Saturday, January 07, 2006
ALMA TSAPTER 31
Si Alma nagpamayo sa sarong misyon na tanganing bawion an mga Zoramita na nagtalikod sa katotoohan--- An mga Zoramita nagsikwal ki Cristo, naniwala sa sarong palsong konsepto nin pagpipili, asin an pagsamba na may nakatakda nang mga pangadyeon--- An mga misyonero napano nin Banal na Espiritu--- An saindang mga pagpapakasakit hinalon nin kaogmahan ki Cristo.
*******
Ngonian ini nangyaring naglipas na pagkatapos nin kagadanan ni Korihor, si Alma na nakaresibe nin mga bareta na an mga Zoramita pinagpapalawigaw an mga dalan nin Kagurangnan, asin ta si Zoram, na iyo an saindang lider, iyo an nangengenotan sa mga puso nin mga katawohan na magduko sa mga bungog na mga diyos-diyusan, an saiyang puso giraray nagpoon na makulugan nin huli kan kadaendatahan nin mga katawohan.
2 Nin huli ta ini iyo an nagkausa nin dakulang kamondoan ki Alma na maaraman an daendatahan sa pag-iriba kan saiyang mga katawohan; kun kaya an saiyang puso grabeng gayo an pagkamondo nin huli sa pagpalaen kan mga Zoramita sa mga Nephita.
3 Ngonian an mga Zoramita nagkatiripon kan saindang mga sadire na magkasararo sa sarong kadagaan na saindang pinag-apud na Antionum, na yaon sa may sirangan nin kadagaan kan Zarahemla, na yaon sa may haraning parte sa may kasagkoran nin baybayon, na yaon sa may timog nin kadagaan kan Jershon, na iyo man an nagsasagkod sa may timog na parte nin kaparangan, na an kaparangan na ini pano-pano nin mga Lamanita.
4 Ngonian an mga Nephita dakula an pagkatakot na an mga Zoramita puwedeng lumalaog sa sarong kasundoan sa mga Lamanita, asin na ini an magigin sarong paagi nin dakulang pagkawara sa parte kan mga Nephita.
5 Asin ngonian, habang an pagbabalangibog nin tataramon nagkaigwa nin sarong dakulang pagkakataon na makapag-akay sa mga katawohan na gumibo nin bagay na husto--- iyo, ini nagkaigwa nin mas grabeng makapangyarihan na epekto sa mga isip nin mga katawohan kesa sa espada, o ano pa mang bagay, na nangyari na sa sainda--- kun kaya si Alma naka-isip na ini kapakinabangan na sinda dapat na subukon an birtud kan tataramon nin Diyos.
6 Kun kaya saiyang piang-iba si Ammon, asin si Aaron, asin si Omner; asin si Himni an saiyang ipinawalat sa simbahan sa Zarahemla; pero an tulo iyo an pinag-iba niya, asin man si Amulek asin Zeezrom, na kaidto yaon sa Melek; asin saiya man pinag-iba an duwa niyang akeng lalake.
7 Ngonian an pinakamatua kan saiyang akeng lalake an dae niya pinag-iba, asin an saiyang pangaran iyo si Helaman; alagad an pangaran ninda na saiyang pinag-iba iyo sinda Shiblon asin Corianton; asin iyo ini an mga pangaran ninda na nag-iriba saiya pasiring sa mga Zoramita, na tanganing magbalangibog sa sainda nin tataramon.
8 Ngonian an mga Zoramita iyo an mga paratiwalag gikan sa mga Nephita; kun kaya sinda nagkaigwa nin tataramon nin Diyos na ipinagtukdo sa sainda.
9 Pero sinda nagkahurulog pasiring sa darakulang mga kasuwailan, nin huli ta sinda habong mag-obserba na magsunod sa mga kasugoan nin Diyos, asin kan saiyang mga patakaran, na uyon sa ley ni Moises.
