saiyang pagbabayad-sala--- An mga katawohan nagdutdot kan lugad na mga marka sa saiyang mga kamot asin mga bitis asin sa may tagiliran--- Sinda nagkururahaw nin Hosanna--- Siya nagmugtak kan paagi asin manera kan pagbubunyag--- An espiritu nin pag-iriwal-iwal iyo an sa diyablo--- An doktrina ni Cristo iyo an mga tawo dapat na magtubod asin mabunyagan asin magtanggap nin Banal na Espiritu.

*******

Asin ngonian ini nangyaring naglipas na igwa nin sarong dakulang gapo nin mga tawo na nagkasararong magkatiripon, kan mga katawohan ni Nephi, na yaraon na nakapalibot sa templo na yaon sa kadagaan nin Masagana; asin sinda nagngangaralas asin naghuhuna-huna sa lambang saro, asin nagpahirilingan sa lambang saro sa dakulaon asin makangalason na pagbabago na nangyari na.
2 Asin sinda nag-oorolayan mapanungod kaining JesuCristo, na saiya an senyal ipinagtao na manungod sa saiyang kagadanan.
3 Asin ini nangyaring naglipas na habang sinda na-oorolay-olay sa lambang saro, sinda nakadangog nin sarong boses na garo baga ini nagluwas sa langit; asin saindang pinagkalag-kalag an sa palibot, nin huli ta dae maintindihan an boses na saindang nadangog; asin idto bakong sarong paas na boses, ni ini sarong makusog na boses; daeng pagkukulang, asin maski na ngani na ini sarong sadit na boses ini nagtadom sainda na nakadangog sa tahaw, na tangani baya na mayong parte kan saindang hawak na ini dae nagkausa nin pagtanyog; iyo, ini nakapagtadom sainda sagkod sa pinakakalag, asin nagkausa sa saindang mga puso na mag-init.
4 Asin ini nangyaring naglipas na giraray nadangog ninda an boses, asin sinda dae nakasabot kaini.
5 Asin giraray sa ikatulong pagkakataon sinda nakadangog nin boses, asin pinagbuksan an saindang mga talinga sa pagdangog kaini; asin an saindang mga mata nakatoon sa piggikanan kan tingog kaini; asin sinda nagputitok sa paghiling sa langit, kun saen an tingog naggikan.
6 Asin hilnga, sa ikatulong pagkakataon saindang nasabutan an boses na saindang nadangog; asin ini nagsabi sainda:
7 Hilnga an sakuyang Namumutan na Ake, na saiya Ako nag-oogmang gayo, na saiya Ako nagpamuraway kan sakuyang pangaran--- Magdangog kamo saiya.
8 Asin ini nangyaring naglipas, habang sinda nakasabot saindang pinaghiling an saindang mga mata sa itaas giraray sa langit; asin hilnga, sinda nakahiling nin sarong Tawo na nagbababa paluwas sa langit; asin siya nababadoan nin puting roba; asin siya nagbababa asin nagtindog sa katahawan ninda; asin an mga mata kan bilog na kadaklan nakatoon sa saiya, asin sinda dae naibuka an saindang mga nguso, magin an saro sa saro, asin dae makahuma kun ano baya an boot sabihon kaini, nin huli ta saindang naisip na idto sarong anghel na nagpahiling sa sainda.
9 Asin ini nangyaring naglipas na saiyang pinag-itaas an saiyang kamot asin nagtaram sa mga katawohan, na nagsasabi:
10 Hilnga, Ako si JesuCristo, na iyo an pinagpatotoo kan mga propeta na magpadigde sa kinaban.
11 Asin hilnga, Ako an liwanag asin buhay kan kinaban; asin Ako nag-inom gikan sa mapaiton na daod na si Ama iyo an nagtao sakuya, asin nagpamuraway sa Ama sa paagi nin pagdara ko sa sakuya kan mga kasalan nin kinaban, na kun saen ako nagsunod sa kagustuhan ni Ama sa gabos na mga bagay magpoon pa sa kapinunan.
12 Asin ini nangyaring naglipas na kan si Jesus nakapagtaram na kan mga bagay na ini an bilog na mga katawohan napaluhod sa daga; nin huli ta saindang nagiromdoman na ini pinagpropesiya na sa pag-iriba ninda na si Cristo magpapahiling kan saiyang sadire sa sainda pagkatapos na siya pinagsakat sa langit.
13 Asin ini nangyaring naglipas na an Kagurangnan nagtaram sa sainda na nagsasabi:
14 Tumindog kamo asin magdurulok sa sakuya, na tanganing kamo makapagdutdot kan saindong mga kamot sa sakuyang tagiliran, asin man na tanganing saindong mamatean an mga imprenta kan mga pako sa sakuyang mga kamot asin sa sakuyang mga bitis, na tanganing kamo makaaram na Ako an Diyos nin Israel, asin an Diyos kan bilog na kinaban, asin pinaggadan para sa mga kasalan kan kinaban.
15 Asin ini nangyaring naglipas na an mga katawohan nagdurulok, asin pinagdutdot an saindang mga kamot sa saiyang tagiliran, asin pinagmate an mga imprenta kan mga pako sa saiyang mga kamot asin sa saiyang mga bitis; asin ini iyo an saindang ginibo, nagdudulok nin saro-saro hanggan sa sinda gabos nakapagdulok na, asin nagkahiriling mismo kan saindang mga mata asin nagmate sa paagi kan saindang mga kamot, asin nakaaram na may kaseguruhan asin nagpatotoo sa rekord, na idto nanggad iyo siya, na iyo idtong pinagsurat kan mga propeta, na dapat na mag-abot.
16 Asin kan sinda gabos nakapagdulok na asin nagkaigwa nin patotoo para sa mga sadire ninda, sinda nagkururahaw na may pagkasararong boses, na nagsasabi:
17 Hosanna! Pagkabanalon nanggad an pangaran kan Mas Pinakahalangkaw na Diyos! Asin sinda nagruluhod sa pamitisan ni Jesus, asin nagsamba saiya.
