<$BlogRSDUrl$>

Friday, December 16, 2005

ALMA TSAPTER 24 

Ang mga Lamanita nag-abot sa pakipaglaban kontra sa mga katawohan nin Diyos --- An mga Anti-Nephi-Lehies nag-orogma ki Cristo asin pinagbisita kan mga anghel --- Sinda nagpili na magsapo nin kagadanan kesa idepensa an saindang mga sadire --- Kadakul pang mga Lamanita an nagkabarag-o.

*******

Asin ini nangyaring naglipas na an mga Amalekita asin an mga Amulonita asin an mga Lamanita na yaraon sa kadagaan nin Amulon, asin man sa kadagaan nin Helam, asin idtong yaraon sa kadagaan nin Jerusalem, asin sa madaling sabi, yaraon sa gabos na kadagaan na nakapalibot, na dae nagkabarag-o asin dae ninda dinara an pangaran na Anti-Nephi-Lehi, pinurukaw kan mga Amalekita asin kan mga Amulonita na magka-aranggot kontra sa saindang mga katugangan.
2 Asin an saindang pagka-anggot nagin grabeng gayo laban sainda, magin hanggan sa sinda nagpoon na magrebelde kontra sa saindang hade, grabeng gayo na sinda habo na na siya pa an saindang hade; kun kaya, sinda nagkarapot nin armas laban sa mga katawohan kan Anti-Nephi-Lehi.
3 Ngonian iginawad kan hade an kahadean sa saiyang akeng lalake, asin saiya siyang pinag-apud sa pangaran na Anti-Nephi-Lehi.
4 Asin an hade nagadan sa taon man sanang idto na an mga Lamanita nagpoon sa paghimo nin mga preparasyon para sa pakigiyera laban sa mga katawohan nin Diyos.
5 Ngonian kan si Ammon asin an saiyang mga katugangan asin an gabos na nag-iriba saiya nahiling an mga preparasyon kan mga Lamanita sa pagdestroso kan saindang mga katugangan, sinda nagpaduman sa kadagaan nin Midian, asin duman si Ammon nakipaghilingan sa gabos niyang mga katugangan; asin magpoon duman sinda nagpaduman sa kadagaan nin Ishmael na tanganing magkaigwa nin sarong konseho kaiba ni Lamoni asin man kaiba an saiyang tugang na lalake na si Anti-Nephi-Lehi, na kun ano an saindang gigibohon sa pagdepensa kan saindang mga sadire kontra sa mga Lamanita.
6 Ngonian mayo lamang ni sarong kalag sa kairibahan nin gabos na mga katawohan na nagkabarag-o na sa Kagurangnan na nagkagustong kumapot nin armas kontra sa saindang mga katugangan; Dae, sinda habo ngani na maghimo nin anuman na mga preparasyon para sa pakigiyera; iyo, asin man an saindang hade nagsugo sainda na sinda dae dapat.
7 Ngonian, iyo ini an mga tataramon na saiyang pinagsabi sa mga katawohan manungod kaining bagay: Ako nagpapasalamat sa sakuyang Diyos, sakuyang namumutan na mga katawohan, na an satuyang mabanalong Diyos igwa nin karahayan na ipinadara sa satuyang mga katugangan, an mga Nephita, pasiring sa satuya na tanganing magbalangibog satuya, asin na kumbinsihon kita sa mga tradisyon kan satuyang mga maraot na ama.
8 Asin hilnga, ako nagpapasalamat sa sakuyang mabanalon na Diyos na siya nanaohan satuya nin sarong parte kan saiyang Espiritu na tanganing magpalumoy kan satuyang mga puso, na kita makapagbukas nin sarong pakipagsuratan kaining mga katugangan, an mga Nephita.
9 Asin hilnga, ako man nagpapasalamat sa sakuyang Diyos na sa paagi kaining pakikipagsuratan kita nagkakurumbinsi kan satuyang mga kasalanan, asin kan kadakul na mga panggagadan na satuyang nagkaginiribohan.
10 Asin man ako nagpapasalamat sa sakuyang Diyos, iyo, an sakuyang mabanalong Diyos, na saiyang iginawad sa satuya na kita makapagsolsol pa kaining mga bagay, asin man na saiyang pinatawad kita sa satuyang kadakul na mga kasalanan asin mga panggagadan na satuyang nagkaginiribohan, asin pinaghale paharayo an pagkakasala gikan sa satuyang mga puso, sa paagi kan mga merito kan saiyang Ake.