10 Ni magustong mag-obserba na gumibo kan mga gigibohon sa simbahan, na magpadagos sa pagpapangadye asin paghahagad sa Diyos sa aro-aldaw, na tanganing sinda dae puwedeng makalaog pasiring sa tentasyon.
11 Iyo, sa halipot na tataramon, saindang pinaglawigaw an mga dalan nin Kagurangnan sa grabe kadakul na mga pagkakataon; kun kaya, sa kadahilanang ini, si Alma asin an saiyang mga katugangan nagpasiring duman sa kadagaan na tanganing magbalangibog nin tataramon sa sainda.
12 Ngonian, kan sinda nakaabot na sa kadagaan, hilnga, sa saindang kangangalasan nanagboan ninda na an mga Zoramita nagturugdok nin mga sinagoga, asin na sinda nagtitiripon-tipon kan saindang mga sadire na magkasararo sa sarong aldaw nin semana, na an aldaw na idto saindang pinag-apud na aldaw nin Kagurangnan; asin sinda nanggad nagsasamba susog sa sarong manera na si Alma asin an saiyang mga katugangan dae pa nakahiling;
13 Nin huli ta sinda nagkaigwa nin sarong lugar na ipinagtugdok sa tahaw kan saindang sinagoga, sarong lugar para sa pagtitindog, na halangkaw sa kaibabawan nin payo; asin an itaas kaini makapagpalaog sana nin sarong persona.
14 Kun kaya, an siisay man an nagmawot na magsamba kaipuhan na maglaog asin magtindog sa itaas kaini, asin ipag-unat an saiyang mga kamot pasiring sa kalangitan, asin magkukurahaw na may makusog na boses, na nagsasabi:
15 Banal, banal na Diyos, kami nagtutubod na ika Diyos, asin kami nagtutubod na ika banal, asin na ika dating sarong espiritu, asin na ika nanggad sarong espiritu, asin na ikaw magigin sarong espiritu sagkod pa man.
16 Banal na Diyos, kami nagtutubod na saimo kaming pinalaen sa samuyang mga katugangan; asin kami daeng pagtubod sa tradisyon kan samuyang mga katugangan, na ipinagpamana sainda sa paagi nin kaisipang pan-ake kan saindang mga ama; alagad kami nagtutubod na ika an nagpili samuya na magin saimong banal na kaakian; asin man saimong hinimo na ini mapabantog sa samuya na dae nanggad magkaigwa nin Cristo.
17 Alagad iyo man sana kasuodma, ngonian, asin sagkod pa man; asin saimo kaming pinili na tanganing kami makakaligtas, habang an gabos na nakapalibot samuya iyo an mga pinili na magsapo nin saimong kaanggutan pababa pasiring sa impiyerno; nin huli kaiming kabanalan, O Diyos, kami nagpapasalamat saimo; asin kami man nagpapasalamat saimo na saimo kaming pinili, na tanganing kami dae puwedeng pangenotan paharayo susog sa kalokohang mga tradisyon kan samuyang mga katugangan, na iyo an nakapaggapos sainda pasiring sa sarong pagtubod ki Cristo, na iyo an nangengenot sa saindang mga puso na malagalag paharayo saimo na samuyang Diyos.
18 Asin giraray kami nagpapasalamat, O Diyos, na kami sarong pinili asin sarong banal na katawohan. Amen.
19 Ngonian ini nangyaring naglipas na pagkatapos na si Alma asin an saiyang mga katugangan asin an saiyang mga akeng lalake nakadangog kaining mga pangadyeon, sinda napagngalas na gayo na mayong kasukulan.
20 Nin huli ta hilnga, an lambang tawo nanggad minapaduman asin nagdudulot paitaas kaining kaparehong mga pangadyeon.
21 Ngonian an lugar pinag-apud ninda na Rameumpton, na kun interpretaron, iyo an banal na pagtindog.
22 Ngonian, gikan kaining pagtindog sinda nanggad nagdudulot paitaas, an lambang tawo, sa kaparehong pangadyeon sa Diyos, pinapasalamatan an saindang Diyos na sinda pinagpili niya, asin na siya dae nagtugot na pangenotan sinda paharayo susog sa tradisyon kan saindang mga katugangan, asin na an saindang mga puso dae nahabon paharayo na magtubod sa mga bagay na paabuton pa sana, na sinda dae ngani nakakaaram kun ano.