18 Asin ini nangyaring naglipas na siya nagtaram ki Nephi (nin huli ta si Nephi kairiba nin kadaklan) asin saiya siyang pinag-apud na dapat siyang magdulok.
19 Asin si Nephi nagtindog asin nagdulok, asin nagduko kan saiyang sadire sa atubangan nin Kagurangnan asin naghadok sa saiyang mga bitis.
20 Asin an Kagurangnan nagsugo saiya na dapat siyang magbuhat. Asin siya nagbuhat asin nagtindog sa atubangan niya.
21 Asin an Kagurangnan nagsabi sa saiya: Ako matao sa saimo nin kapangyarihan na ika magbubunyag sa mga katawohan na ini kun Ako giraray masakat na sa langit.
22 Asin giraray an Kagurangnan nag-apod nin iba pa, asin nagsabi sa sainda nin pareho; asin siya nagtao sa sainda nin kapangyarihan sa pagbunyag. Asin siya nagsabi sa sainda: Sa paaging ini kamo magbubunyag; asin dae magkakaigwa nin mga pag-iiriwal-iwal sa pag-iriba nindo.
23 Katotohanan ako nagsasabi sa saindo, na an siisay man an nagsosolsol kan saindang mga kasalan sa paagi kan saindong mga tataramon, asin nagmamawot na mabunyagan sa sakuyang pangaran, sa paaging ini kamo magbunyag sainda--- Hilnga, kamo magduman pababa asin magtindog sa may tubig, asin sa sakuyang pangaran kamo magbunyag sainda.
24 Asin ngonian hilnga, iyo ini an mga tataramon na saindong sasabihon, pag-aapudon sinda sa paagi nin pangaran, na nagsasabi:
25 Sa autoridad na pinagtao sakuya ni JesuCristo, ako mabunyag saimo sa pangaran kan Ama, asin kan Ake, asin kan Espiritu Santo. Amen.
26 Asin pagkatapos saindong ipagpairarom sinda sa tubig, asin iangat giraray paluwas sa tubig.
27 Asin sa arog kaining manera kamo magbubunyag sa pangaran ko; nin huli ta hilnga, katotohanang sinasabi ko saindo, na an Ama, asin an Ake, asin an Espiritu Santo nagkasararo; asin Ako kaiba nin Ama, asin an Ama kaiba ko, asin an Ama asin ako nagkasaro.
28 Asin uyon sa sakuyang pinagsugo sa saindo kaya kamo magbubunyag. Asin dae magkakaigwa nin mga pag-iiriwal-iwal sa pag-iriba nindo, na arog baga kaidtong nangyari; ni magkakaigwa kamo nin pag-iiriwal-iwal sa pag-iriba nindo mapanungod sa mga puntos kan sakuyang doktrina, na arog baga kaidtong nangyari.
29 Nin huli ta katotohanan, katotohanan ako nagsasabi sa saindo, siya na igwa nin espiritu nin paki-iwal iyo an bako sakuya, kundi iyo an sa diyablo, na iyo an ama nin paki-iwal, asin siya iyo an naggagatong sa mga puso nin mga tawo na maki-iwal na may anggot, an saro sa lambang saro.
30 Hilnga, ini bako kong doktrina, na gatungan an mga puso nin mga tawo na may anggot, an saro laban sa saro; pero iyo ini an sakuyang doktrina, na an arog kaining mga bagay dapat na gibohong mahale.
31 Hilnga, katotohanan, katotohanan Ako nagsasabi sa saindo, Ako an magdedeklara sa saindo kan sakuyang doktrina.
32 Asin iyo ini an sakuyang doktrina, asin ini an doktrina na an Ama iyo an nagtao sa sakuya; asin ako nagpapatunay sa Ama, asin an Ama nagpapatunay sa sakuya, asin an Espiritu Santo nagpapantunay sa Ama asin sakuya; asin Ako nagpapatunay na an Ama nagsusugo sa gabos na mga tawo, maski saeng lugar, na magsolsol asin magtubod sa sakuya.
33 Asin an siisay na magtutubod sa sakuya, asin nabunyagan, siya man maliligtas; asin sinda iyo sinda na magmamana sa kahadean nin Diyos.
34 Asin an siisay an dae magtutubod sa sakuya, asin dae nabunyagan, makokondenado.
35 Katotohanan, katotohanan, Ako nagsasabi sa saindo, na iyo ini an sakuyang doktrina, asin ako nagpapatunay kaini na gikan sa Ama; asin an siisay an magtutubod sa sakuya nagtutubod man sa Ama; asin sa saiya an Ama iyo an magpapatunay tungkol sakuya, nin huli ta siya magbibisita saiya sa paagi nin kalayo asin sa paagi kan Espiritu Santo.
36 Asin kaya an Ama iyo an magpapatunay sa sakuya, asin an Espiritu Santo iyo an magpapatunay sa saiya an tungkol sa Ama asin sakuya: nin huli ta an Ama, asin Ako, asin an Espiritu Santo nagkasararo.
37 Asin giraray Ako nagtataram sa saindo, kamo kaipuhan na magsolsol, asin magin arog sa sarong sadit na ake, asin magpabunyag sa pangaran ko, O kamo dae sa paaging ini makakaresibe kaining mga bagay.
38 Asin giraray Ako nagsasabi sa saindo, kamo kaipuhan na magsolsol, asin magpabunyag sa pangaran ko, asin magin arog sa sarong sadit na ake, O kamo dae sa paaging ini makakapagmana nin kahadean nin Diyos.
39 Katotohanan, katotohanan, Ako nagsasabi sa saindo, na iyo ini an sakuyang doktrina, asin an siisay an magtutugdok sa bagay na ini nagtutugdok sa ibabaw kan sakuyang gapo, asin an mga pintuan kan impiyerno dae makakatagal kontra sainda.
40 Asin siisay na magdedeklara nin sobra o kulang kesa kaini, asin nag-establisa kaini pra sa sakuyang doktrina, pareho naggikan sa diyablo, asin dae nakatugdok sa sakuyang gapo; kundi siya nagtutugdok sa ibabaw nin sarong mabuhangin na pundasyon, asin an mga pintuan kan impiyerno nagtitindog na bukas sa pagresibe kaini sa pag-abot kan mga baha asin an mga puro an magpapakal sa sainda.
41 Kun kaya, lakaw kamo sa mga katawohang ini, asin ideklara an mga tataramon na sakuyang pinagsasabi, sagkod sa mga tapos nin kinaban.

