<$BlogRSDUrl$>

Wednesday, March 15, 2006

HELAMAN TSAPTER 3 

Kadakul na mga Nephita an nagharale pasiring sa kadagaan sa may norteng parte--- Sinda nagturugdok nin mga sementadong mga harong asin nagsasaray nin kadakul na mga talaan--- Manampulong mga rinibo an nagkabarag-o asin nagkaburunyagan--- An tataramon nin Diyos nag-aantabay sa mga tawo pasiring sa kaligtasan--- Si Nephi na ake ni Helaman iyo an nagtukaw sa tukawan nin paghuhukom.

*******

Asin ngonian ini nangyaring naglipas na sa ika-kuwarenta asin tulong taon kan pagpapamahala nin mga huwes, dae nagkaigwa nin pag-iiriwal-iwal sa pag-iriba nin mga katawohan kan Nephi laen lang ining sarong dikit na kapaabaw-abawan na yaon sa laog kan simbahan, na iyo an nagkausa nin dikit na pagkakabaranga sa pag-iriba nin mga tawo, na an mga pangyayaring ini nahusay sa katapos-tapusi kan ika-kuwarenta asin tulong taon.
2 Asin dae nagkaigwa nin pag-iiriwal-iwal sa pag-iriba nin mga katawohan sa ika-kuwarenta asin apat na taon; ni nagkaigwa man n in grabeng pag-iiriwal-iwal sa ika-kuwarenta asin limang taon.
3 Asin ini nangyaring naglipas na sa ika-kuwarenta asin ano, iyo, nagkaigwa nin grabeng pag-iiriwal-iwal asin kadakul na pagkakabaranga-banga; kun kaya nagkaigwa nin grabe kadakulon na nagharale paluwas sa kadagaan nin Zarahemla, asin nagpasiring sa norteng parte nin kadagaan tanganing manahon an kadagaan.
4 Asin sinda naglakbay pasiring sa grabe kaharayoon na distansiya, na tanganing baya sinda nakaabot sa lugar nin kadakulaon na mga hawak nin tubig asin kadakul na mga salog.
5 Iyo, asin magin sinda nagkaralat sa haros gabos na mga parte nin kadagaan, hanggan duman sa mga parte na nagkapabarayaan na asin mayo na nin mga kahoy, nin huli sa kadakulon na mga katawohan na kaidto naka-erestar sa lugar.
6 Asin ngonian mayong parte nin kadagaan an napabayaan, laen lang ining may kakahuyan; pero nin huli sa kadakulaan kan pagkadestroso nin mga katawohan na kaidto naka-estar sa kadagaan kaya ini inapud na “kalipungawan.”
7 Asin ta igwa sanang kadikiton na kahoy sa lalawgon nin kadagaan, daeng pagkukulang na an mga katawohan na nagka-erenot nagin ekspertong gayo sa paggigibo nin semento; kun kaya sinda nagtugdok nin mga kaharongan na semento, kun saen sinda nag-estar.
8 Asin ini nangyaring naglipas na sinda nagdakul asin nagkaralot, asin nakaabot gikan sa katimogang parte pasiring sa norteng parte nin kadagaan, asin nagkaralat na tanganing baya sinda nagpoon sa pagkunop sa lalawgon kan bilog na kadagaan, gikan sa kadagatan nin timog hanggan sa kadagatan nin norte, gikan sa kadagatan nin sulnupan hanggan sa kadagatan nin sirangan.
9 Asin an mga katawohan na yaon sa kadagaan panorte nag-estar sa mga tolda, asin sa mga harong na semento, asin sinda nagtugot kan anuman na kahoy na magtubo sa lalawgon nin daga na ini dapat na magtalubo, na pag-abot nin panahon sinda magkaigwa nin mga kahoy sa pagtugdok kan saindang mga harong, iyo, kan saindang mga siyudad, asin kan saindang mga templo, asin kan saindang mga sinagoga, asin kan saindang mga sanktuwaryo, asin kan gabos na manera kan saindang mga pagharongon.
10 Asin ini nangyaring naglipas habang an mga kahoy grabeng gayo an kakulangan sa kadagaan panorte, sinda nagpaduman sa paagi nin paghakot.
11 Asin kaya saindang natabangan an mga katawohan na yaon sa kadagaan panorte na sinda makatugdok nin kadakul na mga siyudad, na parehong gibo sa kahoy asin kan semento.
12 Asin ini nangyaring naglipas na igwa nin kadakul na mga katawohan nin Ammon, na dating mga Lamanita sa pagkamundag, na nagpasiring man sa kadagaan na ini.
13 Asin ngonian igwa nin kadakul na mga talaan na pinagtao kan mga pangyayari kaining mga katawohan, sa paagi nin kadaklan kaining mga katawohan, na mga partikular asin masyadong dakulaon, na mapanungod sainda.