23 Ngonian, pagkatapos na an mga katawohan gabos nang nakapagdulot paitaas nin mga pasasalamat sa arog kaining manera, sinda nagbaralik sa saindang mga harong, na dae nagtataram pa manungod sa saindang Diyos hanggan sa sinda mag-asembliya kan saindang mga sadire na magkasararo giraray sa atubangan nin banal na pagtindog, na tanganing magdulot paitaas nin mga pasasalamat sa arog kan saindang manera.
24 Ngonian kan si Alma nakamasid kaini an saiyang puso nakukulugan; nin huli ta saiyang nahiling na sinda sarong maririgsok asin sarong nalawigaw na mga katawohan; iyo, saiyang nahihiling na an saindang mga puso nakapamugtak sa bulawan, asin sa plata, asin sa gabos na manera nin magagayon na mga bagay.
25 Iyo, asin saiya man napagmasdan na an saindang mga puso naipagpalangkaw pasiring sa grabeng paghahambog, sa saindang kapa-abaw-abawan.
26 Asin siya nagpalangkaw kan saiyang boses pasiring sa kalangitan, asin nagkurahaw, na nagsasabi: O, gurano daw kalawig, O Kagurangnan, na ikaw magtutugot na an saimong mga surugoon mag-eerok digde sa ibaba na yaon sa laman, na tanganing mahiling ining grabeng karigsokan sa pag-iriba nin kaarakian nin mga tawo?
27 Hilnga, O Diyos, sinda nagngangayo-ngayo sa saimo, alagad an saindang mga puso hinalon na kan saindang kapa-abaw-abawan. Hilnga, O Diyos, sinda nagngangayo-ngayo saimo kan saindang mga nguso, habang sinda mapagpalangkaw, magin hanggan sa kasobrahan, sa daeng kamugtakan na mga bagay nin mundo.
28 Hilnga, O sakuyang Diyos, an saindang mga mamahalon na bado, asin an saindang mga kasingsingan, asin an saindang mga kapulserasan, asin an saindang mga ornamentong bulawan, asin an gabos nindang mamahalon na mga bagay na sinda ornamentadong nagugubingan; asin hilnga, an saindang mga puso na naipamugtak na sa mga ini, asin alagad sinda nagngangayo-ngayo sa saimo asin nagsasabi--- kami nagpapasalamat saimo, O Diyos, nin huli ta kami sarong pinling katawohan sa saimo, habang an iba mapapahamak.
29 Iyo, asin sinda nagsasabi na ika mismo an naghimong maipabantog sa sainda na dae nanggad magkakaigwa nin Cristo.
30 O Kagurangnang Diyos, gurano daw kahaloy na ika magtutugot sa arog kaining karumputan asin kapasaluiban na iyo an yaon kaining mga katawohan? O Kagurangnan, itao mo sakuya an kusog, na ako puwedeng makatagal sa sakuyang mga kaluyahan. Nin huli ta ako maluya, asin an arog kaining karumputan sa pag-iriba kaining mga katawohan iyo an nakapagpapakulog kan sakuyang kalag.
31 O Kagurangnan, an sakuyang puso grabeng gayo an kamondoan; lingaon mo an sakuyang kalag ki Cristo. O Kagurangnan, igawad mo sakuya na ako magkaigwa nin kusog, na ako puwedeng magtios na may pagpasensiya kaining mga kasakitan na mag-aabot sa sakuya, nin huli sa kadaendatahan kaining mga katawohan.