3 NEPHI TSAPTER 10

2006-05-19T09:44:00.000+08:00

Nagkaigwa nin katrangkiluhan sa kadagaan sa laog nin kadakul na oras--- An boses ni Cristo nagpromisa na saiyang titiponon an saiyang mga katawohan na arog sa sarong gona na pinagtiripon an saiyang mga siwo--- An mas pinakamatanos na parte kan mga katawohan iyo an pinagpreserba.

*******

Asin ngonian hilnga, ini nangyaring naglipas na an gabos na mga katawohan nin kadagaan nakadangog kaining mga tataramon, asin nagpatotoo kaini. Asin pagkatapos kaining mga tataramon nagkaigwa nin katrangkiluhan sa kadagaan sa laog nin kadakul na mga oras;
2 Nin huli ta grabeng gayo an kangangalasan kan mga katawohan na tanganing sinda nagkapurundo sa pagtatangis asin pagbabangkay nin huli sa pagkawarara kan saindang mga kalahi na nagkagaradan; kun kaya nagkaigwa nin katrangkiluhan sa bilog na kadagaan sa laog nin kadakul na mga oras.
3 Asin ini nangyaring naglipas na igwang nag-abot na sarong boses giraray sa mga katawohan, asin an gabos na mga katawohan nakadangog, asin nagpatotoo kaini, na nagsasabi:
4 O kamong mga katawohan kaining mga bantog na siyudad na nagkaparara, na mga kamakuapuan ni Jacob, iyo, na kabale sa harong ni Israel, magkapirang beses na Ako pinagtitipon ko kamo na arog sa sarong gona na pinagtitiripon-tipon an saiyang mga siwo sa irarom kan saiyang mga pakpak, asin pinangatamanan kamo.
5 Asin giraray, magkapirang beses na Ako pinagtitipon ko kamo na arog sa sarong gona na pinagtitiripon an saiyang mga siwo sa irarom kan saiyang mga pakpak, iyo, O kamong mga katawohan kan harong ni Israel, na nagkahurulog; iyo, O kamong mga katawohan kan harong nin Israel, kamo na nag-eerok sa Jerusalem, arog man kamo na nagkahurulog; iyo, magkapirang beses na Ako pinagtitipon ko kamo na arog sa sarong gona na pinag titiripon-tipon an saiyang mga siwo, asin kamo habo nanggad.
6 O ika na harong nin Israel na sakuyang pinagligtas, nagkapirang beses na Ako pagtitiriponon kamo arog sa sarong gona na pagtitiriponon an saiyang mga siwo sa irarom kan saiyang mga pakpak, kun kamo magsosolsol asin magbalik sa sakuya na may bilog na katuyuhan nin puso.
7 Pero kun dae, O harong ni Israel, an mga lugar na saindong pinag-eerokan magigin mapungawon sagkod sa panahon nin kautuban kan tipan sa saindong mga ama.
8 Asin ngonian ini nangyaring naglipas na pagkatapos na an mga katawohan nakadangog kaining mga tataramon, hilnga, sinda nagpoon sa pagtatangis asin pagbabangkay giraray nin huli sa kawaraan kan saindang mga kalahi asin mga ka-aramiguhan.
9 Asin ini nangyaring naglipas na kaya nangyari sa tulong aldaw an nakaagi. Asin na kaidto sa pagkaagahon, asin an kadikloman nagwara gikan sa lalawgon nin kadagaan, asin an kinaban nagpondo sa pagyuyogyog, asin an mga kagapoan nagpondo sa pagkakabaraak, asin an makangorongirhat na mga agrangay nagporondo na, asin an gabos na makabulingog na kariribokan naglipas na.
10 Asin an daga nagkabirilog man giraray, na ini iyo man sana; asin an pagmumundo, asin an pagtatangis, asin an an pagbabarangkay kan mga katawohan na naligtas an buhay nagkaporondo; asin an saindang pagmumundo nagin pagkaogma, asin an saindang mga pag-agrangay nagin pag-omaw asin pasasalamat sa Kagurangnan na JesuCristo, an saindang Paratubos.
11 Asin kaya baya an mga kasuratan nautob na an pinagtararam kan mga propeta.
12 Asin idtong mas na pinakamatanos na parte kan mga katawohan an nagkariligtas, asin iyo idto sinda na nag-ako sa mga propeta asin dae nanggapo sainda; asin iyo idto sinda na dae nagpabulos nin dugo kan mga banal, an nagkariligtas---
13 Asin sinda pinagligtas asin dae pinaglubog asin na magkarulubong sa daga; asin sinda dae pinaglamos sa kairaroman kan dagat; asin sinda dae pinagsulo nin kalayo, ni sinda pinaghurulog asin magkarurunot sa kagadanan; asin sinda dae pinagdagit nin buhawi; ni sinda pinagdaog kan parong nin aso asin kan kadikloman.
14 Asin ngonian, an siisay an nakabasa, tugutan siyang maka-intende; siya na igwang mga kasuratan, tugutan siyang maghanap kan mga ini, asin mahiling asin manumpungan kun an gabos na ining mga kagadanan asin mga kapahamakan sa paagi nin kalayo, asin sa paagi nin aso, asin sa paagi nin mga unos, asin sa paagi nin mga buhawi, asin paagi nin pagbubuka nin daga tanganing resibihon sinda, asin an gabos na ining mga bagay bakong kautuban kan mga propesiya nin kadakul na mga banal na mga propeta.
15 Hilnga, Ako nagsasabi sa saindo, iyo, kadakul an nagpatotoo kaining mga bagay kan pag-abot ni Cristo, asin pinaggaradan nin huli ta sinda nagpatotoo kaining mga bagay.
16 Iyo, si propetang Zenos nagpatotoo kaining mga bagay, asin man si Zenock nagtaram manungod kaining mga bagay, nin huli ta sinda nagpatotoo lalo na manungod satuya, na iyo an katadaan kan saindang banhi.
17 Hilnga, an satuyang ama na si Jacob nagpatotoo man mapanungod sa sarong katadaaan kan banhi ni Joseph. Asin hilnga, bako daw na kita sarong katadaan kan banhi ni Joseph? Asin an mga bagay na ini na iyo an nagpapatunay sa satuya, bako daw na nasusurat sa mga laminang tanso na an satuyang ama na si Lehi an nagdara paluwas sa Jerusalem?
18 Asin ini nangyaring naglipas na sa paghinapos kan ika-treynta asin apat na taon, hilnga, Ako mapahiling sa saindo na an mga katawohan nin Nephi na pinagligtas, asin man sinda na pinag-apud na mga Lamanita, na pinagligtas, makagibo nin dakulaon na mga pabor na ipinagpahiling sainda, asin darakula na mga biyaya ipinagpabulos sa ibabaw kan saindang mga payo, na tangani baya na sa dae mahaloy pagkatapos na ipagtaas si Cristo pasiring sa kalangitan siya nanggad tunay na nagpahiling kan saiyang sadire sa sainda---
19 Ipinagpahiling an saiyang hawak sa sainda, asin nagparatukdo sa sainda; asin an rekord kan saiyang ministeryo ipagtatao ngonian asin sa maabot. Kun kaya para sa panahon na ini ako matapos na kan sakuyang mga sinasabi.

3 NEPHI TSAPTER 9

2006-05-18T10:00:00.000+08:00

Sa kadikloman an boses ni Cristo nagproklama sa kapahamakan nin kadakul na mga katawohan asin mga siyudad nin huli sa saindang karumputan--- Siya man nagproklama kan saiyang kabanalan, nagbalangibog na an ley ni Moises nautob na, asin nag-imbita sa mga tawo na magdulok saiya asin makakaligtas.

