An Libro Ni Mormon (An Saro Pang Tipan Ni Jesucristo)

Si Aaron nagtutukdo sa mga Amalekita mapanungod ki Cristo asin kan saiyang pagbabayad-sala --- Si Aaron asin an saiyang mga katugangan napriso sa Middoni --- Pagkatapos kan saindang pagkaligtas sinda nagtukdo sa mga sinagoga asin nakahimo nin kadakul na mga nagbalik-boot --- Si Lamoni naggawad nin relihiyosong kalayaan sa mga katawohan sa kadagaan nin Ishmael.

*******

Ngonian kan si Ammon asin an saiyang mga katugangan nagseparado kan saindang mga sadire sa may mga kasagkoran kan kadagaan nin mga Lamanita, hilnga si Aaron pinili an saiyang paglakbay pasiring sa kadagaan na pinag-apud kan mga Lamanita, na Jerusalem, na pinag-aapud ini susog sa kadagaan na ginikanan kan saindang mga ama; asin idto kaidto harani sa mga kasagkoran nin Mormon.
2 Ngonian an mga Lamanita asin mga Amalekita asin an mga katawohan nin Amulon nagtugdok nin sarong dakulang siyudad, na pinag-aapud na Jerusalem.
3 Ngonian an mga Lamanita sa sainda man sana ngana nang gayo an pagkatagas, pero an mga Amalekita asin an mga Amulonita iyo man kangana an pagkatagas; kun kaya sinda an nagkausa sa mga Lamanita na dapat magpatagas kan saindang mga puso, na sinda grabe kakusog an karigsokan asin an saindang mga karumputan.
4 Asin ini nangyaring naglipas na si Aaron nag-abot sa siyudad nin Jerusalem, asin enot nagpoon na magbalangibog sa mga Amalekita. Asin siya nagpoon na magbalangibog sainda sa saindang mga sinagoga, nin huli ta sinda nagtugdok nin mga sinagoga na susog sa orden nin mga Nehor; nin huli ta kadakul sa mga Amalekita asin mga Amulonita na nagsususog sa orden nin mga Nehor.
5 Kun kaya, habang si Aaron naglaog sa saro sa mga sinagoga ninda na tanganing magbalangibog sa mga katawohan, asin habang siya nagtataram sa sainda, hilnga igwa nin sarong Amalekita na nagtindog asin nagpoon na makipagdiskusyunan saiya, na nagsasabi: Ano iyang saimong pinagtetestigo? Nakahiling ka na daw nin sarong anghel? Tadaw ta an mga anghel habong magpahiling sa samuya? Hilnga bako daw na an mga katawohang ini sarong marhay arog kan saimong mga katawohan?
6 Ika man nagsasabi, laen lang na kun kami magsosolsol kami mapapara. Paano mong gayo nagkakaararaman na kami bakong sarong matanos na mga katawohan? Hilnga, kami nagturugdok nin mga sanktuwaryo, asin kami pinag-aasembliya nyamo an samuyang mga sadire na magkatiripon sa pagsamba sa Diyos. Kami nagtutubod na an Diyos iyo an magliligtas sa gabos na mga tawo.
7 Ngonian si Aaron nagsabi sa sainda: Nagtutubod daw kamo na an Ake nin Diyos mapadigde sa pagtubos sa bilog na mga katawohan gikan sa saindang mga pagkakasala?
8 Asin si tawo nagsabi sa saiya: Kami dae nagtutubod na ika nakakaaram na gayo kan anuman kaining bagay. Kami dae nagtutubod kaining mga kalokohang tradisyon. Kami dae nagtutubod na ikaw nakakaaram na gayo kan mga bagay na maarabot, ni kami nagtutubod na an saimong mga ama asin man na an samuyang mga ama nakaaram manungod sa mga bagay na saindang ipinagtataram, kan mga bagay na maarabot.
9 Ngonian si Aaron nagpoon na buklaton an mga eskritura para sa sainda manungod sa pagpadigde ni Cristo, asin man manungod sa pagkabuhay-liwat nin mga gadan, asin na dae magkakaigwa nin pagtubos sa bilog na katawohan laen lang kun ini sa paagi nin kagadanan asin mga kasakitan ni Cristo, asin an pagbabayad-sala kan saiyang dugo.
10 Asin ini nangyaring naglipas habang siya nagpapaliwanag kaining mga bagay para sainda sinda nagka-aranggot sa saiya, asin nagpoon na pagparatuya-tuyaon siya; asin sinda habong magdangog sa mga tataramon na saiyang pinagtataram.