32 O Kagurangnan, lingaon mo an sakuyang kalag, asin tawan ao nin trayumpo, asin man an sakuyang mga pag-iribang mga trabahador na kairiba ko--- iyo, si Ammon, asin si Aaron, asin si Omner, asin man si Amulek asin Zeezrom, asin man an sakuyang akeng lalake--- iyo, magin sindga gabos saimong paglingaon, O Kagurangnan. Iyo, lingaon mo an saindang mga kalag ki Cristo.
33 Itao mo sa sainda na tanganing sinda magkaigwa nin kusog, na saindang mapasan an saindang mga kasakitan na mag-aabot sa sainda nin huli sa mga kadaendatahan kaining mga katawohan.
34 O Kagurangnan, igawad mo sainda na kami magkaigwa nin trayumpo sa pagdadara sainda giraray pabalik saimo sa paagi ki Cristo.
35 Hilnga, O Kagurangnan, an saindang mga kalag mahalagahon, asin kadakul sainda na samuyang mga katugangan; kun kaya, itao mo samuya, O Kagurangnan, an kapangyarihan asin an kadunungan na tanganing samuyang madara an mga ini, an samuyang mga katugangan, giraray pasiring saimo.
36 Ngonian ini nangyaring nagipas na kan si Alma nakapagtaram na kaining mga tataramon, na siya nagpalakpak kan saiyang mga kamot sa gabos ninda na pag-iriba niya. Asin hilnga, habang siya nagpapalakpak kan saiyang mga kamot sa sainda, sinda napano nin Banal na Espiritu.
37 Asin pagkatapos kaiyan sinda nagralaen-laen na kan saindang mga sadire sa lambang saro, na mayong kaisipan para sa sadire kun ano an saindang pagkakanon, o kun ano an pag-iinumon, o kun ano an saindang paggugubingon.
38 Asin an Kagurangnan iyo an nagtatao para sainda na tanganing sinda dae magkakagurutom, ni sinda magkakaparaha; iyo, asin Siya man nagtao sainda nin kusog, na tanganing sinda dae makakamate nin anuman na manera nin mga kasakitan, laen lang na ini pinaghalon na sa kaogmahan ki Cristo. Ngonian ini uyon sa pagpapangadye ni Alma; asin ini nin huli ta siya nagpangadye na may pagtubod.
*******
Ngonian ini nangyaring naglipas na pagkatapos nin kagadanan ni Korihor, si Alma na nakaresibe nin mga bareta na an mga Zoramita pinagpapalawigaw an mga dalan nin Kagurangnan, asin ta si Zoram, na iyo an saindang lider, iyo an nangengenotan sa mga puso nin mga katawohan na magduko sa mga bungog na mga diyos-diyusan, an saiyang puso giraray nagpoon na makulugan nin huli kan kadaendatahan nin mga katawohan.
2 Nin huli ta ini iyo an nagkausa nin dakulang kamondoan ki Alma na maaraman an daendatahan sa pag-iriba kan saiyang mga katawohan; kun kaya an saiyang puso grabeng gayo an pagkamondo nin huli sa pagpalaen kan mga Zoramita sa mga Nephita.
3 Ngonian an mga Zoramita nagkatiripon kan saindang mga sadire na magkasararo sa sarong kadagaan na saindang pinag-apud na Antionum, na yaon sa may sirangan nin kadagaan kan Zarahemla, na yaon sa may haraning parte sa may kasagkoran nin baybayon, na yaon sa may timog nin kadagaan kan Jershon, na iyo man an nagsasagkod sa may timog na parte nin kaparangan, na an kaparangan na ini pano-pano nin mga Lamanita.
4 Ngonian an mga Nephita dakula an pagkatakot na an mga Zoramita puwedeng lumalaog sa sarong kasundoan sa mga Lamanita, asin na ini an magigin sarong paagi nin dakulang pagkawara sa parte kan mga Nephita.