14 Pero hilnga, an ika-sanggaots na parte kan mga pangyayari kaining mga katawohan, iyo, estorya kan mga Lamanita asin kan mga Nephita, asin an saindang mga giyera, asin mga pagralaban-laban, asin mga kariribokan, asin an saindang pagbabalangibog, asin an saindang mga propesiya, asin an saindang paglalayag asin an saindang paggigibo nin mga barko, asin an saindang pagtutugdok nin mga templo, asin kan mga sinagoga asin an saindang mga sanktuwaryo, asin an saindang pagkamatanos, asin an saindang mga kadaendatahan, asin an saindang mga panggagadan, asin an saindang mga panghahabon, asin an saindang pananalakat, asin an gabos na manera nin mga karigsokan asin mga pakiki-apid, na dae puwedeng maipalaman sa trabahong ini.
15 Pero hilnga, igwa nin kadakul na mga libro asin kadakul na mga talaan kan lambang klase, asin an mga ini maingat na pinagtatago kan mga Nephita.
16 Asin an mga ini pinagpamana gikan sa sarong henerasyon hanggan sa iba man na henerasyon kan mga Nephita, magin sagkod na sinda nagkahurulog pasiring sa kalapasan asin pinaggaradan, pinagsalakat, asin pinaghahanap, asin pinagpaharale, asin ginagadan, asin pinagkaralat sa lalawgon kaining kinaban, asin nakahalo sa mga Lamanita hanggan sa sinda dae na pinag-apud na mga Nephita, nagin marigsok, asin pakawala, asin mabangison, iyo, nagin mga Lamanita.
17 Asin ngonian ako mabalik giraray sa sadire kong estorya; kun kaya, ano man an sakong nasabi nakaagi na pagkatapos na nagka-igwa nin sarong dakulang pagralaban-laban, asin mga pandedestroso, asin mga giyera, asin mga kariribokan, sa pag-iriba nin mga katawohan nin Nephi.
18 An ika-kuwarenta asin anom na taon kan pagpapamahala nin mga huwes natapos na;
19 Asin ini nangyaring naglipas na nagka-igwa pa man nin dakulaon na pagraralaban-laban sa kadagaan, iyo, magin sagkod sa ika-kuwarenta asin pitong taon, asin man sa ika-kuwarenta asin walong taon.
20 Daeng pagkukulang na si Helaman iyo an nagtukaw sa tukawan nin paghuhukom na igwa nin hustisya asin paninindugan; iyo, saiyang pinag-uutob an mga katugonan, asin an mga paghuhukom, asin an mga kasugoan nin Diyos; asin saiya ining padagos na ginigibo an tama sa paghilingon nin Diyos; asin siya naglakaw sa mga dalan kan saiyang ama, na tanganing siya nag-asenso sa kadagaan;
21 Asin ini nangyaring naglipas na siya nagkaigwa nin duwang akeng lalake. Saiyang pinagta-o sa pinakapanganay an ngaran na Nephi, asin sa pinakbunso, an ngaran na Lehi. Asin sinda nagpoon na magdakula na yaon sa Kagurangnan.
22 Asin ini nangyaring naglipas na an mga giyera asin pagralaban-laban nagpoon na sa pag-untok, sa sarong kadikit na kamugtakan, sa pag-iriba nin mga katawohan kan mga Nephita, sa huring parte kan ika-kuwarenta asin walong taon nin pagpapamahala nin mga huwes sa mga katawohan nin Nephi.
23 Asin ini nangyaring naglipas sa ika-kuwarenta asin siyam na taon nin pagpapamahala kan mga huwes, igwa nin padagos na katuninongan na na-establisa sa kadagaan, gabos laen lang digde iyo an mga sikretong kumbinasyon na si Gadianton na parahabon an nakapag-establisa sa sarong pinakaligtas na parte nin kadagaan, na sa panahong idto dae pa aram kan mga tawo na yaon sa pamamayo kan gobyerno; kun kaya sinda dae nagkagaradan na mapara sa kadagaan.
24 Asin ini nangyaring naglipas na sa kaparehong taon nagkaigwa nin grabe na gayong pag-asenso sa laog nin simbahan, dahilan tanganing nagkaigwa nin mga rinibo na naki-ayon kan saindang mga sadire sa simbahan asin pinagbunyagan pasiring sa pagsosolsol.
25 Asin grabeng gayo an pag-asenso kan simbahan, asin grabe kadakul an biyaya na pinabulos sa mga katawohan, na maski ngani an mga haralangkaw na mga kapadean asin mga paratukdo nagngaralas na gayo sa saindang mga sadire na mayong sukol.