*******

Asin ini nangyaring naglipas na igwa nin sarong boses na nagkadarangog sa pag-iriba kan gabos na mga nag-eerok sa kinaban, sa bilog na rona kaining kadagaan, na nagkukurahaw:
2 Herak man, herak man, herak man kaining mga katawohan; herak man sa mga nag-eerok sa bilog na kinaban laen lang kun sinda magsosolsol; nin huli ta an diyablo nagngingisi, asin an saiyang mga anghel nagkaka-orogma, nin huli sa nagkagaradan na mga akeng magagayon na mga akeng lalake asin mga kababaehan kan sakuyang mga katawohan; asin ini nin huli kan saindang kadaendatahan asin mga karigsokan na sinda baya nagkahurulog!
3 Hilnga, idtong bantog na siyudad nin Zarahemla na sakong pinagsulo nin kalayo, asin an mga nag-eerok duman.
4 Asin hilnga, idtong bantog na siyudad nin Moroni na sakong pinagkausa na maglubog sa mga kairaroman nin dagat, asin an mga nag-eerok duman nagkaralamos.
5 Asin hilnga, idtong bantog na siyudad nin Moronihah na sakong pinagtambunan nin daga, asin an mga nag-eerok duman, tanganing ipagtago an saindang mga kadaendatahan asin an saindang mga karigsokan gikan sa atubangan kan sakong lalawgon, na tanganing an dugo kan mga propeta asin kan mga banal dae makaabot sa sakuya laban sainda.
6 Asin hilnga, an siyudad kan Gilgal pinagkausa kong maglubog, asin an mga nag-eerok duman na tanganing ilubong sa mga kairaroman kan daga;
7 Iyo, asin an siyudad nin Onihah asin an mga nag-eerok duman, asin an siyudad nin Mocum asin an mga nag-eerok duman, asin an siyudad nin Jerusalem asin an mga nag-eerok duman; asin an mga tubig sakong pinagkausa na magribay duman, tanganing ipagtago an saindang mga karumputan asin an mga karigsokan gikan sa atubangan kan sakong lalawgon, na tangani baya an dugo kan mga propeta asin kan mga banal dae na mag-aabot sakuya laban sainda.
8 Asin hilnga, an siyudad kan Gadiandi, asin an siyudad kan Gadiomnah, asin an siyudad nin Jacob, asin an siyudad kan Gimgimno, an gabos na ini sakong pinagkausa na maglubog, asin hinimo kong mga bukid-bukid asin mga lambak an mga kalida duman; asin an mga nag-eerok duman sakong pinaglubong sa mga kairaroman kan daga, tanganing ipagtago an saindang mga karumputan asin karigsokan gikan sa atubangan kan sakong lalawgon, na tanganing an dugo kan mga propeta asin mga banal dae na dapat nanggad makaabot sakuya laban sainda.
9 Asin hilnga, idtong bantog na siyudad kan Jacobugath, na pinag-eerokan kan mga katawohan ni hadeng Jacob, sakuyang pinagkausang masulo nin kalayo nin huli kan saindang mga kasalan asin kan saindang karumputan, na mas grabe pa sa gabos na karumputan kan bilog na kinaban, nin huli kan saindang mga sikretong panggagadan asin mga kumbinasyon; nin huli ta sinda an nagdestroso sa katuninongan kan sakong mga katawohan asin kan gobyerno nin kadagaan; kun kaya sakuyang pinagkausa na sinda magkasurulo, tanganing destrosohon sinda gikan sa atubangan kan sakong lalawgon, na tanganing an dugo kan mga propeta asin kan mga banal dae nanggad dapat na mag-abot pa sakuya laban sainda.
10 Asin hilnga, an siyudad nin Laman, asin an siyudad nin Jash, asin an siyudad nin Gad, asin an siyudad nin Kishkumen, na sakuyang pinagkausang magkasurulo nin kalayo, asin an mga nag-eerok duman, nin huli kan saindang karumputan na paninikwal paluwas kan mga propeta, asin sa panggagapo sainda na sakuyang ipinadara tanganing ideklara sa sainda an mapanungod sa saindang mga karumputan asin kan saindang mga karigsokan.
11 Asin nin huli ta saindang pinagsikwal sinda gabos paluwas, na tanganing dae nagkaigwa nin matatanos sa pag-iriba ninda, ako nagpadara pababa nin kalayo asin tanganing destrosohon sinda, na tanganing an saindang mga karumputan asin mga karigsokan puwedeng maitago gikan sa atubangan kan sakong lalawgon, na tanganing an dugo kan mga propeta asin kan mga banal na sakuyang ipinadara sa pag-iriba ninda dae na mapupuwedeng mag-agrangay sakuya gikan sa daga laban sainda.
12 Asin kadakul pang mga darakulang kapahamakan na sakuyang pinagkausa na mag-abot sa kadagaang ini, asin sa mga katawohang ini, nin huli kan saindang mga karumputan asin kan saindang mga karigsokan.
13 O gabos kamo na pinagligtas nin huli ta mas matatanos kamo kesa sainda, dae daw kamo ngonian magbaralik sa sakuya, asin magsosolsol kan saindong mga kasalan, asin magkabarag-o, na tanganing mabulong ko kamo?
14 Iyo, katotohanang sinasabi ko saindo, kun kamo magdudulok sa sakuya kamo magkakaigwa nin daeng katapusang buhay. Hilnga, an sakong mga takyag nin pagkaherak nakabukas sana para saindo, asin an siisay man an magdudulok, siya sakuyang tatanggapon; asin paladan sinda na magdudulok sa sakuya.
15 Hilnga, Ako si Cristo Jesus an Ake nin Diyos. Ako an naglalang kan mga kalangitan asin kinaban, asin an gabos na mga bagay na yaon sainda. Ako kairiba ni Ama gikan pa sa kapinunan. Ako kaiba ni Ama, asin si Ama kaiba ko; asin sa sako an Ama nagpamuraway kan saiyang pangaran.
16 Ako nag-abot sa sakuyang pagsadire, asin an sakong pagsadire dae ako pinagtanggap. Asin an mga kasuratan mapanungod sa sakuyang pag-abot nautob na.
17 Asin habang kadakul na nagtanggap sakuya, sa sainda sakong pinagtao na magin mga ake nin Diyos; asin magin sa kadakul pa na nagtutubod sa sakuyang pangaran, nin huli ta hilnga, sa paagi ko an pagtubos nag-abot, asin sa sakuya an ley ni Moises nautob na.
18 Ako an liwanag asin an buhay nin kinaban. Ako an Alpha asin Omega, an kapinunan asin an katapusan.
19 Asin kamo magdudulot sa sakuya bako na sa paagi nin pagpapabulos nin dugo; iyo, an saindang mga sakripisyo asin pagsusulo nin mga dulot haharaleon na, nin huli ta ako dae na mag-aako kan saindong mga sakripisyo asin kan saindong pinagsusulong mga dulot.
20 Asin kamo magdudulot nin sarong sakripisyo para sa sakuya nin sarong mapagpakumbabang puso asin sarong mahuyong espiritu. Asin an siisay man na magdudulok sa sakuya na may mapagpakumbabang puso asin kahuyong espiritu, siya sakuyang bubunyagan nin kalayo asin kan Banal na Espiritu, magin arog sa mga Lamanita, nin huli kan saindang pagtubod sakuya sa panahon kan saindang pagbabago, sinda pinagburunyagan nin kalayo asin nin Banal na Espiritu, asin sinda daeng pagkaaram kaini.
21 Hilnga, Ako nag-abot sa kinaban tanganing darahon an pagtubos sa kinaban, tanganing iligtas an kinaban gikan sa kasalan.
22 Kun kaya, an siisay man an nagsosolsol asin minadulok sa sakuya na arog sa sarong sadit na ake, siya sakuyang tatanggapon, nin huli ta sa arog ninda naka-agid an kahadean nin Diyos. Hilnga, nin huli kaini Ako nagtao kan sakuyang buhay, asin kinamtan ko giraray; kun kaya magsolsol, asin magdulok sa sakuya kamong mga poro nin kinaban, asin maligtas.

3 NEPHI TSAPTER 8

2006-05-11T08:26:00.000+08:00

Mga unos, mga linog, mga kalayo, mga buhawi, asin mga pisikal na mga karinsalan nagpapatunay sa pagkakapako ni Cristo--- Kadakul na mga katawohan an nagkaparahamak--- An kadikloman naglakop sa kadagaan sa laog nin tulong aldaw--- Sinda na nagkatarada nagngungoyngoy sa saindang namatean.