5 Asin ngonian, habang an pagbabalangibog nin tataramon nagkaigwa nin sarong dakulang pagkakataon na makapag-akay sa mga katawohan na gumibo nin bagay na husto--- iyo, ini nagkaigwa nin mas grabeng makapangyarihan na epekto sa mga isip nin mga katawohan kesa sa espada, o ano pa mang bagay, na nangyari na sa sainda--- kun kaya si Alma naka-isip na ini kapakinabangan na sinda dapat na subukon an birtud kan tataramon nin Diyos.
6 Kun kaya saiyang piang-iba si Ammon, asin si Aaron, asin si Omner; asin si Himni an saiyang ipinawalat sa simbahan sa Zarahemla; pero an tulo iyo an pinag-iba niya, asin man si Amulek asin Zeezrom, na kaidto yaon sa Melek; asin saiya man pinag-iba an duwa niyang akeng lalake.
7 Ngonian an pinakamatua kan saiyang akeng lalake an dae niya pinag-iba, asin an saiyang pangaran iyo si Helaman; alagad an pangaran ninda na saiyang pinag-iba iyo sinda Shiblon asin Corianton; asin iyo ini an mga pangaran ninda na nag-iriba saiya pasiring sa mga Zoramita, na tanganing magbalangibog sa sainda nin tataramon.
8 Ngonian an mga Zoramita iyo an mga paratiwalag gikan sa mga Nephita; kun kaya sinda nagkaigwa nin tataramon nin Diyos na ipinagtukdo sa sainda.
9 Pero sinda nagkahurulog pasiring sa darakulang mga kasuwailan, nin huli ta sinda habong mag-obserba na magsunod sa mga kasugoan nin Diyos, asin kan saiyang mga patakaran, na uyon sa ley ni Moises.
10 Ni magustong mag-obserba na gumibo kan mga gigibohon sa simbahan, na magpadagos sa pagpapangadye asin paghahagad sa Diyos sa aro-aldaw, na tanganing sinda dae puwedeng makalaog pasiring sa tentasyon.
11 Iyo, sa halipot na tataramon, saindang pinaglawigaw an mga dalan nin Kagurangnan sa grabe kadakul na mga pagkakataon; kun kaya, sa kadahilanang ini, si Alma asin an saiyang mga katugangan nagpasiring duman sa kadagaan na tanganing magbalangibog nin tataramon sa sainda.
12 Ngonian, kan sinda nakaabot na sa kadagaan, hilnga, sa saindang kangangalasan nanagboan ninda na an mga Zoramita nagturugdok nin mga sinagoga, asin na sinda nagtitiripon-tipon kan saindang mga sadire na magkasararo sa sarong aldaw nin semana, na an aldaw na idto saindang pinag-apud na aldaw nin Kagurangnan; asin sinda nanggad nagsasamba susog sa sarong manera na si Alma asin an saiyang mga katugangan dae pa nakahiling;
13 Nin huli ta sinda nagkaigwa nin sarong lugar na ipinagtugdok sa tahaw kan saindang sinagoga, sarong lugar para sa pagtitindog, na halangkaw sa kaibabawan nin payo; asin an itaas kaini makapagpalaog sana nin sarong persona.
14 Kun kaya, an siisay man an nagmawot na magsamba kaipuhan na maglaog asin magtindog sa itaas kaini, asin ipag-unat an saiyang mga kamot pasiring sa kalangitan, asin magkukurahaw na may makusog na boses, na nagsasabi:
15 Banal, banal na Diyos, kami nagtutubod na ika Diyos, asin kami nagtutubod na ika banal, asin na ika dating sarong espiritu, asin na ika nanggad sarong espiritu, asin na ikaw magigin sarong espiritu sagkod pa man.
16 Banal na Diyos, kami nagtutubod na saimo kaming pinalaen sa samuyang mga katugangan; asin kami daeng pagtubod sa tradisyon kan samuyang mga katugangan, na ipinagpamana sainda sa paagi nin kaisipang pan-ake kan saindang mga ama; alagad kami nagtutubod na ika an nagpili samuya na magin saimong banal na kaakian; asin man saimong hinimo na ini mapabantog sa samuya na dae nanggad magkaigwa nin Cristo.