11 Asin ngonian hilnga, sakuyang mga katugangan, magpoon na ini gabos satuya nang nagkagiribo, (habang kita iyong gayo an nagkawarara sa gabos na tawong nilalang) na magsolsol kan gabos niyatong mga kasalanan asin sa kadakul na panggagadan na satuyang nagkagirinibohan, asin an pagdulok sa Diyos na tanganing kuahon paharayo gikan sa satuyang mga puso, nin huli ta iyo lang ini an gabos na satuyang magigibo na tanganing magsolsol na gayo na magin husto sa atubangan nin Diyos na saiyang haleon paharayo an satuyang digta---
12 Ngonian, sakuyang marahayon na namumutan na mga katugangan, magpoon na an Diyos an naghale kan satuyang mga digta, asin an satuyang mga espada nagin malinigon, kaya dae ta na pagtugutan na madidigtaan pa an satuyang mga espada kan dugo nin satuyang mga katugangan.
13 Hilnga, ako nagsasabi sa saindo, Dae na, tugutan ta na an satuyang mga espada na sinda dae na madigtaan kan dugo nin satuyang mga katugangan; nin huli ta baka, kun satuyang pagdidigtaan an satuyang mga espada giraray dae na ini mahuhugasan pa nin malinigon sa paagi kan dugo nin Ake kan satuyang mabanalong Diyos, na ipagpapabulos para sa pagbabayad-sala kan satuyang mga kasalanan.
14 Asin an mabanalong Diyos magkakaigwa nin pagkaherak sa satuya, asin gibohon an mga bagay na ini na magkaararaman nyato na tanganing kita dae nanggad mapapara; iyo, asin saiyang ginibo an mga bagay na ini na magkaararaman nyato bago pa man, nin huli ta siya nagmumoot sa satuyang mga kalag siring man siya nagmumuot sa satuyang mga kaakian; kun kaya, sa saiyang pagkaherak saiyang ginibong bisitahon kita kan saiyang mga anghel, na tanganing an plano nin kaligtasan puwedeng maipagpaaram sa satuya asin man sa maarabot pang mga henerasyon.
15 Oh, gurano na pano nin pagkaherak an satuyang Diyos! Asin ngonian hilnga, magpoon na nangyari ini habang naghihingoha na kita makakagibo na satuyang mahale an kadigtaan paharayo satuya, asin an satuyang mga espada hinimong malinigon, tugutan nyatong itago sinda na tanganing sinda pirme sanang malinigon, bilang sarong testimonya sa satuyang Diyos sa huring aldaw, o sa aldaw na kita dadarahon na magtindog sa atubangan niya tanganing paghukuman, na dae nyato pinagdigtaan an satuyang mga espada kan dugo nin satuyang mga katugangan magpoon pa kan pinagpamahagi an saiyang tataramon sa satuya asin naghimo kitang malinig ini magpoon kaidto pa.
16 Asin ngonian, sakuyang mga katugangan, kun an satuyang mga katugangan nagmawot na destrosohon kita, hilnga, satuyang itatago an satuyang mga espada, iyo, magin satuyang ipaglubong an mga ini sa irarom nin daga, na tanganing an mga ini pirme sanang malinigon, bilang sarong testimonya na dae ta na ini pinaggagamit pa, sa huring aldaw; asin kun an satuyang mga katugangan an madestroso satuya, hilnga, kita mapaduman sa satuyang Diyos asin magigin ligtas.
17 Asin ngonian ini nangyaring naglipas na kan an hade nagtapos na kaining mga pinagsasabi, asin an gabos na mga katawohan nag-asembliya na magkasararo, saindang kinurua an saindang mga espada, asin an gabos na mga armas na pinaggagamit para sa pagpapabulos nin dugo nin tawo, asin saindang pinaglubong an mga ini sa irarom nin daga.
18 Asin iyo ini an saindang ginibo, ini bilang iyo sa saindang kaisipan sarong testimonya sa Diyos, asin man sa mga tawo, na sinda dae na nanggad magamit nin mga armas giraray para sa pagbulos nin dugo nin tawo; asin ini an saindang ginibo, nagpapatotoo asin nakikipagtipan sa Diyos, na embes na magpabulos nin dugo kan saindang mga katugangan saindang ipagtatao an saindang sadireng mga buhay; asin embes na pagkuahon gikan sa sarong tugang na lalake sinda an manauhan sa saiya; asin embes na gastuson an saindang mga aldaw na daeng gibohon sinda maigot na magtatrabaho gamit saindang mga kamot.