*******

Asin ngonian ini nangyaring naglipas na uyon sa satuyang rekord, asin satuyang aram na an mga rekord totoo, nin huli ta hilnga, kaidto sarong hustong tawo iyo an nagtatago sa mga rekord--- nin huli ta siya tunay na naggibo nin kadakul na mga milagro sa pangaran ni Jesus; asin mayo na siisay man na tawo na makapaggibo nin sarong milagro sa pangaran ni Jesus laen lang na siya nakapaglinig na kan lambang kudlit kan saiyang kadaendatahan---
2 Asin ngonian ini nangyaring naglipas, kun mayong kasalaan na ginibo kaining tawo sa mga naglipas kan satuyang panahon, an ika-treynta asin tulong taon an naglipas na;
3 Asin an mga katawohan nagpoon sa paghanap na may dakulang kaigotan para sa senyal na ipinagtao ni propetang Samuel, an Lamanita, iyo, nin huli sa panahon na nagkaigwa nin kadikloman sa laog nin tulong aldaw sa ibabaw kan lalawgon nin kadagaan.
4 Asin nagkaigwa nin pagpoon nin dakulang mga pagdududa asin mga pag-iiriwal-iwal sa pag-iriba kan mga katawohan, maski na ngani sa kadakul na mga senyales an naipahayag na.
5 Asin ini nangyaring naglipas na sa ika-treynta asin apat na taon, sa enot na bulan, sa ika-apat na aldaw kan bulan, nagkaigwa nin sarong dakulaon na bagyo, na dae pa nanunumpungan sa bilog na kadagaan.
6 Asin nagkaigwa man nin sarong unos; asin nagkaigwa nin teribleng pagdadaguldol, na tangani baya ini nakapagyugyog sa bilog na kinaban na garo baga haros ini mababangang gayo na magkapururak.
7 Asin nagkaigwa nin grabe na gayong mga pagkikilat, na dae pa nanunumpungan sa bilog na kadagaan.
8 Asin an siyudad nin Zarahemla nasulo.
9 Asin an siyudad nin Moroni nagtundag sa kairaroman kan dagat, asin an mga naka-erok duman nagkaralamos.
10 Asin an daga nag-usbong sa siyudad nin Moronihah, na an karibay kan siyudad iyo na nagkaigwa nin sarong dakulaon na bukid.
11 Asin nagkaigwa nin sarong dakulaon asin teribleng destruksiyon sa kadagaang parte nin katimogan.
12 Pero hilnga, nagkaigwa nin mas grabe pang kadakulaon asin teribleng destruksiyon sa kadagaan na parte nin kahiragaan; nin huli ta hilnga, an bilog na lalawgon nin kadagaan nagkabarag-o, nin huli sa unos asin kan mga buhawi, asin kan mga pagdadaguldol asin mga pagkikilat, asin an grabe na gayong pagyuyugyog kan bilog na kinaban;
13 Asin an mga katinampuhan nagkabaraak, asin an mga kapatagan kan mga tinampo nagin mayong pakinabang, asin kadakul na patag na lugar nagin maharaphap.
14 Asin kadakul na mga dakula asin bantog na mga siyudad an nagkarulubog, asin kadakul an nagkasurulo, asin kadakul an nagkaruyugyog hanggan sa an mga pagharongon kaini nagkaguruho sa daga, asin an mga nag-eerok duman nagkagaradan, asin an mga lugar nagkabarayaan na mapungawon.
15 Asin igwa nin iba pang mga siyudad na nagkatarada; pero an kadestrosohan kaini grabeng gayo, asin kadakul sa sainda an nagkagaradan.
16 Asin igwa nin iba na nagkadarara paharayo kan buhawi; asin nagkawarara sinda na dae na mapag-araman nin tawo kun anong nangyari, laen lang na sinda naaraman na pinagdagit paharayo.
17 Asin kaya an lalawgon nin bilog na kinaban nagin mayong porma, nin huli sa mga unos, asin kan mga pagdadaguldol, asin kan mga pagkikilat, asin kan paglinog kan daga.
18 Asin hilnga, an mga gapo nagkabaraak sa duwa; sin napagbaranga sa lalawgon kan bilog na kinaban, na tangani baya na an mga ini mananagboan sa saradit na mga pedaso, asin garaak asin garatak, sa bilog na lalawgon nin daga.
19 Asin ini nangyaring naglipas na kan an mga pagdaradaguldol, asin mga pagkikilat, asin pagbagyo, asin pag-unos, asin an mga paglinog kan daga nagpundo na--- nin huli ta hilnga, an mga ini nagtagal sa laog nin tulong oras; asin ini pinagsabi kan iba na an oras naghaloy; daeng pagkukulang, an gabos na ining mga darakula asin teribleng mga bagay nangyari sa laog nin tulong oras--- asin baya hilnga, nagkaigwa nin kadikloman sa lalawgon nin kadagaan.
20 Asin ini nangyaring naglipas na nagkaigwa nin kunop na kadikloman sa bilog na lalawgon nin kadagaan, na tangani baya na an mga nag-eerok na dae napahamak namamatean an sangaw nin kadikloman;
21 Asin dae nagkaigwa nin liwanag, nin huli sa kadikloman, ni mga kandila, ni maski mga karaba; ni magkaigwa nin kalayo na makadukol sa saindang marhay asin grabe kadagang na sunog, na tangani dae nanggad nagkaigwa nin anoman na liwanag;
22 Asin mayo nin anoman na liwanag na mahihiling, ni kalayo, ni kislap, ni an saldang, ni an bulan, ni an mga bitoon, nin huli ta grabeng gayo an mga kunop nin kadikloman na yaon sa lalawgon nin kadagaan.
23 Asin ini nangyaring naglipas na ini nagtagal sa laog nin tulong aldaw na mayong liwanag an nahihiling; asin nagkaigwa nin padagos na dakulang pagmumundo asin pag-amuyong; asin pagtatangis sa pag-iriba kan bilog na mga katawohan; iyo, grabeng gayo an mga pag-agrangay nin mga katawohan, nin huli sa kadikloman asin sa dakulaon na kapahamakan na nag-abot sa sainda.
24 Asin sa sarong lugar sinda nadangog na nagkukururahaw, na nagsasabi: O marhay ngani ta kita nakapagsolsol bago pa man nag-abot ining dakulaon asin teribleng aldaw, asin kuta na an satuyang mga katugangan nagkariligtas, asin sinda dae kuta na nagkasurulo duman sa bantog na siyudad nin Zarahemla.
25 Asin sa ibang lugar sinda nagkadarangog na nagkukururahaw asin nagmumurundo, na nagsasabi: O marhay ngani ta kita nakapagsolsol bago pa man nag-abot ining dakulaon asin teribleng aldaw, asin dae nakagadan asin nakagapo sa mga propeta, asin pinagsikwal-sikwal sinda; na tangani an satuyang mga ina asin an satuyang magagayon na mga akeng babae, asin an satuyang mga kaarakian nagkariligtas, asin dae nagkarulubong duman sa bantog na siyudad nin Moronihah. Asin kaya iyo ini an mga pagtatarangis kan mga katawohan na grabe asin terible.