17 Alagad iyo man sana kasuodma, ngonian, asin sagkod pa man; asin saimo kaming pinili na tanganing kami makakaligtas, habang an gabos na nakapalibot samuya iyo an mga pinili na magsapo nin saimong kaanggutan pababa pasiring sa impiyerno; nin huli kaiming kabanalan, O Diyos, kami nagpapasalamat saimo; asin kami man nagpapasalamat saimo na saimo kaming pinili, na tanganing kami dae puwedeng pangenotan paharayo susog sa kalokohang mga tradisyon kan samuyang mga katugangan, na iyo an nakapaggapos sainda pasiring sa sarong pagtubod ki Cristo, na iyo an nangengenot sa saindang mga puso na malagalag paharayo saimo na samuyang Diyos.
18 Asin giraray kami nagpapasalamat, O Diyos, na kami sarong pinili asin sarong banal na katawohan. Amen.
19 Ngonian ini nangyaring naglipas na pagkatapos na si Alma asin an saiyang mga katugangan asin an saiyang mga akeng lalake nakadangog kaining mga pangadyeon, sinda napagngalas na gayo na mayong kasukulan.
20 Nin huli ta hilnga, an lambang tawo nanggad minapaduman asin nagdudulot paitaas kaining kaparehong mga pangadyeon.
21 Ngonian an lugar pinag-apud ninda na Rameumpton, na kun interpretaron, iyo an banal na pagtindog.
22 Ngonian, gikan kaining pagtindog sinda nanggad nagdudulot paitaas, an lambang tawo, sa kaparehong pangadyeon sa Diyos, pinapasalamatan an saindang Diyos na sinda pinagpili niya, asin na siya dae nagtugot na pangenotan sinda paharayo susog sa tradisyon kan saindang mga katugangan, asin na an saindang mga puso dae nahabon paharayo na magtubod sa mga bagay na paabuton pa sana, na sinda dae ngani nakakaaram kun ano.
23 Ngonian, pagkatapos na an mga katawohan gabos nang nakapagdulot paitaas nin mga pasasalamat sa arog kaining manera, sinda nagbaralik sa saindang mga harong, na dae nagtataram pa manungod sa saindang Diyos hanggan sa sinda mag-asembliya kan saindang mga sadire na magkasararo giraray sa atubangan nin banal na pagtindog, na tanganing magdulot paitaas nin mga pasasalamat sa arog kan saindang manera.
24 Ngonian kan si Alma nakamasid kaini an saiyang puso nakukulugan; nin huli ta saiyang nahiling na sinda sarong maririgsok asin sarong nalawigaw na mga katawohan; iyo, saiyang nahihiling na an saindang mga puso nakapamugtak sa bulawan, asin sa plata, asin sa gabos na manera nin magagayon na mga bagay.
25 Iyo, asin saiya man napagmasdan na an saindang mga puso naipagpalangkaw pasiring sa grabeng paghahambog, sa saindang kapa-abaw-abawan.
26 Asin siya nagpalangkaw kan saiyang boses pasiring sa kalangitan, asin nagkurahaw, na nagsasabi: O, gurano daw kalawig, O Kagurangnan, na ikaw magtutugot na an saimong mga surugoon mag-eerok digde sa ibaba na yaon sa laman, na tanganing mahiling ining grabeng karigsokan sa pag-iriba nin kaarakian nin mga tawo?
27 Hilnga, O Diyos, sinda nagngangayo-ngayo sa saimo, alagad an saindang mga puso hinalon na kan saindang kapa-abaw-abawan. Hilnga, O Diyos, sinda nagngangayo-ngayo saimo kan saindang mga nguso, habang sinda mapagpalangkaw, magin hanggan sa kasobrahan, sa daeng kamugtakan na mga bagay nin mundo.