11 Kun kaya, kan saiya nang nahiling na sinda habo nang magdadangog kan saiyang mga tataramon, siya naghale paluwas sa saindang sinagoga, asin nakaabot sa sarong baryo na pinag-aapud na Ani-Anti, asin duman saiyang nanagboan si Muloki na nagbabalangibog nin tataramon para sa sainda; asin man Ammah asin an saiyang mga katugangan. Asin sinda nakipaglaban sa kadakul mapanungod sa tataramon.
12 Asin ini nangyaring naglipas na saindang nahiling na an mga katawohan pinagpapatagas an saindang mga puso, kun kaya sinda nagharale asin nagpaduman pasiring sa kadagaan nin Middoni. Asin sinda nagbalangibog nin tataramon para sa kadaklan, asin nagkapira sana an nagtubod sa mga tataramon na saindang pinagtutukdo.
13 Daeng pagkukulang, si Aaron asin nagkapirang numero kan saiyang mga katugangan dinarakop asin ipinagkunkun sa prisohan, asin an tada sainda nakadurulag paluwas sa kadagaan nin Middoni pasiriring sa mga rehiyon sa palibot.
14 Asin sinda na nakunkun sa prisohan nagsakit nin kadakul na mga bagay, asin sinda ipinagligtas sa paagi kan kamot ni Lamoni asin Ammon, asin sinda pinakakan asin binadoan.
15 Asin sinda nagpadagos giraray sa pagdeklara nin tataramon, asin kaya sinda iniligtas sa enot na pagkakataon paluwas sa prisohan; asin kaya sinda nagsakit.
16 Asin sinda nagpaduman sa manlaen-laen na lugar kun saen sinda pinagsusugo kan Espiritu nin Kagurangnan, nagpaparabalangibog nin tataramon nin Diyos sa kada sinagoga kan mga Amalekita, o sa kada asembliya kan mga Lamanita kun saen sinda inaako.
17 Asin ini nangyaring naglipas na an Kagurangnan nagpoon sa pagbendisyon sainda, nin huli kaini kadakul sindang nadara sa kaaraman nin katotoohan; iyo, sinda nakapagkumbinse sa kadaklan kan saindang mga kasalanan, asin kan mga tradisyon kan saindaing mga ama, na anas bakong tama.
18 Asin ini nangyaring naglipas na si Ammon asin Lamoni nagbalik gikan sa kadagaan nin Middoni pasiring sa kadagaan nin Ishameal, na iyo an kadagaan na saindang kamanahan.
19 Asin si hadeng Lamoni habong magtugot na si Ammon magsirbe saiya, o magi niyang surugoon.
20 Pero siya nagkausa na dapat na magkaigwa nin mga sinagogang itutugdok sa kadagaan nin Ishmael; asin siya nagkausa na an saiyang mga katawohan, o an mga katawohan na saiyang nasasakupan, na dapat mag-asembliya sinda kan saindang mga sadire na magkasararo.
21 Asin siya nag-ogmang gayo para sainda, asin siya nagtukdo sainda nin kadakul na mga bagay. Asin siya man nagdeklara sa sainda na sinda an sarong katawohan na nasasakupan niya, asin na sinda sarong libreng mga katawohan, na sinda libre na gikan sa pagkasakop kan hade, saiyang ama; nin huli kaini an ama niya iginawad na sa saiya na siya sana an puwedeng magsakop sa mga katawohan na nag-eerok sa kadagaan nin Ishmael, asin sa bilog na kadagaan sa palibot.
22 Asin saiya man ipinagdeklara sainda na sinda puwedeng igwa nin libertad sa pagsasamba sa Kagurangnan saindang Diyos na uyon sa saindang mga pagmamawot, sa arin man na lugar na yaon sinda, kun ini baga yaon pa sa kadagaan na nasasakupan ni hadeng Lamoni.
23 Asin si Ammon nagparabalangibog para sa mga katawohan ni hadeng Lamoni; asin ini nangyaring naglipas na siya nagtukdo sainda kan gabos na mga bagay manungod sa mga bagay na panungod sa pagkamatanos. Asin saiya sindang pinapagiromdoman aro-aldaw, na may bilog na kaigotan; asin sinda nagtao nin pagdangog sa saiyang tataramon, asin sinda nagin mahingoha sa pag-utob sa mga kasugoan nin Diyos.