3 NEPHI TSAPTER 7

2006-05-10T15:10:00.000+08:00

An pinakapamayong huwes ginadan, an gobyerno pinag-agaw, asin an mga katawohan nagkabaranga sa mga tribu--- si Jacob, an anti-cristo, nagin hade kan iga kan mga tribu--- si Nephi nagparabalangibog nin pagsosolsol asin pagtubod ki Cristo--- Mga anghel an nagmiministro sa saiya aro-aldaw, asin saiyang binuhay an saiyang tugang gikan sa kagadanan--- Kadakul an nagsorolsol asin nagpabunyag.

*******

Ngonian hilnga, ako magpapahiling sa saindo na sinda dae nag-establisa nin sarong hade sa bilog na kadagaan; pero sa kaparehong taon, iyo, an ika-treyntang taon, saindang pinagdestroso an tukawan nin paghuhukom, iyo, ginadan an pinakapamayong huwes nin kadagaan.
2 Asin an mga katawohan nagkabaranga kontra sa lambang saro; asin sinda nagbarangaan sa lambang saro na nagin mga tribu, asn lambang tawo uyon sa saiyang pamilya asin sa saiyang mga kalahi asin mga amigo; asin kaya saindang pinagdestroso an gobyerno nin kadagaan.
3 Asin an lambang tribu nagngaran nin sarong pinakapamayo o sarong lidr na mangingibaw sainda; asin kaya sinda nagin mga tribu asin mga lideres kan mga tribu.
4 Ngonian hilnga, mayo ni sarong tawo sa pag-iriba ninda laen lang na siya may grabeng pamilya asin kadakul na mga kalahi asin mga kaamigo; kun kaya an saindang mga tribu nagin grabeng gayo kadakula.
5 Ngonian an gabos na ini pinagpangyari, asin dae nagkaigwa nin mga giyera sa pag-iriba ninda; asin an gabos na ining mga kadaendatahan nag-abot sa mga katawohan nin huli ta sinda nagtugot kan saindang mga sadire na mapasa-irarom sa kapangyarihan ni Satanas.
6 Asin an mga regulasyones kan gobyerno pinagdestroso, nin huli kan sikretong kumbinasyon kan mga mag-aramigo asin mga kalahi ninda na nagparapagadan sa mga propeta.
7 Asin sinda an nagkausa nin sarong dakulaon na pag-iiriwal-iwal sa kadagaan, na tangani baya an pinakamatanos na parte kan mga katawohan haros gabos nagin marurumpot; iyo, nagkaigwa sanang kadikit na mga matatanos na mga tawo sa pag-iriba ninda.
8 Asin kaya anom na taon dae naglipas magpoon pa na an kadaklan na mga parte kan mga tawo na nagrayo gikan sa saindang pagkamatanos, arog kan ayam sa saiyang sinuka, o arog kan orig sa saiyang kinalulub-ugan.
9 Ngonian ining sikretong kumbinasyon, na iyo an nagdara sa dakulang kadaendatahan sa mga katawohan, na nagkasararong magkatiripon-tipon kan saindang mga sadire, asin nagbugtak bilang pamayo an sarong tawo na saindang pinag-apud na si Jacob;
10 Asin saindang pinag-apod siya na saindang hade; kun kaya siya nagin sarong hade na nangingibabaw kaining mga marurumpot na iribahan; asin siya saro sa mga pinakapamayo na nagtao kan saiyang boses laban sa mga propeta na nagpatotoo ki Jesus.
11 Asin ini nangyaring naglipas na sinda bako man makusog an bilang na arog sa mga tribu kan mga katawohan, na iribahang nagkasararo laen lang kan saindang mga lider na pinag-establisa an saindang mga leyes, an lambang saro uyon sa saiyang tribu; daeng pagkukulang na sinda magkalaban-laban; na maski na ngani na sinda bako man mga matatanos na mga katawohan, alagad sinda sararo sa pagka-anggot sa sainda na naglaog sa sarong tipan na destrosohon an gobyerno.
12 Kun kaya, si Jacob na nahiling na an saindang mga kalaban mas kadakul an bilang kesa sainda, siya bilang hade kan iribahan, kun kaya siya nagsugo sa saiyang mga katawohan na sinda maglalakbay pasiring sa may pinakanorteng parte nin kadagaan, asin duman ipamugtak an saindang mga sadire sa sarong kahadean, hanggan sinda pag-iribahan kan mga parakontra, (nin huli ta saiyang nagkadaragka sinda na tanganing magkaigwa nin kadakul na mga parakontra) asin sinda nagin supersiyenteng makusog sa pakipaglaban sa mga tribu kan mga katawohan; asin sainda ining naggibo.
13 Asin magin mabilison an saindang pagmartsa na ini dae puwedeng mapugulan hanggan sinda nakarayong gayo na dae puwedeng maabot kan mga katawohan. Asin kaya nagtapos an ika-treyntang taon asin kaya iyo ini an mga pangyayari kan mga katawohan ni Nephi.
14 Asin ini nangyaring naglipas na sa ika-treynta asin enot na taon na sinda nagkabaranga sa mga tribu, an lambang tawo uyon sa saiyang pamilya, lahi asin mga amigo; daeng pagkukulang sinda mag-uruyon sa sarong kasundoan na sinda dae nanggad makigiyera sa saro kontra sa iba; pero sinda dae nagkasararo uyon sa saindang mga ley, asin sa saindang manera nin panggogobyerno, nin huli ta an mga ini pinag-establisa na uyon sa kaisipan kan saindang mga namamayo asin kan saindang mga lider. Pero sinda nag-establisa nin grabe ka-estriktong mga ley na an sarong tribu dae nanggad makikiaram kontra sa saro, na tangani baya na sa kamugtakang ini sinda nagkaigwa nin katuninongan sa kadagaan; daeng pagkukulang, an saindang mga puso nagtaralikod gikan sa Kagurangnan nindang Diyos, asin saindang pinaggagapo an mga propeta asin saindang pinagpapaluwas sinda gikan sa pangon ninda.
15 Asin ini nangyaring naglipas na si Nephi--- pagkatapos na siya pinagbisita kan mga anghel asin man kan tingog nin Kagurangnan, kun kaya kan makahiling nin mga anghel, asin bilang nakahiling na testigo, asin nagkaigwa nin kapangyarihan na pinagtao sa saiya na tanganing saiyang maaraman an manungod sa ministeryo ni Cristo, asin man bilang nakahiling na testigo sa saindang madaleon na pagtalikod gikan sa pagkamatanos pasiring sa saindang pagkamarurumpot asin mga karigsokan;
16 Kun kaya, bilang nagmumundo para sa katagasan kan saindang mga puso asin kabulagan kan saindang mga kaisipan--- naglakaw pasiring sa mga pangon ninda sa taon man sanang idto, asin nagpoon sa pagpapatotoo, sa bilog na boot, nin pagsosolsol asin kapatawaran kan mga kasalan sa paagi kan pagtubod sa Kagurangnan na JesuCristo.
17 Asin siya nagministeryo nin kadakul na mga bagay sa sainda, asin an gabos kan mga ini dae maisusurat asin an sarong parte ninda dae makaigo, kun kaya sinda dae maisurat sa lirong ini. Asin si Nephi nagministeryo na may kapangyarihan asin may dakulang autoridad.
18 Asin ini nangyaring naglipas na sinda nagka-aranggot saiya, magin nin huli ta siya igwa nin mas dakulang kapangyarihan kesa sainda, nin huli ta ini bakong posible na puwede nindang mapahimutikan an saiyang mga tataramon, nin huli ta grabeng gayo an saiyang pagtubod sa Kagurangnan na si JesuCristo na tangani baya an mga anghel iyo an nagministeryo sa saiya aro-aldaw.
19 Asin sa pangaran ni Jesus siya nakapagpahale nin mga diyablo asin maaating mga espiritu, asin magin an saiyang tugang na lalake binuhay niya gikan sa pagkagadan, pagkatapos na siya pinaggarapo asin nagsapo nin kagadanan sa paagi kan mga tawo.
20 Asin an mga katawohan saksi kaini, asin nagpatotoo kaini, asin nagka-aranggot saiya nin huli sa saiyang kapangyarihan; asin siya nakagibo man nin kadakul-dakul na gayong mga milagro, sa paghilingon kan mga katawohan, sa pangaran ni Jesus.
21 Asin ini nangyaring naglipas na an ika-treynta asin sarong taon naglipas na, asin nagkaigwa nin kadikiton na nagkabarag-o para sa Kagurangnan; pero habang kadakul an nagkabarag-o na tunay na nagsasabi sa mga katawohan na sinda nagkabirisita sa paagi nin kapangyarihan asin Espiritu nin Diyos, na yaon ki JesuCristo, na iyo an saindang pinagtutubod.
22 Asin habang kadakul na mga diyablo an saindang pinagparuluwas gikan sa sainda, asin nagkararahay kan saindang mga kahelangan asin kan saindang mga kamatean, na iyo an tunay na nagpapahiling sa mga katawohan na sinda piangparahay sa paagi kan Espiritu nin Diyos, asin nagkaburulong; asin sinda padagos na nagpahiriling nin mga senyales man asin naggibo nin iba pang mga milagro sa pangon nin mga katawohan.
23 Kaya naglipas an ika-treynta asin duwang taon man. Asin si Nephi nagngangayo-ngayo sa mga katawohan sa pagpoon kan ika-treynta asin tulong taon; asin siya nagparabalangibog sa sainda nin pagsosolsol asin kapatawaran nin mga kasalan.
24 Ngonian ako gustong gayo na magpapagiromdom man, na mayo nin siisay na pinagdara pasiring sa pagsosolsol na dae pinagbunyagan nin tubig.
25 Kun kaya, nagkaigwa nin pinag-ordinahan si Nephi, mga kalalakehan sa saiyang ministeryo, na an gabos na magdudulok sa sainda dapat na mabunyagan nin tubig, asin ini bilang sarong testigo asins arong patotoo sa atubangan nin Diyos, asin sa mga katawohan, na sinda makapagsosolsol asin makapagresibe nin sarong kapatawaran kan saindang mga kasalan.
26 Asin nagkaigwa nin kadakulon sa pagpoon kan tawong ini na nagkaburunyagan sa pagsosolsol; asin kaya an dagdag parte kan taon naglipas na.