28 Hilnga, O sakuyang Diyos, an saindang mga mamahalon na bado, asin an saindang mga kasingsingan, asin an saindang mga kapulserasan, asin an saindang mga ornamentong bulawan, asin an gabos nindang mamahalon na mga bagay na sinda ornamentadong nagugubingan; asin hilnga, an saindang mga puso na naipamugtak na sa mga ini, asin alagad sinda nagngangayo-ngayo sa saimo asin nagsasabi--- kami nagpapasalamat saimo, O Diyos, nin huli ta kami sarong pinling katawohan sa saimo, habang an iba mapapahamak.
29 Iyo, asin sinda nagsasabi na ika mismo an naghimong maipabantog sa sainda na dae nanggad magkakaigwa nin Cristo.
30 O Kagurangnang Diyos, gurano daw kahaloy na ika magtutugot sa arog kaining karumputan asin kapasaluiban na iyo an yaon kaining mga katawohan? O Kagurangnan, itao mo sakuya an kusog, na ako puwedeng makatagal sa sakuyang mga kaluyahan. Nin huli ta ako maluya, asin an arog kaining karumputan sa pag-iriba kaining mga katawohan iyo an nakapagpapakulog kan sakuyang kalag.
31 O Kagurangnan, an sakuyang puso grabeng gayo an kamondoan; lingaon mo an sakuyang kalag ki Cristo. O Kagurangnan, igawad mo sakuya na ako magkaigwa nin kusog, na ako puwedeng magtios na may pagpasensiya kaining mga kasakitan na mag-aabot sa sakuya, nin huli sa kadaendatahan kaining mga katawohan.
32 O Kagurangnan, lingaon mo an sakuyang kalag, asin tawan ao nin trayumpo, asin man an sakuyang mga pag-iribang mga trabahador na kairiba ko--- iyo, si Ammon, asin si Aaron, asin si Omner, asin man si Amulek asin Zeezrom, asin man an sakuyang akeng lalake--- iyo, magin sindga gabos saimong paglingaon, O Kagurangnan. Iyo, lingaon mo an saindang mga kalag ki Cristo.
33 Itao mo sa sainda na tanganing sinda magkaigwa nin kusog, na saindang mapasan an saindang mga kasakitan na mag-aabot sa sainda nin huli sa mga kadaendatahan kaining mga katawohan.
34 O Kagurangnan, igawad mo sainda na kami magkaigwa nin trayumpo sa pagdadara sainda giraray pabalik saimo sa paagi ki Cristo.
35 Hilnga, O Kagurangnan, an saindang mga kalag mahalagahon, asin kadakul sainda na samuyang mga katugangan; kun kaya, itao mo samuya, O Kagurangnan, an kapangyarihan asin an kadunungan na tanganing samuyang madara an mga ini, an samuyang mga katugangan, giraray pasiring saimo.
36 Ngonian ini nangyaring nagipas na kan si Alma nakapagtaram na kaining mga tataramon, na siya nagpalakpak kan saiyang mga kamot sa gabos ninda na pag-iriba niya. Asin hilnga, habang siya nagpapalakpak kan saiyang mga kamot sa sainda, sinda napano nin Banal na Espiritu.
37 Asin pagkatapos kaiyan sinda nagralaen-laen na kan saindang mga sadire sa lambang saro, na mayong kaisipan para sa sadire kun ano an saindang pagkakanon, o kun ano an pag-iinumon, o kun ano an saindang paggugubingon.
38 Asin an Kagurangnan iyo an nagtatao para sainda na tanganing sinda dae magkakagurutom, ni sinda magkakaparaha; iyo, asin Siya man nagtao sainda nin kusog, na tanganing sinda dae makakamate nin anuman na manera nin mga kasakitan, laen lang na ini pinaghalon na sa kaogmahan ki Cristo. Ngonian ini uyon sa pagpapangadye ni Alma; asin ini nin huli ta siya nagpangadye na may pagtubod.
Comments:
Post a Comment