19 Asin kaya satuyang nahihiling na, ining mga Lamanita kan sinda dinara para magtubod asin makaaram nin katotohanan, sinda nagin marigon, asin nagsapo magin hanggan kagadanan kesa makagibo nin kasalan; asin kaya satuyang nahihiling na saindang ipinaglubong an saindang mga armas nin katuninongan, o saindang ipinaglubong an mga armas panggiyera, para sa katuninongan.
20 Asin ini nangyaring naglipas na an saindang mga katugangan, an mga Lamanita, naghimo nin mga preparasyon para sa pakigiyera, asin nag-atake sa kadagaan nin Nephi nin huli sa katuyuhan na destrosohon an hade, asin magbugtak nin iba bilang saiyang karibay, asin man destrosohon an mga katawohan nin Anti-Nephi-Lehi paluwas sa kadagaan.
21 Ngonian kan an mga katawohan nahiling na sinda maarabot laban sa sainda sinda nagruluwas sa pagsabat sainda, asin ipinagpabaya an saindang mga sadire sa atubangan ninda sa daga, asin nagpoon na mangapudan sa pangaran nin Kagurangnan; asin kaya iyo ini an saindang nagin ugali kan an mga Lamanita nagpoon sa pag-atake sainda, asin nagpoon sa panggadanan sainda sa paagi nin espada.
22 Asin kaya dae nakasabat nin anuman na paglaban, sinda nakagadan nin sarong ribo asin lima sainda; asin satuyang naaraman na sinda nagin mapalad, nin huli ta sinda nagpagadan sa pag-erok na kaiba an saindang Diyos.
23 Ngonian kan an mga Lamanita nahiling na an saindang mga katugangan dae nagdudurulag sa paglikay gikan sa espada, ni magliko pasiring sa tuong parte o pasiring sa wala, alagad pinili na sinda maghigda asin mapara, asin nagpamuraway sa Diyos magin sa aktong gayo na magkaparara sa paagi nin espada---
24 Ngonian kan mahiling nin mga Lamanita ini sinda napa-untok sa panggagadanan sainda; asin nagkaigwa nin kadakul na an mga puso nagtaralubo sa pagkaherak sa laog ninda para sa saindang mga katugangan na nagkagaradan sa paagi nin espada, nin huli ta sinda nagsorolsol kan mga bagay na saindang nagkaginiribohan.
25 Asin ini nangyaring naglipas na saindang ipinagtapok an saindang mga armas panggiyera, asin sinda habo nang kaputan giraray an mga ini, nin huli ta sinda nagkatirikbalo kan mga panggagadan na saindaang nagkagiribohan; asin sinda nagbaraba magin sa pagdulok sa saindang mga katugangan, nagtitiwala lamang sa mga pagkaherak ninda na an mga armas ipinag-itaas sa paggadan sainda.
26 Asin ini nangyaring naglipas na an mga katawohan nin Diyos pinagdamayan sa aldaw na iyan nin sobra pa sa numero na nagkagaradan na; asin an mga nagkagaradan na mga matatanos na katawohan, kun kaya mayo kitang rason na magduda na ano baya ta sinda maliligtas.
27 Asin dae nagkaigwa nin saro man lamang maraot na tawo na ginadan sa pag-iriba ninda; pero nagkaigwa nin katotohanan; kaya satuyang nahihiling na an Kagurangnan nagtatrabaho sa kadakul na paagi na tanganing maililigtas an saiyang mga katawohan.
28 Ngonian an pinakadakulang numero sa pag-iriba kan mga Lamanita na naggadan sa kadakul nindang mga katugangan iyo an an mga Amalekita asin Amulonita, an pinakadakulang numero sainda nagsusunod sa orden kan mga Nehor.
29 Ngonian, sa pag-iriba ninda na nag-iriba na sa mga katawohan nin Kagurangnan, mayong mga Amalekita o mga Amulonita, o dating nagsusunod kan orden ni Nehor, alagad sinda nanggad totoong mga kamako-apoan ninda Laman asin Lemuel.
30 Asin kaya satuyang malinaw na magagamiawan, na pagkatapos na an sarong katawohan minsan nagin naliwanagan sa paagi kan Espiritu nin Diyos, asin nagkaigwa nin dakulang pagkanuod sa mga bagay mapanungod sa pagkamatanos, asin sa pagkatapos nahulog pasiring sa pagkakasala asin kalapasan, sinda nagigin mas pang pinatagas, asin kaya an saindang kamugtakan nagin mas pang maraot kesa kaidtong sinda dae pang pagkaaram sa mga bagay na ini.

Comments: Post a Comment

This page is powered by Blogger. Isn't yours?