3 NEPHI TSAPTER 6

2006-05-05T08:41:00.000+08:00

An mga Nephita nag-arasenso--- Kapaabaw-abawan, kayamanan, asin an pagpalaen-laen nin klase nagpoon--- An Simbahan nabanga kan mga pagsuruhay-suhayan--- Si Satanas an nangenotan sa mga katawohan sa lantarang rebelyon--- Kadakul na mga propeta an nagbalangibog nin pagsosolsol asin pinaggaradan--- An saindang mga paragadan nakipagsabwatan tanganing agawon an pangogobyerno.

*******

Asin ngonian ini nangyaring naglipas na an mga katawohan kan mga Nephita nagbaralik gabos sa saindang mga sadireng kadagaan sa ika-beynte asin anom na taon, an lambang tawo, kairiba an saiyang pamilya, an saiyang mga kakarnerohan asin an saiyang mga hayupan, an saiyang mga kabayo asin an saiyang kabakahan, asin an gabos na mga bagay na anuman na pagsasadire ninda.
2 Asin ini nangyaring naglipas na sinda dae nakakan an gabos nindang mga balon; kun kaya saindang pinagdara kairiba ninda an gabos na dae ninda pinagkarakan, an gabos na butil sa lambang klase, an saindang bulawan, an saindang plata, asin an gabos nindang mamahalon na mga bagay, asin sinda nagbaralik sa saindang mga sadireng kadagaan asin saindang mga pagsasadire, pareho sa may norte asin sa may sur, pareho sa may kadagaan panorteng parte asin sa kadagaan sa may sur na parte.
3 Asin sinda nagtao sa mga tulisan na naglaog sa sarong tipan tanganing pangatamanan an katuninongan sa kadagaan, na nagmamawot na magtener bilang mga Lamanita, mga kadagaan, uyon sa saindang mga numero, na sinda puwedeng magkaigwa, sa sadire nindang mga trabaho, na kun saen puwedeng pagkakakitaan; asin kaya sinda nag-establisa nin katuninongan sa bilog na kadagaan.
4 Asin sinda nagpoon na mag-arasenso giraray asin nagin kadakulon; asin an ika-beynte asin anom asin pitong mga taon naglipas, asin nagkaigwa nin sarong dakulaon na kahusayan sa kadagaan; asin sinda nagporma nin mga leyes uyon sa pagkapantay-pantay asin hustisya.
5 Asin ngonian mayo sa bilog na kadagaan an puwedeng nagsagabal sa mga katawohan para mag-arasenso padagos, laen lang kun sinda magkahurulog pasiring sa paglalapas.
6 Asin ngonian iyo ini si Gidgiddoni, an hukom, Lachoneus, asin sinda na pinagnombraran na mga lideres, na iyo an nag-establisa kaining dakulaon na katuninongan sa kadagaan.
7 Asin ini nangyaring naglipas na nagkaigwa nin kadakul na mga siyudad na bag-ong pinagturogdok, asin igwa nin kadakul na mga siyudad na pinagpakarahay.
8 Asin nagkaigwa nin kadakul na mga halabang tinampo an pinaghimo, asin kadakul na dalan an pinaggigiribo, na magpapasiring gikan sa sarong siyudad hanggan sa sarong siyudad, asin gikan sa sarong kadagaan pasiring sa sarong kadagaan, asin gikan sa sarong lugar pasiring sa sarong lugar.
9 Asin kaya naglipas an ika-beynte asin otsong taon, asin an mga katawohan nagkaigwa nin padagos na katuninongan.
10 Pero ini nangyaring naglipas na sa ika-beynte asin siyam na taon nagkaigwa nin pagpopoon kan pag-iiriwal-iwal sa pag-iriba nin mga katawohan; asin an iba pinagpa-itaas sa kapaabaw-abawan asin mga paghahambog nin huli sa kagrabeng gayo kadakul nindang kayamanan, iyo, magin sagkod sa kadakulon na mga persekusyon;
11 Nin huli ta igwa nin kadakul na mga negosyante sa kadagaan, asin man kadakul na mga abugado, asin kadakul na mga opisyales.
12 Asin an mga katawohan nagpoon na midbidon sa paagi nin mga ranggo, na uyon sa saindang mga kayamanan asin sa saindang mga pagkakataon para makapag-adal; iyo, an iba nagin ignorante nin huli sa saindang pagtitios, asin an iba nakapagresibe nin halangkaw na pinag-adalan nin huli sa saindang mga kayamanan.
13 An iba naging mapaglangkaw sa kapaabaw-abawan, asin an iba nagin grabe an kapakumbabaan; an iba nagbabalos nin kakulugan sa pangungulog, habang an iba nagreresibe nin pangungulog asin persekusyon asin gabos na manera nin mga kasakitan, asin habong magbalos asin magpahamak giraray, pero nagin mapagpakumbaba asin nagbabasol sa atubangan nin Diyos.
14 Asin kaya nagkaigwa nin dakulang dae pagkakapantay-pantay sa bilog na kadagaan, na tangani baya na an simbahan nagpoon na magkabaranga-banga; iyo, na tangani baya sa ika-trentang taon an simbahan nagkabarangan sa bilog na kadagaan laen lang sa nagkapirang mga Lamanita na nagkabarag-o sa totoong pagtutubod; asin sinda habo nanggad maghale gikan kaini, nin huli ta sinda nagin pusog, asin naninindugan, asin dae mahihiro, bilog an boot na may paghihingoha na magsunod sa mga kasugoan nin Kagurangnan.