26 Asin ini nangyaring naglipas na an gibo nin Kagurangnan nag-asenso sagkod sa pagbubunyag asin pagkakasararo sa laog kan simbahan nin Diyos, kadakul na mga kalag, iyo, magin manampulo nin mga rinibo.
27 Kaya satuyang nahihiling na an Kagurangnan pano nin pagkaherak sa gabos ninda, na igwa nin sensiridad sa saindang mga puso, na mag-aapud sa saiyang banal na pangaran.
28 Iyo, kaya satuyang nahihiling na an pintuan nin kalangitan binuksan sa sainda gabos, magin sa sainda na nagtutubod sana sa ngaran ni JesuCristo, na iyo an Ake nin Diyos.
29 Iyo, satuyang nahihiling na an siisay man an nangangaputan sa tataramon nin Diyos, na buhay asin pano nin kapangyarihan, na iyo an magbabaranga sa gabos na katusuhan asin mga lit-ag asin mga padaya kan diyablo, asin mangagda sa mga tawo ni Cristo pasiring sa hayakpit asin pikiting dalan pasiring sa daeng katapusan na gulpo nin kasakitan na pinag-andam para lamonon an mga mararaot.
30 Asin ihulog an saindang mga kalag, iyo, an saindang daeng kagadanan na mga kalag, sa may toong kamot nin Diyos sa kahadean nin langit, na makikitukaw kaiba si Abraham, asin Isaac, asin kaiba si Jacob, asin kaiba an gabos nyatong mga banal na ama, na tanganing dae na nanggad magluwas pa.
31 Asin sa taon na ini nagkaigwa nin danay na kaogmahan sa kadagaan nin Zarahemla, asin sa bilog na rehiyon sa palibot, magin sa bilog na kadagaan na pagsasadire kan mga Nephita.
32 Asin ini nangyaring naglipas na nagkaigwa nin katuninongan asin grabe na gayong kaogmahan sa katadaang parte kan ika-kuwarenta asin siyam na taon; iyo, asin man nagkaigwa nin danay na katuninongan asin dakulang kaogmahan sa ika-singkuwentang taon kan pagpapamahala nin mga huwes.
33 Asin sa ika-singkuwenta asin enot na taon kan pagpapamahala nin mga huwes nagkaigwa man nin katuninongan, laen lang sa kapa-abaw-abawan na nagpoon sa paglaog sa simbahan--- bako sa palaog kan simbahan nin Diyos, pero pasiring sa laog kan mga puso nin mga katawohan na nagpapabantog na kabale sa simbahan nin Diyos---
34 Asin sinda nagpapalangkaw sa kapa-abaw-abawan, magin sagkod sa persekusyon kan kadakul nindang mga katugangan. Ngonian iyo ini an dakulang karaotan, na nagkausa sa kadakul na mapagpakumbabang mga katawohan na magsapo nin dakulang mga persekusyon, asin ta nagtios nin grabeng kasakitan.
35 Daeng pagkukulang sinda nag-aayuno asin nagpapangadye pirme, asin nagkukusog na nagkukusog sa saindang kapakumbabaan, asin patatag nin patatag sa pagtubod ki Cristo, sagkod sa kapanoan kan saindang mga kalag na may kaogmahan asin konsolasyon, iyo, magin sagkod sa paglilinig asin pagpapakabanal kan saindang mga puso, na an pagpapakabanal mapasainda nin huli kan pagdudulot kan saindang mga puso sa Diyos.
36 Asin ini nangyaring naglipas na an ika-singkuwenta asin duwang taon nagtapos man sa katuninongan, laen lang sa grabe na gayong kadakulaan kan kapa-abaw-abawan na nakapalaog sa mga puso nin mga tawo; asin ini nangyari nin huli kan saindang dakulang na gayong mga kayamanan asin kan saindang mga ka-asensohan sa kadagaan; asin ini nanggad nagtatalubo sa sainda gikan sa aro-aldaw.
37 Asin ini nangyaring naglipas na sa ika-singkuwenta asin tulong taon kan pagpapamahala kan mga huwes, si Helaman nagadan, asin an saiyang panganay na akeng lalake na si Nephi nagpoon sa pagpapamahala karibay niya. Asin ini nangyaring naglipas na siya an nagtukaw sa tukawan nin paghuhukom na may hustisya asin pagkapantay-pantay; iyo, siya nagsusunod sa mga kasugoan nin Diyos, asin naglakaw sa mga dalan kan saiyang ama.

Comments: Post a Comment

This page is powered by Blogger. Isn't yours?