An Libro Ni Mormon (An Saro Pang Tipan Ni Jesucristo)

Karumputan asin mga abominasyon naglalala sa pag-iriba nin mga katawohan--- An mga Nephita asin mga Lamanita nagkasararo sa pagdepensa kan saindang mga sadire laban sa mga tulisan ni Gadianton--- An nagbalik-loob na mga Lamanita nagin maputi asin pinag-apud na mga Nephita.

*******

Asin ini nangyaring naglipas na kaya naglipas an ika-nobenta asin limang taon man, an mga katawohan nagpoon nang makalingaw sa mga senyales asin mga kangangalasan na saindang nagkadarangog na, asin nagpoon na nagbabawas na nagbabawas sa pagkangalas sa sarong senyal o sa sarong makangangalas na gikan sa langit, na maski na ngani kaini sinda nagpopoon na magin matagas an saindang mga puso, asin bulag na sa saindang mga isip, asin nagpopoon na mayong pagtubod sa gabos na saindang nagkadarangog asin nagkahiriling na---
2 Pinag-eemahinar an ibang daeng kamugtakan na mga bagay sa saindang mga puso, na ini pinagpangyari kan mga tawo asin sa paagi kan diyablo, tanganiang ipagrayo asin madaya an mga puso nin mga katawohan; asin kaya si Satanas an may kapot giraray kan mga puso nin mga katawohan, na sa arog kaini saiyang pinagbuta an saindang mga mata asin pinangenotan sinda na magrayo sa pagtubod na an doktrina ni Cristo sarosng kahunghangan asin sarong daeng kamugtakan na bagay.
3 Asin ini nangyaring naglipas na an mga katawohan nagin makusog sa karumputan asin mga abominasyon; asin sinda dae nagtutubod na magkakaigwa pa nin dagdag na senyales o mga kangangalasan sa pinagtao na; asin si Satanas nagparalibot, pinagpapaharayo an mga puso kan mga katawohan, pinagterentaran sinda asin pinagkakausa sinda na gumibo nin darakulang karumputan sa kadagaan.
4 Asin kaya naglipas an ika-nobenta asin anom na taon; asin man an ika-nobenta asin pitong taon; asin man an ika-nobenta asin walong taon; asin man an ika-nobenta asin siyam na taon;
5 Asin man an ika-sanggatos na taon naglipas magpoon sa mga aldaw ni Mosiah, na iyo an hade sa mga katawohan nin mga Nephita.
6 Asin anom na gatos asin siyam na taon an naglipas magpoon na si Lehi naghale sa Jerusalem.
7 Asin siyam na taon an naglipas gikan sa panahon kan an senyal pinagtao na, na pinagsasabi-sabi na sa paagi kan mga propeta, na si Cristo maabot sa kinaban.
8 Ngonian an mga Nephita nagpopoon na mag-isip-isip kan saindang panahon magpoon pa sa peryodo kan an senyal ipinagtao, o magpoon sa pag-abot ni Cristo; kun kaya, siyam na taon na an naglipas.
9 Asin si Nephi, na iyo an ama ni Nephi, na iyo an pinagpa-ingat sa mga rekord, dae na nagbalik sa kadagaan nin Zarahemla, asin dae na nanagboan na kun saen na sa bilog na kadagaan.
10 Asin ini nangyaring naglipas na an mga katawohan yaon pa sa karumputan, na maski na ngani sa grabeng pagbabalangibog asin pagpopropesiya na ipinagpadara sa sainda; asin kaya naglipas an ika-sampulong taon man; asin an ika-onseng taon man an naglipas sa kadaendatahan.
11 Asin ini nangyaring naglipas na sa ika-treseng taon nagpopoon na magkaigwang mga giyera asin pagralaban-laban sa palibot kan bilog na kadagaan; nin huli ta an mga tulisan ni Gadianton nagin kadakul an numero, asin nakagadan nin kadakul na mga katawohan, asin pinagbayaan na sayang an grabe kadakul na mga siyudad, asin pinagkalat an grabe kadakul na kagadanan asin kagulmukan sa bilog na palibot nin kadagaan, asin ini nagin kapakinabangan na an gabos na mga katawohan, pareho na an mga Nephita asin mga Lamanita, dapat na magbitbit nin mga armas laban sainda.
12 Kun kaya, an gabos na mga Lamanita na nagbalik-loob na sa Kagurangnan nakipagsaro sa saindang mga katugangan, an mga Nephita, asin nagkapiriritan, para sa kaligtasan kan saindang mga buhay asin kan saindang mga kababaehan asin kan saindang mga kaarakian, na magkarapot na nin mga armas laban sa mga tulisan na Gadianton, iyo, asin man sa pagmantine kan saindang mga karapatan, asin mga pribilihiyo kan saindang simbahan, asin kan saindang pagsasamba, asin kan saindang katalingkasan asin kan saindang libertad.
13 Asin ini nangyaring naglipas na bago pa an ika-treseng taon na maglipas an mga Nephita pinagpatakot na may sayod na kapahamakan nin huli kaining giyera, na nagin malalang gayo.
14 Asin ini nangyaring naglipas na idtong mga Lamanita na nakipagsaro sa mga Nephita ipinagbilang na sa pag-iriba kan mga Nephita;
15 Asin an saindang sumpa pinaghale na sa sainda, asin an saindang kublit nagin puti na arog sa mga Nephtia;
16 Asin an saindang mga hoben na kalalakehan asin an saindang mga kadaragahan nagin mga magagayong gayo, asin sinda pinagbilang na sa pag-iriba kan mga Nephita, asin pinag-apud nang mga Nephita. Asin kaya nagtapos an ika-treseng taon.
17 Asin ini nangyaring naglipas na sa pagpopoon kan ika-katorseng taon, an giyera sa tahaw kan mga tulisan asin mga katawohan nin Nephi nagpadagos asin nagin malalang gayo; daeng pagkukulang, an mga katawohan ni Nephi nakagana nin bentahe sa mga tulisan, na tangani baya na sinda pinagpadurulag pabalik sa saindang mga kadagaan pasiring sa mga kabukidan asin sa saindang mga sikretong lugar.
18 Asin kaya nagtapos an ika-katorseng taon. Asin sa ika-kinseng taon sinda nag-abot kontra sa mga katawohan nin Nephi; asin ta nin huli sa karumputan kan mga katawohan nin Nephi, asin sa kadakul nindang pag-iiriwal-iwal asin pagbarangayan, an mga tulisan na Gadianton nagpanggana nin kadakul na bentahe sa sainda.
19 Asin kaya nagtapos an ika-kinseng taon, asin kaya an mga katawohan yaraon pa sa estado nin kadakul na mga kasakitan; asin an espada nin kapahamakan iyo an nakabingat sa ibabaw ninda, na tangani baya na sinda nabibingatan nang hahampakon sa paagi kaini, asin ini nin huli kan saindang kadaendatahan.