15 Ngonian an kausa kaining kadaendatahan kan mga katawohan iyo ini--- si Satanas igwa nin dakulaon na kapangyarihan, na hikayaton an mga katawohan na gibohon an gabos na manera nin kadaendatahan; asin sa pagsusunson sainda sa kapaabaw-abawan, tinitentaran sinda na maghanap para magkaigwa nin kapangyarihan, asin autoridad, asin mga kayamanan, asin nin mga daeng kamugtakan na mga bagay nin kinaban.
16 Asin kaya si Satanas an nagdara sa mga puso nin mga katawohan na gumibo nin gabos na manera nin kadaendatahan; kun kaya sinda nagdanas nin katuninongan pero sa laog nin nagkapirang mga taon sana.
17 Asin kaya, sa pagpoon nin ika-treyntang taon--- na an mga katawohan nagkadaragka na sa espasyo nin halawig na panahon na magkadarara nin mga tentasyon kan diyablo sa anuman na saiyang kamawotan na darahon sinda, asin gibohon an anuman na kadaendatahan na saiyang pinagmamawot na dapat na gibohon ninda--- asin kaya sa pagpoon kaini, an ika-treyntang taon, sinda yaon sa estado nin malalang karigsokan.
18 Ngonian sinda dae nagkasala sa kaignorantehan, nin huli ta sinda nakakaaram sa kagustuhan nin Diyos mapanungod sa sainda, nin huli ta ini ipinagtukdo na sa sainda; kun kaya sinda tuyong gayo na nagrebelde kontra sa Diyos.
19 Asin ngonian ini yaon sa laog kan mga aldaw ni Lachoneus, an akeng lalake ni Lachoneus, nin huli ta si Lachoneus iyo an nagtukaw sa tukawan kan saiyang ama asin iyo an namamahala sa mga katawohan kan taon na idto.
20 Asin nagkaigwa nin pagpoon nin mga tawso na inspirado gikan sa langit asin ipinagpadaras, nagtitindog sa pag-iriba nin mga katawohan sa bilog na kadagaan, nagbabalangibog asin pusog na nagpapatotoo kan mga kasalanan asin mga kadaendatahan nin mga katawohan, asin nagpapatotoo sa sainda manungod sa pagbabalukat na an kagurangnan iyo an maggigibo para sa saiyang mga katawohan, o sa ibang mga tataramon, an pagkabuhay-liwat ni Cristo; asin sinda pusog na nagpatotoo kan saiyang pagkagadan asin mga pagsakit.
21 Ngonian igwa nin kadakul na mga katawohan na grabeng gayo an pagka-anggot nin huli sainda na nagpatotoo sa mga bagay na ini; asin sinda na nagka-aranggot iyo man sana an mga pamayong mga huwes, asin sinda na haloyon nang mga haralangkaw na mga kapadean asin mga abugado; iyo, gabos sindang mga abugado nagka-aranggot sa sainda na nagpatotoo kaining mga bagay.
22 Ngonian mayong abugado ni huwes ni halangkaw na pade na may kapangyarihan tanganing kondenaron an siisay man sa kagadanan laen lang kun an saindang kondenasyon pirmado mismo kan gobernador nin kadagaan.
23 Ngonian nagkaigwa nin kadakul sainda na nagpatotoo sa mga bagay mapanungod ki Cristo na pusog an saindang patotoo, na pinagdarakop asin sikretong pinagparapagadan kan mga huwes, na an kaaraman kan saindang pagkagadan dae nakaabot sa gobernador nin kadagaan sagkod pagkatapos kan saindang kagadanan.
24 Ngonian hilnga, ini kontra sa mga leyes nin kadagaan, na an siisay man na tawo dapat na gadanon laen lang kun sinda igwa nin kapangyarihan gikan sa gobernador nin kadagaan---
25 Kun kaya sarong reklamo an nakaabot sa kadagaan nin Zarahemla, pasiring sa gobernador nin kadagaan, kontra kaining mga huwes na iyo an nagkondena sa mga propeta nin Kagurangnan sa kagadanan, na bakong uyon sa ley.
26 Ngonian ini nangyaring naglipas na sinda dinarakop asin dinarara sa atubangan kan huwes, tanganing paghukuman sa krimen na saindang nagkaginibohan, uyon sa ley na ipinagtao kan mga katawohan.
27 Ngonian ini nangyaring naglipas na idtong mga huwes igwa nin kadakul na mga amigo asin kalahi; asin an katadaan, iyo, magin an haros gabos na mga abugado asin mga haralangkaw na mga kapadean, nagkatiripon-tipon an saindang mga sadire na magkasararo, asin nakisumaro sa mga kalahi kaining mga huwes na huhusayon uyon sa ley.
28 Asin sinda naglaog sa sarong tipan an saro para sa iba, iyo, magin idtong tipan na ipinagtao sainda kan luma pa, na an tipan pinagtao asin pinagpamahalaan kan diyablo, na mag-iribahan laban sa gabos na pagkamatanos.
29 Kun kaya sinda nagka-iribahan kontra sa mga katawohan nin Kagurangnan, asin naglaog sa sarong tipan tanganing destrosohon sinda, asin iligtas sinda na nagkasala nin panggagadan gikan sa kapot ni hustisya, na ipagpapataw uyon sa ley.
30 Asin sinda nagkauroyon na ibalewala an ley ain an mga deretso kan saindang banwaan; asin sinda nakipagtipan sa lambang saro na destrosohon an gobernador, asin mag-establisa nin sarong hade sa bilog na kadagaan, na an kadagaan dapat bako nang uyon sa libertad pero dapat na maipa-irarom sa mga hade.